LUKE 3

Baptize-pa John Tangkona

1Kumpipa Caesar Tiberius a maan zaw kum sawm le kumnga a cin kumin Pontius Pilat pen Judah gam uhpipa hi a, Herod, Galilee gam uhpa#3:1 Gk “tetrach” kici a, “gam phalkhat uhpa a cina ahi hi. hi-in, a naupa Philip pen Ituraea le Trachonitis gamte a uhpa#3:1 Gk “tetrach”; gam phalkhat a uhpa cina ahi hi. le Lysanias pen Abilene gam uhpa#3:1 Gk “Tetrach”; gam phalkhat a uhpa. ahi uhi. 2Annas le Caiaphas in siempu lienpen a sep laitahin senel gama a om Zechariah’ tapa John tungah Pasien’ kammal a tung hi. 3Jordan gun kimvela om gam sung teng zosie-ah ama vah kawikawi-in mawna maisah nadingin kisiakiana tawh kisai baptize-na thu a hil hi. 4Kamsang Isaiah’ thugente a kigielna laibu sungah,

“Gamlahah a kiko mi khat’ aw in:

‘Topa pei nading lampi siel unlen,

a lampite tangsah un.

5Muolkuom cinteng kivuadim ding a,

muol le tang zosie kito tamin,

lamkawite kizezang ding a,

lamphomte kimamsah ding hi;

6tuale mi zosie in Pasien’ hutdamna

mu ding uhi,’ ci hi,” ci-a a kigiel bang ahi hi.#Isa 40:3-5

7A ki-baptize sah dinga ama kung a zuon mihonpite kungah John in, “No muoltan suonte! Ang tung ding lungthahna pan na taimang nading uh koi in ang hil ahei?#Mat 12:34; 23:33 8Kisiakiana tawh kilawm ga na ga un. No le no in, “Abraham i pa uh ahi hi,” ci-in mawh gen sih un; azieh pen ke’n kang ci-in, Pasien in tami suongte panin Abraham tate piengsah thei lel hi.#Jhn 8:33 9Tu nangawnin singzung cin tengah hei kikoi zo hi; ga hoi a ga lo singkung kici poma kiphua-in meikuong sungah kipai ding hi,” a ci hi.#Mat 7:19

10Mihonpite in, “Tua ahile bang ka bawl ding vuoi?” ci-in a dong uhi. Ama in, 11“Puon tungsil ni a nei pa in a nei lo pa hawm hinlen, an nei pa in zong tua bang ma-in bawl taheh,” ci-in a dawng hi. 12A ki-baptize dingin siehdongte nangawn a pei vua, ama kungah, “Sie aw, bang ka bawl ding vuoi,” ci-in a dong uhi.#Luk 7:29 13Ama in, “Na don ding vua a kisesa kan valin dong sih un,” a ci hi. 14Galkapte in zong, “Tuale kote in bang ka bawl ding vuoi?” ci-in a dong uhi. Ama in, “Zawthaw thu le a man lopi-a mawsahna tawh koima sum sut sih unlen, na thaman utawh lungkim un,” a ci hi.

15Lametna tawh mite a kidim vua, ama Messiah#3:15 Ahi sihle “Khris” ahi kha ta diei, ci-in John tawh kisai-in a unpi-un a lungsim sung vuoh a ngaisut laitahun, 16John in amate zosie kungah, “Keima in tui tawh#3:16 Ahi sihle “sungah” note kang baptize hi; ahi vangin kei sanga a vanglien zaw khat ang pei ding hi; a kedap khau sut dingin zong ka kilawm sih hi. Ama in Hlagau Siengtho le mei tawh note ang baptize ding hi. 17Ama in buphuol zap sieng nadingin a khutah lawpi tawi a, butah teng sal sungah koi-in a siteng a mit ngai lo mei tawh a haltum ding hi,” a ci hi.

