Yohane 18
18
Bayikata Yesu
(Mat. 26.47-56; Mk. 14.43-50; Luk. 22.47-53)
1Ulo ashilile ukulomba nku, Yesu alifuminepo pamo nabakusambila bakwe, nokuya kubushilya yanika ya Kidiloni.#18.1 Kubushilya yanika ya Kidiloni: Akale kwali kanika akali kupita pakati ka Yelusalemu nolupili lwa Maolife. Kalikuba namenshi panshita yamfula. Panshita njino tamupo amenshi. Kwaliko nebala, uko Yesu ayile pamo nabakusambila bakwe. 2Yuda, uwamwembwile Yesu, naye alishibile nchilya chifulo pakuti Yesu alikuyako libili-libili nabakusambila bakwe. 3Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako. 4Pantu Yesu alishibile kabela ifikoyisa kumuchitikila, alibakumenye, abafumba ati, “Ninani mukofwaya?”
5Nabo balimwasukile bati, “Ni Yesu waku Nasaleti.”
Yesu abebele ati, “Nine.”
Yuda uwamwembwile Yesu, naye alimakene pamo nabo. 6Ulo Yesu abebele ati, “Nine,” balibwelele chimfutanuma, nokuwa panshi. 7Nakambi Yesu alibafumbile inshita yachibili ati, “Ninani mukofwaya?”
Nabo bayasukile ati, “Ni Yesu waku Nasaleti.”
8Yesu alibasukile ati, “Ndimubushishe kale ukuti nine. Nga mukomfwaya, balekeni mba ndinabo balokuya.” ( 9Nchi chachitikile ukuti Amalembo afikilishiwe ayo asosele ukuti, “Nshaposelepo nangu umo uwaku bo mwampele.”)#Yoh. 6.39; 17.12
10Simoni Petulo uwali nomwele, aliusolomwene nokukwempula ukutwi kwamulyo ukwamupyungi wakwa chipupila mukulu. Ishina lyamupyungi ngulya ali ni Malichusi. 11Elo Yesu akalipile Petulo ati, “Bwelesha umwele muchitubyu. Napo ndeke ukunwenako kulukombo lwamachushi ulo Bata bampela?”
Batwala Yesu kuli Anasi
12Elo abashilikali baba Loma, umukulu wankondo nabamalonda abatuminwe nabakulu balimwikete Yesu nokumukaka. 13Pakwamba bamutwite kuli Anasi, wishi-fyala wakwa Kayafasi, uwali chipupila mukulu muli ngulya mwaka. 14Kayafasi ngu ewaebele abanakwe ukuti chali ichawama ukuti umuntu umo afwile abenji.#Yoh. 11.49-50
Petulo akana Yesu
(Mat. 26.69-70; Mk. 14.66-68; Luk. 22.55-57)
15Simoni Petulo pamo nowakusambila umbi, bakonkele Yesu uko bamutwite. Uyo umbi uwakusambila alishibikilwe kuli chipupila mukulu. Echo ayinjilile pamo na Yesu mulupango lwananda yakwa chipupila mukulu. 16Nomba Petulo alimakene pamulyango panse. Elo uwakusambila umbi uwayishibikilwe kuli chipupila mukulu, alifumine panse nokupapatila umwanansungu uwalikulinda pamulyango ukuti amwinjishe Petulo mukati. Elo amusuminishe. 17Umwanansungu ngulya, uwali pamulyango asosele na Petulo ati, “Napo webo taulipo umo uwa bakusambila baku ngu muntu?”
Petulo asosele ati, “Tenepo.”
18Ababomfi nabashilikali bakoseshe umulilo wamafyanga nokonta pakuba kwali impepo. Petulo naye ali nabo pamo.
Chipupila mukulu afumba Yesu
(Mat. 26.59-66; Mk. 14.55-64; Luk. 22.66-71)
19Ulo bali kunanda uko, chipupila mukulu alifumbile Yesu pamulandu wabakusambila bakwe, napamulandu wafyakusambisha kwakwe. 20Yesu alimwasukile ati, “Nalikusosa apabuta kubantu. Nalikusambisha lonse mumananda akulombelamo Lesa namunanda yaku Lesa uko balongana Abayuda bonse. Nshalikusosapo akantu mubumfinshi iyowo. 21Mba findo ukomfumbila? Fumba abantu abaumfwile ifyo nalikusambisha. Ebeshibile ifyo nasosele.”
