Luka 1
1
Amashiwi akwambilapo
1Mwe batemwekwa ba Teyofilasi,#1.1 Teyofilasi: Muntu uwo Luka alembele inkalata nji, elo ne Milimo ya Batumwa (Mil. 1.1). Ishina ndi lyalula ati, Uwatemwa Lesa, nangula, Chibusa waku Lesa.
Abantu abenji balyeseshe ukulemba bwino-bwino ukuti balondolole#1.1 Abantu abenji… balondolole: Luka tatwebeleko mba bantu, nomba chalishibikwa ukwebati umo ni Maliko. ifintu ifyachitika pakati kesu. 2Balilembele ifyo batwebele abantu abaliko#1.2 abantu abaliko: Ekwebati abatumwa, elo nabo ababwene Yesu nokumfwa amashiwi akwe. Baleshimika namashiwi ngalya ukubati nimfilya Yesu abebele. ulo fyatatikile mfi fintu. Pakuba bo baliyibwenene namenso abo, nokubilisha nga mashiwi. 3Nomba nebo nalikonka bwino-bwino nji milandu ukutula pakutatika. Echo nati kanembe bwino nakuli mwebo mwe batemekwa ba Teyofilasi 4pakuti mwishibishe ukwebesha kwaku nga mashiwi mwaebelwe.
Ukubilisha kwakufyalwa kwakwa Yohane Mubatishi
5Munshiku nshilya ulo Helodi ali mfumu muchalo cha Yudeya, kwalipo chipupila umo uwali kwitwa Sekaliya. Ali wamulupwa lwaba chipupila bakwa Abiya.#1.5 wamulupwa lwaba chipupila bakwa Abiya: Boneni pali 1 kul. 24.10. Umukashi wakwe naye Elisabeti ali wamulupwa lwaba chipupila bakwa Aloni.#1.5 lwaba chipupila bakwa Aloni: ekwebati umukowa waba chipupila. Echo nomukashi wakwe bali bakumukowa waba chipupila. 6Bonse mba babili bali abantu abaweme nakambi abasekesha Lesa. Balikumfwila amafunde onse nokukonka ukufwaya kwaku Bashikulu. 7Nomba tabakwetepo bana pantu Elisabeti ali ng’umba. Elo bonse babili bali abakote.
8Akasuba kamo Sekaliya alikupyunga umulimo wakwe uwabu chipupila munanda yaku Lesa. Yali ninshita yakwe iyakupyungila Lesa ngu mulimo. 9Alisalilwe ukulingana muli bumwine-mano ukuti akoche ifyabwema buweme nga kafuto kabo akabuchipupila.#1.8-9 nga kafuto kabo akabachipupila: Kwali amabumba amakumi abili na ane abachipupila. Ibumba ilili lonse lyalikupyunga umulungu umo. Bali kupupila imiku ibili chila kasuba. Chipupila uwali kuba pamulimo balikumusala ukupitila mukuchita mubwine-mano. Elo alinjile munanda yaku Lesa. 10Ibumba lyabantu lyalikulombela panse ulo Sekaliya alikocha ifyabwema.
11Elo umungelo waku Lesa alibonekele kuli ye, nokwimakana kulubali lwakuboko kwamulyo ulwakochelapo ifyabwema. 12Ulo Sekaliya amubwene alyebekele nokuba nomwenso. 13Nomba umungelo amwebele ati, “Witina, Sekaliya! Lesa alyumfwile ukulomba kobe. Echo nomukashi obe Elisabeti akoyisa kukufyalila umwana umwalalume. Ukoyisa kumwinika ishina lyakwe Yohane. 14Wakuba nokusekelela nokwanga, nabenji bakwisa kusekelela pamulandu wakufyalwa kwakwe. 15Pantu akuba umuntu umuchindami pachinso chaku Bashikulu. Takanwepo waini nangula ifyakukola, ukufumina kukufyalwa kwakwe ifiso fya Mupashi Wabuta fyakuba pali Ye. 16Akubwesha abantu abenji abana Isilaeli kuli Bashikulu Lesa wabo. 17Ewakuntangila pantanshi yaku Bashikulu, uushipile umuntu nakambi uuli nefiso kubati musoseshi Eliya. Akwisa kuwikishanya bawishibo nabana, nakambi akwisa kulenga abaminsuula ukuti babe namalangulushi kubati ningalya ayachumfwila. Akwisa kuwamya abantu baku Bashikulu mitima ukuti babe abakubapyungila.”
