PEIKHIETNA 40
40
Biehbuh Kidingsah, a Vanzahte Kikhol
1 Topa in Moses kungah tam bangin a gen hi: 2Hla masa a ni masa ni-in kikhopna puonbuh ahi biehbuh na lam ding hi. 3Tua sungah thuciemna singkuong#40:3 Ahi sihle “thukimna”, ahi sihle “thuciemna”; Heb “eduth” koi-in, dalna puon tawh singkuong na dal ding hi. 4A sungah sabuoi na tumpi ding a, a om dan ding bangin na koi ding hi. Meivah tunna zong a sungah tumpi-in a meivahte na bul ding hi. 5Thuciemna singkuong#40:5 Ahi sihle “thukimna”, ahi sihle “thuciemna”; Heb “eduth” mai-ah gimnamtui hal nadingin kham maitam na koi ding a, biehbuh lutna adingin kotpuonkhai na khai ding hi. 6Kikhopna puonbuh ahi biehbuh lutna mai-ah meihal biehna maitam na daw ding a, 7kikhopna puonbuh le maitam kikalah kisilna kuong koi-in, a sungah tui na sung ding hi. 8A kimvelah buhtuol na bawl ding a, buhtuol tunkotah kotpuonkhai na khai ding hi. 9Tua ciengin nu sathau la-in, biehbuh le a sunga om zosie nu-in biehbuh le a sunga om zosie na siensuo ding hi. Tuaci’n biehbuh a siengtho ahi ding hi. 10Meihal biehna maitam le a sunga vanzah zosie zong sathau nu-in na siensuo ding a, tua maitam a siengtho pen hi ding hi. 11Kisilna kuong le a ngahna zong sathau nu-in na siensuo ding hi. 12Tua ciengin kikhopna puonbuh lutna-ah Aaron le a tapate zawpi-in, tui tawh amate na sil ding a, 13Aaron in ka siempu na a sep thei nadingin ama puon siengthote silsahin, sathau siengtho nu-in na siensuo ding hi. 14A tapate zong zawpi-in puontungsilte na silsah ding a, 15amate in ka siempu na a sep thei nadingun a pa uh sathau na nu bangin amate zong na nu ding hi: Sathau a kinu ziehun a khantanun siempu ahi peisuoh ding uhi.
16 Topa in ama a thupiehsa bang lienin Moses in sil bangkim a bawl hi. 17A kum nina a hla masa, a ni masa ni-in biehbuh kidingsah hi. 18Moses in biehbuh dingsah hi; a tunnate pha-in a khuompehte phut a, tuale a zawlte khumin a khuompite phut hi; 19tuale ama in biehbuh tungah a tungkhu puon zah a, tuaci’n Topa in Moses a thupiehsa bangin puonbuh tung a khu hi. 20Topa in Moses a thupiehsa bangin ama in thuciemna#40:20 Ahi sihle “thukimna”, ahi sihle “thuciemna”; Heb “eduth” la-in singkuong sungah koi a, singkuong tungah a zawlte hlungin tua singkuong tungah hepina topha koi hi; 21Ama in biehbuh sungah singkuong peipi a, kotpuonkhai dalna puon khai suhin thuciemna singkuong#40:21 Ahi sihle “thukimna”, ahi sihle “thuciemna”; Heb “eduth” a dalbih hi. 22Topa in Moses a thupiehsa bangin, ama in biehbuh leilu lampang, dalna puon puolam, kikhopna puonbuh sungah sabuoi pha a, 23Topa mai tua sabuoi tungah anlum a koi ding dan bangin a koi hi. 24Ama in kikhopna puonbuh sung, biehbuh leitaw lam pang sabuoi tawh kigalsai-in meivah tunna koi a, 25Topa in Moses a thupiehsa bangin ama in Topa mai-ah meivahte a tung hi. 26Topa in Moses a thupiehsa bangin ama in kikhopna puonbuh sung, dalna puon mai-ah kham maitam tung a, 27tua tungah a tuinam gimnamtui biehna a halvam hi. 28Ama in biehbuh lutna adingin kot puonkhai zong a khai hi. 29Topa in Moses a thupiehsa bangin ama in kikhopna puonbuh ahi biehbuh lutna-ah meihal biehna maitam tung a, tua tungah meihal biehna le an tawh biehnate a pie hi. 30Ama in kikhopna puonbuh le maitam kikalah kisilna kuong koi a, a sungah kisil nading tui koi hi. 31Tua tui tawh Moses le Aaron le a tapate in a khut ule a kengte a sil uhi. 32Topa in Moses a thupiehsa bangin kikhopna puonbuh a tum cieng ule maitam lam a neh ciengun a kisil uhi. 33Ama in biehbuh kimvelah a buhtuol bawl a, tuaci’n buhtuolah kotpuonkhai a khai hi. Tuaci’n Moses nasep a man sieng hi.
Meii le Minthanna
(Pei 13:21-22; Gam 9:15-23)
34Tua ciengin meii in kikhopna puonbuh tuomin biehbuh sungah Topa’ minthanna a dim hi.#1Kum 8:10-11; Isa 6:4; Ezk 43:4-5; Kln 15:8 35Kikhopna puonbuh meii in a tuomcip ziehin a sungah Moses a lut thei sih hi. 36A khuolzin sung tungtawn uh biehbuh tung panin meiilum a kilahto popo ciengin Israel-te in ma nawhin a pei uhi; 37ahi vangin meiilum a kilahto sih leh a kilahto masangsie-in ma a nawh sih uhi. 38Azieh pen a khuol zinna tungtawn vuah Israel innkuonte zosie’ mitmu-in biehbuh tungah sunin Topa’ meii om a, zanin meii#40:38 Heb “tua” lahah meikuongin a om hi.
Currently Selected:
PEIKHIETNA 40: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
