SUAHTULNAK 1
1
Izipt Ngam Ah Israel Tei Thuaknak
1Izipt ngamah Jakob tuah amu innkua ten pen a hawhmi capa tei min cu:#Pian 46:8-27; 2Reuben, Simeon, Levi, Judah, 3Issakhar, Zebulun, Benjamin, 4Dan, Naftali, Gad le Asher haw hi. 5Jakob casuante cu a venghawngin sawm salih haw hi. A capa Josef cu Izipt ngamah um zo hi. 6Hun a ngei deuh nungten Josef le a unau thi haw in, mah khan laih a, mi hempoh vang thi khawng haw hi. 7Mahnaven Israel miten canau tampi cawi in, a casuante pungzai haw a, Izipt ngam dimin, a ngil vang ngilzet haw hi.#Nung 7:7;
8Josef i cungcang thei kha ngawl kumpi thak pa khatin, Izipt ngamah kumpi dek hi. #Nung 7:18; 9A mipi tei lakah, “Zo hem un! Hih Israel mite hi tam zetin, ngilzet haw a hih ten eimu ca in lauhuai hi. 10Ngal a nei kha uh bang ahin, ngal tei lam pen eimuh do in, a ngamsung uh pen tul sual kha haw tuk hi. Israel mite hi pungzai tuk ngawltohin, cingcai zetin thudang a ngaihsut uh kul tuk hei,” ti hi.#Nung 7:19; 11Mah hangin a lung haw bingvo in, nadeh haksa dektiktu tukin a hum hawah sal khawngtu koih haw hi. Israel miten an khawlnak tukin Pithom le Rameses khuapi cu Kumpi ca tukin puahleh haw hi. 12Mahnaven Izipt miten Israel mite a bawlsiat dedeuh haw ten khangin, pungzai dedeuh bok haw hi. Izipt ten Israel mite hua kuh zetin, lau sih haw hi.#Nung 7:19; 13Mah a hih tak cu cimzet tukin khemnek haw hi. 14Ukkhe bawl nadeh haksazet a deh haw taktohin, nunhak sesem haw hi. Nadeh haksa hempoh cu hehpihnak nei ngawlin dek lotik haw hi.
15Izipt kumpi in, Hebru numei nauhing domtu, Shiphrah le Puah tei lakah thu hilh hi. 16“Hebru numei tei nauhing na domsak uhten pano ahi tale met hum paih unna, numei ahi tale khawih un,” ti hi. 17Mahnaven nauhing domtu ten Pathian a kihcakzet haw hangin kumpi thu ngai ngawlin, nau pano that ngawlin nungtik haw hi. 18Mah hangin kumpi in nauhing domtute cu samin, “Ita hi bangin bawl nge uh cim? Ita nau pano that ngawlin nungtik khawng uh cim?” tin dong hi.
19Amuh ten, “Hebru numeite cu Izipt numeite bang hi kha haw ma hi. Ngil zetin, a nauhin baihzet haw hi; ka hen uh laih ngawlin nauno cu hing man lelem haw,” tin ti haw hi. 20Pathian i phatnak cu nauhing domtu tei humah a hen ten, Israel mite cu khangto in ngil sesem haw hi. 21Nauhing domtu ten Pathian a kihcak haw hangin, amuh vangin naunei bok haw hi. 22Kumpi in, a ngamsung mitei lakah “Hebru numei i hinmi capa hempoh cu Nail ngun sungah vawk un; mahnaven canu hempoh cu vawk ngawlin nungtik un,” tin thupia hi.
Currently Selected:
SUAHTULNAK 1: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
SUAHTULNAK 1
1
Izipt Ngam Ah Israel Tei Thuaknak
1Izipt ngamah Jakob tuah amu innkua ten pen a hawhmi capa tei min cu:#Pian 46:8-27; 2Reuben, Simeon, Levi, Judah, 3Issakhar, Zebulun, Benjamin, 4Dan, Naftali, Gad le Asher haw hi. 5Jakob casuante cu a venghawngin sawm salih haw hi. A capa Josef cu Izipt ngamah um zo hi. 6Hun a ngei deuh nungten Josef le a unau thi haw in, mah khan laih a, mi hempoh vang thi khawng haw hi. 7Mahnaven Israel miten canau tampi cawi in, a casuante pungzai haw a, Izipt ngam dimin, a ngil vang ngilzet haw hi.#Nung 7:7;
8Josef i cungcang thei kha ngawl kumpi thak pa khatin, Izipt ngamah kumpi dek hi. #Nung 7:18; 9A mipi tei lakah, “Zo hem un! Hih Israel mite hi tam zetin, ngilzet haw a hih ten eimu ca in lauhuai hi. 10Ngal a nei kha uh bang ahin, ngal tei lam pen eimuh do in, a ngamsung uh pen tul sual kha haw tuk hi. Israel mite hi pungzai tuk ngawltohin, cingcai zetin thudang a ngaihsut uh kul tuk hei,” ti hi.#Nung 7:19; 11Mah hangin a lung haw bingvo in, nadeh haksa dektiktu tukin a hum hawah sal khawngtu koih haw hi. Israel miten an khawlnak tukin Pithom le Rameses khuapi cu Kumpi ca tukin puahleh haw hi. 12Mahnaven Izipt miten Israel mite a bawlsiat dedeuh haw ten khangin, pungzai dedeuh bok haw hi. Izipt ten Israel mite hua kuh zetin, lau sih haw hi.#Nung 7:19; 13Mah a hih tak cu cimzet tukin khemnek haw hi. 14Ukkhe bawl nadeh haksazet a deh haw taktohin, nunhak sesem haw hi. Nadeh haksa hempoh cu hehpihnak nei ngawlin dek lotik haw hi.
15Izipt kumpi in, Hebru numei nauhing domtu, Shiphrah le Puah tei lakah thu hilh hi. 16“Hebru numei tei nauhing na domsak uhten pano ahi tale met hum paih unna, numei ahi tale khawih un,” ti hi. 17Mahnaven nauhing domtu ten Pathian a kihcakzet haw hangin kumpi thu ngai ngawlin, nau pano that ngawlin nungtik haw hi. 18Mah hangin kumpi in nauhing domtute cu samin, “Ita hi bangin bawl nge uh cim? Ita nau pano that ngawlin nungtik khawng uh cim?” tin dong hi.
19Amuh ten, “Hebru numeite cu Izipt numeite bang hi kha haw ma hi. Ngil zetin, a nauhin baihzet haw hi; ka hen uh laih ngawlin nauno cu hing man lelem haw,” tin ti haw hi. 20Pathian i phatnak cu nauhing domtu tei humah a hen ten, Israel mite cu khangto in ngil sesem haw hi. 21Nauhing domtu ten Pathian a kihcak haw hangin, amuh vangin naunei bok haw hi. 22Kumpi in, a ngamsung mitei lakah “Hebru numei i hinmi capa hempoh cu Nail ngun sungah vawk un; mahnaven canu hempoh cu vawk ngawlin nungtik un,” tin thupia hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.