18Sekaliya afumbile umungelo ati, “Nga kanshi ningeshiba shani ukuti mfi fyachine? Pakuti nebo ndimukote, umukashi wanji naye mukote.”
19Elo umungelo amwasukile ati, “Nebo nine Gabuliele, ne wimakana pachinso chaku Lesa uyo uuntumine mukukweba nji mbila iiweme. 20Nomba webo tauchetekelepo amashiwi anji ayakwisa kuchitika panshita iyapelwa. Pakuba webo tauchetekelepo amashiwi anji, wakuba chibulu ukufikila nkalya kasuba nga mashiwi akufikilishiwa.”
21Pali njilya nshita abantu abalikulindilila Sekaliya, balishimbilwe pakubona ukuti akokola munanda yaku Lesa. 22Sekaliya pakufuma, chalimukangile ukusosa kubantu. Echo abantu balishibile ukuti abonekelwa muchimonwa nechintu chimo muchipinda chachipupililo. Sekaliya naye alikubachebwisha bwaka pakuti ayalukile chibulu.
23Ulo inshita yamilimo yakwe yashilile munanda yaku Lesa, Sekaliya abwelele kunanda yakwe. 24Ulo papitile inshita, umukashi wakwe Elisabeti alimitile, aleka nokuboneka kubantu pamyeshi isano. 25Alikusosa bwaka ati, “Eya mwandi, tempa Lesa aling’umfwile nandibo, anyangulwileko insoni kubantu!”
Umungelo Gabuliele abilisha ukufyalwa kwaku Yesu
26Mumweshi wachisano naumo apo Elisabeti alimitile, umungelo Gabuliele atuminwe na Lesa kumushi waku Nasaleti muchalo cha Galili. 27Akwete amashiwi kumwanansungu uutayishiba umwalalume uwalumbililwe kumwalalume uwali kwitwa Yosefe, uwamumukowa wakwa Davide. Ishina lyangu mwanansungu ni Maliya. 28Umungelo ayile kuli Maliya nokuti, “Umutende ube nawebo! Bashikulu Lesa bali nawebo, elo bakushukisha ukwinekantu!”
29Maliya pakumfwa nga mashiwi alipapukile nokulanguluka ati, “Ngoyu mutende wamusango shani?” 30Elo umungelo asosele ati, “Witina Maliya. Wasanga ishuko kuli Lesa. 31Bona, ukoyisa kwimita nokupapa umwana umwalalume uyo wakwinika ishina lyakwe Yesu. 32Ngu mwana akwisa kuba umukulu, nokwitika Umwana waku ngulya uwapulamo. Elo Bashikulu Lesa bakoyisa kumupela ubufumu kubati nimbulya Davide bawishi aakwete. 33Akoyisa kuteka palupwa lwakwa Yakobe kunshita shonse, nobufumu bwakwe tabwakashilepo iyowo!”
34Elo Maliya afumbile umungelo ati, “Ngechi kuti chaba shani pakuti nebo nshayishibapo umwalalume?”
35Umungelo amwasukile ati, “Umupashi Wabuta wakwisa pali webo, nefiso fyaku Lesa uwapulamo fyakwisa pali we. Efyo umwana uwakufyalwa akoyisa kwitwa, Umwana waku Lesa. 36Kubati Elisabeti umufyala obe, uyo abantu balikwita ing’umba, naye nomba alimitile mubukote bwakwe, nanguno mweshi wakulenga isano naumo. 37Pakuba takwabapo ichili chonse ichingamukanga Lesa iyowo.”
