Luka 2
2
Ukufyalwa kwaku Yesu
(Mat. 1.18-25)
1Muli nshilya nshiku, imbila yafumine kuli Ogasitasi, Kateka Mukulu waku Loma, ukuti abantu bonse abali muchalo chakwe balembwe. 2Nku ekulembwa ukwakwamba, kwachitikile ulo Kwiliniyasi ali kateka waku Siliya. 3Pali ngu mulandu, abantu bonse umo-umo balikuya mukulembwa kumishi yabo.
4Yosefe naye alimine ukufuma ku Galili, kumushi waku Nasaleti, nokuya ku Yudeya, kumushi wakwa Davide,#2.4 kumushi wakwa Davide: Boneni pali 1 Sam. 17.12. uukoyitwa Betelehemu, pakuba ali uwamukowa wa Davide. 5Ayile mukulembwa pamo na Maliya uwo alumbile. Maliya alimitile. 6Ulo bachili mu Betelehemu, inshiku ishakupapa shalifikile. 7Maliya alifyele umwana umwalalume nokumupomba munsalu. Amulalikile muchililo chang’ombe pakuti munanda yabalwendo tamwalipo chifulo chakulalamo.
Bachembela nabangelo
8Emo bali bachembela muli nchilya chalo abalikwikala mumpanga nokulinda ifitekwa fyabo ubushiku. 9Umungelo waku Lesa alibonekele kuli bo, epo nomuchinshi waku Bashikulu walibasanikile. Elo balitinine ukwinekantu. 10Umungelo asosele kuli bo ati, “Mwitina! Pakuti namuletela mwebo ilyashi iliweme, ilyakusekelela ukukulu ukukoyisa kuba kubantu bonse. 11Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu! 12Epo nchi chakuba ichishibilo kuli mwe, mukoya kusanga umwana alipombelwe munsalu, alilele namuchililo chang’ombe.”
13Bwangu-bwangu kwabwenekele ibumba ilikulu lyabangelo pamo nomungelo ngulya, lyalikulumbanya Lesa ati,
14“Umuchinshi ube kuli Lesa mumulu mwine,
epo nomutende panonshi mubantu abo atemwa!”
15Ulo abangelo bafuminepo nokuya kumulu, bachembela balisoshenye bati, “Katulokuya lwenka nduno ku Betelehemu, tukabone nchi chintu chachitika icho Bashikulu bafisulula kuli fwe.”
16Elo bayile nakasaku basangile Maliya na Yosefe nokubona umwana alilele muchililo chang’ombe. 17Pakubona umwana, bachembela balisosele kuli bo ifyo umungelo abebele pamulandu waku ngu mwana. 18Ulo bonse baumfwile ifyo bachembela basosele, balishimbilwe ukwinekantu. 19Nomba Maliya alisungile ifyebo fyonse nokufilanguluka mumutima wakwe. 20Ulo bachembela babwelele, balikuchinshika nokwimbila Lesa pali fyonse ifyo baumfwile nokubona. Fyali kubati mwenka umo umungelo abebele.
Bayinika Yesu ishina
21Ulo inshiku shisano nashitatu shakumanine ishakumushilimuna bamwinikile ati Yesu, ndi eshina umungelo amwinikile apo talaambulwa namwifumo.#Ukut. 17.12; Ab.Lef. 12.3
Yesu atwalwa munanda yaku Lesa
22Ulo inshita yakumanine iyakuti Yosefe na Maliya basangululwe ukubati Amafunde akwa Mosesi, balimutwite Yesu ku Yelusalemu mukumupela kuli Lesa.#Ab.Lef. 12.2-8
23Kubati ifyo chalembwa mumafunde aku Lesa ukuti, “Umwana umwalalume onse uwabubele alokupelwa kuli Lesa.”#Ukuf. 13.2 24Elo nokutula ichipupo ukulingana nefunde lyaku Bashikulu ilyakuti, mulete ifiba fibili nangula ifinkanda fibili.#Ab.Lef. 12.6-8
25Boneni mu Yelusalemu mwali umuntu uwali kwitwa Simyoni, umuntu uwaololoka uwalikumfwila Lesa. Alikulindilila ichakupulusha Isilaeli. Umupashi Wabuta wali pali ye.#Esa. 40.1; 61.2 26Epo Umupashi Wabuta walimufisulukile ukuti tali nokufwa ulo atalabona Uwasubwa waku Lesa. 27Ulo Simyoni atanjililwe no Mupashi Wabuta, ayinjile munanda yaku Lesa. Elo abafyashi baku Yesu bayinjile nomwana munanda njilya ukuti bakamuchitile ukulingana nakafuto kamwifunde. 28Simyoni alipokele umwana mumaboko akwe nokutotela Lesa ati,
29“Nomba mwe Shikulu,
kuti mwamusuminisha umusha wenu afwe mumutende,
pantu mwafikilisha ichilayo chenu.#Luk. 2.21-24
30Pakuti amenso anji abona ichipulusho chenu,
31icho mwawamishe pachinso chabantu bonse.
