JOHN 11

Lazarus’ Sina

1Mary le a sanggamnu Martha opna Bethany khuo-ah Lazarus kici mi khat a ci a na hi.#Luk 10:38-39 2Mary kici nu pen sathau namtui tawh Topa nu-in a sam tawh a keng nawtpieh nu ahi a, a sanggampa Lazarus dam loin a om hi.#Jhn 12:3 3Tuaci’n a sanggam numei gel in Jesu kungah thu a puoh vua, “Topa aw, na it mipa a ci na hi,” a ci uhi. 4Ahi vangin Jesu in tua thu a zah ciengin, “Tami natna pen si nading natna ahi sih hi; tua tungtawnin Pasien Tapa’ min a than thei nading le Pasien’ min a kithansah thei nading hizaw hi,” a ci hi. 5Jesu in Martha, Martha’ sanggamnu, le Lazarus te a it mama hi. 6Lazarus dam lo a zah zaw ciengin a opna munah ni ni a tambe lai hi.

7Tua zaw ciengin a nuazuite kungah, “Judea gamah peikia vai,” a ci hi. 8Nuazuite in, “Siepa aw, Jew mite in tu mama-in suong tawh selia ang sawm uhi, tua sunga peikia ding na mah?” a ci uhi. 9Jesu in, “Sun khuovah hun nai sawm le nai ni sung hi lo amah? Sun hun sunga lam peite in leitung khuovah a mu ziehun a kipalkha sih uhi. 10Ahi vangin zan lai-a lam peite in khuovah a op lo ziehin a kipalkha uhi,” a ci hi. 11Ama in tam a cizaw ciengin amate kungah, “I lawmpa uh Lazarus a kimu ahi a, ahi vangin ama phong dingin ka pei ding hi,” a ci hi. 12Nuazuite in, “Topa aw, ama a kimu a hi bo leh ang nuom tuom na va,” a ci uhi. 13Ahi vangin Jesu in a sina thu gen hi napi, amate in a kimut ngaina maimai gen a sa lel uhi. 14Tua ciengin Jesu in amate kungah sieng tahin gen a, “Lazarus si zo hi. 15Note in na up thei nadingun tua sunga ka op lona pen note adingin ka kipah mama hi. Ahi vangin ama kungah pei vai,” a ci hi. 16A kopsuo#11:16 Gk “didymus” a kici Thomas in a guol nuazuite kungah, “Ama tawh siton dingin va zui ta vai,” a ci hi.

Jesu, Thawkiana le Hinna

17Jesu a tun ciengin Lazarus han sunga a op zaw ni li bang pha zo ci a thei hi. 18Bethany pen Jerusalem tawh kinai-in tai ni#11:18 Gk “stadia sawm le nga” bang kigamla a, 19a sanggampa uh a si ziehin ama gel hlai dingin Mary le Martha-te kungah Jew mite tampi a haw uhi. 20Martha in Jesu ang haw hi, ci a zah ciengin ama dawn dingin pei a, tua laitahin Mary inn ah a om hi. 21Martha in Jesu kungah, “Topa, nang tana om hi poma lacin ka naupa a si vawt sih ding hi. 22Ahi vangin tu nangawnin zong ama kunga na nget popo Pasien in ang pie ding hi, ci ka thei hi,” a ci hi. 23Jesu in tua nu kungah, “Na sanggampa thokia ding hi,” a ci hi. 24Martha in ama kungah, “Ni tawp ni, thawkia ni ciengin ang thokia ding hi, ci ka thei hi,” a ci hi. 25Jesu in ama kungah, “Keima thawkiana le hinna#11:25 Adang tang laibute ah “hinna” ci om lo hi. ka hi hi. Kei ei umte a si vangin a hingkia ding a, 26a hing a keima ei um mi zosie a si ngai nawn sih ding uhi. Tami thu na um ei mah?” a ci hi. 27Martha in, “Ka um hi Topa aw, nang pen leitunga ang pei ding Pasien’ Tapa Messiah#11:27 Ahi sihle “Khris” na hi hi, ci ka um hi,” a ci hi.

