ESOTO 1
1
Tino Isalaelu ko Fakasauagina i Aikupito
1 #
Kene 46.8-27
A tamaliki ta'gata a Iakopo kola ne olo mo ia ki Aikupito mo olotou kaiga, 2ko Leupena, ko Simeona, ko Levi, mo Iuta, 3ko Isakala, ko Sepulona, ko Peniamina, 4ko Tanu, ko Nafatali, ko Kato mo Asela. 5Te aofaki katoa o latou konei, kola ko te gafa tonu o Iakopo e tusa mo te tinofitu.#1.5: Tasi o fuliga taumuaTino fitu mo tokolima (Onoono ki te Galu 7.14). Tena tama ko Iosefa ko leva loa ne nofo i Aikupito. 6I aso kona, ne mate atu Iosefa, fakatasi mo ona taina katoa pela foki mo te kautama tena, 7#Galu 7.17ka ko olotou fanau ko gasolo eiloa o tokouke kae malosi, tela la, ko se lausia latou i luga i Aikupito.
8 #
Galu 7.18
I te taimi tena, ko sopo ake a te tupu fou o Aikupito tela e seki iloa ne ia a Iosefa. 9Ne fai atu a ia ki tino Aikupito penei, “Tino Isalaelu konei ko oko eiloa i te tokouke kae ma'losi, ko fai latou mo fakalavelave ki a tatou. 10#Galu 7.19Kafai e isi se taua, e iku latou o 'kau ki 'tou fili o taua mai ki a tatou, kae iku foki o tele keatea mai#1.10: 'sao keatea mai io me ke pule ne latou. te fenua. E 'tau mo tatou o 'sala se auala e fakafoliki ei te aofaki o latou.” 11Tela ne 'tofi ei ne tino Aikupito a takitaki o pologa ke pule ia latou kae ke fakafita latou ki galuega 'mafa. Ne fakatu ne tino Isalaelu te fa'kai o Pitoma mo Lamese mo 'teu ei a koloa a te tupu. 12Ka ko te lasi o te fakasauaga o te kau Isalaelu ne tino Aikupito, e pena foki te lasi o te gasolo ake o tino Isalaelu o tokouke kae salalau i luga i Aikupito. Ne ma'taku tino Aikupito i tino Isalaelu, 13-14tela la, ko na atili ake eiloa o fakapuapuaga ne latou a olaga o tino Isalaelu ki galuega 'mafa. Ne fakagalue ne latou i te faitega o olotou fale, e pela foki mo oloto fatoaga, kae seai eiloa se a'lofa o tino Aikupito ki a latou.
15Ne faipati atu a te tupu o Aikupito ki a Sapela mo Pua, te tokolua fafine fakafanau kola e fesoasoani sale ki fafine Epelu penei, 16“Kafai e toe fakafanau ne koulua a fafine Epelu, tamate te tamaliki mafai se tamaliki tagata, kae kafai se tama fafine tuku ke ola.” 17Ka ko te tokolua fafine konei e mataku ki te Atua, tela ne seki fakalogo ei laua ki te fakatonuga a te tupu, kae ne fakasao eiloa ne laua a tamaliki tagata. 18Ne uga atu te fekau a te tupu ki te tokolua fakafanau konei kae fesili atu penei, “Ai a ne seki fakalogo ei koulua ki taku fakatonuga? Ai a ne fakaola ei ne koulua a tama ta'gata?”
19Ne tali mai laua penei, “A fafine Epelu e se 'pau mo fafine Aikupito, ko latou eiloa ko fanau gofie; ka oko atu maua ki te fafine ka ko oti te tamaliki ne to ki tua.” 20-21Ne alofa te Atua ki te tokolua fafine konei me e ma'taku atu ki a ia, tela ne tuku ei ne ia ne fanau ma laua. Ne gasolo ake tino Isalaelu o tokouke kae ma'losi. 22#Galu 7.19Ne fai atu ei te fakatonuga a te tupu o Aikupito ki tino o tena fenua penei, “Puke a tama ta'gata a te kau Epelu kola fatoa fanau o ave katoa o pei ki te vaitafe o te Naila, kae tuku ei a tama fafine ke ola.”