38Maliya asosele ati, “Nebo ndimusha waku Bashikulu. Kube kuli nebo ukulingana namashiwi obe.” Elo umungelo afuminepo kuya.
Maliya atandalila Elisabeti
39Pali njilya nshita Maliya aliyipekenye, ayimine nakasaku ukuya kumushi wakumitunta, muchalo cha Yudeya. 40Ayinjile munanda yakwa Sekaliya nokupela Elisabeti umutende. 41Ulo Elisabeti aumfwile umutende wakwa Maliya, umwana alisakene mwifumo lyakwe. Elo Elisabeti ayiwile no Mupashi Wabuta, 42abilikishe neshiwi ilikulu ati, “We washuka pabanakashi bonse, nomwana wakufyalwa alishuka. 43Nomba mbelishuko lyayisa shani kuli nebo ichakuti banyinabo baku Bashikulu wanji bantandalila? 44Pakuti ulo naumfwa umutende wenu, elo umwana asakana nokusekelela mwifumo lyanji. 45Alishuka umwanakashi uwachetekela ukuti amashiwi Bashikulu basosa kuli ye akuchitika!”
Ulwimbo lwakwa Maliya lwakutondayisha Lesa
46Elo Maliya asosele ati,
“Umutima wanji ukotondayisha Bashikulu,
47ndatondayisha shikulu elo ndi wasekelela,
muli Lesa Umupulushi wanji.
48Pakuti Ye anjibukisha nemusha wakwe uwachepesha!
Ukufuma pali njino nshita,
inkulo shonse shakunjita uwashuka.
49Pakuba Lesa uwafiso fyonse,
anchitila ifintu ifikulu,
ishina lyakwe lyabuta,
50Ukufuma kunkulo imo nokufika kuli iimbi Lesa alanga
inkumbu kuli bo abamupela umuchinshi.
51Shikulu abomfya ukuboko kwakwe ukwafiso,
ukupalanganya bo abayitutumuna.
52Lesa afumishepo balumbwe pafipuna fyabufumu bwabo,
nomba asumbula ababufuke.
53Ayikusha abansala nefintu ifiweme,
nomba abasambashi abatamfya minwe-nkutwa.
54Asungile ichipangano alayene nefikolwe fyesu,
elo ayisa kwafwilisha umupyungi wakwe Isilaeli.
55Talabilepo ukulanga inkumbu kuli Abulahamu,
elo nakubana bakwe umuyayaya.”
56Ukufumapo Maliya ayikele na Elisabeti ukubati imyeshi itatu, elo abwelelemo kwabo.
Ukufyalwa kwakwa Yohane Mubatishi
57Inshita yakupapilapo umwana Elisabeti yalikumanine. Elo apapile umwana umwalalume. 58Abena mupalamano nabantu bakwe balyumfwile ifyo Lesa amulangulukile nokumukwatila ichisa ichikulu. Balile nokusekelela nakwe pamo.
59Pabushiku bwakulenga shisano nashitatu, balile mukumushilimuna umwana. Epo bafwayile ukumwinika ishina lyaku bawishi ba Sekaliya. 60Nomba banyina balyasukile ati, “Iyowo, ishina lyakwe ni Yohane.”
61Bonse basosele kuli Elisabeti ati, “Tapapo nangu umo uwamumukowa uwitwapo neshina ndi!” 62Elo bachebwishe wishi ukwebati beshibe ishina umwana wakwe akwinikwa.
63Sekaliya afumbile ichakulembapo. Elo alembelepo ati, “Ishina lyakwe ni Yohane.” Abantu bonse balishimbilwe! 64Pali yenka njilya nshita, Sekaliya atatikile ukusosa nokutotela Lesa. 65Abena mupalamano bonse bayiwile nomwenso, nelyashi lyamfi fintu lyapalangene muchalo chonse champili icha Yudeya. 66Kuli bonse abalikumfwako balikulanguluka mumitima yabo nokufumba bati, “Nga kanshi ngu mwana akuba shani?” Pantu chilishibikilwe ukuti ifiso fyaku Lesa ali nafyo.