32Mwapela ukusanika ukuti kusanikile kubenafyalo,
nokuba umuchinshi kubantu benu abena Isilaeli.”
33Bawishi nabanyina balishimbilwe pafintu Simyoni asosele pali Yesu. 34Simyoni alibashukishe nokusosa kuli Maliya banyina ati, “Bona ngu mwana wabikwa ukuti abenji mu Isilaeli bakuwa, abenji nabo bakwima. Akuba ichishibilo chakwa Lesa icho abantu abenji balikukana. 35Elo bakufisulula amalangulushi amumitima yabo. Nachine nechikonko, chakulasa umutima obe kubati mwele wankondo.”
36Kwalipo naumbi umusoseshi umwanakashi uwalikwitwa Ana, umwana wakwa Fanuele, uwamukowa waku Aseli. Ngu aali umukote. Ulo ali umwanansungu, alyupilwe kumwalalume uwo ayikele nakwe imyaka isanu na ibili bwaka. 37Epo alikele bumukamfwilwa imyaka amakumi asano na atatu nayine. Talikufumako kunanda yaku Lesa. Ali uwakupyungila Lesa akasuba nobushiku. Alikulomba nokwiikanya ukulya. 38Naye Ana alishile panshita yenka njilya nokutondayisha Lesa. Asosele pamulandu wamwana nokwebako bonse abalikulindilila ukuti Lesa alubule Yelusalemu.
Babwelela ku Nasaleti
39Ulo Yosefe na Maliya bashilile ukuchita fyonse ukulingana namafunde aku Lesa, balibwelele kuchalo chaku Galili, kumushi kumyabo ku Nasaleti. 40Umwana alikulile mwifumbi, mumano namubwanshi bwaku Lesa bwali pali ngo.
Yesu munanda yaku Lesa
41Umwaka nomwaka abafyashi baku Yesu balikuya ku Yelusalemu kukulya Chakulya Chakuchilila. 42Ulo Yesu ali nemyaka ikumi nayibili, bayile mukulya ichakulya nchi, ukulingana nakafuto kabo. 43Ulo inshiku shakulya shashilile, pakubwelela kumushi, umwana Yesu ashele mu Yelusalemu. Abafyashi tabayishibilepo. 44Balikulanguluka ati, Yesu ali mwibumba. Panuma yakwenda ulwendo lwakasuba kamo, abafyashi batatikile ukumufwaya-fwaya mubenababo namufibusa. 45Pakusanga ukuti tabonekele, babwelele ku Yelusalemu mukumufwaya. 46Pabushiku bwakulenga shitatu, eli bamusangile munanda yaku Lesa ekele pakati kabasambishi ba Mafunde, alikubakutika nokubafumba amafumbo. 47Abantu bonse abalikuumfwako balishimbilwe pamulandu wakwasuka kwakwe ukwamulangwe. 48Abafyashi bakwe balishimbilwe ulo bamubwene. Banyina basosele ati, “We mwana wanji, nindo watuchitila mfi? Bona bawiso nandibo ulitupamfishe intibi mukufwaya-fwaya.”
49Yesu alibasukile ati, “Mba findo mwalikumfwayila? Kanshi tamwayishibilepo ukuti nebo ndi nokuba munanda yaku Bata?” 50Abene abafyashi tabaumfwilepo ichebo icho asosele nabo.
51Elo Yesu nomba ayile nabo ku Nasaleti uko alikwikala nokubomfwila. Banyina balisungile mumutima wabo fyonse ifyasosekelwe. 52Elo Yesu alikulile mwifumbi namumulangwe. Lesa pamo nabantu balimutemenwe ukwinekantu.
Currently Selected:
Luka 2: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.
