ဟၧၫ့ 1
1
1
ဆၧအလူလၩ့လၧနံနဝ့ၫအဂဲး
ယွၩအဆၧၥၭထၪ့ထၫ့ဒၩနံနဝ့ၫ.
1လံၬၦအ့လကိၫၡဲၭဖိၪ စနၫဟၧၫ့အဆၧဒၪလၧယၫ 2လခီၫး- ယဟိဝၩလၧအၥၭကဲၪ့ဆၧ မွဲယွၩလၧအမၩ ဆၧၫ့ဆၧအၧၩ့လီၫ. ယဟိဝၩမၩဆၧၫ့ဆၧအၧၩ့တၭ, မွဲဆၧၥၭဆီၪ့အယွၩလီၫ. ယဟိဝၩမၩဆၧၫ့ဆၧ လၧ အဒုၪအဒၩ, အီၪက့ၪအၥၭထၪ့လၧအဒုၪအဒၩအဂး 3လီၫ.- ယဟိဝၩအွံၪၥၭဆၧၩ့ ယံၬယံၬလါနၫ့တၭ, အ စီၩ့ဒိၪအမၩ့ထီၫတၭ,မိအီၪက့ၪၦအၧၩ့ဖိၪဘဲၫၦလၧအ ဆၧဒဲၩဘၭလအီၪဘၪနီၪနးစီၪ့အ့ၬ. ယဟိဝၩအဖၧၩ့ ၥၭအီၪဝ့ၫ လၧလံၩၥဝံၭအဖၧၩ့ဒဲလၧလဖုၬအဖၧၩ့, ဒဲ ဆၧအုၪ့လဖၪနီၪ, မွဲဆၧအမုၬလၧအခၪ့ဖၫ့လၬလီၫ. 4အဝ့ၫဒၪအၪ့ၥီၪ့မၫဆမံၭတၭ, ဒုၭလၩ့ၥံၭခွံၬဝ့ၫ ဒဲဒုၭ လၩ့ၥံၭခွံၬထံၫမိၡါ ထီးအလူၬး ဘၫၡၫ့ဒဲကၫမလၭ 5လၩ့ဘဲၩ,လ့ၭဘနၧၫ့အဖီၫလၩ့ယံၭဝ့ၫလီၫ.- ခိၪလီၩ့ ထိၩ့ချိၬဝၭဝ့ၫလၧအကၠီၩ့တၭ ဆၧစီၩ့ခိၪဖံၪထၪ့ခွံၬ, ဒဲဂၪ့ခိၪမိဘၪမ့ၪအၪ့ခွံၬလၧအမ့ၬယၫး မွဲမၬ, ဂၪ့ခိၪဒဲ 6ကယဲၦလၧအအီၪဝ့ၫလၧအချိၫ့ထီးအလူၬလီၫ.- မွဲပ လၫဆၧၫ့ထုၪ့လၧအၥၭထၪ့ အမ့ၬယၫၥ့ၪလဂၩလဲၪ. အၥၭထၪ့ခိထၪ့ဖၭဒိၪနီၪ မွဲပလၫထိးမိနၧၩ့လဂၩလဲၪ. အၥၭခဲၩထၪ့ဂါလၩ့အၥၭ ဘဲၫမ့ၪအၥိၭနီၪတၭ, လိး 7ၥံၪလဲၫ့ၥံၪလၩ့ဎီးလၧအဝ့ၫဒၪအကၠီၩ့လီၫ.- ယဟိဝၩ နီၪဂ့ၩဝ့ၫတၭ, မွဲထိၬၥံၪထၬၥံၪလၧဆၧခိဆၧဝီၩအမုလ နံၩလီၫ. ၥ့ၪယၫၦလဖၪလၧအဒိၭနဲၩ့အၥၭလၧအစူၪ 8ဖၧၩ့နီၪလီၫ.- အ့ၪမွဲဆၧလုၬဘံၭမိခၫ့ဂၬဆၧတၭ, မိ မၩလူၬခွံၬအလးတၭ, ဆၧခံၭမိလီၩ့ဆီး အဒုၪအဒၩ လီၫ.
