SIEMPU LAIBU 19
19
Siengtho Gamtatna ding Ngainate
1 Topa in Moses hopi-in tam bangin ci hi: 2Israel mihonte zosie tam bangin hopi in: Note na siengtho ding uhi, azieh pen keima Topa na Pasien uh ka siengtho hi.#Siem 11:44-45; 1Pet 1:16 3Note khat ciet in na nu le na pa zatahin ka Sabbath-te na tang ding uhi. Keima Topa na Pasien uh ka hi hi.#Pei 20:8, 12; Thkna 5:12, 16 4Milimte lamah kihei sih unlen, noma dingin a kisungtawm pasien-te bawl sih un: Keima Topa na Pasien uh ka hi hi.#Siem 26:1; Pei 20:23; 34:17; Thkna 27:15
5 Topa tungah thunuom biehna na pieh ciengun, note tangin tuate a kisan thei nadingin tam bang danin pie un. 6Na pieh ni ma uh ahi sihle a zing ciengin kine ding hi; a ni thum ni donga a kine lo a val poma mei tawh kihal ding hi. 7A ni thum ni-in a kineh lai leh tua pen a kidahhuoi ahi hi; tua pen kisang lo ding hi. 8Tua a ne mi zosie in mawna dan thuoh ding uhi. Azieh pen amate in Topa tunga sil siengtho pen a niehsah zo ahi ta vua, tua bang mi poma a mite sung panin kihemkhie ding hi.
9Na leitang tung panun an na lah ciengun na lo gei dongun na la sih ding vua, na ansangh uzong na khawm sih ding uhi. 10Na lengga lo vuah lenggate na lo sieng sih ding vua, tuola a kie lenggate zong na tung sih ding uhi; mizawngte le pemtate adingin tuate na nuasiepieh ding uhi: Keima Topa na Pasien uh ka hi hi.#Siem 23:22; Thkna 24:19-22
11Na guta sih ding uhi; a man loin zong na gamta sih ding vua, khatlekhat na kisol sih ding uhi.#Pei 20:15-16; Thkna 5:19-20 12A man loin ka min tawh na kiciem sih ding vua, na Pasien uh’ min na daisah sih ding uhi: Keima Topa ka hi hi.#Pei 20:7; Thkna 5:11; Mat 5:33
13Na vengte na sol sih ding uhi; na guta sih ding uhi; noma dingin zingmawng cieng dongin nasem khat’ thaman na kem sih ding uhi.#Thkna 24:14-15 14Bilbingte hamsiet loin mittawte mai-ah a suikhah ding nate na koi sih ding uhi; na Pasien na zatah ding uhi: Keima Topa ka hi hi.#Thkna 27:18
15A dih lo thukhenna na nei sih ding uhi; mizawngte deisah tuom loin miliente na mai-et tuom sih ding uhi: thuman tawh na vengte thu na khen ding uhi.#Pei 23:6-8; Thkna 16:19 16Na mite lah vuah mi gensiete#19:16 Heb ah a khietna kicien lo hi. bangin suhva tova sih unlen, na vengte’ sisan#19:16 Heb “sisan langpangin “ tawh phattuom na sui sih ding uhi: Keima Topa ka hi hi.
17Na lungtang sung vuah na tanaute khatpo na muda sih ding uhi; na vengte thu na hil ding uhi, tua hi sihle ama’ khielna na puo ding uhi.#Mat 18:15 18Na mite uh khatpo tungah phu la loin na kilungsimpuoh sih ding vua, noma na ki-it bangun na vengte na it ding uhi: Keima Topa ka hi hi.#Mat 5:43; 19:19; 22:39; Mrk 12:31; Luk 10:27; Rom 13:9; Gal 5:14; Jas 2:8
19Ka thukhamte na zui ding uhi. Namdangte tawh na gante uh ta na neisah sih ding uhi; na lo vuah khaici nam ni na vaw sih ding uhi; khau nam ni tawh a kigan puon zong na sil sih ding uhi.#Thkna 22:9-11
20Pasal khat in midang khat tawh kikhamsa hi napi a kitan nai lo ahi sihle suotahna kipie nai lo sila nu khat a luppi leh thukanna kinei ding hi. Tua nu suohta nai lo ahi ziehin amate kithat lo ding hi; 21hizongle tua pa in amama adingin khielna zieha biehna dingin tuutang khat, kikhopna puonbuh lutna Topa kungah peipi ding hi. 22Siempu pa in ama’ bawlsa mawna dingin khielna biehna tuutang tawh Topa mai-ah ama adingin thoidamna bawlpieh ding hi; tuale a bawlsa a mawna kimaisah ding hi.
23Khum gamah lutin neh dingin singkung namcin na suon ciengun tua singgate a kikham#19:23 Heb “amau’ teptan lona bangin “ bangin na ngaisun ding uhi; note dingin tua singgate kum thum sung kikham#19:23 Heb “teptan lona “ ding a, kine lo ding hi. 24A kum lina ciengin a ga zosie lungdamna biehna-in Topa tungah kituomkoi ding hi. 25Ahi vangin a kum ngana ciengin note dinga tuate ang ga semsem nadingin a gate na ne thei ding uhi: Keima Topa na Pasien uh ka hi hi.
26Na khatpopo a si tawh na neton sih ding uhi. Mailam thugen kholna ahi sihle aisanna na nei sih ding uhi.#Pien 9:4; Siem 7:26-27; 17:10-14; Thkna 12:16, 23; 15:23; 18:10 27Na lu kimvelin na sam uh heusieng loin na khamul mongte uzong na tan sih ding uhi. 28Misite adingin na citung uh liemsah loin na ci tung vuah ciemtena khatpo na sun sih ding uhi: Keima Topa ka hi hi.#Siem 21:5; Thkna 14:1
29Gam sung pahtatna suohin gamtat sietnate tawh a kidim lo nadingin pahtatna tawh na tanute na daisah sih ding uhi.#Thkna 23:17 30Ka Sabbath-te na tang ding vua, ka mun siengtho na zatah ding uhi: Keima Topa ka hi hi.#Siem 26:2
31Dawilawm neite le bumtawite lamah kihei sih un; amate tawh a kibuasah dingin amate sui sih un: Keima Topa na Pasien uh ka hi hi.#Thkna 18:11; 1Sam 28:3; 2Kum 23:4; Isa 8:19
32Khanghamte mai-ah dingin putehte’ maitang na zatah ding uhi; na Pasien uh na zatah ding uhi: Keima Topa ka hi hi.
33Na gam sung vuah pemta khat tawh na tenton ciengun tua pemta pa na gawt sih ding uhi. 34Na tentonpi uh pemta khat pen note dingin tuolsung mi hi ding hi; noma bangin pemtate na it ding uhi, azieh pen no zong Egypt gamah pemta na hi ngai uh: Keima Topa na Pasien uh ka hi hi.#Pei 22:21; Thkna 24:17-18; 27:19
35A sau tena, a gih tena, ahi sihle a nem tenate-ah a man lo zangin mi na sol sih ding uhi. 36Tawikhaina a man, tawisuong a man, ephah a man, hin#19:35-36 a tui tena ahi hi. a mante na nei ding uhi: Egypt gam pana note ang peipi keima Topa na Pasien uh ka hi hi.#Thkna 25:13-16; Pau 20:10; Ezk 45:10 37Ka thukham zosie le ka biehna ngaina kipte zosie zui-in tuate na tang ding uhi: Keima Topa ka hi hi.
Currently Selected:
SIEMPU LAIBU 19: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.