Luka 2
2
Ukufyalwa kwaku Yesu
(Mat. 1.18-25)
1Muli nshilya nshiku, imbila yafumine kuli Ogasitasi, Kateka Mukulu waku Loma, ukuti abantu bonse abali muchalo chakwe balembwe. 2Nku ekulembwa ukwakwamba, kwachitikile ulo Kwiliniyasi ali kateka waku Siliya. 3Pali ngu mulandu, abantu bonse umo-umo balikuya mukulembwa kumishi yabo.
4Yosefe naye alimine ukufuma ku Galili, kumushi waku Nasaleti, nokuya ku Yudeya, kumushi wakwa Davide,#2.4 kumushi wakwa Davide: Boneni pali 1 Sam. 17.12. uukoyitwa Betelehemu, pakuba ali uwamukowa wa Davide. 5Ayile mukulembwa pamo na Maliya uwo alumbile. Maliya alimitile. 6Ulo bachili mu Betelehemu, inshiku ishakupapa shalifikile. 7Maliya alifyele umwana umwalalume nokumupomba munsalu. Amulalikile muchililo chang’ombe pakuti munanda yabalwendo tamwalipo chifulo chakulalamo.
Bachembela nabangelo
8Emo bali bachembela muli nchilya chalo abalikwikala mumpanga nokulinda ifitekwa fyabo ubushiku. 9Umungelo waku Lesa alibonekele kuli bo, epo nomuchinshi waku Bashikulu walibasanikile. Elo balitinine ukwinekantu. 10Umungelo asosele kuli bo ati, “Mwitina! Pakuti namuletela mwebo ilyashi iliweme, ilyakusekelela ukukulu ukukoyisa kuba kubantu bonse. 11Pakuti kwafyalikwa kuli mwebo muli nkano kasuba mumushi wakwa Davide, Umupulushi, eye Klistu Bashikulu! 12Epo nchi chakuba ichishibilo kuli mwe, mukoya kusanga umwana alipombelwe munsalu, alilele namuchililo chang’ombe.”
13Bwangu-bwangu kwabwenekele ibumba ilikulu lyabangelo pamo nomungelo ngulya, lyalikulumbanya Lesa ati,
14“Umuchinshi ube kuli Lesa mumulu mwine,
epo nomutende panonshi mubantu abo atemwa!”
15Ulo abangelo bafuminepo nokuya kumulu, bachembela balisoshenye bati, “Katulokuya lwenka nduno ku Betelehemu, tukabone nchi chintu chachitika icho Bashikulu bafisulula kuli fwe.”
16Elo bayile nakasaku basangile Maliya na Yosefe nokubona umwana alilele muchililo chang’ombe. 17Pakubona umwana, bachembela balisosele kuli bo ifyo umungelo abebele pamulandu waku ngu mwana. 18Ulo bonse baumfwile ifyo bachembela basosele, balishimbilwe ukwinekantu. 19Nomba Maliya alisungile ifyebo fyonse nokufilanguluka mumutima wakwe. 20Ulo bachembela babwelele, balikuchinshika nokwimbila Lesa pali fyonse ifyo baumfwile nokubona. Fyali kubati mwenka umo umungelo abebele.
Bayinika Yesu ishina
21Ulo inshiku shisano nashitatu shakumanine ishakumushilimuna bamwinikile ati Yesu, ndi eshina umungelo amwinikile apo talaambulwa namwifumo.#Ukut. 17.12; Ab.Lef. 12.3
Yesu atwalwa munanda yaku Lesa
22Ulo inshita yakumanine iyakuti Yosefe na Maliya basangululwe ukubati Amafunde akwa Mosesi, balimutwite Yesu ku Yelusalemu mukumupela kuli Lesa.#Ab.Lef. 12.2-8
23Kubati ifyo chalembwa mumafunde aku Lesa ukuti, “Umwana umwalalume onse uwabubele alokupelwa kuli Lesa.”#Ukuf. 13.2 24Elo nokutula ichipupo ukulingana nefunde lyaku Bashikulu ilyakuti, mulete ifiba fibili nangula ifinkanda fibili.#Ab.Lef. 12.6-8
25Boneni mu Yelusalemu mwali umuntu uwali kwitwa Simyoni, umuntu uwaololoka uwalikumfwila Lesa. Alikulindilila ichakupulusha Isilaeli. Umupashi Wabuta wali pali ye.#Esa. 40.1; 61.2 26Epo Umupashi Wabuta walimufisulukile ukuti tali nokufwa ulo atalabona Uwasubwa waku Lesa. 27Ulo Simyoni atanjililwe no Mupashi Wabuta, ayinjile munanda yaku Lesa. Elo abafyashi baku Yesu bayinjile nomwana munanda njilya ukuti bakamuchitile ukulingana nakafuto kamwifunde. 28Simyoni alipokele umwana mumaboko akwe nokutotela Lesa ati,
29“Nomba mwe Shikulu,
kuti mwamusuminisha umusha wenu afwe mumutende,
pantu mwafikilisha ichilayo chenu.#Luk. 2.21-24
30Pakuti amenso anji abona ichipulusho chenu,
31icho mwawamishe pachinso chabantu bonse.