9နၥံၪကိၪ့ဆၧထၫ့ဒၩယဟိဝၩ လၧဆၧနီၪလမံၩ့လဲၪ. အဝ့ၫမိမၩဂၭဂီၩ့လူၬထူၬလီၫ. ဆၧၡၪ့ဆၧနၭဂဲထုၪ့ 10ဘၪနံၫဖၧၫ့လဖၧၫ့အ့ၬ.- အ့ၪထဲၫ့ဎၩလိၬအၥၭဘဲၫဆၧ ဆူၪလဖၪအၥိၭ, ဒဲအ့ၪအီၩဆၧဘဲၫ ၦအီၩမၧၩ့အၥၭအ ၥိၭလါနၫ့တၭ မ့ၪမိအၪ့ခွံၬဝ့ၫဘဲၫလီထိၭနၫဎဲၫ့ကၠိၭအ 11ၥိၭနီၪလီၫ.- ဂဲၫထၪ့ဝ့ၫလၧနဖၧၩ့ ၦကိၪ့ဆၧအၧၩ့ထၫ့ 12ဒၩယဟိဝၩနီၪ, ၦကိၪ့လိၬအၥၭလၧဆၧအၧၩ့လီၫ.- ယ ဟိဝၩစံၭဘဲၫယီၩ, အ့ၪလၧၫ့ထၪ့ဎွ့ၩထၪ့ဒဲအၪဝ့ၫဘဲၫ နီၪၥိၭလါနၫ့တၭ, မိဘၪဆၧခူၬလၩ့ခွံၬဘဲၫနီၪၥိၭတၭ, အဝ့ၫဒၪမိစဲၪ့ထၪ့ခွံၬဝ့ၫလီၫ. ယမၩၡၪ့မၩနၭယူၭနၧၩ 13လါနၫ့တၭ, ယမိမၩၡၪ့မၩနၭလၧၩ့နၧၩအ့ၬ.- အဂဲး ဘဲၫယီၩဘိၩ့နဲၪ့ယီၩယမိမၩခါခွံၬ အနိၭယိၭဘီၩ့လၧ နလီၩ့တၭ, မိမၩထ့ၬခွံၬဖျံၩလၧအစၧၩ့ထၬနၧၩလီၫ. 14ယဟိဝၩမၪလူၬဆၧဘၪဆဲၫ့လၧနၧၩ လၧဆၧလဎွံၪ လၧၩ့ဘၪနမံၩ့လၧနယွၩလဖၪအဂံၪ့ဖၧၩ့နီၪ ယမိဒၪ့ထ့ၬ ခွံၬဆၧဂၩ့စိၭဖျၩအၥၭ ဒဲဆၧဂၩ့ၥိၫ့အၥၭလီၫ. ယမိ အီၪက့ၪခွံၬလၧနၥွၪခိၪဖၧၩ့ လီၫ. အဂဲးဘဲၫယီၩ နန့ ကၩဆၧအ့ၬ.
15ယိခွါ, ၦအခၪ့လၧအလီၩလၩ့လၬလၩ့ဆၧၥၭထိၬ အပရၧၫ့နီၪ,လၧအလီၩလၩ့လၬလၩ့ဆၧဘၪလိၬအိၭ လိၬနီၪအီၪဝ့ၫလၧခိၪလီၩ့ထိၩ့ချိၬအလီၩ့လီၫ. စယုဒၫ ဧ့,မၩကဲၪထၪ့နဆၧမၩဘိၪ့လဖၪ, ဒဲမၩလၧၫ့ထၪ့ဎွ့ၩ ထၪ့နဆၧဆိၪလၩ့နၥၭလဖၪဆံၭ. အဂဲးဘဲၫယီၩၦလ တီၩဘၪနီၪခၫ့ဂၬဘၪလၧၩ့နၧၩအ့ၬ. ဘၪဆၧဒၪ့ထ့ၬ ခွံၬဝ့ၫလူၬထူၬလီၫ.
Currently Selected:
ဟၧၫ့ 1: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.