PEIKHIETNA 30
30
Gimnamtui Maitam
(Pei 37:25-28)
1Gimnamtui hal nading maitam khat na bawl ding hi; tua khu gising tawh na bawl ding hi. 2Adung tong khat, avai tong khat hi ding hi; a kikim ning li nei hi ding a, a sanna tong ni hi ding hi; a kite maitam tawh sa khat suoh ding hi. 3A tung le a pang kimkot zosie le a kite pen kham citah tawh na zut ding hi; a kimvelah kham geihuol na bawl ding hi. 4Maitam adingin kham kuol ni na bawl ding hi; a geihuol nei-a kigalsai a pang tuohah tuate bawlin tuate tawh maitam puo ding uhi. 5Gising tawh ciengzawlte na bawl ding a, kham tawh tuate na zut ding hi. 6Nangma tawh ka kituo nading mun, thuciemna#30:6 Ahi sihle “thukimna, ahi sihle “thuciemna”, Heb “eduth” tunga om hepina topha#30:6 Ahi sihle “a hu” mai, thuciemna#30:6 Ahi sihle “thukimna”, ahi sihle “thuciemna”, Heb “eduth” tunga om dalna puon mai-ah tua maitam na koi ding hi. 7Aaron in tua tungah a tuinam gimnamtui a hal ding hi; ama in tua khu zingmawng sielin meivahte a tan ciengin a hal ding hi. 8Aaron in nitahin meivahte a koi ciengin tuate hal ding a, tua khu na khang tawntung vua Topa mai-a na hal zing ding uh gimnamtui biehna ahi hi. 9Tua tungah a sieng lo gimnamtui hitale, meihal biehna hitale, an tawh biehna hitale na pie sih ding hi; tua tungah dawn thei biehna na sung sih ding hi. 10Tuami maitam’ kite tungah Aaron in kum khatin khatvei ta thoidamna ngaina kip khat a bawl ding hi. Ama in na khang tungtawnun tuate adingin mawna zieha biehna si tawh kum khatin khatvei thoidamna bawl ding hi. Tua khu Topa tunga a siengtho pen ahi hi.
Mun Siengtho Ading Shekel Lang
11 Topa in Moses tam bangin a hopi hi: 12Israel-te mi phaza simin sazien na lah ciengin amate a kisim ziehin a tung vuah gimna a tun lo nadingin, min simna laibu a kibawl ciengin a luong man dingun Topa tungah a unpi-un kitatna pie ding uhi. 13Min simna-ah a mintuong tapo in a pieh ding tami ahi hi: biehinn shekel dung zui-in shekel lang (shekel khatah gerah sawmni om hi), Topa tungah biehna-in pie ding hi.#Pei 28:25-26; Mat 17:24 14Min simna sunga kihal kum sawmni panin a tungsie poma in Topa tungah biehna pie ding hi. 15Na nuntah nading vua thoidamna bawl nadingin Topa tungah biehna na pieh ciengun, mihaute in shekel lang sangin a tamzaw a pie sih ding vua, mizawngte in a tawmzaw a pie tuon sih ding uhi. 16Israel-te kung panin thoidamna sum na la ding a, tua pen kikhopna puonbuh nasep nadingin na koi ding hi; tuami sum pen na nuntah nading vua kipie Israel-te’ kitatna sum ahi a, Israel-te adingin Topa mai-a phawsahna hi ding hi.
Kisilna Sumngo Kuong
17 Topa in Moses tam bangin hopi hi: 18Kisil nadingin sumngo kuong khat le a tunna sumngo khat ma na bawl ding hi. Tua khu kikhopna puonbuh le maitam kikalah na koi ding a, tuale a sungah tui na sung ding hi;#Pei 38:8 19Aaron le a tapate in tua tui#30:19 Heb “tua” tawh a khut ule a keng uh a sil ding uhi. 20Kikhopna puonbuhah a pei cieng uh ahi a, Topa tungah mei tawh kihal biehna lui dinga maitam nai-ah a pei cieng uh ahi zongin, a si lo nadingun tui tawh kisilsieng ding uhi. 21A si lo nadingun amate in a khut ule a keng uh a sil ding uhi: Tua pen amate, Aaron, le a suon a hlahte dingin a khang tawntung vua a zui ding uh ngaina kip khat hi ding hi.
Nu Sathau le Gimnamtui
(Pei 37:29)
22 Topa in Moses tam bangin hopi hi: 23A hoipen a namtuite tam bangin la in: Myrrh gimnamtui shekel zanga le a namtui singgui thah tua za’ alang, shekel zani le sawmnga a gih, le a hlum a tuinam gimnamtui zani le sawmnga, 24biehinn shekel tawh kite, singgui thah nam khat zanga, le olive thau bung khat; 25le gimnamtui bawlte bawl ma bangin nu sathau siengtho dingin tamte na gawm ding hi; tua khu nu sathau siengtho hi ding hi. 26Nangma in tua tawh kikhopna puonbuh le thuciemna#30:26 Ahi sihle “thukimna”, ahi sihle “thuciemna”, Heb “eduth” singkuong, 27sabuoi le a vanzah zosie, meivah khuom le a vanzahte, le gimnamtui halna maitam, 28le meihalna maitam le vanzah zosie tawh, kuong le a tunna tawh na nu ding hi; 29tuate a siengtho pen ahi thei nadingin na siensuo ding a, tuate a tham kha poma siengtho ding hi. 30Amate in ka siempu nasep a sep thei nadingun Aaron le a tapate sathau nu-in na siensuo ding hi. 31Israel-te kungah, “Tami khu na khang tawntung vua a siengtho keima’ nu sathau hi ding hi. 32Mi maimaite’ pum tungah tua sathau kizang lo ding a, tua banga kigawm sathau dang na bawl sih ding uhi; tua khu a siengtho hi a, note dinga a siengtho ahi hi. 33Tua tawh a kibangin a hal mi poma ahi a, a kilawm lo mi khatpo tungah a nupieh mi poma ahi zongin a mite lah panin kihemkhieding hi, Topa in ci hi,” a ci hi.
34 Topa in Moses kungah tam bangin gen hi: A namtui nate, stacte, onycha, galbanum, gimnamtui tahtah tawh a namtui nate (a phaza kikim ciet) la inlen, 35gimnamtui bawlte’ bawl bangin ci saw inlen a nieh baang lo biehna gimnamtui bawl in; 36tuate kimkhat na gawtvui ding a, keima in kang kimupina ding mun kikhopna puonbuh sunga thuciemna’#30:36 Ahi sihle “thukimna”, ahi sihle “thuciemna”, Heb “eduth” mai-ah pawlkhat na koi ding hi; tua khu nang dinga a siengtho pen ahi ding hi. 37Tam banga a kihalna dan tawh kizui-in gimnamtui na bawl ciengun note dingin na bawl sih ding uhi; tua khu Topa adingin a siengtho-in na ngaisun ding hi. 38Tua tawh kibanga gimnamtui a bawl poma a mipite lah panin kihemkhie ding hi.#Pei 37:29
Currently Selected:
PEIKHIETNA 30: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
