Yohane 19
19
1Penkapo Pilato asosele kubantu ukumufumya Yesu nokumukupula. 2Abashilikali nabo balukile ing’ana yaminga nokumufwika kumutwi, nakambi bamufwika nomwinjila uwafituluka. 3Balishile kuli Yesu nokuti, “Mutendepo Kankomba, we Mfumu ya Bayuda!” Elo balimupamine namapi.
4Pilato alifumine panse nokuti ku Bayuda, “Boneni namuleta panse pali mwebo, mwishibe ukuti nshisangilemo mulandu muli ngu muntu nangu panini.” 5Elo Yesu alifumine panse alifwite ing’ana yaminga nelaya ilyafituluka. Pilato asosele kuli bo ati, “Ningu umuntu ngulya!”
6Ulo intungulushi shabachipupila nabashilikali bamubwene Yesu, balibilikishe bati, “Musamikeni! Musamikeni!”
Elo Pilato asosele ati, “Mupinteni mwebene mumusamike pantu nebo tanshisangilemo umulandu muli Ye.”
7Abayuda balyasukile bati, “Tuli nalyo ifunde lyesu ilikoti akowamina ukufwa, pakuti akoeba ukuti ni Mwana Lesa.”
8Ulo Pilato aumfwa nga mashiwi, alitinine ukwinekantu. 9Echo alinjile nakambi munanda yabupingushi nokusosa kuli Yesu ati, “Nikwisa wafuma?”
Nomba Yesu tamwasukilepo iyowo. 10Elo Pilato asosele kuli Yesu ati, “Nindo utakoyasukilapo? Taukoyishibapo ukuti ndi nensambu ishakukukakula neshakukusamika.”
11Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”
12Pakumfwa mfi, Pilato afwayile ukumukakula, kuntu Bayuda balyawile bati, “Nga ukomukakula ngu muntu, ekwebati taulipo chibusa wakwa kateka mukulu waku Loma. Onse umuntu ukoyipela ubufumu, emulwani wakwa kateka mukulu waku Loma.”
13Pilato pakumfwa nga mashiwi, alimuletele panse Yesu, ayikele pachipuna chabupingushi, kuchifulo ichikoyitwa, “Ulubansa Lwamabwe.” (Muchihebele bati, “Gabata.”) 14Kali kasuba kakuteyanya inshiku nkulu ya Chakulya Chakuchilila, nakambi akasuba kali pakati kamutwi. Pilato asosele ku Bayuda ati, “Boneni ngu Imfumu yenu!”
15Bonse balyawile bati, “Afwe, afwe! Musamikeni pamutashi!”
Pilato abeba ati, “Kanshi kuti nasamika Imfumu yenu?”
Intungulushi shabachipupila shalyasukile ati, “Tatukwetepo imfumu imbi, kuntu kateka mukulu waku Loma epela.”
16Elo Pilato abapele Yesu ukuti bakamusamike abene.
Basamika Yesu pamutashi
(Mat. 27.32-44; Mk. 15.21-32; Luk. 23.26-43)
Abashilikali bayikete Yesu nokumutanjisha. 17Elo ayipintila nomutashi wakwe, nokuya kuchifulo ichitwa, “Fupa Lyamutwi.” (Muchihebele bati, “Gologota.”) 18Nkulya eko bamusamikile pamo nabambi abalalume babili, umo kumulyo umunakwe naye kuchipiko, Yesu ena pakati. 19Pilato alilembelepo ichishibilo nokuchibika pamutashi waku Yesu. Palembelwe ati, “Yesu waku Nasaleti, Imfumu ya Bayuda.” 20Abayuda abenji balipendelepo pali nchi chishibilo pantu apo Yesu asamikilwe pali apepi napamushi. Chalilembelwe mumishobo itatu, Muchihebele, Muchilatini na Muchigiliki. 21Epo intungulushi shabachipupila shasoseshe Pilato ati, “Mwilembapo ati, ‘Imfumu ya Bayuda,’ kuntu lembenipo ati, ‘Ngu muntu alikuyeba ati, Nine Mfumu ya Bayuda!’”
22Pilato abasukile ati, “Icho nembele ndilembele.”
