LUKE 8

Numei Pawlkhat in Jesu Zui

1Tua zaw bakhat ciengin khuopi le khuotate-ah ama zin kawikawi a, Pasien’ manggam tawh kisai lungdamna thu puohin a tangko hi. Sawm le nite zong ama tawh a zawhton vua, 2hla gilote’ mat a kidamsahte le natna tuomtuom pana kidamsah numei pawlkhat in zong ama a zui uhi. Tuate pen: A sung pana dawi sagi a pusuona Magdalene kici Mary, 3tuale Herod inn sung vaihawmpa Chuza’ zi Joanna le Susanna-te a kipanin a neisa utawh amate#8:3 Adang tang laibute ah “ama” ci-in kigiel hi. a panpi numei dang tampite zong ahi uhi.#Mat 27:55-56; Mrk 15:40-41; Luk 23:49

Khaici Tupa Thugentena

(Mat 13:1-9; Mrk 4:1-9)

4Khuo khat zaw khuo khat panin ama kungah ang pei vua, mi honpi ang kikhop uh ciengin ama in thugentena khat a gen hi: 5“Khaici vawpa khat khaitu dingin kuon a, khai a tu leh pawlkhat lam dungah tu ahi ziehin mite in keng tawh tuonin, vana a leng vate in tungin a netum uhi. 6Pawlkhatte suong tungah tu hi; tuale leinom a op lo ziehin a po vangin a gawpmang hi. 7Pawlkhatte ling lahah tu a, ling tawh a khanton ziehin ling in a depgawp hi. 8Pawlkhatte ahile lei hoina-ah tu-in khanglien a, a za zakhatin a pung hi,” a ci hi. Tami thu a gen zaw ciengin, “Zah nading bil a nei tapo in za taheh,” ci-in a kiko hi.

Thugentena’ Deina

(Mat 13:10-17; Mrk 4:10-12)

9Tua ciengin a nuazuite in tam thugentena’ deina bang ahei, ci-in ama a dong uhi. 10Ama in, “A ki-im#8:10 Ahi sihle “thu thuhpite” Pasien’ manggam thute na thei nadingun note tungah tuate ang kipie zo hi. Ahi vangin,

‘Amate in mu napi a mu cien lo nading,

za napi a telcien lo nadingun,

keima in amate tungah

thu ka gen#8:10 Gk ah “gen” ci om lo hi. hi,’ a ci hi.#Isa 6:9-10

Khaici Tupa’ Thugentena Kitelgen

(Mat 13:18-23; Mrk 4:13-20)

11Thugentena’ khietna tam bang ahi hi: Khaici pen Pasien’ thu ahi hi. 12Lamdunga kiete pen Pasien’ thu a zasate a cinopna ahi hi; tua ciengin amate in umin a kihutdam lo nadingin dawimangpa pei-in a lungtang panun Pasien’ thu a lahpieh hi. 13Suong tunga a kiete pen Pasien’ thu a zah ciengun kipah tahin a sang uhi; ahi vangin zung hla loin bakhat sung beh umin, ze-etna hun a tun ciengin a puate ahi uhi. 14Ling lahah a kiete pen Pasien’ thu za napi leitung lunghimawna, hau nopna le nopsahnate in depgawpin a ga picing zo lote ahi uhi. 15Lei hoina munah a kiete ahile Pasien’ thu za-in citahna le lungsim pha tawh pomdetin thuohzawhna tawh a ga khiete ahi uhi.

Law Kikhu Meivah

(Mat 5:14-15)

16“Koima in meivah a tan zaw ciengin law a khu sih a, lupna nei lah po-ah zong koi loin, a lut mite in khuovah a mu thei nadingin meivah tunna tungah a koizaw uhi.#Mat 5:15; Luk 11:33 17Azieh pen a kilang lo dinga a kiphuoldap bangma a om sih a, tua ma bangin khuovah in tan a, a kithei lo ding thusim bangma a om sih hi.#Mat 10:26; Luk 12:2 18Tua ciengin bangci bangin thu ka ngai ahei ci limtahin kingaisun un; azieh pen a neite kipiehbe hi; tuale a nei lote tung panin a neisa-a a ngaisutte nangawn uh kilahpieh ding hi,” a ci hi.#Mat 25:29; Luk 19:26

Jesu’ Sanggam Tahtah

(Mat 12:46-50; Mrk 3:31-35)

19Tua ciengin ama kungah a nu le a sanggamte a pei vua, mi a tam seng ziehin ama kung a tung zo sih uhi. 20Tua bepin, “Nang ang mu nuomin a pulamah na nu le na sanggamte a ding uhi,” ci-in ama kungah kigen hi. 21Ahi vangin Jesu in amate kungah, “Pasien’ thu za a, a zui tapo ka nu le ka sanggamte ahi uhi,” a ci hi.

