SAWLTAHTE 6
6
Nasem dingin Upa Sagi Kiteel
1Tua hunin nuazuite khang tehtehin Greek ham a zang Jew mite in nisim anneh hawmna-ah a meigongte uh kithudon lo hi, ci-in Hebrew mite a mawsah uhi. 2Sawm le nite in zong nuazui mi buppi hlanin amate kungah, Pasien thu gen ding don man lo lienga anneh tuidawn#6:2 Ahi sihle “sumlepai vai” vai tawh kang kitala ding uh ko adingin kilawm lo hi. 3Tua ahi ziehin lawmte aw,#6:3 Gk “sanggamte aw” no sung panin mite in a zatah, Hlagau le pilna tawh a kidim pasal sagi teel unlen tami nasep a sem dingin ka koi ding uhi. 4Ko ka hi ule thungetna le thuhilna lamah kang kipumpieh ding uhi,” a ci uhi. 5Amau’ thugen in mi honpite lungkimsah ahi ziehin, amate in upna le Hlagau Siengtho tawh a kidim Stephen, Philip, Prochorus, Nicanor, Timon, Parmenas, le Judah biehna panin a kikhel Antioch khuomi Nicolas-te a teel uhi. 6Amate in sawltahpite mai-ah tua mite dingsahin a lu tung vuah khut nga-in thu a ngetpieh uhi.
7Pasien’ thu kizel suohin Jerusalem ah nuazuite nahpi tahin khang a, siempu tampite in zong tua upna thu a zui uhi.
Stephen a Kimatna
8Stephen, hepina le vanglietna tawh kidim a, ama in mite lahah lim le na lamdang thupite a bawl hi. 9Tua ciengin Suohta Mite’ kikhopna (amau’ kilawna) panin mi pawlkhat, Cyrene-te, Alexander-te, Cilicia gam le Asia gam panin mite in Stephen langpangin a kisel uhi. 10Hinanle ama in pilna le Hlagau#6:10 Ahi sihle “hla” tawh a gen thute amate in a nang zo tuon sih uhi. 11Tua ciengin amate in, “Ama in Moses le Pasien simmawna thu a gen ka za uhi,” ci-a a gen dingin mi pawlkhat a hantawh vua, a cieldap uhi. 12Amate in mipite, upate le thukham hil siete zong a tawhnawi uhi; tua ciengin Stephen tawh kitalsihin ama manin biehna uliente kungah a puoh uhi. 13Zuouthu teci dingin zong mi a ciel vua, “Tam mipa in tami siengtho mun le thukham a gensie zing mielmuol hi. 14Bangzieh ahei cile tami Nazareth mi Jesu in tam mun susie gawpin Moses ei pieh ngainate zong ka khelmang ding hi, ci-in a gen ka za uhi,” a cisah uhi. 15Biehna uliente kikhopna sunga to mi zosie in Stephen a etcien ule amate in a maitang, vantungmi’ maitang tawh kibangin a mu ciet uhi.
Currently Selected:
SAWLTAHTE 6: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