23Ulo abashilikali bashilile ukusamika Yesu pamutashi, babulile ifyakufwala fyakwe, balifipatwile pane, ukuti mushilikali abulepo ichiputulwa chimo. Elo babulile nomwinjila wakwe uutakwetepo mufukililo wali uwapikulwa ukufuma pamulu nokufika panshi. 24Elo abashilikali balisoshenye umo nomunakwe bati, “Mwilepulapo, kuntu tuchite bumwine-mano ukwebati twishibe uwakupoka ninani.” Nchi chalichitikile ukuti Amalembo afikilishiwe akoti,
“Balyabene ifyakufwala fyanji,
nokuchita bumwine-mano pamwinjila wanji.”
Efyo bachitile abashilikali.
25Nomba apepi nomutashi waku Yesu, payimakene banyina nenkashi inabo, ebo Maliya muka Kulopasi na Maliya Magadala. 26Ulo Yesu abwene banyina nowakusambila uwo atemenwe balimakene, asosele kuli banyina ati, “We mwanakashi, bona umwana obe ngu!”
27Elo asosele kuwakusambila ati, “Bona banoko mba!” Ukufuma njilya nshita uwakusambila ngu atwite banyina Yesu kumushi wakwe.
Imfwa yaku Yesu
(Mat. 27.45-56; Mk. 15.33-41; Luk. 23.44-49)
28Panuma ya mfi, Yesu alishibile ukuti fintu fyonse fyapwa, asosele ati, “Ndi nechilaka.” (Asosele mfi ukuti Amalembo afikilishiwe.)
29Pali nenongo iyayiwilemo waini uwasasa. Emo babikile umwepu, batunga kwitete, bamutambika kumulomo ukuti anwe. 30Ulo Yesu anwene waini asosele ati, “Kwashila.” Elo ayinamikile umutwi wakwe nokufwa.
Balasa Yesu umukondo mulubafu
31Elo Abayuda balombele Pilato ukuti abasuminishe ukuya kukonaula amolu#19.31 kukonaula amolu: Abena Loma balikukonaula amolu yabantu abalikusamikwa pamutashi ukwebati bafwe bwangu. abantu abasamikilwe nokusamuna ifitumbi fyabo. Icho balombele mfi pantu kali kasuba akakupekanye Sabata. Pakuba tachalingilepo ukuti ifitumbi fikale pamutashi#19.31 tachalingile ukuti ifitumbi fikale pamutashi: Boneni pali Deut. 21.22-23. pe Sabata, pakuti nkalya kasuba kali akakulu. 32Echo balishile abashilikali, bakonwene amolu aku ngulya uwakwamba, naumbi uwasamikilwe pamo nakwe. 33Nomba ulo bayishile kuli Yesu, basangile ukuti alifwile kale. Echo tabakonwenepo amolu akwe. 34Nomba umushilikali umo amulashile muchitumba kumukondo. Penkapo umulopa waliswile namenshi. 35Umuntu uwabwene ifintu mfi ewapele bukamboni. Elo bumboni bwakwe bwakwebesha. Alishibile ukuti ukusosa kwakwe kwachine ukuti namwebo muchetekele. 36Mfi fyalichitikilwe ukuti Amalembo afikilishiwe aakuti, “Talyayise kutobekapo ifupa lyakwe nangu limo iyowo.”#Ukuf. 12.46; Imp. 9.12 37Nakambi Amalembo ambi asosa ati, “Bakoyisa kumulolesha uwo balashile.”#Sek. 12.10
Ukushikwa kwaku Yesu
(Mat. 27.57-61; Mk. 15.42-47; Luk. 23.50-56)
38Panuma yamfi, Yosefe waku Alimateya afumbile Pilato ukwebati amusuminishe ukubula ichitumbi chaku Yesu. (Yosefe ngu ali wakusambila waku Yesu, nomba mubumfishi pantu alikutina abakulu ba Bayuda.) Elo Pilato alimusuminishe. Ayile nokupinta ichitumbi chaku Yesu. 39Elo Nikodemasi, ngulya uwayishile pakubala kuli Yesu ubushiku, aletele amafuta aapusene-pusene, aanunkila nangula umwanda umo mukulema kwaako.#Yoh. 3.1,2 40Elo babulile ichitumbi chaku Yesu nokuchisuba amafuta. Bachipombele munsalu ishambafuta ukubati akafuto ka Bayuda pakushika umuntu uwafwa. 41Kuchifulo uko Yesu asamikilwe, kwali ibala. Namwibala mulya mwali imanda iyabwangu umo tabashikilemo umuntu nakale. 42Pamulandu wakuti imanda nji yali apepi, nakambi kali kasuba kakuyiteyanya ake Sabata, babulile ichitumbi chaku Yesu nokuchishika mumanda.