Huipi Daisah

(Mat 8:23-27; Mrk 4:35-41)

22Ni khat a nuazuite tawh gunkuong tungah tuong a, tuale amate kungah, “Tuili galkhatah galkai vai,” a ci hi. Tuaci’n amate a pei vua, 23gunkuong tawh a pei laitahun ama a kimu hi. Tuipi tungah hui le guo kithuo-in gunkuong sungah tui dim ahi ziehin a zauhuoi dinmunah a om uhi. 24Ama kungah amate pei-in a phong vua, “Mangpa, Mangpa, a si sieng ding hi tai!,” ci-in a kiko uhi. Tuale ama zong tho-in huipi le tuihuolpite a hosie hi; tuate khawlin a dai dide pai hi. 25Ama in amate kungah, “Na upna uh hei-ah a om ta ahei?” a ci hi. Amate zau kawm le lamdangsa kawmin, “Tua ahile huipi le tuipite nangawn in a thu a man valia nadingin tampa koi hi mawh ahei?” ci-in khatlekhat a kiho uhi.

Jesu in Gerasene ah Dawivei Khat Damsah

(Mat 8:28-34; Mrk 5:1-20)

26Tua ciengin Galilee gam galkhat lama a om Gerasenes#8:26 Adang tang laibute in “Gadarenes” ci hi; adangte ah “Gergesenes” ci-in giel hi. gam a tung uhi. 27Lei lahah ama a kumsuh laitahin tua khuo-a dawivei mi khat in na dawntuo pai hi. Tuapa in sawtveipi sung puon#8:27 Adang tang laibute ah”tua khuo sunga sawtveipi dawivei mi khat in ama dawntuo hi. Ama in puonsil hi” ci-in kigiel hi. sil lo in, inn ah zong om loin han lah po-ah a teng hi. 28Ama in Jesu a mu bepin a mai-ah bawhsuhin, “Sangpen Pasien’ Tapa Jesu aw, kei bang ei law sawm na hei? Nei bawlsiet lo nadingin kang thum hi,” ci-in a aw nei za tawh a kiko hi. 29Tam banga a kikona pen tua mipa sung panin hlabua a peikhiet nadingin Jesu#8:29 Gk “ama” in thu a pieh zieh ahi hi. (Azieh pen hlabua in tua mipa tamveipi tah man zo a, siakhau le siakol tawh kihenin a kicin vangin a kikhinate botsan a, tua dawi in ama gamlahah a delmang hi.) 30Tua ciengin Jesu in ama kungah, “Na min bang ahei? ci-in dong hi. Ama in, “Tampi,” a ci hi; azieh pen ama sungah dawi tampi a lut zo hi. 31Taw nei lo leihawm thuhpi sungah a peikia dingin amate thu a pieh lo nadingin ama kungah a thum uhi.

32Tua laitahin muolpang a kikhawi vohhon tampi a om hi; tuale vohte sungah a lut thei nadingun dawite#8:32 Gk “amate” in Jesu#8:32 Gk “ama” kungah a thum vua, ama in zong a phal hi. 33Tua ciengin tuapa sung panin dawite pusuohin vohte sungah a lut uhi; tuale kentawng-ah vohte kumsuhin tuili sungah a kie sieng uhi.