Ulwimbo lwakwa Sekaliya
67Sekaliya, wishi wakwa Yohane, ayiwile no Mupashi Wabuta, aliloseshe ati,
68“Kabatotwe Bashikulu,
Lesa waku Isilaeli!
Pakuti ayisa kwafwilisha abantu bakwe,
elo abapela ubwanalale.
69Atuletele umupulushi uwafiso,
uwamuchikolwe chakwa Davide umupyungi wakwe.
70Ukubati nimulya asosele kale,
ukupitila mubasoseshi bakwe ababuta.
71Alayile ukutupulusha kutupondo twesu,
nakufiso fyaku bo bonse abatupata.
72Aebele ukubachitila inkumbu banshifwe,
nokwibukisha ichipangano chakwe ichabuta.
73Ukulapa nkulya alapile kuli banshifwe Abulahamu,
74ukuti atupokolole kufiso fyatupondo twesu,
nokumupyungila ukwambula umwenso.
75Ukuti tube abapatulikwa nabaololoka pamenso akwe,
munshiku shonse ishabumi bwesu.
76“Mwandi, wemwana wanji,
wakwitwa umusoseshi waku Lesa,
uwapamulu pali fyonse.
Wakwisa kutanjila pantanshi yaku Bashikulu,
ukuya kuwamya inshila yabo.
77Ukwishibisha abantu bakwe ukuti bakwisa kupuluka,
mukunakililwa kwamabifyo abo.
78Lesa wesu aba uwankumbu nowamutembo.
Akwisa kutusanikila nechipulusho chakwe,
kubati kutuba kwakumacha.
79Akubasanikila bonse abayikala mumfinshi
namuchintelelwe chamfwa,
ukulangilila munshila yabwanalale.”
80Umwana alikulile mwifumbi namumano. Ayikele muchiswebebe ukufikila akasuba ayishile kuyilanga kubena Isilaeli.
Currently Selected:
Luka 1: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Luka 1
1
Amashiwi akwambilapo
1Mwe batemwekwa ba Teyofilasi,#1.1 Teyofilasi: Muntu uwo Luka alembele inkalata nji, elo ne Milimo ya Batumwa (Mil. 1.1). Ishina ndi lyalula ati, Uwatemwa Lesa, nangula, Chibusa waku Lesa.
Abantu abenji balyeseshe ukulemba bwino-bwino ukuti balondolole#1.1 Abantu abenji… balondolole: Luka tatwebeleko mba bantu, nomba chalishibikwa ukwebati umo ni Maliko. ifintu ifyachitika pakati kesu. 2Balilembele ifyo batwebele abantu abaliko#1.2 abantu abaliko: Ekwebati abatumwa, elo nabo ababwene Yesu nokumfwa amashiwi akwe. Baleshimika namashiwi ngalya ukubati nimfilya Yesu abebele. ulo fyatatikile mfi fintu. Pakuba bo baliyibwenene namenso abo, nokubilisha nga mashiwi. 3Nomba nebo nalikonka bwino-bwino nji milandu ukutula pakutatika. Echo nati kanembe bwino nakuli mwebo mwe batemekwa ba Teyofilasi 4pakuti mwishibishe ukwebesha kwaku nga mashiwi mwaebelwe.
Ukubilisha kwakufyalwa kwakwa Yohane Mubatishi
5Munshiku nshilya ulo Helodi ali mfumu muchalo cha Yudeya, kwalipo chipupila umo uwali kwitwa Sekaliya. Ali wamulupwa lwaba chipupila bakwa Abiya.#1.5 wamulupwa lwaba chipupila bakwa Abiya: Boneni pali 1 kul. 24.10. Umukashi wakwe naye Elisabeti ali wamulupwa lwaba chipupila bakwa Aloni.#1.5 lwaba chipupila bakwa Aloni: ekwebati umukowa waba chipupila. Echo nomukashi wakwe bali bakumukowa waba chipupila. 6Bonse mba babili bali abantu abaweme nakambi abasekesha Lesa. Balikumfwila amafunde onse nokukonka ukufwaya kwaku Bashikulu. 7Nomba tabakwetepo bana pantu Elisabeti ali ng’umba. Elo bonse babili bali abakote.