Currently Selected:
Yohane 19: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Yohane 19
19
1Penkapo Pilato asosele kubantu ukumufumya Yesu nokumukupula. 2Abashilikali nabo balukile ing’ana yaminga nokumufwika kumutwi, nakambi bamufwika nomwinjila uwafituluka. 3Balishile kuli Yesu nokuti, “Mutendepo Kankomba, we Mfumu ya Bayuda!” Elo balimupamine namapi.
4Pilato alifumine panse nokuti ku Bayuda, “Boneni namuleta panse pali mwebo, mwishibe ukuti nshisangilemo mulandu muli ngu muntu nangu panini.” 5Elo Yesu alifumine panse alifwite ing’ana yaminga nelaya ilyafituluka. Pilato asosele kuli bo ati, “Ningu umuntu ngulya!”
6Ulo intungulushi shabachipupila nabashilikali bamubwene Yesu, balibilikishe bati, “Musamikeni! Musamikeni!”
Elo Pilato asosele ati, “Mupinteni mwebene mumusamike pantu nebo tanshisangilemo umulandu muli Ye.”
7Abayuda balyasukile bati, “Tuli nalyo ifunde lyesu ilikoti akowamina ukufwa, pakuti akoeba ukuti ni Mwana Lesa.”
8Ulo Pilato aumfwa nga mashiwi, alitinine ukwinekantu. 9Echo alinjile nakambi munanda yabupingushi nokusosa kuli Yesu ati, “Nikwisa wafuma?”
Nomba Yesu tamwasukilepo iyowo. 10Elo Pilato asosele kuli Yesu ati, “Nindo utakoyasukilapo? Taukoyishibapo ukuti ndi nensambu ishakukukakula neshakukusamika.”
11Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”
12Pakumfwa mfi, Pilato afwayile ukumukakula, kuntu Bayuda balyawile bati, “Nga ukomukakula ngu muntu, ekwebati taulipo chibusa wakwa kateka mukulu waku Loma. Onse umuntu ukoyipela ubufumu, emulwani wakwa kateka mukulu waku Loma.”
13Pilato pakumfwa nga mashiwi, alimuletele panse Yesu, ayikele pachipuna chabupingushi, kuchifulo ichikoyitwa, “Ulubansa Lwamabwe.” (Muchihebele bati, “Gabata.”) 14Kali kasuba kakuteyanya inshiku nkulu ya Chakulya Chakuchilila, nakambi akasuba kali pakati kamutwi. Pilato asosele ku Bayuda ati, “Boneni ngu Imfumu yenu!”
15Bonse balyawile bati, “Afwe, afwe! Musamikeni pamutashi!”
Pilato abeba ati, “Kanshi kuti nasamika Imfumu yenu?”
Intungulushi shabachipupila shalyasukile ati, “Tatukwetepo imfumu imbi, kuntu kateka mukulu waku Loma epela.”
16Elo Pilato abapele Yesu ukuti bakamusamike abene.
Basamika Yesu pamutashi
(Mat. 27.32-44; Mk. 15.21-32; Luk. 23.26-43)
Abashilikali bayikete Yesu nokumutanjisha. 17Elo ayipintila nomutashi wakwe, nokuya kuchifulo ichitwa, “Fupa Lyamutwi.” (Muchihebele bati, “Gologota.”) 18Nkulya eko bamusamikile pamo nabambi abalalume babili, umo kumulyo umunakwe naye kuchipiko, Yesu ena pakati. 19Pilato alilembelepo ichishibilo nokuchibika pamutashi waku Yesu. Palembelwe ati, “Yesu waku Nasaleti, Imfumu ya Bayuda.” 20Abayuda abenji balipendelepo pali nchi chishibilo pantu apo Yesu asamikilwe pali apepi napamushi. Chalilembelwe mumishobo itatu, Muchihebele, Muchilatini na Muchigiliki. 21Epo intungulushi shabachipupila shasoseshe Pilato ati, “Mwilembapo ati, ‘Imfumu ya Bayuda,’ kuntu lembenipo ati, ‘Ngu muntu alikuyeba ati, Nine Mfumu ya Bayuda!’”
22Pilato abasukile ati, “Icho nembele ndilembele.”