32Mwapela ukusanika ukuti kusanikile kubenafyalo,
nokuba umuchinshi kubantu benu abena Isilaeli.”
33Bawishi nabanyina balishimbilwe pafintu Simyoni asosele pali Yesu. 34Simyoni alibashukishe nokusosa kuli Maliya banyina ati, “Bona ngu mwana wabikwa ukuti abenji mu Isilaeli bakuwa, abenji nabo bakwima. Akuba ichishibilo chakwa Lesa icho abantu abenji balikukana. 35Elo bakufisulula amalangulushi amumitima yabo. Nachine nechikonko, chakulasa umutima obe kubati mwele wankondo.”
36Kwalipo naumbi umusoseshi umwanakashi uwalikwitwa Ana, umwana wakwa Fanuele, uwamukowa waku Aseli. Ngu aali umukote. Ulo ali umwanansungu, alyupilwe kumwalalume uwo ayikele nakwe imyaka isanu na ibili bwaka. 37Epo alikele bumukamfwilwa imyaka amakumi asano na atatu nayine. Talikufumako kunanda yaku Lesa. Ali uwakupyungila Lesa akasuba nobushiku. Alikulomba nokwiikanya ukulya. 38Naye Ana alishile panshita yenka njilya nokutondayisha Lesa. Asosele pamulandu wamwana nokwebako bonse abalikulindilila ukuti Lesa alubule Yelusalemu.
Babwelela ku Nasaleti
39Ulo Yosefe na Maliya bashilile ukuchita fyonse ukulingana namafunde aku Lesa, balibwelele kuchalo chaku Galili, kumushi kumyabo ku Nasaleti. 40Umwana alikulile mwifumbi, mumano namubwanshi bwaku Lesa bwali pali ngo.
Yesu munanda yaku Lesa
41Umwaka nomwaka abafyashi baku Yesu balikuya ku Yelusalemu kukulya Chakulya Chakuchilila. 42Ulo Yesu ali nemyaka ikumi nayibili, bayile mukulya ichakulya nchi, ukulingana nakafuto kabo. 43Ulo inshiku shakulya shashilile, pakubwelela kumushi, umwana Yesu ashele mu Yelusalemu. Abafyashi tabayishibilepo. 44Balikulanguluka ati, Yesu ali mwibumba. Panuma yakwenda ulwendo lwakasuba kamo, abafyashi batatikile ukumufwaya-fwaya mubenababo namufibusa. 45Pakusanga ukuti tabonekele, babwelele ku Yelusalemu mukumufwaya. 46Pabushiku bwakulenga shitatu, eli bamusangile munanda yaku Lesa ekele pakati kabasambishi ba Mafunde, alikubakutika nokubafumba amafumbo. 47Abantu bonse abalikuumfwako balishimbilwe pamulandu wakwasuka kwakwe ukwamulangwe. 48Abafyashi bakwe balishimbilwe ulo bamubwene. Banyina basosele ati, “We mwana wanji, nindo watuchitila mfi? Bona bawiso nandibo ulitupamfishe intibi mukufwaya-fwaya.”
49Yesu alibasukile ati, “Mba findo mwalikumfwayila? Kanshi tamwayishibilepo ukuti nebo ndi nokuba munanda yaku Bata?” 50Abene abafyashi tabaumfwilepo ichebo icho asosele nabo.
51Elo Yesu nomba ayile nabo ku Nasaleti uko alikwikala nokubomfwila. Banyina balisungile mumutima wabo fyonse ifyasosekelwe. 52Elo Yesu alikulile mwifumbi namumulangwe. Lesa pamo nabantu balimutemenwe ukwinekantu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.