8Akasuba kamo Sekaliya alikupyunga umulimo wakwe uwabu chipupila munanda yaku Lesa. Yali ninshita yakwe iyakupyungila Lesa ngu mulimo. 9Alisalilwe ukulingana muli bumwine-mano ukuti akoche ifyabwema buweme nga kafuto kabo akabuchipupila.#1.8-9 nga kafuto kabo akabachipupila: Kwali amabumba amakumi abili na ane abachipupila. Ibumba ilili lonse lyalikupyunga umulungu umo. Bali kupupila imiku ibili chila kasuba. Chipupila uwali kuba pamulimo balikumusala ukupitila mukuchita mubwine-mano. Elo alinjile munanda yaku Lesa. 10Ibumba lyabantu lyalikulombela panse ulo Sekaliya alikocha ifyabwema.
11Elo umungelo waku Lesa alibonekele kuli ye, nokwimakana kulubali lwakuboko kwamulyo ulwakochelapo ifyabwema. 12Ulo Sekaliya amubwene alyebekele nokuba nomwenso. 13Nomba umungelo amwebele ati, “Witina, Sekaliya! Lesa alyumfwile ukulomba kobe. Echo nomukashi obe Elisabeti akoyisa kukufyalila umwana umwalalume. Ukoyisa kumwinika ishina lyakwe Yohane. 14Wakuba nokusekelela nokwanga, nabenji bakwisa kusekelela pamulandu wakufyalwa kwakwe. 15Pantu akuba umuntu umuchindami pachinso chaku Bashikulu. Takanwepo waini nangula ifyakukola, ukufumina kukufyalwa kwakwe ifiso fya Mupashi Wabuta fyakuba pali Ye. 16Akubwesha abantu abenji abana Isilaeli kuli Bashikulu Lesa wabo. 17Ewakuntangila pantanshi yaku Bashikulu, uushipile umuntu nakambi uuli nefiso kubati musoseshi Eliya. Akwisa kuwikishanya bawishibo nabana, nakambi akwisa kulenga abaminsuula ukuti babe namalangulushi kubati ningalya ayachumfwila. Akwisa kuwamya abantu baku Bashikulu mitima ukuti babe abakubapyungila.”
18Sekaliya afumbile umungelo ati, “Nga kanshi ningeshiba shani ukuti mfi fyachine? Pakuti nebo ndimukote, umukashi wanji naye mukote.”
19Elo umungelo amwasukile ati, “Nebo nine Gabuliele, ne wimakana pachinso chaku Lesa uyo uuntumine mukukweba nji mbila iiweme. 20Nomba webo tauchetekelepo amashiwi anji ayakwisa kuchitika panshita iyapelwa. Pakuba webo tauchetekelepo amashiwi anji, wakuba chibulu ukufikila nkalya kasuba nga mashiwi akufikilishiwa.”
21Pali njilya nshita abantu abalikulindilila Sekaliya, balishimbilwe pakubona ukuti akokola munanda yaku Lesa. 22Sekaliya pakufuma, chalimukangile ukusosa kubantu. Echo abantu balishibile ukuti abonekelwa muchimonwa nechintu chimo muchipinda chachipupililo. Sekaliya naye alikubachebwisha bwaka pakuti ayalukile chibulu.
23Ulo inshita yamilimo yakwe yashilile munanda yaku Lesa, Sekaliya abwelele kunanda yakwe. 24Ulo papitile inshita, umukashi wakwe Elisabeti alimitile, aleka nokuboneka kubantu pamyeshi isano. 25Alikusosa bwaka ati, “Eya mwandi, tempa Lesa aling’umfwile nandibo, anyangulwileko insoni kubantu!”