22Ulo ashilile akusosa mfi, umo uwabashilikali uwayimakenepo, apamine Yesu ulupi pamenso nokuti, “Kanshi efyo ukoyasuka chipupila mukulu?”
23Yesu alyasukile ati, “Nga nasosapo ububi, shininkisha ububi bwanji. Nomba nga nasosa bwino, nindo ukompamina?”
24Elo Anasi atumine Yesu uwakakilwe kuli Kayafasi, chipupila mukulu.
Petulo akana Yesu nakambi
(Mat. 26.71-75; Mk. 14.69-72; Luk. 22.58-62)
25Ulo Simoni Petulo ayimakene akoonta umulilo, bambi balimufumbile ati, “Napo tewepo umo uwabakusambila bakwe?”
Nomba alikene nokuti, “Tenepo iyowo.”
26Umo uwababomfi bakwa chipupila mukulu, eye uwamukowa waku ngulya uwo Petulo akwempwile ukutwi, amufumbile ati, “Napo nshakubwenepo webo mwibala pamo na Yesu?”
27Nakambi Petulo alikene. Bwangu-bwangu tambala alililile.
Batwala Yesu kuli Pilato
(Mat. 27.1-2,11-14; Mk. 15.1-5; Luk. 23.1-5)
28Ulo bwachele batwite Yesu ukufuma kunanda kuli Kayafasi nokumutwala kuli Pilato, kateka wabena Loma. Elo abakulu nabo balikutina ukwinjilamo munanda yabupingushi pantu balikutina ukuyikowesha icho balimupepi nokulya Chakulya Chakuchilila.#Mil. 10.28; 11.2 29Epo Pilato afumine panse nokubafumba ati, “Mba mulandu ndo mukopela ngu muntu?”
30Nabo balimwasukile ati, “Nga tachitilepo umulandu uubi, nga tatumuletelepo kuli mwe.”
31Elo Pilato asosele kuli bo ati, “Mupinteni mwe bene muye mumupingule ukukonka amafunde enu.”
Abayuda baasukile ati, “Tatwapelwapo ifiso fyakupingula umulandu wakwipaya umuntu mumafunde esu.” ( 32Nchi chachitikile ukuti amashiwi aku Yesu afikilishiwe awo asosele nokulanga imfwa iyo aali nokufwilamo.)#Yoh. 12.32,33
33Pilato alinjile nakambi munanda yamilandu nokwita Yesu. Elo amufumbile ati, “Napo webo niwe Imfumu ya Bayuda?”
34Yesu amwasukile ati, “Napo niwe we mwine ukofumba mfi nangula bambi bakokubusha?”
35Pilato alyasukile ati, “Napo nebo ndi Muyuda munobe? Abantu bamushobo obe nentungulushi shabachipupila eshakuletele kuli nebo. Chindo wachita?”
36Yesu alyasukile ati, “Ubufumu bwanji tabuli bwamuli nchino chalo. Abuba bwapanonshi, abalumbwana banji nga balimine mukulwa pakuti nintwalwa kubakulu ba Bayuda. Nomba ubufumu bwanji tabuli bwapanonshi iyowo.”
37Elo Pilato amufumbile ati, “Kanshi webo uli mfumu?”
Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”
38Pilato afumbile Yesu ati, “Nga ukwebesha uko ukososa chindo?”
Yesu apingwilwa ukufwa
(Mat. 27.15-31; Mk. 15.6-20; Luk. 23.13-25)
Ulo ashilile ukusosa amashiwi nga, afumine panse nokweba abakulu ba Bayuda ati, “Muli ngu muntu nshisangilemo mulandu iyowo. 39Mwalikwata kafuto kakuti mukakwile umufungwa umo panshita yakulya Chakulya Chakuchilila. Kanshi mukofwaya ukuti mukakwile ngu imfumu ya Bayuda?”
40Elo abantu babilikishe ati, “Tukakwileni Balabasi, kuntu tengu iyowo!” (Balabasi ngu ali chipondo.)
