PIENCILNA 29
29
Jacob, Rachel tawh Kimu
1Tua ciengin Jacob in a khuolzin maban zom a, nisuona lam mite’ gam a tung hi. 2Ama a khawdah leh gamlahah tuikhuh khat le a gei-a a lum tuuhon thum a mu hi; azieh pen tua tuikhuh panin tuuhonte tui kipie hi. Tuikhuh vang tunga a om suong pen gol mama a, 3tuuhon zosie khum munah a kisuhtuo ciengun tuucingte in tuikhuh vang suong a liadawh vua, tuute tui pie-in tuikhuh vang tung ama opna ngai-ah tua suong a koikia zel uhi.
4Jacob in a kung vuah, “Ka sanggamte aw, hei pana hing pei na hi uh ahei?” a ci hi. Amate in, “Haran pana hing pei hi ung,” a ci uhi. 5Ama in a kung vuah, “Nahor’ tapa Laban na thei kha vuoi mah?” a ci hi. Amate in”Thei ma ung,” a ci uhi. 6Ama in a kung vuah, “Ama a dam beh nai mah?” a ci hi. Amate in, “Dam na,” ci-in a dawng vua, “A tanu Rachel zong a tuuhon tawh tamnah ang pei,” a ci uhi. 7Ama in, “En in, ni lah sang lai hi; gan hawi hun nai lo hi. Tuute tui pie unlen, pei-in an maisah lai un,” a ci hi. 8Ahi vangin amate in, “Tuuhon zosie ang kisuhtuo a, tuikhuh vang suong a kiliadawh masangin tuuhonte tui ka pie thei sih uhi; tua ciengin tuute tui ka pie thei beh uhi,” a ci uhi.
9Amate tawh a kiho laitahin Rachel a pa’ tuute a tung hi; azieh pen ama tuate cing ahi hi. 10Tu-in Jacob in a nu’ sanggampa Laban’ tanu Rachel le a nu’ sanggampa Laban’ tuute a mu ciengin peito-in tuikhuh vang panin suong lia a, a nu’ sanggampa Laban’ tuute tui a dawnsah hi. 11Tua ciengin Jacob in Rachel namin a kap vapo hi. 12Jacob in Rachel kungah ama pen a pa’ tanau ahi lam le Rebekah’ tapa ahi lam a gen hi. Tuale ama tai-in a pa kungah a gen hi.
13A sanggamnu’ tapa Jacob’ thu Laban in a zah ciengin ama dawn dingin a tai hi; ama kawipomin nam a, a inn ah a peipi hi. Jacob#29:13 Heb “Ama” in tam thu zosie gen a, 14tuale Laban in ama kungah, “Nang pen ka gu ka tang le ka tel ka vo tahtah na hi khula!” a ci hi. Ama kungah hla khat sung a taam hi.
Jacob, Laban’ Tanu tawh Kinung
15Tua ciengin Laban in Jacob kungah, “Nang, keima’ tanau na hi ziehin bangma lemlaw nei loin ka na ei seppieh ding na hi amah?” Ei gen in, na thaman ding bang ahei?” a ci hi. 16Tu-in Laban in tanu ni nei hi; a uzaw’ min Leah ahi a, a nauzaw’ min Rachel ahi hi. 17Leah pen a mit-ha nem#29:17 Heb ah a khietna kicien lo hi. a, Rachel pen ngaibaangin a mel hoi hi. 18Jacob in Rachel ngai hi; tuaci’n ama in, “Na tanu a naunu kang thalawna-in kum sagi na na kang seppieh ding hi,” a ci hi. 19Laban in, “Midang tungah ama ka pieh sangin nang tungah kang pieh ding hoizaw hi; keima kungah hing om in,” a ci hi. 20Tuaci’n Jacob in Rachel a nga nadingin kum sagi sung na sem a, ama a itna ziehin ama adingin tua hunte ni tawmno khat tawh kibang hi.
21Tua ciengin Jacob in Laban kungah, “Ama tawh ka lupton thei nadingin ka zi ei pie in. Bangzieh ahei cile ka hun cing zo ta hi,” a ci hi. 22Tuaci’n Laban in tua muna a om mi zosie khawmin pawi khat a bawl hi. 23Ahi vangin nitah lamin ama in Jacob kungah a tanu Leah a zawpi hi; tuale ama in tua nu luppi hi. 24(Laban in a tanu Leah tungah a nasem numei dingin ama’ numei nasem nu Zilpah a pie hi.) 25Zingmawng ciengin Leah na hi mawh hi! Tuale Jacob in Laban kungah, “Kei bang bawla nei bawl ahiei? Rachel ka nga nadingin na na hing seppieh hi lo ka mah? Bang dinga nei sol ahei?” a ci hi. 26Laban in, “ A unu kanin a naunu mo hlah pen ko gamah kizang lo hi. 27Tam nu adingin nipi kal khat sung mopawi mansah phot inlen, adang kum sagi ma ka na nei seppieh thamanin a khat pen zong kang pie ding uhi,” a ci hi. 28Jacob in a ci bangin semin tua nu’ mopawi hun a mansah phot hi. Tua ciengin Laban in a tanu Rachel a zi dingin a pie hi. 29(Laban in a nasem numei Bilhah a tanu Rachel tungah a nasem numei dingin a pie hi.) 30Tuaci’n Jacob in Rachel zong luppi a, ama in Leah sangin Rachel a itzaw hi. Ama in adang kum sagi sung Laban’#29:30 Heb “ama” na a seppieh hi.
31Leah a ki-it lo lam Topa in a thei ciengin ama in a naubu a honpieh hi; ahi vangin Rachel a ciing hi. 32Leah gai-in tapa khat nei-a, a min Reuben#29:32 “En in, tapa khat” a cina ahi hi. phuo hi; azieh pen ama in, “Topa in ka gentheina ei mu zo hi. Tu-in ka pasal in kei ei it valon ding hi,” a ci hi. 33Ama gaikia-in tapa khat nei a, tuale ama in, “Topa in kei ei kimuda lam za zo#29:33 Heb “shama” ahi ziehin ama in tam tapa zong ei pie zo hi,” ci hi; tuale ama in a min Simeon a phuo hi. 34Ama gai leuleu-in tapa khat nei a, “Tu-in ama tawh tapa thum nei zo ka hi ziehin ka pasal in kei ei pawl#29:34 Heb “lawah” ta ding hi,” a ci hi. Tua ziehin ama’ min Levi phuo hi. 35Ama gai leuleu-in tapa khat nei a, “Tam hunin Topa ka phat#29:35 Heb “hodah” ding hi,” a ci hi. Tua ahi ziehin ama in ama’ min Judah phuo hi. Tua ciengin a tathang ta hi.
Currently Selected:
PIENCILNA 29: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
