Matthew 22

Inneina ruolhoi chongmintêk

(Luk 14:15-24)

1Jisua'n mipui ngei a rokôka, chongmintêk a mang nôka. 2“Invân Rêngram chu rêngpa inkhatin a nâipasal ranga inneina ruolhoi tho leh mintêk ani. 3Bukhalâi ot rangin a mîsiel ngei koi rangin a tîrlâmngei a tîra, hannirese hong nuom mak ngeia. 4Masikin tîrlâm dangngei a tîr nôka, a mi sielngei kôm hi anghin ti rangin chong a be ngeia: ‘Atûn hin bukhalâi ot rangin ki sinsiem suozoi; ke sechalngei le ke serâttuoi vai minthâi ngei ka thata, neinunngei murdi sinsiem suo ani zoi. Inneina bukhalâi ot rangin hong ta roi!’ ti rangin. 5Aniatachu siela omngei han itên lei be mak ngeia, male an sadâi chita an sina: inkhat a loia a sea, inkhat chu a dôra a sea. 6Midang ngeiin tîrlâmngei hah an sûrrapa an jêm ngeia, an that ngei zoi. 7Rêngpa hah a taksi sabaka; masikin a râlmingei a tîra, ha mithatpungei hah a min thatngeia, male an khopuilien khom a min hâl pe ngei zoia. 8Hanchu a tîrlâmngei a koia, an kôm, Inneina bukhalâi chu minsûk suo ani zoia, aniatachu ki mi sielngei hah a nêk ruo nimak ngei. 9Atûn chu lamliena se ungla, mi nin mu murdi bukhalâi ot rangin hong koi roi, a tipe ngeia. 10Masikin tîrlâmngei hah lamlienngeia an sea, mi an mu murdi, misa le misie; an hong koibûma, inneina in hah mipuiin an sip zoia.

11“Rêngpa hah khuolmingei en rangin ava lûta, inneina puon insil loi mi inkhat ava mua. 12Rêngpa han a kôm, ‘Mala, inneina puon insil loiin khoangin mo asûnga no hong lût?’ tiin a rekela. Hannirese ha mi han ite ti maka. 13Male rêngpa han a tîrlâmngei kôm, ‘A kut le ke khit ungla, pêntieng ajîngna vôrpai roi. Mahan chap a ta a hâ riel a tih,’”#Mat 8:12; 25:30; Luk 13:28 a tia.

14Hanchu Jisua'n, “Mi siela om chu tamtak an nia, aniatachu, thanga om chu atômte kêng an ni,” tiin chongkhârnân a tia.

Chôiruol pêk roia chongrekel

(Mk 12:13-17; Luk 20:20-26)

15Phariseengei hah an jôkpaia male Jisua chongrekelin min ôk rang chang an mintuo zoi. 16Hanchu an ruoisi senkhatngei le Herod pâla mi senkhatngei a kôm an tîra, ha mingei han, “Minchupu, chongtak ni misîr ngâi ti kin riet. Tute lunghâng tho uol ngâi mak chea, tute mindona chungroia khom kângdoina dôn loiin miriemngei ta rangin Pathien lungdo chongtak hah ni minchu ngâia. 17Hanchu, ni ril ta, imo ni mindon? Roman Rêng Ceasar kôma chôiruol pêk hih ei Balamin ânkal mo, ânkal loi mo?” an tia.

18Nikhomrese, Jisua'n asaloi an mintuo hah a riet chiena, an kôm, “Nangni Asarotholngei! ithomo ni min ôk rang nin pût hi? 19Chôiruol chôi ranga sumthîr hah ni min en ta u!” a tia.

Sumthîr hah a kôm an hong chôia, 20male a rekel ngeia, “Tu mâi rimil le tu riming ngei mo an ni hi?” a tia.

21Anni han “Ceasar” tiin an thuona.

Masikin Jisua'n an kôm, “Asa, hanchu, Ceasar ta chu Ceasar kôm pêk ungla, Pathien ta chu Pathien kôm pêk roi,” a tipe ngeia.

22Mahi an rietin chu an kamâm tataka; ama an mâka an rotpat zoi ani.