18Tuaci’n John in hantotna tampi tawh mite kungah lungdamna thu a gen hi. 19Ahi vangin gam uhpa#3:19 Gk “tetrach”; gam phalkhat a uhpa. Herod’ gitlo gamtatna teng zosie le a naupa’ zi Herodias ziehin John in Herod a hosiet ciengin, 20Herod in tami thu teng zosie tawh belapin thong sungah John a khum hi.#Mat 14:3-4; Mrk 6:17-18

Jesu’ Ki-baptizena

21Mi zosie a ki-baptize ciengin Jesu zong ki-baptize a, thu a nget laitahin van kihongin, 22tuale vakhu lim bangin ama tungah Hlagau Siengtho a kumsuh hi. Tuale van panin awging khat in, “Nang pen ka lung ei damsah ka it ka Tapa na hi hi,” a ci hi.#3:22 Adang tang laibute ah “Nang ka Tapa na hi a, tuni-in nang kang piengsah zo hi” ci-in kigiel hi.#Pien 22:2; Late 2:7; Isa 42:1; Mat 3:17; Mrk 1:11; Luk 9:35

Jesu Khang Simna

(Mat 1:1-17)

23Nasep a kipatin Jesu kum sawm thum bang pha a, ama pen (mite ngaituona-ah) Joseph’ tapa ahi a, Joseph pen Heli’ tapa, 24Heli pen Matthat’ tapa, Matthat pen Levi’ tapa, Levi pen Melchi’ tapa, Melchi pen Jannai’ tapa, Jannai pen Joseph’ tapa, 25Joseph pen Mattathias’ tapa, Mattathias pen Amos’ tapa, Amos pen Nahum’ tapa, Nahum pen Esli tapa, Esli pen Naggai’ tapa, 26Naggai pen Maath’ tapa, Maath pen Mattathias’ tapa, Mattathias pen Semein’ tapa, Semein pen Josech’ tapa, Josech pen Joda’ tapa, 27Joda pen Joanan’ tapa, Joanan pen Rhesa’ tapa, Rhesa pen Zerubbabel’ tapa, Zerubbabel pen Shealtiel’ tapa, Shealtiel#3:27 Gk “Salathiel” pen Neri’ tapa, 28Neri pen Melchi’ tapa, Melchi pen Addi’ tapa, Addi pen Cosam’ tapa, Cosam pen Elmadam’ tapa, Elmadam pen Er’ tapa, 29Er pen Joshua’ tapa, Joshua pen Eliezer’ tapa, Eliezer pen Jorim’ tapa, Jorim pen Matthat’ tapa, Matthat pen Levi’ tapa, 30Levi pen Simeon tapa, Simeon pen Judah’ tapa, Judah pen Joseph’ tapa, Joseph pen Jonam’ tapa, Jonam pen Eliakim’ tapa, 31Eliakim pen Melea’ tapa, Melea pen Menna’ tapa, Menna pen Mattatha’ tapa, Mattatha pen Nathan’ tapa, Nathan pen David’ tapa, 32David pen Jesse’ tapa, Jesse pen Obed’ tapa, Obed pen Boaz’ tapa, Boaz pen Sala’ tapa, Sala#3:32 Adang tang laibute in “Salmon” ci-in giel hi. pen Nahshon’ tapa, 33Nahshon pen Amminadab’ tapa, Amminadab pen Admin’ tapa,#3:33 Adang tang laibute in “Amminadab pen Aram’ tapa ci-in giel hi; Adangte ah kinah lamdan mama hi. Admin pen Arni’ tapa, Arni pen Hezron’ tapa, Hezron pen Pereg’ tapa, Pereg pen Judah’ tapa, 34Judah pen Jacob’ tapa, Jacob pen Isaac’ tapa, Isaac pen Abraham’ tapa, Abraham pen Terah’ tapa, Terah pen Nahor’ tapa, 35Nahor pen Serug’ tapa, Serug pen Reu’ tapa, Reu pen Peleg’ tapa, Peleg pen Eber’ tapa, Eber pen Shelah’ tapa, 36Shelah pen Cainan’ tapa, Cainan pen Arphaxad’ tapa, Arphaxad pen shem’ tapa, Shem pen Noah’ tapa, Noah pen Lamech’ tapa, 37Lamech pen Methuselah’ tapa, Methuselah pen Enoch’ tapa, Enoch pen Jared’ tapa, Jared pen Mahalaleel’ tapa, Mahalaleel pen Cainan’ tapa, 38Cainan pen Enos’ tapa, Enos pen Seth’ tapa, Seth pen Adam’ tapa hi a, Adam pen Pasien’ tapa ahi hi.

Currently Selected:

LUKE 3: ZBOTF01

Highlight

Copy