PIANPATNAK 50
50
1Josef in, a pa i luang cu pomin, kapthahin nam hi. 2a khutnuai a, nadek sibawite cu a pa i luang sia tuk ngawlin bawltik hi. A hilh bangin bawl haw hi. 3Miluang sia tuk ngawlin a bawl meksa haw bangin sun sawm li sung ngei hi. Izipt miten Jakob cu ni sawm salih sung kah haw hi.
4A pa a kah ni haw a bo ten, Josef in kumpipa i bawi upa tei lakah, “Na hehpih tuk uh ahi tale hi bangin kumpipa i lakah hilh sak un hi. 5‘Ka pa a thih deuh laih ngawlno in, Kanaan ngamah ama ca loli in, a cawhmi khanah keima vui tukin thutepnak bawltik a, bawl ing. Mah hangin ka pa vui tukin hah zalin hi. Manlangin kikleh tuk poh ing hi,’ tin hilh sak un,” ti hi.#Pian 47:29-31;
6Kumpipa in, “Thu na tepnak bangin vui tukin hawhin hi,” tin thu kikleh hi.
7Mah hangin a pa vui tukin Josef cu hawh hi. Kumpipa khutnuai a, bawi hempoh, a innkua a, mi upa deuh le Izipt ngamsung puitu upa dedeuh ten Josef cu zui haw hi. 8Josef i innkua hempoh, a unau le a pa i innkua dangte vang hawh khawng haw hi. A naupang haw, a tuu, keel haw le a khui haw bek Goshen ngamah tang haw hi. 9Cipuh lengin hihen, cipuh hum khung hei in hihen tamzet hawh haw hi.
10Jordan ngun pen nisuahnak lam a, ummi Atad i cangcilnak lawn a hen haw ten mithi vui khawmnak cu ngeizet bawl haw hi. Josef in, ni salih sung mithi vui zun cang hi. 11Mahlai ngam, Atad pen a mithi ngaih daan haw cu Kanaan miten amuh haw ten, “Izipt miten mithi ngaihnak nase zetin bawl haw hei,” tin ti haw hi. Mah hangin mah laih mun cu Abel Mizraim#50:11 Abel Mizraim tih cu Izipt tei kahnak tihnak hi tin samin, Jordan ngun pen nisuahnak lamah um hi.
12Mah hangin Jakob i thupiak bangin a capa ten bawl haw hi. 13Kanaan ngamah a luang cu pua haw a, Hit mipa Efron lak pen khan tukin Abraham i lei mi ngam Mamre pen nisuahnak lam a, ummi Makpelah a, suangkuaah vui haw hi.#Nung 7:16; 14A pa a vui celh ten Josef cu a unaute le a pa vui tukin a hawh hempoh tuah Izipt ah kikleh haw hi.
Josef In A Suahpihte Ngamlumtik Leh
15A pa haw a thih nungten Josef i unau ten, “Josef in, ohte hi hua kuh zetin, a hum a, haksatnak a hentik uhmi hempoh hangin a lul tum bang tale itin kaw a tih tuk uh?” tin tidunin, thinsuzet haw hi. 16Mah hangin Josef lakah, “Na pa in, a thih laih ngawlin thucahta hi. 17‘Josef na hilh unna, thilpha ngawl a hum a, na bawl uhmi sualnak le siatnak cu ngaidam tahen,’ tin ti hi. Atu-in kohte na pa i Pathian i sila tei sualnakte hi ngaidam zalin hi,” tin thucah haw hi. Mah thu cu Josef in, a theih ten kap hi.
18A unaupihte cu hung haw in, a maiah kun haw a, “Na maiah na sal hi ung hi,” tin ti haw hi.
19Mahnaven Josef in, “Lau pahsuh un. Pathian dinmun cu um thei tuk mang. 20Keimah siatsuah tukin vaikum nave uhcin tuniah amuh uh bangin mi tampi humhimnak tukin Pathian in thilpha tuah na thek hi. 21Lau him pahsuh un. Nangmuh hihen, na cano uhte hihen, cawm tung,” tin ti hi. Josef in awnkam humno tuah hehnemin lungnopleh haw hi.
Josef Thihnak
22Josef cu Izipt ngamah a pa i unaupihte tuah um haw a, kum za le kum sawm a kim ten thi hi. 23A thih laih ngawlin, Efraim i casuan khang thum tian muta hi. Manasseh i capa Makhir in, ca a neih ten Josef in, a innkua in koih cih hi. 24a unau tei lakah, “Kei cu thi tuk toh ing. Mahnaven Pathian in nohte cu cingkhawi tuk a, hi ngam pen suahtul tuk hi; Abraham, Isaak le Jakob lak a, a tepsami ngamah pui hihim tuk,” ti hi. 25Josef in, Israel i capate thutiamtik a, “Pathian in, a veh hun hengin, hi ngam pen a tulpih ten ka nguh la unna, hawhpih un,” ti hi.#Suah 13:19; Josh 24:32; Heb 11:12; 26Mah hangin Josef cu kum za le kum sawm nungin, Izipt ngamah thi hi. Sia thei tuk ngawlin bawl haw a, khankuang sungah koih haw hi.