Jesu Kap

28Tam thu a gen zaw ciengin tua nu a kilekia a, a naunu Mary hlanin, “Siepa tanah om a, nang ang hlan hi,” ci-in a va dap hopi ta hi. 29Mary in tam thu a zah ciengin thakhatin tho-in ama kungah a pei pai hi. 30Khum hunin Jesu khuo sung lut nai loin Martha tawh a kimuna munah a om lai hi. 31Inn sungah ama hlai-a a om Jew mite in kintaha a pusuoh Mary a mu uhi. Amate in hanah a kap dinga pei ding hi va, ci-in a ngaisut ziehun a nua a zui uhi. 32Jesu opna munah Mary a tun ciengin ama mu a, a keng zungah khupbawhin, “Topa aw, nang tana a om hi poma lacin ka sanggampa a si vawt sih ding hi,” a ci hi. 33Jesu in Mary le ama a zui Judah-te’ kaa a mu ciengin a nangeh na mama a, zong lunggim mama hi. 34Ama in, “Hei sunga na siel uh ahiei?” a ci hi. Amate in, “Topa aw, hing pei inlen hing en in,” a ci uhi. 35Jesu kaa a kipan hi. 36Tuaci’n Jew mite in, “En un, nah it sam ei!” a ci uhi. 37Ahi vangin amate pawlkhat in, “Mittaw mit khuo musah thei pa in tampa zong a si lo nadingin bawl thei lo amah?” a ci uhi.

Jesu in Lazarus Hingsahkia

38Tua ciengin Jesu zong a lunggim kawmin han lam zuonin a pei hi. Tua han pen leihawm ahi a, suongtum khat tawh kisin ahi hi. 39Jesu in, “Tua suongtum ladawh un,” a ci hi. Mi sipa’ sanggam nu Martha in ama kungah, “Topa aw, a si zaw ni li pha ta ahi ziehin namsie ta ding hi,” a ci hi. 40Jesu in ama kungah, “Na up leh Pasien’ minthanna na mu ding hi, hing ci zo hi lo ka mah?” a ci hi. 41Tuaci’n amate in suongtum a ladawh uhi. Tuale Jesu dahto-in, “Pa aw, ka thumna nei ngai ziehin ka lungdam hi. 42Ka thumnate nei ngai zing lam ka thei a, ahi vangin tam sunga a ding mihonte in, nangma’ ei sawl ahi lam ei up thei nadingun amate adingin thu ka ngen hi,” a ci hi. 43Tam thu a gen zaw ciengin, “Lazarus aw, hing pusuoh in!” ci-in nahpi-in a kiko hi. 44A misi pa a khut le a keng diel tawh kituomin, a maitang puon tawh kitunsa-in a pusuoh hi. Jesu in amate kungah, “Phel unlen peisah un,” a ci hi.

Pharisee-te in Jesu Tha Sawm

(Mat 26:1-5; Mrk 14:1-2; Luk 22:1-2)

45Mary kunga a haw Judah mi tampite in Jesu’ nasep a mu ziehun ama a um uhi. 46Ahi vangin Pharisee-te kungah pawlkhat pei-in ama’ nasepte a va gen uhi. 47Tuaci’n siempu liente le Pharisee-te in vaihawm uliente khawmin, “Bang i law ta bep ding vuoi? Tam pa in lim lamdang tampi a bawl hi. 48Tam banga i opsahsah mawh leh mi zosie in ama hing um ding a, Rome-te hing pei-in i siengtho mun#11:48 Ahi sihle “i biehinnpi”; Gk “eite’ mun” le i minam buppi ang susie ding uhi,” a ci uhi. 49Ahi vangin amate lahah tuami kum a siempu lien a sem Caiaphas a kici pa in amate kungah, “Bangma thei vawt sih uteh! 50Minam buppi khat a kisiet lo nadingin mi tampi tanga mi khat a si pen note adinga a hoizaw ahi lam na thei sih uhi,” a ci hi. 51Tam thu pen ama’ nop thu-a a gen hi loin tuami kum a siempu lien sem ahi ziehin minamte adinga si ding ahina thu le 52minamte ding beh hi loin, a kithethang Pasien’ tate pawlkhat a gawmtuo thei nadingin a si ding ahina thu kamsangpa bangin ama in thu mavang a gen hi. 53Tuaci’n tua ni-a kipanin amate in Jesu tha ding a sawm uhi. 54Tua ahi ziehin Jew mite lahah a langtangin Jesu a pei nawn sih a, tua mun panin gamlah tawh kinai Ephraim kici khuo ah pei-in a nuazuite tawh tua munah a om suoh hi. 55Tu-in Judah-te’ Peisan Pawi nai ta a, pawi kipat masangin a kisiensuo dingin gam sung khuote panin Jerusalem ah mi tampi peito uhi. 56Amate in Jesu sui kawikawi-in biehinn sungah a ding vua, “Bang na ci ngaisut vuoi? Pawi ang sim lo tahtah ding adiei?” ci-in khatlekhat a kidong uhi. 57Azieh pen siempu liente le Pharisee-te in Jesu a mat thei nadingun Jesu’ opna a thei na op uleh ei hil ta un,’ ci-in thupiehna a nei zo uhi.

Currently Selected:

JOHN 11: ZBOTF01

Highlight

Copy