Currently Selected:
ESOTO 1: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
ESOTO 1
1
Tino Isalaelu ko Fakasauagina i Aikupito
1 #
Kene 46.8-27
A tamaliki ta'gata a Iakopo kola ne olo mo ia ki Aikupito mo olotou kaiga, 2ko Leupena, ko Simeona, ko Levi, mo Iuta, 3ko Isakala, ko Sepulona, ko Peniamina, 4ko Tanu, ko Nafatali, ko Kato mo Asela. 5Te aofaki katoa o latou konei, kola ko te gafa tonu o Iakopo e tusa mo te tinofitu.#1.5: Tasi o fuliga taumuaTino fitu mo tokolima (Onoono ki te Galu 7.14). Tena tama ko Iosefa ko leva loa ne nofo i Aikupito. 6I aso kona, ne mate atu Iosefa, fakatasi mo ona taina katoa pela foki mo te kautama tena, 7#Galu 7.17ka ko olotou fanau ko gasolo eiloa o tokouke kae malosi, tela la, ko se lausia latou i luga i Aikupito.
8 #
Galu 7.18
I te taimi tena, ko sopo ake a te tupu fou o Aikupito tela e seki iloa ne ia a Iosefa. 9Ne fai atu a ia ki tino Aikupito penei, “Tino Isalaelu konei ko oko eiloa i te tokouke kae ma'losi, ko fai latou mo fakalavelave ki a tatou. 10#Galu 7.19Kafai e isi se taua, e iku latou o 'kau ki 'tou fili o taua mai ki a tatou, kae iku foki o tele keatea mai#1.10: 'sao keatea mai io me ke pule ne latou. te fenua. E 'tau mo tatou o 'sala se auala e fakafoliki ei te aofaki o latou.” 11Tela ne 'tofi ei ne tino Aikupito a takitaki o pologa ke pule ia latou kae ke fakafita latou ki galuega 'mafa. Ne fakatu ne tino Isalaelu te fa'kai o Pitoma mo Lamese mo 'teu ei a koloa a te tupu. 12Ka ko te lasi o te fakasauaga o te kau Isalaelu ne tino Aikupito, e pena foki te lasi o te gasolo ake o tino Isalaelu o tokouke kae salalau i luga i Aikupito. Ne ma'taku tino Aikupito i tino Isalaelu, 13-14tela la, ko na atili ake eiloa o fakapuapuaga ne latou a olaga o tino Isalaelu ki galuega 'mafa. Ne fakagalue ne latou i te faitega o olotou fale, e pela foki mo oloto fatoaga, kae seai eiloa se a'lofa o tino Aikupito ki a latou.
15Ne faipati atu a te tupu o Aikupito ki a Sapela mo Pua, te tokolua fafine fakafanau kola e fesoasoani sale ki fafine Epelu penei, 16“Kafai e toe fakafanau ne koulua a fafine Epelu, tamate te tamaliki mafai se tamaliki tagata, kae kafai se tama fafine tuku ke ola.” 17Ka ko te tokolua fafine konei e mataku ki te Atua, tela ne seki fakalogo ei laua ki te fakatonuga a te tupu, kae ne fakasao eiloa ne laua a tamaliki tagata. 18Ne uga atu te fekau a te tupu ki te tokolua fakafanau konei kae fesili atu penei, “Ai a ne seki fakalogo ei koulua ki taku fakatonuga? Ai a ne fakaola ei ne koulua a tama ta'gata?”
19Ne tali mai laua penei, “A fafine Epelu e se 'pau mo fafine Aikupito, ko latou eiloa ko fanau gofie; ka oko atu maua ki te fafine ka ko oti te tamaliki ne to ki tua.” 20-21Ne alofa te Atua ki te tokolua fafine konei me e ma'taku atu ki a ia, tela ne tuku ei ne ia ne fanau ma laua. Ne gasolo ake tino Isalaelu o tokouke kae ma'losi. 22#Galu 7.19Ne fai atu ei te fakatonuga a te tupu o Aikupito ki tino o tena fenua penei, “Puke a tama ta'gata a te kau Epelu kola fatoa fanau o ave katoa o pei ki te vaitafe o te Naila, kae tuku ei a tama fafine ke ola.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific