လံာ်မၢ်ကူး 9
9
1ယ့ၣ်ၡူးစံးကဒီးဝဲ, “ယစံးဘၣ်သုတီတီ, ပှၤအိၣ်ဖဲအံၤတနီၤလၢတချုးအထံၣ်ဒံးဘၣ် ကစၢ်ယွၤအဘီအမုၢ်ဟဲအိၣ်လၢအိၣ်ပှဲၤဒီးတၢ်စိတၢ်ကမီၤန့ၣ်, တသံဒံးဘၣ်.”
ယ့ၣ်ၡူးအက့ၢ်အဂီၤလဲလိာ်အသး
(မး. ၁၇:၁-၁၃; လူၤ. ၉:၂၈-၃၆)
2လၢခံဃုသီပူၤကွံာ်န့ၣ်, ယ့ၣ်ၡူးကိးထီၣ်စီၤပ့းတရူး, စီၤယၤကိာ် ဒီးစီၤယိၤဟၣ်ဒီးလဲၤထီၣ်ဝဲဆူကစၢၢ်ဖးထီတဖျၢၣ်အလိၤလီၤ. ဒီးဖဲအအိၣ်ဒၣ်ထဲအဝဲသ့ၣ်ဧိၤန့ၣ်, ယ့ၣ်ၡူးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါလီၤ. 3အဝဲအတၢ်ကူတၢ်ကၤတဖၣ်ဝါထီၣ်ကပြုၢ်ကပြီၤဝဲ, အါန့ၢ်ဒံးပှၤဆှုၣ်တၢ်ဖိလၢအဆှုၣ်တၢ်ဝါကတၢၢ်လၢဟီၣ်ခိၣ် ချၢမၤဝဲသ့တက့ၢ်န့ၣ်လီၤ. 4အန့ၣ်ဒီး, အပျဲၢ်အဘီၣ်သၢဂၤထံၣ်ဘၣ်ဝဲဝံအ့ၤလံယၤဒီး စီၤမိၤၡ့ဟဲအိၣ်ဖျါထီၣ်ဒီးကတိၤသကိးတၢ်ဒီးယ့ၣ်ၡူးလီၤ. 5စီၤပ့းတရူးကတိၤထီၣ်တၢ်ဒီးစံးဘၣ်ယ့ၣ်ၡူး, “သရၣ်ဧၢ, ပဟဲအိၣ်ဘၣ်ဖဲအံၤဂ့ၤဒိၣ်မးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်, ဒီးတဖျၢၣ်လၢဝံအ့ၤလံယၤအဂီၢ်တက့ၢ်.” 6စံးတၢ်ဒ်အံၤမ့ၢ်လၢကဘၣ်စံးမနုၤလဲၣ်န့ၣ်တသ့ၣ်ညါလၢၤဝဲဘၣ်ဒီး အဝဲသ့ၣ်ပျံၤတၢ်ဒိၣ်ဒိၣ်ကလဲာ်အဃိန့ၣ်လီၤ.
7ဒီးတၢ်အၢၣ်တလိၣ်အိၣ်ဖျါထီၣ်ဒီးအကဒုလီၤဘၣ်လၢအဝဲသ့ၣ် အဖီခိၣ်လီၤ. တၢ်ကလုၢ်သီၣ်ထီၣ်လၢတၢ်အၢၣ်အပူၤစံးဝဲ, “အဝဲတဂၤအံၤမ့ၢ်ယဖိခွါလၢယအဲၣ်အီၤလီၤ. ကနၣ်အကလုၢ်တက့ၢ်.” 8သတူၢ်ကလာ်အဝဲသ့ၣ်ကွၢ်တရံးအကပိာ်ကပၤ, ဘၣ်ဆၣ်တထံၣ်လၢၤပှၤနီတဂၤဘၣ်ဒီးထံၣ်ဝဲထဲယ့ၣ်ၡူး တဂၤဧိၤအိၣ်ဒီးအဝဲသ့ၣ်န့ၣ်လီၤ.
9ဖဲအဝဲသ့ၣ်ဟဲက့ၤလီၤလၢကစၢၢ်လိၤအခါ, ယ့ၣ်ၡူးမၤလိာ်အဝဲသ့ၣ်လၢတၢ်လၢအထံၣ်ဘၣ်တ့ၢ်ဝဲအံၤန့ၣ်, အသုတစံးဘၣ်တဲဘၣ်ပှၤနီတဂၤတဂ့ၤလီၤ. မ့မ့ၢ်တုၤပှၤကညီအဖိခွါအံၤဂဲၤဆၢထၢၣ်သမူထီၣ်က့ၤလၢတၢ် သံတစုဒီး, စံးဘၣ်တဲဘၣ်ပှၤသ့ဝဲဒၣ်လီၤ.
10အဝဲသ့ၣ်မၤဝဲဒ်အဝဲဒၣ်မၤလိာ်အီၤအသိး, ဘၣ်ဆၣ်ဒီးသံကွၢ်လိာ်အသးကဒဲကဒဲဒီးကတိၤလိာ်အသး ဘၣ်ဃးတၢ်ဂ့ၢ်တထံၣ်လၢအစံးဝဲကဂဲၤဆၢထၢၣ်သမူထီၣ် က့ၤလၢတၢ်သံန့ၣ်အခီပညီမ့ၢ်တၢ်ဒ်လဲၣ်န့ၣ်လီၤ. 11ဒီးအဝဲသ့ၣ်သံကွၢ်ယ့ၣ်ၡူး, “ဘၣ်မနုၤပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် စံးဝဲလၢဝံအ့ၤလံယၤဘၣ်ဟဲဆိန့ၣ်လဲၣ်.”
12အဝဲဒၣ်စံးဆၢဝဲ, “ဝံအ့ၤလံယၤကဘၣ်ဟဲဆိဝဲသပှၢ်ကတၢၢ်လၢကမၤ ဘၣ်လီၢ်ဘၣ်စးက့ၤတၢ်ခဲလၢာ်အဂီၢ်လီၤ. ဘၣ်ဆၣ်ဒီးဘၣ်မနုၤအဃိ တၢ်ကွဲးအသးစီဆှံဘၣ်စံးဝဲလၢပှၤကညီဖိခွါအံၤကဘၣ် တူၢ်တၢ်နးတၢ်ဖှီၣ်အဒိၣ်အအါဒီးကဘၣ်တၢ်ညိကွံာ်အီၤန့ၣ်လဲၣ်. 13ဘၣ်ဆၣ်ယစံးဘၣ်သု, ဝံအ့ၤလံယၤဟဲတ့ၢ်လံဝဲလံ. ဒီးပှၤသ့ၣ်တဖၣ်မၤအီၤဖဲအအဲၣ်ဒိးမၤဝဲအသိး ဒ်တၢ်ကွဲးအသးစီဆှံစံးဝဲဘၣ်ဃးဒီးအီၤအသိးန့ၣ်လီၤ.
ယ့ၣ်ၡူးမၤဘျါက့ၤဖိသၣ်ပိာ်ခွါတဂၤလၢတၢ်နါဒိးအီၤ
(မး. ၁၇:၁၄-၂၁; လူၤ. ၉:၃၇-၄၃က)
14တုၤအဝဲသ့ၣ်ဟဲက့ၤတုၤဖှိၣ်သကိးလၢအပျဲၢ်အဘီၣ်အဂၤတဖၣ်အသိး အကျါန့ၣ်, ထံၣ်ဘၣ်ပှၤဂီၢ်မုၢ်အိၣ်ဝးတရံးအပျဲၢ်အဘီၣ်အဂၤတဖၣ်အံၤဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤကတိၤဂ့ၢ်လိာ်ဘှီလိာ် တၢ်ဒီးအဝဲသ့ၣ်န့ၣ်လီၤ. 15တုၤပှၤဂီၢ်မုၢ်တဖၣ်ထံၣ်ဘၣ်ယ့ၣ်ၡူးဒီး, တၢ်လီၤကမၢကမၣ်ဘၣ်အဝဲသ့ၣ်ဒိၣ်ဒိၣ်ကလဲာ်သတးဒီး, ဃ့ၢ်ဃီၤဝဲဆူအဝဲဒၣ်အအိၣ်ဒီးကတိၤတူၢ်လိာ်ခီၣ်ဆၢအီၤလီၤ. 16ယ့ၣ်ၡူးသံကွၢ်အပျဲၢ်အဘီၣ်တဖၣ်, “သုကတိၤဂ့ၢ်လိာ်ဘှီလိာ်သုသးဒီးအဝဲသ့ၣ်ဘၣ်ဃးတၢ်ဂ့ၢ် မနုၤတမံၤလဲၣ်.”
17ဒီးပှၤအိၣ်ဝဲတဂၤလၢပှၤဂီၢ်မုၢ်အကျါစံးဆၢအီၤ, “သရၣ်ဧၢ, ယဟဲကိးယဖိခွါဆူနအိၣ်မ့ၢ်လၢတၢ်နါဒိးအီၤဒီးအဝဲဒၣ်ကတိၤ တၢ်တသ့ဘၣ်အဃိလီၤ. 18တဘျီလၢ်လၢ်ဖဲတၢ်နါဒိးအီၤန့ၣ်, အဝဲဒၣ်လီၤဃံၤလၢဟီၣ်ခိၣ်လိၤဒီးအကိာ်ပူၤသဘှဲထီၣ်, အ့ၣ်တဃံးအမဲ, ဒီးဆှိၣ်ထီၣ်ဒီဂၤညါလီၤ. ယဃ့ကညးနပျဲၢ်နဘီၣ်တဖၣ်လၢအကဟီထီၣ်ကွံာ်တၢ်နါန့ၣ်, ဘၣ်ဆၣ်မၤဝဲတသ့ဘၣ်.”
19ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”
20အဝဲသ့ၣ်ဟဲကိးဃီၤဖိသၣ်န့ၣ်ဆူအအိၣ် ဒီးတုၤတၢ်နါထံၣ်ဘၣ်ယ့ၣ်ၡူးတဘျီဃီန့ၣ်, မၤပျုၢ်ထိးထီၣ်အီၤသတးဒီး, လီၤဃံၤဝဲလၢဟီၣ်ခိၣ်လိၤ ဒီးထွၣ်တလ့ၣ်အသးဖဲန့ၣ်ဒီးအကိာ်ပူၤသဘှဲထီၣ်ဝဲဒၣ်လီၤ.
21ဒီးယ့ၣ်ၡူးသံကွၢ်ဖိသၣ်အပၢ်န့ၣ်, “တၢ်မၤအသးဒီးအီၤဒ်သိးအံၤအိၣ်ဆံးယံာ်လံလဲၣ်.” ဒီးအဝဲဒၣ်စံးဆၢက့ၤဝဲ, “စးထီၣ်လၢအမ့ၢ်ဖိသၣ်လံၤလံၤလီၤ. 22တၢ်နါအဲၣ်ဒိးမၤသံအီၤသတးဒီး အတၢ်တ့ၢ်လီၤအီၤဆူမ့ၣ်အူပူၤဒီးဆူထံကျါတလီၢ်လီၢ်န့ၣ်လီၤ. နဲဒၣ်အံၤနမၤစၢၤပှၤမ့ၢ်သ့တမံၤမံၤဒီးသးကညီၤပှၤဒီးမၤစၢၤ ဘၣ်ပှၤတက့ၢ်.”
23ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”
24တဘျီဃီပၢ်တဂၤကိးထီၣ်လၢအကလုၢ်ဖးဒိၣ်ဒီးစံးဝဲ, “ယနာ်လီၤ. ဘၣ်ဆၣ်မ့ၢ်တၢ်နာ်လၢအဆံးအစှၤဒံးအဃိ, မၤစၢၤယၤလၢယကအိၣ်ဒီးတၢ်နာ်လၢအအါန့ၣ်တက့ၢ်.”
25တုၤမ့ၢ်ယ့ၣ်ၡူးထံၣ်ဘၣ်ပှၤဂီၢ်မုၢ်တဖၣ်ဟဲဆီၣ်သနံးအသးဘူး ဒီးအဝဲအိၣ်တၢ်အလီၢ်န့ၣ်, အဝဲဒူတၢ်နါအလိၤဒီးစံးဘၣ်အီၤ, “တၢ်နါလၢအဒုးတအၢပှၤနၢ်ဒီး မၤအုးအးပှၤတဒုဧၢ, ယမၤလိာ်နၤ, ဟးထီၣ်ကွံာ်လၢဖိသၣ်အံၤအအိၣ်တက့ၢ်. ဒီးတဘၣ်ဟဲဒိးလၢၤအီၤနီတစုတဂ့ၤ.”
26ဒီးတၢ်နါကိးပသူထီၣ်ဝဲဒီးမၤပျုၢ်ထိးထီၣ်ဖိသၣ်နးမးဝံၤ ဟးထီၣ်ကွံာ်ဝဲလၢအအိၣ်လီၤ. ဖိသၣ်န့ၣ်အိၣ်ဖျါမၤအသးဒ်ပှၤသံစိၣ်တဂၤအသိးသတးဒီး, ပှၤကိးဂၤဒဲးစံးဝဲ, “အဝဲဒၣ်သံလံ” န့ၣ်လီၤ. 27ဘၣ်ဆၣ်ဒီးယ့ၣ်ၡူးဟံးန့ၢ်ဖိသၣ် အစုဒီးဝံၢ်ဆၢထၢၣ်အီၤ ဒီးအဝဲဒၣ်ဂဲၤဆၢထၢၣ်လၢအခီၣ်ဒၣ်ဝဲလီၤ.
28တုၤယ့ၣ်ၡူးလဲၤနုာ်ဆူဟံၣ်ပူၤဖဲပှၤတအိၣ်နီတဂၤဘၣ်အခါ န့ၣ်, အပျဲၢ်အဘီၣ်တဖၣ်သံကွၢ်အီၤကစုဒု, “ဘၣ်မနုၤပဝဲဒၣ်တဖၣ်ပဟီထီၣ်ကွံာ်တၢ်နါတသ့ဘၣ်န့ၣ်လဲၣ်.”
29ယ့ၣ်ၡူးစံးဆၢက့ၤအဝဲသ့ၣ်, “တၢ်နါဒ်သိးအံၤန့ၣ်တၢ်ဒုးဟးထီၣ်ကွံာ်အီၤသ့ဒၣ်ထဲလၢ တၢ်ထုကဖၣ် (ဒီးတၢ်ဒုၣ်တၢ်အီၣ်တၢ်အီ) ဧိၤန့ၣ်လီၤ.”
ယ့ၣ်ၡူးကတိၤကဒီးတၢ်ဘၣ်ဃးကဘၣ်သံဝဲအဂ့ၢ်
(မး. ၁၇:၂၂-၂၃; လူၤ. ၉:၄၃ခ-၄၅)
30ယ့ၣ်ၡူးဒီးအပျဲၢ်အဘီၣ်တဖၣ်ဟးထီၣ်ကွံာ်ဝဲဖဲတၢ်လီၢ်န့ၣ်ဒီး လဲၤခီဖျိဝဲကီၢ်ကၤလံၤလါလီၤ. ယ့ၣ်ၡူးတအဲၣ်ဒိးဝဲလၢပှၤကသ့ၣ်ညါန့ၢ်အအိၣ်တၢ်အလီၢ်နီတဂၤ ဘၣ်. 31အဂ့ၢ်ဒ်အံၤအဝဲဒၣ်သိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤ, ကဘၣ်တၢ်ဟ့ၣ်လီၤကွံာ်အီၤဆူပှၤကညီတဖၣ်အစုပူၤဒီးအဝဲသ့ၣ် ကမၤသံအီၤလီၤ. သနာ်က့ဒီးသၢသီတသီန့ၣ်, ကဂဲၤဆၢထၢၣ်က့ၤလၢတၢ်သံလီၤ.”
32ဘၣ်ဆၣ်ဒီးအတၢ်သိၣ်လီၤသီလီၤတၢ်အံၤ အဝဲသ့ၣ်တနၢ်ပၢၢ်ဝဲအခီပညီဘၣ်ဒီးကသံကွၢ်အီၤအဂီၢ် အဝဲသ့ၣ်ပျံၤတၢ်န့ၣ်လီၤ.
ပှၤအဒိၣ်ကတၢၢ်မ့ၢ်မတၤတဂၤလဲၣ်
(မး. ၁၈:၁-၅; လူၤ. ၉:၄၆-၄၈)
33အဝဲသ့ၣ်လဲၤတုၤဝ့ၢ်ကပ့းရနီၣ်ဒီးတုၤအလဲၤနုာ်လီၤဆူ ဟံၣ်ပူၤဝံၤန့ၣ်ယ့ၣ်ၡူးသံကွၢ်အပျဲၢ်အဘီၣ်တဖၣ်, “ဖဲသုဟဲလၢကျဲအဖၢမုၢ်န့ၣ်, သုဂ့ၢ်လိာ်ဘှီလိာ်သုသးလၢတၢ်ဂ့ၢ်မနုၤတမံၤလဲၣ်.”
34အဝဲသ့ၣ်အိၣ်ဘှီၣ်ကလာ်ဒီးတစံးဆၢတၢ်နီတမံၤဘၣ်. အဂ့ၢ်ဒ်အံၤ, ဖဲအဝဲသ့ၣ်ဟဲလၢကျဲအခါဂ့ၢ်လိာ်ဘှီလိာ်အသးဘၣ်ဃးပှၤ အိၣ်ဒီးအလီၢ်အလၤဒိၣ်ကတၢၢ်လၢအဝဲသ့ၣ်အကျါ မ့ၢ်မတၤတဂၤလဲၣ်န့ၣ်လီၤ. 35ယ့ၣ်ၡူးဆ့ၣ်နီၤဝဲ, ကိးဃီၤအပျဲၢ်အဘီၣ်တဆံခံဂၤန့ၣ်ဆူအအိၣ်ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအအဲၣ်ဒိးတၢ်လီၢ်တၢ်လၤအဒိၣ်ကတၢၢ်န့ၣ်, ကဘၣ်ဟံးန့ၢ်တၢ်လီၢ်တၢ်လၤအဆံးကတၢၢ်ဒီးကဘၣ်ကဲပှၤကိးဂၤဒဲး အခ့အပှၤလီၤ.” 36အန့ၣ်ဝံၤအဝဲဒၣ်ဟံးန့ၢ်ဖိသၣ်ဆံးတဂၤဒီးဒုးဆၢထၢၣ်အီၤလၢ အဝဲသ့ၣ်အမဲာ်ညါလီၤ. ဒီးဖိးဃာ်အီၤလၢအစုဝံၤစံးဘၣ်အဝဲသ့ၣ် တဖၣ်န့ၣ်, 37“ပှၤတဂၤလၢ်လၢ်လၢအတူၢ်လိာ်ဖိသၣ်ဒ်သိးအံၤတဂၤလၢယမံၤ အပူၤန့ၣ်, မ့ၢ်အတူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်, တမ့ၢ်ထဲအတူၢ်လိာ်ယၤဘၣ်. မ့မ့ၢ်တူၢ်လိာ်စ့ၢ်ကီးပှၤလၢအမၢလီၤယၤတဂၤန့ၣ်လီၤ.”
ပှၤလၢအတထီဒါပှၤန့ၣ်, မ့ၢ်ပှၤတဖုဃီဒီးပှၤလီၤ
(လူၤ. ၉:၄၉-၅၀)
38စီၤယိၤဟၣ်စံးဘၣ်အီၤ, “သရၣ်ဧၢ, ပထံၣ်ဘၣ်ပှၤတဂၤလၢအဟီထီၣ်ကွံာ်တၢ်နါလၢနမံၤအပူၤ သတးဒီးပတြီအီၤလၢအသုတမၤတၢ်ဒ်န့ၣ်အသိးတဂ့ၤ, မ့ၢ်လၢအတဘၣ်ဃးဒီးပဝဲဒၣ်ဘၣ်အဃိလီၤ.”
39ယ့ၣ်ၡူးစံးဘၣ်အဝဲသ့ၣ်, “တဘၣ်တြီအီၤတဂ့ၤ. အဂ့ၢ်ဒ်အံၤပှၤလၢအမၤကဲထီၣ်တၢ်လီၤလးတမံၤမံၤလၢ ယမံၤအပူၤန့ၣ်, မၤဝဲဝံၤအလီၢ်ခံကကတိၤစံးအၢစံးသီယၤ တအိၣ်နီတဂၤဘၣ်. 40အဂ့ၢ်ဒ်အံၤ, ပှၤတဂၤလၢ်လၢ်လၢအတထီဒါပှၤန့ၣ် မ့ၢ်ပှၤတဖုဃီဒီးပှၤလီၤ. 41ယစံးဘၣ်သုတီတီ, ပှၤတဂၤလၢ်လၢ်လၢအဟ့ၣ်အီသုလၢထံတလီခီ လၢသုဘၣ်ဃးဒီးယၤအဃိန့ၣ်, ကန့ၢ်ဘၣ်အဘျုးသပှၢ်ကတၢၢ်လီၤ.
တၢ်လ့ပစီပှၤဆူတၢ်ဒဲးဘးအပူၤ
(မး. ၁၈:၆-၉; လူၤ. ၁၇:၁-၂)
42ပှၤတဂၤလၢ်လၢ်လၢအမၤဘၣ်ပှၤအဆံးလၢအနာ်က့ၤယၤ တဖၣ်အကျါတဂၤဂၤဒ်သိးအတၢ်နာ်လၢယပူၤကဟးဂီၤကွံာ်အဂီၢ်န့ၣ်, ဂ့ၤတက့ၢ်လၢတၢ်စၢထီၣ်ဆၢၣ်ဂူာ်လၢၢ်ဖးဒိၣ်လၢအကိာ်လိၤ ဒီးတ့ၢ်လီၤကွံာ်အီၤဆူပီၣ်လဲၣ်ပူၤလီၤ. 43သတးဒီး, လၢနစုအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီးဒီၣ်တဲာ်ကွံာ် အီၤတက့ၢ်. နကနုာ်လီၤဘၣ်ဆူတၢ်မူအထူအယိာ်အပူၤအိၣ်ဒီးနစု တူာ်တခီန့ၣ်, ဂ့ၤန့ၢ်ဒံးနကအိၣ်ဒီးနစုခံခီလၢာ်ဒီးနကလဲၤဆူလရာ်အပူၤ, ဖဲမ့ၣ်အူကဲၤတလီၤပံာ်နီတစုဘၣ်န့ၣ်လီၤ. 44(ဒီးဖဲန့ၣ်, လၢၣ်လၢအအီၣ်အဝဲသ့ၣ်အညၣ်တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ်တၢ်မၤလီၤပံာ်ကွံာ်အီၤတန့ၢ်နီ တစုဘၣ်.) 45ဒီးလၢနခီၣ်အဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီး, ဒီၣ်တဲာ်ကွံာ်အီၤတက့ၢ်. နကနုာ်လီၤဘၣ်ဆူတၢ်မူအထူအယိာ် အပူၤအိၣ်ဒီးနခီၣ်တူာ်တခီန့ၣ်, ဂ့ၤန့ၢ်ဒံးနကအိၣ်ဒီးနခီၣ်ခံခီလၢာ်ဒီးနကဘၣ်တၢ်ကွံာ်လီၤနၤ ဆူလရာ်အပူၤန့ၣ်လီၤ. 46(ဒီးဖဲန့ၣ် လၢၣ်လၢအအီၣ်အဝဲသ့ၣ်အညၣ် တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ် တၢ်မၤလီၤပံာ်ကွံာ်အီၤတန့ၢ်နီတစုဘၣ်.) 47ဒီးလၢနမဲာ်ချံအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီး, အူခွဲးထီၣ်ကွံာ်အီၤတက့ၢ်. နကနုာ်လီၤဘၣ်ဆူယွၤအဘီအမုၢ်အပူၤအိၣ်ဒီးနမဲာ်ချံတခီန့ၣ်, ဂ့ၤန့ၢ်ဒံးနကအိၣ်ဒီးနမဲာ်ချံခံခီလၢာ်ဒီးနကဘၣ်တၢ်ကွံာ် လီၤနၤဆူလရာ်အပူၤန့ၣ်လီၤ. 48ဖဲန့ၣ်, လၢၣ်လၢအအီၣ်အဝဲသ့ၣ်အညၣ်တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ် တၢ်မၤလီၤပံာ်ကွံာ်အီၤတန့ၢ် နီတစုဘၣ်.
49ပှၤကိးဂၤဒဲးကဘၣ်တၢ်မၤကဆှီထီၣ်အီၤလၢမ့ၣ်အူ, ဒ်တၢ်လုၢ်တၢ်ပာ်ဘၣ်တၢ်မၤကဆှီထီၣ်အီၤလၢအံသၣ်အသိးန့ၣ်လီၤ.
50အံသၣ်မ့ၢ်တၢ်လၢအဂ့ၤလီၤ. ဘၣ်ဆၣ်ဒီးမ့ၢ်တဟီလၢၤဘၣ်န့ၣ်, သုကမၤဟီထီၣ်က့ၤအီၤဒ်လဲၣ်.
လၢသုတၢ်ရ့လိာ်သကိးသုသးအပူၤန့ၣ်, အိၣ်ဒီးတၢ်အသဟီၣ်ဒ်အံသၣ် အသိးဒီးအိၣ်ဃူအိၣ်ဖိးလိာ်သုသးတဂၤဒီးတဂၤတက့ၢ်.”
Currently Selected:
လံာ်မၢ်ကူး 9: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
လံာ်မၢ်ကူး 9
9
1ယ့ၣ်ၡူးစံးကဒီးဝဲ, “ယစံးဘၣ်သုတီတီ, ပှၤအိၣ်ဖဲအံၤတနီၤလၢတချုးအထံၣ်ဒံးဘၣ် ကစၢ်ယွၤအဘီအမုၢ်ဟဲအိၣ်လၢအိၣ်ပှဲၤဒီးတၢ်စိတၢ်ကမီၤန့ၣ်, တသံဒံးဘၣ်.”
ယ့ၣ်ၡူးအက့ၢ်အဂီၤလဲလိာ်အသး
(မး. ၁၇:၁-၁၃; လူၤ. ၉:၂၈-၃၆)
2လၢခံဃုသီပူၤကွံာ်န့ၣ်, ယ့ၣ်ၡူးကိးထီၣ်စီၤပ့းတရူး, စီၤယၤကိာ် ဒီးစီၤယိၤဟၣ်ဒီးလဲၤထီၣ်ဝဲဆူကစၢၢ်ဖးထီတဖျၢၣ်အလိၤလီၤ. ဒီးဖဲအအိၣ်ဒၣ်ထဲအဝဲသ့ၣ်ဧိၤန့ၣ်, ယ့ၣ်ၡူးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါလီၤ. 3အဝဲအတၢ်ကူတၢ်ကၤတဖၣ်ဝါထီၣ်ကပြုၢ်ကပြီၤဝဲ, အါန့ၢ်ဒံးပှၤဆှုၣ်တၢ်ဖိလၢအဆှုၣ်တၢ်ဝါကတၢၢ်လၢဟီၣ်ခိၣ် ချၢမၤဝဲသ့တက့ၢ်န့ၣ်လီၤ. 4အန့ၣ်ဒီး, အပျဲၢ်အဘီၣ်သၢဂၤထံၣ်ဘၣ်ဝဲဝံအ့ၤလံယၤဒီး စီၤမိၤၡ့ဟဲအိၣ်ဖျါထီၣ်ဒီးကတိၤသကိးတၢ်ဒီးယ့ၣ်ၡူးလီၤ. 5စီၤပ့းတရူးကတိၤထီၣ်တၢ်ဒီးစံးဘၣ်ယ့ၣ်ၡူး, “သရၣ်ဧၢ, ပဟဲအိၣ်ဘၣ်ဖဲအံၤဂ့ၤဒိၣ်မးလီၤ. မ်ပကဘှီထီၣ်ဒဲသၢဖျၢၣ်, တဖျၢၣ်လၢနဂီၢ်, တဖျၢၣ်လၢစီၤမိၤၡ့အဂီၢ်, ဒီးတဖျၢၣ်လၢဝံအ့ၤလံယၤအဂီၢ်တက့ၢ်.” 6စံးတၢ်ဒ်အံၤမ့ၢ်လၢကဘၣ်စံးမနုၤလဲၣ်န့ၣ်တသ့ၣ်ညါလၢၤဝဲဘၣ်ဒီး အဝဲသ့ၣ်ပျံၤတၢ်ဒိၣ်ဒိၣ်ကလဲာ်အဃိန့ၣ်လီၤ.
7ဒီးတၢ်အၢၣ်တလိၣ်အိၣ်ဖျါထီၣ်ဒီးအကဒုလီၤဘၣ်လၢအဝဲသ့ၣ် အဖီခိၣ်လီၤ. တၢ်ကလုၢ်သီၣ်ထီၣ်လၢတၢ်အၢၣ်အပူၤစံးဝဲ, “အဝဲတဂၤအံၤမ့ၢ်ယဖိခွါလၢယအဲၣ်အီၤလီၤ. ကနၣ်အကလုၢ်တက့ၢ်.” 8သတူၢ်ကလာ်အဝဲသ့ၣ်ကွၢ်တရံးအကပိာ်ကပၤ, ဘၣ်ဆၣ်တထံၣ်လၢၤပှၤနီတဂၤဘၣ်ဒီးထံၣ်ဝဲထဲယ့ၣ်ၡူး တဂၤဧိၤအိၣ်ဒီးအဝဲသ့ၣ်န့ၣ်လီၤ.
9ဖဲအဝဲသ့ၣ်ဟဲက့ၤလီၤလၢကစၢၢ်လိၤအခါ, ယ့ၣ်ၡူးမၤလိာ်အဝဲသ့ၣ်လၢတၢ်လၢအထံၣ်ဘၣ်တ့ၢ်ဝဲအံၤန့ၣ်, အသုတစံးဘၣ်တဲဘၣ်ပှၤနီတဂၤတဂ့ၤလီၤ. မ့မ့ၢ်တုၤပှၤကညီအဖိခွါအံၤဂဲၤဆၢထၢၣ်သမူထီၣ်က့ၤလၢတၢ် သံတစုဒီး, စံးဘၣ်တဲဘၣ်ပှၤသ့ဝဲဒၣ်လီၤ.
10အဝဲသ့ၣ်မၤဝဲဒ်အဝဲဒၣ်မၤလိာ်အီၤအသိး, ဘၣ်ဆၣ်ဒီးသံကွၢ်လိာ်အသးကဒဲကဒဲဒီးကတိၤလိာ်အသး ဘၣ်ဃးတၢ်ဂ့ၢ်တထံၣ်လၢအစံးဝဲကဂဲၤဆၢထၢၣ်သမူထီၣ် က့ၤလၢတၢ်သံန့ၣ်အခီပညီမ့ၢ်တၢ်ဒ်လဲၣ်န့ၣ်လီၤ. 11ဒီးအဝဲသ့ၣ်သံကွၢ်ယ့ၣ်ၡူး, “ဘၣ်မနုၤပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် စံးဝဲလၢဝံအ့ၤလံယၤဘၣ်ဟဲဆိန့ၣ်လဲၣ်.”
12အဝဲဒၣ်စံးဆၢဝဲ, “ဝံအ့ၤလံယၤကဘၣ်ဟဲဆိဝဲသပှၢ်ကတၢၢ်လၢကမၤ ဘၣ်လီၢ်ဘၣ်စးက့ၤတၢ်ခဲလၢာ်အဂီၢ်လီၤ. ဘၣ်ဆၣ်ဒီးဘၣ်မနုၤအဃိ တၢ်ကွဲးအသးစီဆှံဘၣ်စံးဝဲလၢပှၤကညီဖိခွါအံၤကဘၣ် တူၢ်တၢ်နးတၢ်ဖှီၣ်အဒိၣ်အအါဒီးကဘၣ်တၢ်ညိကွံာ်အီၤန့ၣ်လဲၣ်. 13ဘၣ်ဆၣ်ယစံးဘၣ်သု, ဝံအ့ၤလံယၤဟဲတ့ၢ်လံဝဲလံ. ဒီးပှၤသ့ၣ်တဖၣ်မၤအီၤဖဲအအဲၣ်ဒိးမၤဝဲအသိး ဒ်တၢ်ကွဲးအသးစီဆှံစံးဝဲဘၣ်ဃးဒီးအီၤအသိးန့ၣ်လီၤ.
ယ့ၣ်ၡူးမၤဘျါက့ၤဖိသၣ်ပိာ်ခွါတဂၤလၢတၢ်နါဒိးအီၤ
(မး. ၁၇:၁၄-၂၁; လူၤ. ၉:၃၇-၄၃က)
14တုၤအဝဲသ့ၣ်ဟဲက့ၤတုၤဖှိၣ်သကိးလၢအပျဲၢ်အဘီၣ်အဂၤတဖၣ်အသိး အကျါန့ၣ်, ထံၣ်ဘၣ်ပှၤဂီၢ်မုၢ်အိၣ်ဝးတရံးအပျဲၢ်အဘီၣ်အဂၤတဖၣ်အံၤဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤကတိၤဂ့ၢ်လိာ်ဘှီလိာ် တၢ်ဒီးအဝဲသ့ၣ်န့ၣ်လီၤ. 15တုၤပှၤဂီၢ်မုၢ်တဖၣ်ထံၣ်ဘၣ်ယ့ၣ်ၡူးဒီး, တၢ်လီၤကမၢကမၣ်ဘၣ်အဝဲသ့ၣ်ဒိၣ်ဒိၣ်ကလဲာ်သတးဒီး, ဃ့ၢ်ဃီၤဝဲဆူအဝဲဒၣ်အအိၣ်ဒီးကတိၤတူၢ်လိာ်ခီၣ်ဆၢအီၤလီၤ. 16ယ့ၣ်ၡူးသံကွၢ်အပျဲၢ်အဘီၣ်တဖၣ်, “သုကတိၤဂ့ၢ်လိာ်ဘှီလိာ်သုသးဒီးအဝဲသ့ၣ်ဘၣ်ဃးတၢ်ဂ့ၢ် မနုၤတမံၤလဲၣ်.”
17ဒီးပှၤအိၣ်ဝဲတဂၤလၢပှၤဂီၢ်မုၢ်အကျါစံးဆၢအီၤ, “သရၣ်ဧၢ, ယဟဲကိးယဖိခွါဆူနအိၣ်မ့ၢ်လၢတၢ်နါဒိးအီၤဒီးအဝဲဒၣ်ကတိၤ တၢ်တသ့ဘၣ်အဃိလီၤ. 18တဘျီလၢ်လၢ်ဖဲတၢ်နါဒိးအီၤန့ၣ်, အဝဲဒၣ်လီၤဃံၤလၢဟီၣ်ခိၣ်လိၤဒီးအကိာ်ပူၤသဘှဲထီၣ်, အ့ၣ်တဃံးအမဲ, ဒီးဆှိၣ်ထီၣ်ဒီဂၤညါလီၤ. ယဃ့ကညးနပျဲၢ်နဘီၣ်တဖၣ်လၢအကဟီထီၣ်ကွံာ်တၢ်နါန့ၣ်, ဘၣ်ဆၣ်မၤဝဲတသ့ဘၣ်.”
19ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”
20အဝဲသ့ၣ်ဟဲကိးဃီၤဖိသၣ်န့ၣ်ဆူအအိၣ် ဒီးတုၤတၢ်နါထံၣ်ဘၣ်ယ့ၣ်ၡူးတဘျီဃီန့ၣ်, မၤပျုၢ်ထိးထီၣ်အီၤသတးဒီး, လီၤဃံၤဝဲလၢဟီၣ်ခိၣ်လိၤ ဒီးထွၣ်တလ့ၣ်အသးဖဲန့ၣ်ဒီးအကိာ်ပူၤသဘှဲထီၣ်ဝဲဒၣ်လီၤ.
21ဒီးယ့ၣ်ၡူးသံကွၢ်ဖိသၣ်အပၢ်န့ၣ်, “တၢ်မၤအသးဒီးအီၤဒ်သိးအံၤအိၣ်ဆံးယံာ်လံလဲၣ်.” ဒီးအဝဲဒၣ်စံးဆၢက့ၤဝဲ, “စးထီၣ်လၢအမ့ၢ်ဖိသၣ်လံၤလံၤလီၤ. 22တၢ်နါအဲၣ်ဒိးမၤသံအီၤသတးဒီး အတၢ်တ့ၢ်လီၤအီၤဆူမ့ၣ်အူပူၤဒီးဆူထံကျါတလီၢ်လီၢ်န့ၣ်လီၤ. နဲဒၣ်အံၤနမၤစၢၤပှၤမ့ၢ်သ့တမံၤမံၤဒီးသးကညီၤပှၤဒီးမၤစၢၤ ဘၣ်ပှၤတက့ၢ်.”
23ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”
24တဘျီဃီပၢ်တဂၤကိးထီၣ်လၢအကလုၢ်ဖးဒိၣ်ဒီးစံးဝဲ, “ယနာ်လီၤ. ဘၣ်ဆၣ်မ့ၢ်တၢ်နာ်လၢအဆံးအစှၤဒံးအဃိ, မၤစၢၤယၤလၢယကအိၣ်ဒီးတၢ်နာ်လၢအအါန့ၣ်တက့ၢ်.”
25တုၤမ့ၢ်ယ့ၣ်ၡူးထံၣ်ဘၣ်ပှၤဂီၢ်မုၢ်တဖၣ်ဟဲဆီၣ်သနံးအသးဘူး ဒီးအဝဲအိၣ်တၢ်အလီၢ်န့ၣ်, အဝဲဒူတၢ်နါအလိၤဒီးစံးဘၣ်အီၤ, “တၢ်နါလၢအဒုးတအၢပှၤနၢ်ဒီး မၤအုးအးပှၤတဒုဧၢ, ယမၤလိာ်နၤ, ဟးထီၣ်ကွံာ်လၢဖိသၣ်အံၤအအိၣ်တက့ၢ်. ဒီးတဘၣ်ဟဲဒိးလၢၤအီၤနီတစုတဂ့ၤ.”
26ဒီးတၢ်နါကိးပသူထီၣ်ဝဲဒီးမၤပျုၢ်ထိးထီၣ်ဖိသၣ်နးမးဝံၤ ဟးထီၣ်ကွံာ်ဝဲလၢအအိၣ်လီၤ. ဖိသၣ်န့ၣ်အိၣ်ဖျါမၤအသးဒ်ပှၤသံစိၣ်တဂၤအသိးသတးဒီး, ပှၤကိးဂၤဒဲးစံးဝဲ, “အဝဲဒၣ်သံလံ” န့ၣ်လီၤ. 27ဘၣ်ဆၣ်ဒီးယ့ၣ်ၡူးဟံးန့ၢ်ဖိသၣ် အစုဒီးဝံၢ်ဆၢထၢၣ်အီၤ ဒီးအဝဲဒၣ်ဂဲၤဆၢထၢၣ်လၢအခီၣ်ဒၣ်ဝဲလီၤ.
28တုၤယ့ၣ်ၡူးလဲၤနုာ်ဆူဟံၣ်ပူၤဖဲပှၤတအိၣ်နီတဂၤဘၣ်အခါ န့ၣ်, အပျဲၢ်အဘီၣ်တဖၣ်သံကွၢ်အီၤကစုဒု, “ဘၣ်မနုၤပဝဲဒၣ်တဖၣ်ပဟီထီၣ်ကွံာ်တၢ်နါတသ့ဘၣ်န့ၣ်လဲၣ်.”
29ယ့ၣ်ၡူးစံးဆၢက့ၤအဝဲသ့ၣ်, “တၢ်နါဒ်သိးအံၤန့ၣ်တၢ်ဒုးဟးထီၣ်ကွံာ်အီၤသ့ဒၣ်ထဲလၢ တၢ်ထုကဖၣ် (ဒီးတၢ်ဒုၣ်တၢ်အီၣ်တၢ်အီ) ဧိၤန့ၣ်လီၤ.”
ယ့ၣ်ၡူးကတိၤကဒီးတၢ်ဘၣ်ဃးကဘၣ်သံဝဲအဂ့ၢ်
(မး. ၁၇:၂၂-၂၃; လူၤ. ၉:၄၃ခ-၄၅)
30ယ့ၣ်ၡူးဒီးအပျဲၢ်အဘီၣ်တဖၣ်ဟးထီၣ်ကွံာ်ဝဲဖဲတၢ်လီၢ်န့ၣ်ဒီး လဲၤခီဖျိဝဲကီၢ်ကၤလံၤလါလီၤ. ယ့ၣ်ၡူးတအဲၣ်ဒိးဝဲလၢပှၤကသ့ၣ်ညါန့ၢ်အအိၣ်တၢ်အလီၢ်နီတဂၤ ဘၣ်. 31အဂ့ၢ်ဒ်အံၤအဝဲဒၣ်သိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤ, ကဘၣ်တၢ်ဟ့ၣ်လီၤကွံာ်အီၤဆူပှၤကညီတဖၣ်အစုပူၤဒီးအဝဲသ့ၣ် ကမၤသံအီၤလီၤ. သနာ်က့ဒီးသၢသီတသီန့ၣ်, ကဂဲၤဆၢထၢၣ်က့ၤလၢတၢ်သံလီၤ.”
32ဘၣ်ဆၣ်ဒီးအတၢ်သိၣ်လီၤသီလီၤတၢ်အံၤ အဝဲသ့ၣ်တနၢ်ပၢၢ်ဝဲအခီပညီဘၣ်ဒီးကသံကွၢ်အီၤအဂီၢ် အဝဲသ့ၣ်ပျံၤတၢ်န့ၣ်လီၤ.
ပှၤအဒိၣ်ကတၢၢ်မ့ၢ်မတၤတဂၤလဲၣ်
(မး. ၁၈:၁-၅; လူၤ. ၉:၄၆-၄၈)
33အဝဲသ့ၣ်လဲၤတုၤဝ့ၢ်ကပ့းရနီၣ်ဒီးတုၤအလဲၤနုာ်လီၤဆူ ဟံၣ်ပူၤဝံၤန့ၣ်ယ့ၣ်ၡူးသံကွၢ်အပျဲၢ်အဘီၣ်တဖၣ်, “ဖဲသုဟဲလၢကျဲအဖၢမုၢ်န့ၣ်, သုဂ့ၢ်လိာ်ဘှီလိာ်သုသးလၢတၢ်ဂ့ၢ်မနုၤတမံၤလဲၣ်.”
34အဝဲသ့ၣ်အိၣ်ဘှီၣ်ကလာ်ဒီးတစံးဆၢတၢ်နီတမံၤဘၣ်. အဂ့ၢ်ဒ်အံၤ, ဖဲအဝဲသ့ၣ်ဟဲလၢကျဲအခါဂ့ၢ်လိာ်ဘှီလိာ်အသးဘၣ်ဃးပှၤ အိၣ်ဒီးအလီၢ်အလၤဒိၣ်ကတၢၢ်လၢအဝဲသ့ၣ်အကျါ မ့ၢ်မတၤတဂၤလဲၣ်န့ၣ်လီၤ. 35ယ့ၣ်ၡူးဆ့ၣ်နီၤဝဲ, ကိးဃီၤအပျဲၢ်အဘီၣ်တဆံခံဂၤန့ၣ်ဆူအအိၣ်ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအအဲၣ်ဒိးတၢ်လီၢ်တၢ်လၤအဒိၣ်ကတၢၢ်န့ၣ်, ကဘၣ်ဟံးန့ၢ်တၢ်လီၢ်တၢ်လၤအဆံးကတၢၢ်ဒီးကဘၣ်ကဲပှၤကိးဂၤဒဲး အခ့အပှၤလီၤ.” 36အန့ၣ်ဝံၤအဝဲဒၣ်ဟံးန့ၢ်ဖိသၣ်ဆံးတဂၤဒီးဒုးဆၢထၢၣ်အီၤလၢ အဝဲသ့ၣ်အမဲာ်ညါလီၤ. ဒီးဖိးဃာ်အီၤလၢအစုဝံၤစံးဘၣ်အဝဲသ့ၣ် တဖၣ်န့ၣ်, 37“ပှၤတဂၤလၢ်လၢ်လၢအတူၢ်လိာ်ဖိသၣ်ဒ်သိးအံၤတဂၤလၢယမံၤ အပူၤန့ၣ်, မ့ၢ်အတူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်, တမ့ၢ်ထဲအတူၢ်လိာ်ယၤဘၣ်. မ့မ့ၢ်တူၢ်လိာ်စ့ၢ်ကီးပှၤလၢအမၢလီၤယၤတဂၤန့ၣ်လီၤ.”
ပှၤလၢအတထီဒါပှၤန့ၣ်, မ့ၢ်ပှၤတဖုဃီဒီးပှၤလီၤ
(လူၤ. ၉:၄၉-၅၀)
38စီၤယိၤဟၣ်စံးဘၣ်အီၤ, “သရၣ်ဧၢ, ပထံၣ်ဘၣ်ပှၤတဂၤလၢအဟီထီၣ်ကွံာ်တၢ်နါလၢနမံၤအပူၤ သတးဒီးပတြီအီၤလၢအသုတမၤတၢ်ဒ်န့ၣ်အသိးတဂ့ၤ, မ့ၢ်လၢအတဘၣ်ဃးဒီးပဝဲဒၣ်ဘၣ်အဃိလီၤ.”
39ယ့ၣ်ၡူးစံးဘၣ်အဝဲသ့ၣ်, “တဘၣ်တြီအီၤတဂ့ၤ. အဂ့ၢ်ဒ်အံၤပှၤလၢအမၤကဲထီၣ်တၢ်လီၤလးတမံၤမံၤလၢ ယမံၤအပူၤန့ၣ်, မၤဝဲဝံၤအလီၢ်ခံကကတိၤစံးအၢစံးသီယၤ တအိၣ်နီတဂၤဘၣ်. 40အဂ့ၢ်ဒ်အံၤ, ပှၤတဂၤလၢ်လၢ်လၢအတထီဒါပှၤန့ၣ် မ့ၢ်ပှၤတဖုဃီဒီးပှၤလီၤ. 41ယစံးဘၣ်သုတီတီ, ပှၤတဂၤလၢ်လၢ်လၢအဟ့ၣ်အီသုလၢထံတလီခီ လၢသုဘၣ်ဃးဒီးယၤအဃိန့ၣ်, ကန့ၢ်ဘၣ်အဘျုးသပှၢ်ကတၢၢ်လီၤ.
တၢ်လ့ပစီပှၤဆူတၢ်ဒဲးဘးအပူၤ
(မး. ၁၈:၆-၉; လူၤ. ၁၇:၁-၂)
42ပှၤတဂၤလၢ်လၢ်လၢအမၤဘၣ်ပှၤအဆံးလၢအနာ်က့ၤယၤ တဖၣ်အကျါတဂၤဂၤဒ်သိးအတၢ်နာ်လၢယပူၤကဟးဂီၤကွံာ်အဂီၢ်န့ၣ်, ဂ့ၤတက့ၢ်လၢတၢ်စၢထီၣ်ဆၢၣ်ဂူာ်လၢၢ်ဖးဒိၣ်လၢအကိာ်လိၤ ဒီးတ့ၢ်လီၤကွံာ်အီၤဆူပီၣ်လဲၣ်ပူၤလီၤ. 43သတးဒီး, လၢနစုအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီးဒီၣ်တဲာ်ကွံာ် အီၤတက့ၢ်. နကနုာ်လီၤဘၣ်ဆူတၢ်မူအထူအယိာ်အပူၤအိၣ်ဒီးနစု တူာ်တခီန့ၣ်, ဂ့ၤန့ၢ်ဒံးနကအိၣ်ဒီးနစုခံခီလၢာ်ဒီးနကလဲၤဆူလရာ်အပူၤ, ဖဲမ့ၣ်အူကဲၤတလီၤပံာ်နီတစုဘၣ်န့ၣ်လီၤ. 44(ဒီးဖဲန့ၣ်, လၢၣ်လၢအအီၣ်အဝဲသ့ၣ်အညၣ်တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ်တၢ်မၤလီၤပံာ်ကွံာ်အီၤတန့ၢ်နီ တစုဘၣ်.) 45ဒီးလၢနခီၣ်အဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီး, ဒီၣ်တဲာ်ကွံာ်အီၤတက့ၢ်. နကနုာ်လီၤဘၣ်ဆူတၢ်မူအထူအယိာ် အပူၤအိၣ်ဒီးနခီၣ်တူာ်တခီန့ၣ်, ဂ့ၤန့ၢ်ဒံးနကအိၣ်ဒီးနခီၣ်ခံခီလၢာ်ဒီးနကဘၣ်တၢ်ကွံာ်လီၤနၤ ဆူလရာ်အပူၤန့ၣ်လီၤ. 46(ဒီးဖဲန့ၣ် လၢၣ်လၢအအီၣ်အဝဲသ့ၣ်အညၣ် တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ် တၢ်မၤလီၤပံာ်ကွံာ်အီၤတန့ၢ်နီတစုဘၣ်.) 47ဒီးလၢနမဲာ်ချံအဃိနတၢ်စူၢ်တၢ်နာ်မ့ၢ်ဟးဂီၤကွံာ်ဒီး, အူခွဲးထီၣ်ကွံာ်အီၤတက့ၢ်. နကနုာ်လီၤဘၣ်ဆူယွၤအဘီအမုၢ်အပူၤအိၣ်ဒီးနမဲာ်ချံတခီန့ၣ်, ဂ့ၤန့ၢ်ဒံးနကအိၣ်ဒီးနမဲာ်ချံခံခီလၢာ်ဒီးနကဘၣ်တၢ်ကွံာ် လီၤနၤဆူလရာ်အပူၤန့ၣ်လီၤ. 48ဖဲန့ၣ်, လၢၣ်လၢအအီၣ်အဝဲသ့ၣ်အညၣ်တသံနီတစုဘၣ်. ဒီးမ့ၣ်အူလၢအအီၣ်အဝဲသ့ၣ်န့ၣ် တၢ်မၤလီၤပံာ်ကွံာ်အီၤတန့ၢ် နီတစုဘၣ်.
49ပှၤကိးဂၤဒဲးကဘၣ်တၢ်မၤကဆှီထီၣ်အီၤလၢမ့ၣ်အူ, ဒ်တၢ်လုၢ်တၢ်ပာ်ဘၣ်တၢ်မၤကဆှီထီၣ်အီၤလၢအံသၣ်အသိးန့ၣ်လီၤ.
50အံသၣ်မ့ၢ်တၢ်လၢအဂ့ၤလီၤ. ဘၣ်ဆၣ်ဒီးမ့ၢ်တဟီလၢၤဘၣ်န့ၣ်, သုကမၤဟီထီၣ်က့ၤအီၤဒ်လဲၣ်.
လၢသုတၢ်ရ့လိာ်သကိးသုသးအပူၤန့ၣ်, အိၣ်ဒီးတၢ်အသဟီၣ်ဒ်အံသၣ် အသိးဒီးအိၣ်ဃူအိၣ်ဖိးလိာ်သုသးတဂၤဒီးတဂၤတက့ၢ်.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.