ESOTO 2
2
Te Fanaumaiga o Mose
1I te taimi tenei, e isi se tagata mai i te matakaiga o Levi ne avaga mo te fafine o te matakaiga foki eiloa tena, 2#Galu 7.20; Epe 11.23kae ne maua te la tama, se tamaliki tagata. Ne kilo atu te fafine i te gali o te tamaliki, funa ei ne ia i masina e tolu. 3I te taimi ko se toe mafai ei ne ia o funa te tamaliki, puke ei ne ia a te ato kome, ponopono ne ia ki pulukau ke se 'mama; kae tuku ei ne ia te pepe ki loto, tuku ei ne ia i te vao mouku i kaugutu o te vaitafe. 4Ne tu te tuagaene o te tamaliki tenei mai te koga tai mao kae kilokilo me se a te mea ka tupu ki te tamaliki.
5Ne vau te pulinisese o koukou i te vaitafe, ka ko ana tavini fafine e sasale i kaugutu o te vaitafe. Ne poi te pulinisese i te laveaga ne ia a te ato e tuku i loto i mouku, uga atu ei ne ia a tena tavini fafine e tokotasi ke puke mai a te ato. 6Ne tala ne te pulinisese a te ato tena, lavea ei ne ia te tamaliki tagata e takato i loto. Ne tagi te tamaliki tenei, lagona ei ne te pulinisese a te alofa ki te tamaliki tenei. Muna a ia penei, “A ia nei se tamaliki Epelu.”
7I te taimi foki eiloa tena, ne tu mai ei te tuagane o te tamaliki tenei, kae ne fesili mai ki te pulinisese penei, “E fiafia koe ke fano au o kalaga ki se fafine Epelu ke tausi ne ia te tamaliki tena ma koe?”
8Ne tali atu a te pulinisese, “Ko lei”. Tela, fano ei te tuagane o te pepe tenei o kalaga ki te matua tonu o te pepe. 9Ne fai atu te pulinisese ki te fafine penei, “Puke te tamaliki tenei o tausi ma aku, kae ka togi koe ne au.” Tena ne fano ei te fafine tenei mo te pepe, tausi ei ne ia. 10#Galu 7.21Fakamuli ifo, i te matuaga lei o te tamaliki, ave ei ne ia ki te tamafafine a te tupu, tela ne puke ne ia mo fai tena tama tonu. Ne fai aka ei te pulinisese ki a ia eiloa penei, “Ne avaka ne au a te tamaliki tenei mai te vai, tela ne fakaigoa ei ko Mose.”#2.10: Mose: Te uiga o te igoa tenei faka Epelu “avake ki luga.”
Ko Sola Mose ki Mitiana
11 #
Galu 7.23-28
#
Epe 11.24
I te tamataenega o Mose, ne fano a ia o fakasula atu ki ona tino, te kau Epelu, lavea ei ne ia te nofo pologa o latou. Ne lavea foki ne ia a te tino Aikupito e tokotasi ne tamate ne ia te tagata Epelu. 12Ne kilokilo aka Mose ki ona feitu katoa, seai loa se tino e kilokilo atu ki a ia, i kona foki eiloa, tamate ake ne ia te tino Aikupito tela ne ta ne ia te tagata Isalaelu, kae tanu tena foitino i te one. 13I te sua aso, ne toe fanatu a Mose, lavea ei ne ia te tokolua tino Epelu e taua. Ne fai atu a ia ki te tagata tela e 'se, “Ai a e ta ei ne koe tou taina Epelu?”
14Ne tali atu te tagata Epelu tena penei, “Ko oi te tino ne fai ne ia koe ke pule kae fakamasino i a matou? Ka vau koe o tamate au pela mo te tamatega ne koe te tagata Aikupito tela?” Ne mataku Mose kae mafaufau aka a ia pela me kaati ko iloa faeloa ne tino i te tamatega ne ia te tagata Aikupito. 15-16#Galu 7.29; Epe 11.27I te logoga o te tupu i te mea tela ne fai ne Mose, ne taumafai a ia ko Mose ke tamate, kae ne sola Mose ki Mitiana, seki maua ei a ia ne te tupu. I te aso e tasi, ne sagasaga Mose i tafa o te vaikeli, kae olo atu a tamaliki fafine e tokofitu a Ietelo, te faitaulaga i Mitiana, o asu vai mo fainu a lafu mamoe mo kouti a te olotou tamana. 17Kae e isi ne tino leoleo mamoe ne atuli ne latou a tama fafine konei a Ietelo keatea mai i te vaikeli tena. Ne tu ake Mose o faka'sao a tama fafine kona a Ietelo mai nisi tino leoleo mamoe, asu foki ei ne ia a vai mo fainu olotou manu. 18Ne foki atu tama fafine kona ki te olotou tamana, kae fesili mai te lotou tamana penei, “Ai a ko vave mai ei koutou i te aso nei?”
