PEIKHIETNA 18
18
Jethro’ Thumopna
(Thkna 1:9-18)
1Pasien in Moses le a mi Israel-te dinga a sepna teng le, Topa in Egypt panin Israel-te a peipina thu zosie Moses’ sungpa, Midian siempu Jethro in a unin a za sieng hi. 2Moses in a zi Zipporah a peisah zaw ciengin a sungpa Jethro in ama le 3a tapa nite a la hi. A khat pen’ min Gershom ahi hi. (azieh pen ama in, “Gamdangah pemta #18:3 Heb “ger”ka hi hi,” a ci hi.)#Pei 2:21-22#Sawl 7:29 4tuale adang khat’ min Eliezer#18:4 Heb “Eli,” ka Pasien”; “ezer”, panpina” ahi hi. (azieh pen ama in, “Ka pa’ Pasien in keima ei hupa ahi a, Pharoah’ namsau panin kei ei hun hi,” a ci hi). 5Moses’ sungpa Jethro in senel gam Pasien’ muol tunga Moses in giephuol a satna mun, ama kungah Moses’ tapate le a zi a peipi hi. 6Ama in Moses kungah, “Keima, na sungpa Jethro, na zi le na tapa gel tawh na kungah kang pei hi,” ci-in kam vaihlah hi. 7A sungpa tawh kimu dingin Moses a pei hi; a mai-ah kunin ama nam hi; a ni tuohun dam ii ci-in kihopi-in puonbuh sungah a lut uhi. 8Tua ciengin Moses in a sungpa kungah, Topa in Israel-te a khuolna tawh Pharaoh le Egypt-te tunga a bawlsa zosie, amate in lampi-a a tuokhah uh hahsatna zosie le Topa in amate a hutkhietna thu zosie a unpi-in a gen hi. 9Egypt-te khut sung panin amate a hutkhietna, le Israel-te tunga Topa in a bawl sil hoi bangkim ziehin Jethro a lungdam hi.
10Jethro in, “Egypt-te le Pharaoh khut sung panin note ang hunkhie Topa in thupha nga taheh. 11Topa pen pasien zosie sanga a lietzawh lam tu-in ka thei hi, azieh pen Egypt-te#18:11 Laiguol “azieh pen ... Egypt-te” ci pen tang 10 pana ang kikhin ahi hi. in Israel-te tungah kiphatsahna tawh a gamtat lai-un amate na hunkhie hi,” a ci hi. 12Moses’ sungpa Jethro in Pasien mai-ah meihal biehna le biehpiehnate a peipi hi; tuale Moses’ sungpa tawh Pasien mai-a an neton dingin Aaron le Israel upa zosie a pei uhi.
13A zing ni-in mite tunga thu khen dingin Moses a to a, zingmawng panin nitah dongin a kimkotah mite a ding uhi. 14Moses’ sungpa in mite dinga a sepna zosie a unpi-in a mu bepin ama in, “Mite dinga na nasep tami khu a bang bep ahiei? Nang ngentang mawh gumto-in na kimvelah bang dinga mite nitang tuma na dinsah ahei?” a ci hi. 15Moses in a sungpa kungah, “Azieh pen Pasien’ deina kanin ka kungah mite ang pei uhi. 16Kisietna khatpo a nei ciengun keima kungah amate ang pei-in khatlekhat kikalah thu ka khenpieh a, Pasien’ ngaina kipte le amate kungah ama’ dei lamte ka theisah hi,” a ci hi. 17Moses’ sungpa in ama kungah, “Na nasep dan a hoi vawt sih hi. 18Nangma le na mite, na ni tuohun na gim seng ding uhi. Bangzieh ahei cile nang adingin tua nasep gih luo hi; nang guohin na sem zo sih ding hi. 19Tu-in ka kamteng ngai in. Thuhoi hing mop vangin, Pasien in nang hing om pi taheh! Mipi tangin Pasien mai-ah na ding ding a, Pasien mai-ah a kilung nopmawnate uh na tut ding hi; 20Pasien’ ngaina kipte le a dei lamte amate na hil ding a, a vazin ding ule a na sepdan dingte uh na theisah ding hi. 21Mipi lah panin Pasien a zatah mi, a muontah mi, guhgol a muda mi, na sem thei mipilte na sui ding hi; tua bang mite pen a tul, a za, a sawmnga, a sawmte tungah ulienin na koi ding hi. 22Amate in mite’ thu khensah tawntung in. Thu thupi teng zosie na kungah kipuohsah inlen, ahi vangin thuneu bepte amau le amau khensah lel in. Tua hile nangma dingin ang baizaw deu ding a, amate in na vangih ang puohpi ding uhi. 23Pasien’ sawl bangin tam banga na sep leh na puo zo ding a, tam mite zosie a inn ciet vuah lungnuomin a pei ding uhi,” a ci hi.
24Tuaci’n Moses in a sungpa’ thu ngai-in a gen zosie a unin a bawl hi. 25Moses in Israel zosie sung panin nasem thei mipilte teelin mipi tunga lutangte le, a tul, a za, a sawmnga, le a sawmte tunga vaihawm ulienin amate a koi hi. 26Mite tungah amate in thu a khen tawntung uhi; Moses kungah thuhahsate beh a tut vua, ahi vangin thuneu bepte amate in a khentawm uhi. 27Tua ciengin Moses in a sungpa peisah a, a gamah ama a peikia hi.
Currently Selected:
PEIKHIETNA 18: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