23Ulo abashilikali bashilile ukusamika Yesu pamutashi, babulile ifyakufwala fyakwe, balifipatwile pane, ukuti mushilikali abulepo ichiputulwa chimo. Elo babulile nomwinjila wakwe uutakwetepo mufukililo wali uwapikulwa ukufuma pamulu nokufika panshi. 24Elo abashilikali balisoshenye umo nomunakwe bati, “Mwilepulapo, kuntu tuchite bumwine-mano ukwebati twishibe uwakupoka ninani.” Nchi chalichitikile ukuti Amalembo afikilishiwe akoti,
“Balyabene ifyakufwala fyanji,
nokuchita bumwine-mano pamwinjila wanji.”
Efyo bachitile abashilikali.
25Nomba apepi nomutashi waku Yesu, payimakene banyina nenkashi inabo, ebo Maliya muka Kulopasi na Maliya Magadala. 26Ulo Yesu abwene banyina nowakusambila uwo atemenwe balimakene, asosele kuli banyina ati, “We mwanakashi, bona umwana obe ngu!”
27Elo asosele kuwakusambila ati, “Bona banoko mba!” Ukufuma njilya nshita uwakusambila ngu atwite banyina Yesu kumushi wakwe.
Imfwa yaku Yesu
(Mat. 27.45-56; Mk. 15.33-41; Luk. 23.44-49)
28Panuma ya mfi, Yesu alishibile ukuti fintu fyonse fyapwa, asosele ati, “Ndi nechilaka.” (Asosele mfi ukuti Amalembo afikilishiwe.)
29Pali nenongo iyayiwilemo waini uwasasa. Emo babikile umwepu, batunga kwitete, bamutambika kumulomo ukuti anwe. 30Ulo Yesu anwene waini asosele ati, “Kwashila.” Elo ayinamikile umutwi wakwe nokufwa.
Balasa Yesu umukondo mulubafu
31Elo Abayuda balombele Pilato ukuti abasuminishe ukuya kukonaula amolu#19.31 kukonaula amolu: Abena Loma balikukonaula amolu yabantu abalikusamikwa pamutashi ukwebati bafwe bwangu. abantu abasamikilwe nokusamuna ifitumbi fyabo. Icho balombele mfi pantu kali kasuba akakupekanye Sabata. Pakuba tachalingilepo ukuti ifitumbi fikale pamutashi#19.31 tachalingile ukuti ifitumbi fikale pamutashi: Boneni pali Deut. 21.22-23. pe Sabata, pakuti nkalya kasuba kali akakulu. 32Echo balishile abashilikali, bakonwene amolu aku ngulya uwakwamba, naumbi uwasamikilwe pamo nakwe. 33Nomba ulo bayishile kuli Yesu, basangile ukuti alifwile kale. Echo tabakonwenepo amolu akwe. 34Nomba umushilikali umo amulashile muchitumba kumukondo. Penkapo umulopa waliswile namenshi. 35Umuntu uwabwene ifintu mfi ewapele bukamboni. Elo bumboni bwakwe bwakwebesha. Alishibile ukuti ukusosa kwakwe kwachine ukuti namwebo muchetekele. 36Mfi fyalichitikilwe ukuti Amalembo afikilishiwe aakuti, “Talyayise kutobekapo ifupa lyakwe nangu limo iyowo.”#Ukuf. 12.46; Imp. 9.12 37Nakambi Amalembo ambi asosa ati, “Bakoyisa kumulolesha uwo balashile.”#Sek. 12.10
Ukushikwa kwaku Yesu
(Mat. 27.57-61; Mk. 15.42-47; Luk. 23.50-56)
38Panuma yamfi, Yosefe waku Alimateya afumbile Pilato ukwebati amusuminishe ukubula ichitumbi chaku Yesu. (Yosefe ngu ali wakusambila waku Yesu, nomba mubumfishi pantu alikutina abakulu ba Bayuda.) Elo Pilato alimusuminishe. Ayile nokupinta ichitumbi chaku Yesu. 39Elo Nikodemasi, ngulya uwayishile pakubala kuli Yesu ubushiku, aletele amafuta aapusene-pusene, aanunkila nangula umwanda umo mukulema kwaako.#Yoh. 3.1,2 40Elo babulile ichitumbi chaku Yesu nokuchisuba amafuta. Bachipombele munsalu ishambafuta ukubati akafuto ka Bayuda pakushika umuntu uwafwa. 41Kuchifulo uko Yesu asamikilwe, kwali ibala. Namwibala mulya mwali imanda iyabwangu umo tabashikilemo umuntu nakale. 42Pamulandu wakuti imanda nji yali apepi, nakambi kali kasuba kakuyiteyanya ake Sabata, babulile ichitumbi chaku Yesu nokuchishika mumanda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.