Umungelo Gabuliele abilisha ukufyalwa kwaku Yesu
26Mumweshi wachisano naumo apo Elisabeti alimitile, umungelo Gabuliele atuminwe na Lesa kumushi waku Nasaleti muchalo cha Galili. 27Akwete amashiwi kumwanansungu uutayishiba umwalalume uwalumbililwe kumwalalume uwali kwitwa Yosefe, uwamumukowa wakwa Davide. Ishina lyangu mwanansungu ni Maliya. 28Umungelo ayile kuli Maliya nokuti, “Umutende ube nawebo! Bashikulu Lesa bali nawebo, elo bakushukisha ukwinekantu!”
29Maliya pakumfwa nga mashiwi alipapukile nokulanguluka ati, “Ngoyu mutende wamusango shani?” 30Elo umungelo asosele ati, “Witina Maliya. Wasanga ishuko kuli Lesa. 31Bona, ukoyisa kwimita nokupapa umwana umwalalume uyo wakwinika ishina lyakwe Yesu. 32Ngu mwana akwisa kuba umukulu, nokwitika Umwana waku ngulya uwapulamo. Elo Bashikulu Lesa bakoyisa kumupela ubufumu kubati nimbulya Davide bawishi aakwete. 33Akoyisa kuteka palupwa lwakwa Yakobe kunshita shonse, nobufumu bwakwe tabwakashilepo iyowo!”
34Elo Maliya afumbile umungelo ati, “Ngechi kuti chaba shani pakuti nebo nshayishibapo umwalalume?”
35Umungelo amwasukile ati, “Umupashi Wabuta wakwisa pali webo, nefiso fyaku Lesa uwapulamo fyakwisa pali we. Efyo umwana uwakufyalwa akoyisa kwitwa, Umwana waku Lesa. 36Kubati Elisabeti umufyala obe, uyo abantu balikwita ing’umba, naye nomba alimitile mubukote bwakwe, nanguno mweshi wakulenga isano naumo. 37Pakuba takwabapo ichili chonse ichingamukanga Lesa iyowo.”
38Maliya asosele ati, “Nebo ndimusha waku Bashikulu. Kube kuli nebo ukulingana namashiwi obe.” Elo umungelo afuminepo kuya.
Maliya atandalila Elisabeti
39Pali njilya nshita Maliya aliyipekenye, ayimine nakasaku ukuya kumushi wakumitunta, muchalo cha Yudeya. 40Ayinjile munanda yakwa Sekaliya nokupela Elisabeti umutende. 41Ulo Elisabeti aumfwile umutende wakwa Maliya, umwana alisakene mwifumo lyakwe. Elo Elisabeti ayiwile no Mupashi Wabuta, 42abilikishe neshiwi ilikulu ati, “We washuka pabanakashi bonse, nomwana wakufyalwa alishuka. 43Nomba mbelishuko lyayisa shani kuli nebo ichakuti banyinabo baku Bashikulu wanji bantandalila? 44Pakuti ulo naumfwa umutende wenu, elo umwana asakana nokusekelela mwifumo lyanji. 45Alishuka umwanakashi uwachetekela ukuti amashiwi Bashikulu basosa kuli ye akuchitika!”
Ulwimbo lwakwa Maliya lwakutondayisha Lesa
46Elo Maliya asosele ati,
“Umutima wanji ukotondayisha Bashikulu,
47ndatondayisha shikulu elo ndi wasekelela,
muli Lesa Umupulushi wanji.
48Pakuti Ye anjibukisha nemusha wakwe uwachepesha!
Ukufuma pali njino nshita,
inkulo shonse shakunjita uwashuka.
49Pakuba Lesa uwafiso fyonse,
anchitila ifintu ifikulu,
ishina lyakwe lyabuta,
50Ukufuma kunkulo imo nokufika kuli iimbi Lesa alanga
inkumbu kuli bo abamupela umuchinshi.
51Shikulu abomfya ukuboko kwakwe ukwafiso,
ukupalanganya bo abayitutumuna.