19Ne tali atu latou penei, “E isi se tagata Aikupito ne fakasao ne ia matou mai tino leoleo mamoe, kae ne asu ne ia motou vai, fainu foki ne ia a omotou manu.”
20Ne fesili mai te lotou tamana penei, “Tefea la te tagata tena? Ai a ne se aumai ei ne koutou? Olo nei o fai ki ei ke vau ke kai tatou.”
21Ne fiafia Mose o nofo i a Ietelo, ne tuku atu foki ne Ietelo tena tama fafine tokotasi ko Sepola ke avaga mo ia. 22Ne fanau mai ne Sepola, se tama tagata. Ne fai ake a Mose ki a ia eiloa, “Au se tino faka-atea i te fenua nei, tela ka fakaigoa ne au a ia ki a Kelesoma.”#2.22: Kesoma: Te uiga o te igoa tenei faka Epelu “se tino o fenua fakaatea.”
23I te tausaga mai tua ifo, ko mate te tupu o Aikupito, ka ko tino Isalaelu koi fakapologa faeloa ne tino Aikupito, tela ne tagi ei latou mo se fesoasoani. Ne oko atu te lotou tagi ki te Atua, 24#Kene 15.13,14tela ne lagona ne ia te lotou fita, masaua ei ne ia tena feagaiga mo Apelaamo, Isaako mo Iakopo. 25Ne lavea ne Ia te 'nofo pologa o tino Isalaelu; ko oko eiloa i tena alofa ki a latou.#2.25: a ia ne amanaia ne ia a latou; tasi o 'fuliga taumua ne fakaasi atu a ia ki a latou.
Currently Selected:
ESOTO 2: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
ESOTO 2
2
Te Fanaumaiga o Mose
1I te taimi tenei, e isi se tagata mai i te matakaiga o Levi ne avaga mo te fafine o te matakaiga foki eiloa tena, 2#Galu 7.20; Epe 11.23kae ne maua te la tama, se tamaliki tagata. Ne kilo atu te fafine i te gali o te tamaliki, funa ei ne ia i masina e tolu. 3I te taimi ko se toe mafai ei ne ia o funa te tamaliki, puke ei ne ia a te ato kome, ponopono ne ia ki pulukau ke se 'mama; kae tuku ei ne ia te pepe ki loto, tuku ei ne ia i te vao mouku i kaugutu o te vaitafe. 4Ne tu te tuagaene o te tamaliki tenei mai te koga tai mao kae kilokilo me se a te mea ka tupu ki te tamaliki.
5Ne vau te pulinisese o koukou i te vaitafe, ka ko ana tavini fafine e sasale i kaugutu o te vaitafe. Ne poi te pulinisese i te laveaga ne ia a te ato e tuku i loto i mouku, uga atu ei ne ia a tena tavini fafine e tokotasi ke puke mai a te ato. 6Ne tala ne te pulinisese a te ato tena, lavea ei ne ia te tamaliki tagata e takato i loto. Ne tagi te tamaliki tenei, lagona ei ne te pulinisese a te alofa ki te tamaliki tenei. Muna a ia penei, “A ia nei se tamaliki Epelu.”
7I te taimi foki eiloa tena, ne tu mai ei te tuagane o te tamaliki tenei, kae ne fesili mai ki te pulinisese penei, “E fiafia koe ke fano au o kalaga ki se fafine Epelu ke tausi ne ia te tamaliki tena ma koe?”