34Vohcingte in a thupieng teng a mu ciengun tai-in khuopi le tua gam sung tengah a gen uhi. 35Tua ciengin bang thu pieng ahei, ci-in a en dingin mite a pei vua, Jesu kung a tun ciengun Jesu keng phungah dawite taikhietna mipa na to a, ama in puon silin a lungsim a pilkia a mu ciengun a zau uhi. 36A mu masate in amate kungah dawiveipa bangci bangin dam ahei ci thu a gen sawn uhi. 37Tua ciengin Gerasenes#8:37 Adang tang laibute in “Gadarenes” ci hi; adangte in “Gergesenes” ci-in giel hi. kimvela mi zosie a zau seng ziehun amate a peisan nadingin Jesu#8:37 Gk “ama” kungah a thum uhi; tuaci’n Jesu zong gunkuong tungah tuongin a kilekia hi. 38Dawite a peikhietna pa in ama tawh a zawton nadingin a thum hi; ahi vangin Jesu#8:38 Gk “ama” in ama kungah, 39“Na inn ah kilekia zaw inlen, Pasien in nang dingin bangza tahin ang seppieh ahei, ci thute va gen ta’n,” ci-in a sawl hi. Tuaci’n ama pei a, khuopi sung tengah Jesu in bangza tahin ama adingin bawlpieh ahei, ci thute a phuongzah hi.

Ngahnuno Khat Hingkia, Numei Khat Kidamsah

(Mat 9:18-26; Mrk 5:21-43)

40Tuale mihonpite in ama lamen uh ahi ziehin, Jesu a kilekia ciengin amate in a na dawn uhi. 41Tua laitahin Jairus a kici kikhopna inn uhpa khat tua munah pei a, Jesu’ keng phungah bawhin ama’ inn ah a haw nadingin a thum hi. 42Bangzieh ahei cile ama in kum sawm le kum ni bang a pha tanu khat beh nei a, tua nu cina-in si dihtah hi.

Ama a pei laitahin a kimvelah mipite a kiphul valuh uhi. 43Khum hun laitahin kum sawm le kum ni sung siluong natna a vei numei khat a om hi; tuale sievuonte#8:43 Adang tang laibute ah “a neisa zosie sievuonte cielna-in a zah sieng vangin” ci om lo hi. cielna-in a neisa zosie a zah sieng vangin koima in ama damsah zo lo hi. 44Jesu’ nua lamah ama nu pei-in a puonmongtep a tham ciengin thakhatthu-in a siluong natna a khawl pai hi. 45Tua ciengin Jesu in, “Ei tham koi ahei?” ci-in dong a, amate in a unpi vua a niel ciengun Peter#8:45 Adang tang laibute ah “ama a ompi mite tawh” ci-in kibelap hi. in, “Mangpa, na kimkotah mihonpi in ang neh valuh vua, ang phuhkhah uh hi lel bo va,” a ci hi. 46Ahi vangin Jesu in, “Mi khat in ei tham hi; a zieh pen ka tung panin vanglietna a peikhiet lam ka thei hi,” a ci hi. 47Tua numei nu in a kisel zo lo ding lam a thei bepin zau-in a citunsa-in pei a, Jesu mai-ah bawhsuhin mipi zosiete mai-ah ama a thamna le a tham cienga thakhata a dampaina thu a gen hi. 48Jesu in tua nu kungah, “Ka tanu aw, na upna in nang ang damsah zo ta hi; lungmuong tahin pei ta’n,” a ci hi.

49Ama in thu a gen laitahin makaipa inn panin mi khat pei a, “Na tanu si ta; siepa buoisah nawn da in,” a ci hi. 50Jesu in tam thu a zah ciengin, “Zau sinlen um beh lel in, ama nu ang hingkia ding hi,” a ci hi. 51Inn sung a tun ciengin ama in Peter, John, James le naupang’ nu le pa simlo, ama tawh inn sunga tum ding koima dang a phal sih hi. 52Amate a unpi-un kap le mau-in a na om uhi; ahi vangin ama in, “Kap sih un; azieh pen ama a si ahi sih a, a kimu ahi bo hi,” a ci hi. 53Ama nu a si zo lam amate in a thei ziehun Jesu a nuisan uhi. 54Ahi vangin ama in a khut tawh tua nu tu-in, “Numeino aw, tho vawi!” ci-in hlan hi. 55Tua nu’ hlagau hingkia a, thakhatthu-in a thoto pai hi. Tua ciengin Jesu in a neh ding bangkhat pie un, ci-in a sawl hi. 56A nu le a pa in lamdang a sa uhi; ahi vangin ama in a piengsa thute koima kunga a gen lo nadingun amate thu a pie hi.

Currently Selected:

LUKE 8: ZBOTF01

Highlight

Copy