52Lesa afumishepo balumbwe pafipuna fyabufumu bwabo,
nomba asumbula ababufuke.
53Ayikusha abansala nefintu ifiweme,
nomba abasambashi abatamfya minwe-nkutwa.
54Asungile ichipangano alayene nefikolwe fyesu,
elo ayisa kwafwilisha umupyungi wakwe Isilaeli.
55Talabilepo ukulanga inkumbu kuli Abulahamu,
elo nakubana bakwe umuyayaya.”
56Ukufumapo Maliya ayikele na Elisabeti ukubati imyeshi itatu, elo abwelelemo kwabo.
Ukufyalwa kwakwa Yohane Mubatishi
57Inshita yakupapilapo umwana Elisabeti yalikumanine. Elo apapile umwana umwalalume. 58Abena mupalamano nabantu bakwe balyumfwile ifyo Lesa amulangulukile nokumukwatila ichisa ichikulu. Balile nokusekelela nakwe pamo.
59Pabushiku bwakulenga shisano nashitatu, balile mukumushilimuna umwana. Epo bafwayile ukumwinika ishina lyaku bawishi ba Sekaliya. 60Nomba banyina balyasukile ati, “Iyowo, ishina lyakwe ni Yohane.”
61Bonse basosele kuli Elisabeti ati, “Tapapo nangu umo uwamumukowa uwitwapo neshina ndi!” 62Elo bachebwishe wishi ukwebati beshibe ishina umwana wakwe akwinikwa.
63Sekaliya afumbile ichakulembapo. Elo alembelepo ati, “Ishina lyakwe ni Yohane.” Abantu bonse balishimbilwe! 64Pali yenka njilya nshita, Sekaliya atatikile ukusosa nokutotela Lesa. 65Abena mupalamano bonse bayiwile nomwenso, nelyashi lyamfi fintu lyapalangene muchalo chonse champili icha Yudeya. 66Kuli bonse abalikumfwako balikulanguluka mumitima yabo nokufumba bati, “Nga kanshi ngu mwana akuba shani?” Pantu chilishibikilwe ukuti ifiso fyaku Lesa ali nafyo.
Ulwimbo lwakwa Sekaliya
67Sekaliya, wishi wakwa Yohane, ayiwile no Mupashi Wabuta, aliloseshe ati,
68“Kabatotwe Bashikulu,
Lesa waku Isilaeli!
Pakuti ayisa kwafwilisha abantu bakwe,
elo abapela ubwanalale.
69Atuletele umupulushi uwafiso,
uwamuchikolwe chakwa Davide umupyungi wakwe.
70Ukubati nimulya asosele kale,
ukupitila mubasoseshi bakwe ababuta.
71Alayile ukutupulusha kutupondo twesu,
nakufiso fyaku bo bonse abatupata.
72Aebele ukubachitila inkumbu banshifwe,
nokwibukisha ichipangano chakwe ichabuta.
73Ukulapa nkulya alapile kuli banshifwe Abulahamu,
74ukuti atupokolole kufiso fyatupondo twesu,
nokumupyungila ukwambula umwenso.
75Ukuti tube abapatulikwa nabaololoka pamenso akwe,
munshiku shonse ishabumi bwesu.
76“Mwandi, wemwana wanji,
wakwitwa umusoseshi waku Lesa,
uwapamulu pali fyonse.
Wakwisa kutanjila pantanshi yaku Bashikulu,
ukuya kuwamya inshila yabo.
77Ukwishibisha abantu bakwe ukuti bakwisa kupuluka,
mukunakililwa kwamabifyo abo.
78Lesa wesu aba uwankumbu nowamutembo.
Akwisa kutusanikila nechipulusho chakwe,
kubati kutuba kwakumacha.
79Akubasanikila bonse abayikala mumfinshi
namuchintelelwe chamfwa,
ukulangilila munshila yabwanalale.”
80Umwana alikulile mwifumbi namumano. Ayikele muchiswebebe ukufikila akasuba ayishile kuyilanga kubena Isilaeli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.