Currently Selected:
Yohane 18: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Yohane 18
18
Bayikata Yesu
(Mat. 26.47-56; Mk. 14.43-50; Luk. 22.47-53)
1Ulo ashilile ukulomba nku, Yesu alifuminepo pamo nabakusambila bakwe, nokuya kubushilya yanika ya Kidiloni.#18.1 Kubushilya yanika ya Kidiloni: Akale kwali kanika akali kupita pakati ka Yelusalemu nolupili lwa Maolife. Kalikuba namenshi panshita yamfula. Panshita njino tamupo amenshi. Kwaliko nebala, uko Yesu ayile pamo nabakusambila bakwe. 2Yuda, uwamwembwile Yesu, naye alishibile nchilya chifulo pakuti Yesu alikuyako libili-libili nabakusambila bakwe. 3Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako. 4Pantu Yesu alishibile kabela ifikoyisa kumuchitikila, alibakumenye, abafumba ati, “Ninani mukofwaya?”
5Nabo balimwasukile bati, “Ni Yesu waku Nasaleti.”
Yesu abebele ati, “Nine.”
Yuda uwamwembwile Yesu, naye alimakene pamo nabo. 6Ulo Yesu abebele ati, “Nine,” balibwelele chimfutanuma, nokuwa panshi. 7Nakambi Yesu alibafumbile inshita yachibili ati, “Ninani mukofwaya?”
Nabo bayasukile ati, “Ni Yesu waku Nasaleti.”
8Yesu alibasukile ati, “Ndimubushishe kale ukuti nine. Nga mukomfwaya, balekeni mba ndinabo balokuya.” ( 9Nchi chachitikile ukuti Amalembo afikilishiwe ayo asosele ukuti, “Nshaposelepo nangu umo uwaku bo mwampele.”)#Yoh. 6.39; 17.12
10Simoni Petulo uwali nomwele, aliusolomwene nokukwempula ukutwi kwamulyo ukwamupyungi wakwa chipupila mukulu. Ishina lyamupyungi ngulya ali ni Malichusi. 11Elo Yesu akalipile Petulo ati, “Bwelesha umwele muchitubyu. Napo ndeke ukunwenako kulukombo lwamachushi ulo Bata bampela?”
Batwala Yesu kuli Anasi
12Elo abashilikali baba Loma, umukulu wankondo nabamalonda abatuminwe nabakulu balimwikete Yesu nokumukaka. 13Pakwamba bamutwite kuli Anasi, wishi-fyala wakwa Kayafasi, uwali chipupila mukulu muli ngulya mwaka. 14Kayafasi ngu ewaebele abanakwe ukuti chali ichawama ukuti umuntu umo afwile abenji.#Yoh. 11.49-50
Petulo akana Yesu
(Mat. 26.69-70; Mk. 14.66-68; Luk. 22.55-57)
15Simoni Petulo pamo nowakusambila umbi, bakonkele Yesu uko bamutwite. Uyo umbi uwakusambila alishibikilwe kuli chipupila mukulu. Echo ayinjilile pamo na Yesu mulupango lwananda yakwa chipupila mukulu. 16Nomba Petulo alimakene pamulyango panse. Elo uwakusambila umbi uwayishibikilwe kuli chipupila mukulu, alifumine panse nokupapatila umwanansungu uwalikulinda pamulyango ukuti amwinjishe Petulo mukati. Elo amusuminishe. 17Umwanansungu ngulya, uwali pamulyango asosele na Petulo ati, “Napo webo taulipo umo uwa bakusambila baku ngu muntu?”
Petulo asosele ati, “Tenepo.”
18Ababomfi nabashilikali bakoseshe umulilo wamafyanga nokonta pakuba kwali impepo. Petulo naye ali nabo pamo.
Chipupila mukulu afumba Yesu
(Mat. 26.59-66; Mk. 14.55-64; Luk. 22.66-71)
19Ulo bali kunanda uko, chipupila mukulu alifumbile Yesu pamulandu wabakusambila bakwe, napamulandu wafyakusambisha kwakwe. 20Yesu alimwasukile ati, “Nalikusosa apabuta kubantu. Nalikusambisha lonse mumananda akulombelamo Lesa namunanda yaku Lesa uko balongana Abayuda bonse. Nshalikusosapo akantu mubumfinshi iyowo. 21Mba findo ukomfumbila? Fumba abantu abaumfwile ifyo nalikusambisha. Ebeshibile ifyo nasosele.”