Currently Selected:
PIANPATNAK 50: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 50
50
1Josef in, a pa i luang cu pomin, kapthahin nam hi. 2a khutnuai a, nadek sibawite cu a pa i luang sia tuk ngawlin bawltik hi. A hilh bangin bawl haw hi. 3Miluang sia tuk ngawlin a bawl meksa haw bangin sun sawm li sung ngei hi. Izipt miten Jakob cu ni sawm salih sung kah haw hi.
4A pa a kah ni haw a bo ten, Josef in kumpipa i bawi upa tei lakah, “Na hehpih tuk uh ahi tale hi bangin kumpipa i lakah hilh sak un hi. 5‘Ka pa a thih deuh laih ngawlno in, Kanaan ngamah ama ca loli in, a cawhmi khanah keima vui tukin thutepnak bawltik a, bawl ing. Mah hangin ka pa vui tukin hah zalin hi. Manlangin kikleh tuk poh ing hi,’ tin hilh sak un,” ti hi.#Pian 47:29-31;
6Kumpipa in, “Thu na tepnak bangin vui tukin hawhin hi,” tin thu kikleh hi.
7Mah hangin a pa vui tukin Josef cu hawh hi. Kumpipa khutnuai a, bawi hempoh, a innkua a, mi upa deuh le Izipt ngamsung puitu upa dedeuh ten Josef cu zui haw hi. 8Josef i innkua hempoh, a unau le a pa i innkua dangte vang hawh khawng haw hi. A naupang haw, a tuu, keel haw le a khui haw bek Goshen ngamah tang haw hi. 9Cipuh lengin hihen, cipuh hum khung hei in hihen tamzet hawh haw hi.
10Jordan ngun pen nisuahnak lam a, ummi Atad i cangcilnak lawn a hen haw ten mithi vui khawmnak cu ngeizet bawl haw hi. Josef in, ni salih sung mithi vui zun cang hi. 11Mahlai ngam, Atad pen a mithi ngaih daan haw cu Kanaan miten amuh haw ten, “Izipt miten mithi ngaihnak nase zetin bawl haw hei,” tin ti haw hi. Mah hangin mah laih mun cu Abel Mizraim#50:11 Abel Mizraim tih cu Izipt tei kahnak tihnak hi tin samin, Jordan ngun pen nisuahnak lamah um hi.
12Mah hangin Jakob i thupiak bangin a capa ten bawl haw hi. 13Kanaan ngamah a luang cu pua haw a, Hit mipa Efron lak pen khan tukin Abraham i lei mi ngam Mamre pen nisuahnak lam a, ummi Makpelah a, suangkuaah vui haw hi.#Nung 7:16; 14A pa a vui celh ten Josef cu a unaute le a pa vui tukin a hawh hempoh tuah Izipt ah kikleh haw hi.
Josef In A Suahpihte Ngamlumtik Leh
15A pa haw a thih nungten Josef i unau ten, “Josef in, ohte hi hua kuh zetin, a hum a, haksatnak a hentik uhmi hempoh hangin a lul tum bang tale itin kaw a tih tuk uh?” tin tidunin, thinsuzet haw hi. 16Mah hangin Josef lakah, “Na pa in, a thih laih ngawlin thucahta hi. 17‘Josef na hilh unna, thilpha ngawl a hum a, na bawl uhmi sualnak le siatnak cu ngaidam tahen,’ tin ti hi. Atu-in kohte na pa i Pathian i sila tei sualnakte hi ngaidam zalin hi,” tin thucah haw hi. Mah thu cu Josef in, a theih ten kap hi.
18A unaupihte cu hung haw in, a maiah kun haw a, “Na maiah na sal hi ung hi,” tin ti haw hi.
19Mahnaven Josef in, “Lau pahsuh un. Pathian dinmun cu um thei tuk mang. 20Keimah siatsuah tukin vaikum nave uhcin tuniah amuh uh bangin mi tampi humhimnak tukin Pathian in thilpha tuah na thek hi. 21Lau him pahsuh un. Nangmuh hihen, na cano uhte hihen, cawm tung,” tin ti hi. Josef in awnkam humno tuah hehnemin lungnopleh haw hi.
Josef Thihnak
22Josef cu Izipt ngamah a pa i unaupihte tuah um haw a, kum za le kum sawm a kim ten thi hi. 23A thih laih ngawlin, Efraim i casuan khang thum tian muta hi. Manasseh i capa Makhir in, ca a neih ten Josef in, a innkua in koih cih hi. 24a unau tei lakah, “Kei cu thi tuk toh ing. Mahnaven Pathian in nohte cu cingkhawi tuk a, hi ngam pen suahtul tuk hi; Abraham, Isaak le Jakob lak a, a tepsami ngamah pui hihim tuk,” ti hi. 25Josef in, Israel i capate thutiamtik a, “Pathian in, a veh hun hengin, hi ngam pen a tulpih ten ka nguh la unna, hawhpih un,” ti hi.#Suah 13:19; Josh 24:32; Heb 11:12; 26Mah hangin Josef cu kum za le kum sawm nungin, Izipt ngamah thi hi. Sia thei tuk ngawlin bawl haw a, khankuang sungah koih haw hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.