PIANPATNAK 23
23
Abraham In Sarah Vuinak Khanmual Lei
1Sarah cu kum za le sawm nih le salih nungdamin, 2Kanaan ngam Hebron khua ah a thih hangin, Abraham cu lungleng, zun ngai in kap hi.
3A zi i luang cu zamhihin, Hit mitei lakah 4“Kei hi nangmu lakah a bawklawk hih, ngamdangmi, mikhual ka hih ten, ka zi vuinak tukin, na ngam uh hi neuno hu zuak ve ule,” tin ngen hi.#Heb 11:9, 13; Nung 7:16;
5Hit miten, 6“Bawipa, ka hilh uhmi hi hu ngai zalin, nang cu keimu lakah a thawm ngengmi puitu hi ci. Ka neih uhmi khan hempoh lak pen a phabel miah na zi cu vui in hi. Na zi vuinak tukin, ka khan uh cu kuamah in it tukma ung hi,” tin ti haw hi.
7Abraham cu a mai hawah kunin, 8“Hi laiah ka zi vui tuk na lungkim uh tale, Hit mipa Zohar i capa Efron in, 9Makpelah suanghol cu keima lakah zuak tukin hu ngetsak zal un. A suangbuk cu a lo ngam i, a mawklambelah hi. Khanmual ka neih theihnak tukin, na venghawng uh maiah, a deih zahin, a man ngenin, zuak zal hen,” ti hi.
10Efron vang cu Hit mitei tawhdun khawmnakah khung bokin, mipi zakin Efron in, 11“Bawipa, mah kha ma hi, hu ngai hih zalin; ka ngam venghawngin, a thawnthongin pia ing, a sung a, ummi suangbuk vang nei cihin hi. Ka miphun pih tei muh cilcelin, na zi vuinak tuk ka lo ngam cu pia ing,” ti hi.
12Mahnaven Abraham cu Hit mitei maiah a lu kunin, 13mipi tei zak tukin Efron lakah, “Na lungmu tatakin hu ngai hemin hi. Na ngam a venghawngin lei nang. Aman ka piakmi hi sansak zal inna, mahlaiah ka zi vang vui tung,” ti hi. 14Efron in, Abraham lakah, 15“Bawipa, ka lo ngam man cu ngun tangka za li bek hi. Ohtei laklawhah a kul dang umma toh si? Na zi cu vui pohin,” ti hi. 16Abraham cu Efron tih bangin a lungkim hi. Hit mitei zakin, Efron i ngun tangka za li a ngetmi cu sumbawl tei man tenmi cuai tuah tehin pia hi.
17Mah hangin Mamre pen nisuahnak lam Efron i Makpelah leingam cu Abraham i ngamin suakta hi. A sung a, lo le suangbuk le thingkung hempoh vang ata hi khawng hi. 18Mipi tei tawhdun khawmnak a telmi, Hit mi hempoh ten Abraham i ngam hi tih cu theihpih khawng haw hi.
19Abraham in, a zi Sarah cu Kanaan ngam, mah suangbukah vui hi. 20Mah hangin Hit mitei ngam le a sung a ummi suangbuk cu Abraham i ngam suakin khanmualin bawl hi.
Currently Selected:
PIANPATNAK 23: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 23
23
Abraham In Sarah Vuinak Khanmual Lei
1Sarah cu kum za le sawm nih le salih nungdamin, 2Kanaan ngam Hebron khua ah a thih hangin, Abraham cu lungleng, zun ngai in kap hi.
3A zi i luang cu zamhihin, Hit mitei lakah 4“Kei hi nangmu lakah a bawklawk hih, ngamdangmi, mikhual ka hih ten, ka zi vuinak tukin, na ngam uh hi neuno hu zuak ve ule,” tin ngen hi.#Heb 11:9, 13; Nung 7:16;
5Hit miten, 6“Bawipa, ka hilh uhmi hi hu ngai zalin, nang cu keimu lakah a thawm ngengmi puitu hi ci. Ka neih uhmi khan hempoh lak pen a phabel miah na zi cu vui in hi. Na zi vuinak tukin, ka khan uh cu kuamah in it tukma ung hi,” tin ti haw hi.
7Abraham cu a mai hawah kunin, 8“Hi laiah ka zi vui tuk na lungkim uh tale, Hit mipa Zohar i capa Efron in, 9Makpelah suanghol cu keima lakah zuak tukin hu ngetsak zal un. A suangbuk cu a lo ngam i, a mawklambelah hi. Khanmual ka neih theihnak tukin, na venghawng uh maiah, a deih zahin, a man ngenin, zuak zal hen,” ti hi.
10Efron vang cu Hit mitei tawhdun khawmnakah khung bokin, mipi zakin Efron in, 11“Bawipa, mah kha ma hi, hu ngai hih zalin; ka ngam venghawngin, a thawnthongin pia ing, a sung a, ummi suangbuk vang nei cihin hi. Ka miphun pih tei muh cilcelin, na zi vuinak tuk ka lo ngam cu pia ing,” ti hi.
12Mahnaven Abraham cu Hit mitei maiah a lu kunin, 13mipi tei zak tukin Efron lakah, “Na lungmu tatakin hu ngai hemin hi. Na ngam a venghawngin lei nang. Aman ka piakmi hi sansak zal inna, mahlaiah ka zi vang vui tung,” ti hi. 14Efron in, Abraham lakah, 15“Bawipa, ka lo ngam man cu ngun tangka za li bek hi. Ohtei laklawhah a kul dang umma toh si? Na zi cu vui pohin,” ti hi. 16Abraham cu Efron tih bangin a lungkim hi. Hit mitei zakin, Efron i ngun tangka za li a ngetmi cu sumbawl tei man tenmi cuai tuah tehin pia hi.
17Mah hangin Mamre pen nisuahnak lam Efron i Makpelah leingam cu Abraham i ngamin suakta hi. A sung a, lo le suangbuk le thingkung hempoh vang ata hi khawng hi. 18Mipi tei tawhdun khawmnak a telmi, Hit mi hempoh ten Abraham i ngam hi tih cu theihpih khawng haw hi.
19Abraham in, a zi Sarah cu Kanaan ngam, mah suangbukah vui hi. 20Mah hangin Hit mitei ngam le a sung a ummi suangbuk cu Abraham i ngam suakin khanmualin bawl hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.