22Ulo ashilile akusosa mfi, umo uwabashilikali uwayimakenepo, apamine Yesu ulupi pamenso nokuti, “Kanshi efyo ukoyasuka chipupila mukulu?”
23Yesu alyasukile ati, “Nga nasosapo ububi, shininkisha ububi bwanji. Nomba nga nasosa bwino, nindo ukompamina?”
24Elo Anasi atumine Yesu uwakakilwe kuli Kayafasi, chipupila mukulu.
Petulo akana Yesu nakambi
(Mat. 26.71-75; Mk. 14.69-72; Luk. 22.58-62)
25Ulo Simoni Petulo ayimakene akoonta umulilo, bambi balimufumbile ati, “Napo tewepo umo uwabakusambila bakwe?”
Nomba alikene nokuti, “Tenepo iyowo.”
26Umo uwababomfi bakwa chipupila mukulu, eye uwamukowa waku ngulya uwo Petulo akwempwile ukutwi, amufumbile ati, “Napo nshakubwenepo webo mwibala pamo na Yesu?”
27Nakambi Petulo alikene. Bwangu-bwangu tambala alililile.
Batwala Yesu kuli Pilato
(Mat. 27.1-2,11-14; Mk. 15.1-5; Luk. 23.1-5)
28Ulo bwachele batwite Yesu ukufuma kunanda kuli Kayafasi nokumutwala kuli Pilato, kateka wabena Loma. Elo abakulu nabo balikutina ukwinjilamo munanda yabupingushi pantu balikutina ukuyikowesha icho balimupepi nokulya Chakulya Chakuchilila.#Mil. 10.28; 11.2 29Epo Pilato afumine panse nokubafumba ati, “Mba mulandu ndo mukopela ngu muntu?”
30Nabo balimwasukile ati, “Nga tachitilepo umulandu uubi, nga tatumuletelepo kuli mwe.”
31Elo Pilato asosele kuli bo ati, “Mupinteni mwe bene muye mumupingule ukukonka amafunde enu.”
Abayuda baasukile ati, “Tatwapelwapo ifiso fyakupingula umulandu wakwipaya umuntu mumafunde esu.” ( 32Nchi chachitikile ukuti amashiwi aku Yesu afikilishiwe awo asosele nokulanga imfwa iyo aali nokufwilamo.)#Yoh. 12.32,33
33Pilato alinjile nakambi munanda yamilandu nokwita Yesu. Elo amufumbile ati, “Napo webo niwe Imfumu ya Bayuda?”
34Yesu amwasukile ati, “Napo niwe we mwine ukofumba mfi nangula bambi bakokubusha?”
35Pilato alyasukile ati, “Napo nebo ndi Muyuda munobe? Abantu bamushobo obe nentungulushi shabachipupila eshakuletele kuli nebo. Chindo wachita?”
36Yesu alyasukile ati, “Ubufumu bwanji tabuli bwamuli nchino chalo. Abuba bwapanonshi, abalumbwana banji nga balimine mukulwa pakuti nintwalwa kubakulu ba Bayuda. Nomba ubufumu bwanji tabuli bwapanonshi iyowo.”
37Elo Pilato amufumbile ati, “Kanshi webo uli mfumu?”
Yesu alyasukile ati, “Ulilungikile pakusosa ati ndi mfumu. Nipali ngu mulandu nayishile pano chalo nakambi echo nafyalilwe ukuti njise nondolole ifyakwebesha. Elo umuntu onse uwayishiba ifyakwebesha, alomfwa ifyanji.”
38Pilato afumbile Yesu ati, “Nga ukwebesha uko ukososa chindo?”
Yesu apingwilwa ukufwa
(Mat. 27.15-31; Mk. 15.6-20; Luk. 23.13-25)
Ulo ashilile ukusosa amashiwi nga, afumine panse nokweba abakulu ba Bayuda ati, “Muli ngu muntu nshisangilemo mulandu iyowo. 39Mwalikwata kafuto kakuti mukakwile umufungwa umo panshita yakulya Chakulya Chakuchilila. Kanshi mukofwaya ukuti mukakwile ngu imfumu ya Bayuda?”
40Elo abantu babilikishe ati, “Tukakwileni Balabasi, kuntu tengu iyowo!” (Balabasi ngu ali chipondo.)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.