Thina renga inthoi nôkna roia chongrekel

(Mk 12:18-27; Luk 20:27-40)

23Mani sûn nanâk han, Sadducee senkhatngei Jisua kôm an honga mingei hih thina renga inthoi nôk no ni ngei an tia.#Sin 23:8 24Anni han, “Minchupu, ‘Moses'n mi nâi neiloiin a lômnu thisan senla, a nâipa'n ha meithâi hah luo nôk ngêtin a upa ta rangin nâi a nei pe rang ani,’#Bal 25:5 a tia. 25Atûn hin, kin lâia lâibungrêng sari an oma; ulientakin in a neia, nâi neiloiin a thia, masikin a lômnu hah a nâipa kôm a mâka. 26A nâipa iniknapu chunga khom ma anghan a hong om nôka, a inthumnapu chunga khom, azoinataka sarinapu dênin an luo paka. 27Anûktaka chu nupangnu khom a thi zoia. 28Atûn, mithi ngei inthoi nôk tika han tu lômnu tak mo ani rang ani zoi? An rêngin laka an luo paka,” an tia.

29Jisua'n an kôm, “Idôra dikloi ngei mo nin ni zoi! Pathien Lekhabu nônchu Pathien sinthotheina nin riet loi sika kêng ani. 30Mithi ngei aringin an inthoinôk tika chu invâna vântîrtonngei angin om an ti zoi, innei khâi noni ngei. 31Atûn ithingei aringa an inthoinôkna roi: Pathien'n nangni a misîr pe hah nin la pore tet ngâiloi mini?” a tia 32Pathien'n, “Keima Abraham Pathien, Isaac Pathien, Jacob Pathien ki ni,” a tia. “Ama chu iringngei Pathien kêng ani, ithingei Pathien nimak,”#Jôk 3:6 tiin a thuona.

33Mipui ngei han mahi an rietin chu, a minchûna hah an kamâm tatak zoi ani.

Chongpêk roiinpuitak

(Mk 12:28-34; Luk 10:25-28)

34Jisua'n Sadduceengei hah a makhal mindokngei tih Phariseengeiin an rietin chu a pâlin an honga, 35an lâia Balam minchupu inkhatin chongrekelin min ôk rang a bôka.#Luk 10:25-28 36“Minchupu, Balama hin kho chongpêk tak himo a roiinpuitak?” tiin a rekela. 37Jisua'n a kôm, “ ‘Pumapa na Pathien chu nu mulungrîl murdi'n, na ratha murdi'n, nu mulungbôk murdi'n lungkham mu roh iti hi,’#Bal 6:5 ani tiin a thuona. 38Mahih chongpêk roiinpuitak le a kâmomtak ani. 39Chongpêk inikna kâmom nôk ân angpui chu: ‘Nangma nên lungkham anghan nu bungmingei lungkham mu roh’ iti hih ani. #Och 19:18 40Moses Balam pumpui le dêipungei minchûna ngei murdi khom hi chongpêk inik chunga hin ânngam let ani,” a tia.

Messiah chungroia chongrekel

(Mk 12:35-37; Luk 20:41-44)

41Pharisee senkhatngei munkhatin an intûp laiin, Jisua'n an kôm, 42“Messiah chungroi hih imo nin mindon? Tu richisuonpâr mo ani?” tiin a rekel ngeia.

“Ama chu David jâisuona mi ani,” tiin an thuona.

43Jisua'n an kôm, “Nônte, ithomo Ratha han David hah ‘Pumapa’ tiin a min koi? David'n,

44‘Pumapa han ka Pumapa kôm a tia:#Lap 110:1

Ka chang tieng insung tit roh

Na râlngei ne kepha nuoia ka dar suo mâka chu,’ a ti ani.

45David'n, ‘Pumapa’ tiin a koiin te, i angin mo Messiah hah David richisuonpâr ani thei rang?” a tia.

46Tutên Jisua hah thuon thei mak ngeia, male mani sûn renga chu tutên ite chongrekel rang ngam khâi mak ngei.

Currently Selected:

Matthew 22: SAKNT

Highlight

Copy

Want to have your highlights saved across all your devices? Sign up or sign in

Learn More About Pathien Lekhabu Inthieng Chongtung Thar

Popular Bible Verses from
Matthew 22

Listen to Matthew 22

Videos for Matthew 22

Matthew 14-28

The Bible Project

Matthew 22:1-22

Lumo Project

Matthew 22:23-45

Lumo Project

Matthew 22

Popular Bible Verses from
Matthew 22

Listen to Matthew 22

Videos for Matthew 22

Matthew 14-28

Matthew 22:1-22

Matthew 22:23-45

Bible:

Sakachep

Version: Pathien Lekhabu Inthieng Chongtung Thar - SAKNT

Matthew 22

Matthew 22

Popular Bible Verses from Matthew 22

Listen to Matthew 22

Videos for Matthew 22

Matthew 14-28

Matthew 22:1-22

Matthew 22:23-45

Bible:

Sakachep

Version: Pathien Lekhabu Inthieng Chongtung Thar - SAKNT

Matthew 22

Popular Bible Verses from
Matthew 22