8Ne tali atu a te pulinisese, “Ko lei”. Tela, fano ei te tuagane o te pepe tenei o kalaga ki te matua tonu o te pepe. 9Ne fai atu te pulinisese ki te fafine penei, “Puke te tamaliki tenei o tausi ma aku, kae ka togi koe ne au.” Tena ne fano ei te fafine tenei mo te pepe, tausi ei ne ia. 10#Galu 7.21Fakamuli ifo, i te matuaga lei o te tamaliki, ave ei ne ia ki te tamafafine a te tupu, tela ne puke ne ia mo fai tena tama tonu. Ne fai aka ei te pulinisese ki a ia eiloa penei, “Ne avaka ne au a te tamaliki tenei mai te vai, tela ne fakaigoa ei ko Mose.”#2.10: Mose: Te uiga o te igoa tenei faka Epelu “avake ki luga.”
Ko Sola Mose ki Mitiana
11 #
Galu 7.23-28
#
Epe 11.24
I te tamataenega o Mose, ne fano a ia o fakasula atu ki ona tino, te kau Epelu, lavea ei ne ia te nofo pologa o latou. Ne lavea foki ne ia a te tino Aikupito e tokotasi ne tamate ne ia te tagata Epelu. 12Ne kilokilo aka Mose ki ona feitu katoa, seai loa se tino e kilokilo atu ki a ia, i kona foki eiloa, tamate ake ne ia te tino Aikupito tela ne ta ne ia te tagata Isalaelu, kae tanu tena foitino i te one. 13I te sua aso, ne toe fanatu a Mose, lavea ei ne ia te tokolua tino Epelu e taua. Ne fai atu a ia ki te tagata tela e 'se, “Ai a e ta ei ne koe tou taina Epelu?”
14Ne tali atu te tagata Epelu tena penei, “Ko oi te tino ne fai ne ia koe ke pule kae fakamasino i a matou? Ka vau koe o tamate au pela mo te tamatega ne koe te tagata Aikupito tela?” Ne mataku Mose kae mafaufau aka a ia pela me kaati ko iloa faeloa ne tino i te tamatega ne ia te tagata Aikupito. 15-16#Galu 7.29; Epe 11.27I te logoga o te tupu i te mea tela ne fai ne Mose, ne taumafai a ia ko Mose ke tamate, kae ne sola Mose ki Mitiana, seki maua ei a ia ne te tupu. I te aso e tasi, ne sagasaga Mose i tafa o te vaikeli, kae olo atu a tamaliki fafine e tokofitu a Ietelo, te faitaulaga i Mitiana, o asu vai mo fainu a lafu mamoe mo kouti a te olotou tamana. 17Kae e isi ne tino leoleo mamoe ne atuli ne latou a tama fafine konei a Ietelo keatea mai i te vaikeli tena. Ne tu ake Mose o faka'sao a tama fafine kona a Ietelo mai nisi tino leoleo mamoe, asu foki ei ne ia a vai mo fainu olotou manu. 18Ne foki atu tama fafine kona ki te olotou tamana, kae fesili mai te lotou tamana penei, “Ai a ko vave mai ei koutou i te aso nei?”
19Ne tali atu latou penei, “E isi se tagata Aikupito ne fakasao ne ia matou mai tino leoleo mamoe, kae ne asu ne ia motou vai, fainu foki ne ia a omotou manu.”
20Ne fesili mai te lotou tamana penei, “Tefea la te tagata tena? Ai a ne se aumai ei ne koutou? Olo nei o fai ki ei ke vau ke kai tatou.”
21Ne fiafia Mose o nofo i a Ietelo, ne tuku atu foki ne Ietelo tena tama fafine tokotasi ko Sepola ke avaga mo ia. 22Ne fanau mai ne Sepola, se tama tagata. Ne fai ake a Mose ki a ia eiloa, “Au se tino faka-atea i te fenua nei, tela ka fakaigoa ne au a ia ki a Kelesoma.”#2.22: Kesoma: Te uiga o te igoa tenei faka Epelu “se tino o fenua fakaatea.”
23I te tausaga mai tua ifo, ko mate te tupu o Aikupito, ka ko tino Isalaelu koi fakapologa faeloa ne tino Aikupito, tela ne tagi ei latou mo se fesoasoani. Ne oko atu te lotou tagi ki te Atua, 24#Kene 15.13,14tela ne lagona ne ia te lotou fita, masaua ei ne ia tena feagaiga mo Apelaamo, Isaako mo Iakopo. 25Ne lavea ne Ia te 'nofo pologa o tino Isalaelu; ko oko eiloa i tena alofa ki a latou.#2.25: a ia ne amanaia ne ia a latou; tasi o 'fuliga taumua ne fakaasi atu a ia ki a latou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific