Рүүт 4
4
Рүүт болон Бооһазай гэрлэлгэ
1Бооһаз хотын бартаануудай хажууда ошоод, тэндээ һууба. Харахадань, өөрынь хэлээшэ тэрэ түрэлынь уруудан ябажа байба. Бооһаз тэрээндэ:
— Наашаа хотироод, эндэ һуугыш, — гэбэ. Тэрэ хүн хотиржо ерээд, һууба. 2Бооһаз хотын аха захатанай арбыень суглуулжа асараад:
— Эндэ һуугыт, — гэбэ. Тэдэ һууба. 3Бооһаз тэрэ түрэлдөө иигэжэ хэлэбэ:
— Моһаабай орон нютагһаа бусажа ерэһэн Наомии манай аха дүү болохо Элимээлэхэй нэгэ хэһэг газарые худалдажа байна. 4Би энээн тушаа шамда сэхэ хэлэхэ гэжэ бодооб. Эндэ һуугааша зоной, арадайнгаа аха захатанай урда тэрэниие худалдан аба! Хэрбээ худалдан абаха һаа, аба. Харин үгы һаа, намда хэлэ! Би мэдэхэ һанаатайб. Худалдан абаха эрхэтэй хүн шил болонош. Шинии һүүлээр би болоноб.
Тэрэнь хэлэбэ:
— Би худалдажа абахаб.
5Бооһаз:
— Ши Наомииһээ газар худалдан абаха тэрэ үдэртөө наһа бараашын һамгые, моһааб Рүүт гэгшые, һамга болгон абаха ёһотойш. Иигэжэ тэрэ үхибүү түрэжэ, тэрэ үхибүүн наһа бараашын нэрэ нэрлүүлэн, угайнгаа газар зөөри залгамжалха болоно, — гэбэ. 6Тэрэ түрэлынь:
— Тиигэбэл, би худалдан абажа шадахагүйб. Абаа һаа, өөрын хүүгэдтэ үлөөхэ юушьегүй болохолби. Худалдан абаха эрхэ шамда үгтэнэ — энээниие өөртөө худалдажа аба. Харин би абажа шадахагүйб, — гэбэ.
7Урда сагта Израильда худалдан абаха болон газар һэлгэсэлдэхэ талаар ямар нэгэн хэрэгые баталхадаа иимэ заншал байгаа: нэгэнь шаахайгаа тайлажа, нүгөөдэдөө үгэдэг һэн. Энэ хадаа баталгаанай тэмдэг болодог бэлэй.
8— Ши худалдан аба, — гэжэ тэрэ түрэлынь Бооһазда хэлээд, шаахайгаа тайлаа һэн.
9Бооһаз аха заханарта болон бүхы арад зондо хандан:
— Мүнөөдэр би Наомииһээ Элимээлэх ба Хилеон, Махлооной угай бүхы зөөри худалдан абаһанайм гэршэнэр та бүгэдэ мүн! 10Баһа Махлооной бэлбэһэн эхэнэрые, моһааб Рүүдые, өөрын һамган болгон абанаб. Иигэжэ угайнь зөөридэ наһа бараһан хүнэй нэрэ нэрлүүлэгдэхэ, хотын зоной дундаһаа угынь таһалдан үгы болохогүй. Мүнөөдэр таанар энээнэй гэршэнэр мүн! — гэжэ хэлэбэ. 11Хотын бартаануудай хажууда байгааша бүхы зон болон аха заханар:
— Бидэ гэршэнэр мүн! Шинии гэртэ орожо байгааша эхэнэрые Эзэн Израилиин арад зониие үдэн олошоруулагша Рахээл болон Лэһаадал адли болгохонь болтогой! Эпраатада хүсэ шадалтай, Бэтлэһээмдэ алдартай байгаарай! 12Эзэнэй энэ залуу эхэнэрһээ үгэхэ үри удамаар дамжуулан, шинии гэр бүлэ Иудада Тамаарай түрэгшэ Пээрэцэй гэр бүлэдэл адли болохонь болтогой! — гэлдэбэ.
13Иигэжэ Бооһаз Рүүдые һамга абаа бэлэй. Эзэн тэрээндэ үрэ тогтоон үршөөбэ. Рүүт хүбүү түрэбэ. 14Эхэнэрнүүд Наомиидэ:
— Мүнөө таниие үри һадаһагүй үлөөгөөгүй Эзэндэ магтаал үргэе! Аша хүбүүнэйтнай нэрэ Израильда алдаршахань болтогой! 15Тэрэ ажамидаралыетнай һэргээжэ, үндэр наһандатнай дүнгэжэ байхал. Юуб гэхэдэ, танда дуратай бэритнай тэрэниие түрөө. Бэритнай танда долоон хүбүүдһээ үлүү дээрэл, — гэлдэбэ. 16Наомии үхибүү абажа, үбэр дээрээ хэбтүүлэн харууһалаа бэлэй. 17Хүршэ эхэнэрнүүд тэрээндэ Обээд гэжэ нэрэ үгөөд, «Наомиин хүбүүн» гэжэ нэрлэгшэ һэн. Обээд хадаа Давидай эсэгэ болохо Ишайн эсэгэ юм.
Давид хаанай угай бэшэг
18Пээрэцһээ эхилэн, Давидай угай һарбаалжан гэбэл, энэ: Пээрэцтэ Хэцроон түрөө бэлэй. 19Хэцроондо Раам, Раамда Амминадааб, 20Амминадаабта Нахшоон, Нахшоондо Салмоон, 21Салмоондо Бооһаз, Бооһазда Обээд, 22Обээдтэ Ишай, Ишайда Давид мүндэлэн түрэһэн юм даа.
Currently Selected:
Рүүт 4: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
Рүүт 4
4
Рүүт болон Бооһазай гэрлэлгэ
1Бооһаз хотын бартаануудай хажууда ошоод, тэндээ һууба. Харахадань, өөрынь хэлээшэ тэрэ түрэлынь уруудан ябажа байба. Бооһаз тэрээндэ:
— Наашаа хотироод, эндэ һуугыш, — гэбэ. Тэрэ хүн хотиржо ерээд, һууба. 2Бооһаз хотын аха захатанай арбыень суглуулжа асараад:
— Эндэ һуугыт, — гэбэ. Тэдэ һууба. 3Бооһаз тэрэ түрэлдөө иигэжэ хэлэбэ:
— Моһаабай орон нютагһаа бусажа ерэһэн Наомии манай аха дүү болохо Элимээлэхэй нэгэ хэһэг газарые худалдажа байна. 4Би энээн тушаа шамда сэхэ хэлэхэ гэжэ бодооб. Эндэ һуугааша зоной, арадайнгаа аха захатанай урда тэрэниие худалдан аба! Хэрбээ худалдан абаха һаа, аба. Харин үгы һаа, намда хэлэ! Би мэдэхэ һанаатайб. Худалдан абаха эрхэтэй хүн шил болонош. Шинии һүүлээр би болоноб.
Тэрэнь хэлэбэ:
— Би худалдажа абахаб.
5Бооһаз:
— Ши Наомииһээ газар худалдан абаха тэрэ үдэртөө наһа бараашын һамгые, моһааб Рүүт гэгшые, һамга болгон абаха ёһотойш. Иигэжэ тэрэ үхибүү түрэжэ, тэрэ үхибүүн наһа бараашын нэрэ нэрлүүлэн, угайнгаа газар зөөри залгамжалха болоно, — гэбэ. 6Тэрэ түрэлынь:
— Тиигэбэл, би худалдан абажа шадахагүйб. Абаа һаа, өөрын хүүгэдтэ үлөөхэ юушьегүй болохолби. Худалдан абаха эрхэ шамда үгтэнэ — энээниие өөртөө худалдажа аба. Харин би абажа шадахагүйб, — гэбэ.
7Урда сагта Израильда худалдан абаха болон газар һэлгэсэлдэхэ талаар ямар нэгэн хэрэгые баталхадаа иимэ заншал байгаа: нэгэнь шаахайгаа тайлажа, нүгөөдэдөө үгэдэг һэн. Энэ хадаа баталгаанай тэмдэг болодог бэлэй.
8— Ши худалдан аба, — гэжэ тэрэ түрэлынь Бооһазда хэлээд, шаахайгаа тайлаа һэн.
9Бооһаз аха заханарта болон бүхы арад зондо хандан:
— Мүнөөдэр би Наомииһээ Элимээлэх ба Хилеон, Махлооной угай бүхы зөөри худалдан абаһанайм гэршэнэр та бүгэдэ мүн! 10Баһа Махлооной бэлбэһэн эхэнэрые, моһааб Рүүдые, өөрын һамган болгон абанаб. Иигэжэ угайнь зөөридэ наһа бараһан хүнэй нэрэ нэрлүүлэгдэхэ, хотын зоной дундаһаа угынь таһалдан үгы болохогүй. Мүнөөдэр таанар энээнэй гэршэнэр мүн! — гэжэ хэлэбэ. 11Хотын бартаануудай хажууда байгааша бүхы зон болон аха заханар:
— Бидэ гэршэнэр мүн! Шинии гэртэ орожо байгааша эхэнэрые Эзэн Израилиин арад зониие үдэн олошоруулагша Рахээл болон Лэһаадал адли болгохонь болтогой! Эпраатада хүсэ шадалтай, Бэтлэһээмдэ алдартай байгаарай! 12Эзэнэй энэ залуу эхэнэрһээ үгэхэ үри удамаар дамжуулан, шинии гэр бүлэ Иудада Тамаарай түрэгшэ Пээрэцэй гэр бүлэдэл адли болохонь болтогой! — гэлдэбэ.
13Иигэжэ Бооһаз Рүүдые һамга абаа бэлэй. Эзэн тэрээндэ үрэ тогтоон үршөөбэ. Рүүт хүбүү түрэбэ. 14Эхэнэрнүүд Наомиидэ:
— Мүнөө таниие үри һадаһагүй үлөөгөөгүй Эзэндэ магтаал үргэе! Аша хүбүүнэйтнай нэрэ Израильда алдаршахань болтогой! 15Тэрэ ажамидаралыетнай һэргээжэ, үндэр наһандатнай дүнгэжэ байхал. Юуб гэхэдэ, танда дуратай бэритнай тэрэниие түрөө. Бэритнай танда долоон хүбүүдһээ үлүү дээрэл, — гэлдэбэ. 16Наомии үхибүү абажа, үбэр дээрээ хэбтүүлэн харууһалаа бэлэй. 17Хүршэ эхэнэрнүүд тэрээндэ Обээд гэжэ нэрэ үгөөд, «Наомиин хүбүүн» гэжэ нэрлэгшэ һэн. Обээд хадаа Давидай эсэгэ болохо Ишайн эсэгэ юм.
Давид хаанай угай бэшэг
18Пээрэцһээ эхилэн, Давидай угай һарбаалжан гэбэл, энэ: Пээрэцтэ Хэцроон түрөө бэлэй. 19Хэцроондо Раам, Раамда Амминадааб, 20Амминадаабта Нахшоон, Нахшоондо Салмоон, 21Салмоондо Бооһаз, Бооһазда Обээд, 22Обээдтэ Ишай, Ишайда Давид мүндэлэн түрэһэн юм даа.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.