PIANPATNAK 24
24
Isaak Zi Tuk Zei Haw
1Atu-in, Abraham cu a kum tamin, tekzet zo a, Pathian in, a bawlmi hempoh ah muicu pia hi. 2Abraham in, a umlawh upabel, a neihmi hempoh a cingkhawitu lakah, “Na khut cu ka kal laklawhah#24:2 Ka kal laklawhah tihmi cu mahlai khanin, a thupizetmi, kuamah i khelhleh theih tuk ngawlmi thutepnak a bawl haw ten A zahmawh haw lenin tiamdunmek haw hi. koihin hi. 3Van le lei Pathian Topa i mai le ka lakah ka capa Isaak i zi tukin ka umnak Kanaan ngam a, numei la hihim tuk mang, tin thutiamin hi. 4Masa a, ka umnak ka khua le ngamah hawh inna, ka unaupih tei sung pen ka capa i zi tuk zeisakin,” ti hi.
5Mahnaven a umlawhpa in, “Ahi tale mah numei nu in, zui nuam ngawlin amu innah a um nuam saw bang ahin, itin tuk kaw? Na capa saw na umnak khua le ngamah kihpihleh tung maw?” tin dong hi.
6Abraham in, “Ka capa cu kihpih hihim tuk ngawlin ngaisung hamin; 7Topa, van a Pathian in ka pa i inn le ka piannak ngam pen tultikin, atu hi ngam hi, ‘Na casuan tei lakah pia tung,’ tin a tepsa hi. Amah Pathian in, a vancungmi na maiah hawhtik tuk a, ka capa i zi tuk cu ngah thei tuk poh ci. 8Mahnaven, numei in, a zui nuam ngawl ngangai tale ka lak a, na tepmi thutiam hangin nang cu luat tuk ci. Ivang bangvang, ka capa cu mah ngamah kihpih hihim pahsun,” ti hi. 9Mah hangin a umlawhpa in, a bawipa Abraham i kal laklawhah a khutsuanin, a hilhmi bawl tatak tukin tiamdun hi.
10A umlawhpa in, a bawipa i kalauk hon sung pen sawm khat a lak nungten tuangtimin, laksawng tukin na manpha tampi tuah Mesopotamia ngam Nahor umnak khua ah hawh hi. 11Mahlai khua a hen ten, khuahial a, tuikhuk elah a kalaukte cu boktik hi. Taklam a hihtoh hangin khuasung numeite cu tuicawi tukin hung haw hi. 12Abraham i umlawhpa cu thungenin, “Topa aw, ka bawipa Abraham i Pathian, ka bawipa i lak a, na thutepmi kim tukin tuni in lawhtingtik zalin hi. 13Ka dinnak tuikhukah tuicawi tukin khuasung pen khanglai hung haw tuk hi. 14Khanglai pa khat lakah, ‘Hehpihnakin, na tuithawl khun hih inna, tui in hih tung,’ ka tih ten amahin, ‘In inna, na kalauk vang tui pia nang,’ tin, a titu khanglai cu na sila Isaak ca tukin na tenmi khanglai hi zal hen. Mahti bangin ahi ngangai tale ka bawipa i lak a, na thutep kimtik ci, tih thei tung,” ti hi.
15A thunget hei a celh laih ngawlin, Rebekah a tih haw khanglai cu a ko humah tuithawl pua in hung hi. Rebekah cu Bethuel i canu hi. Bethuel cu Milkah i capa hi, Milkah cu Abraham i unau pa Nahor i zi hi. 16Rebekah cu khanglai himno hi a, mawizet sih hi. Tuikhukah tolhsukin, a tuithawl dim tian tui a than nungten hung kikleh hi. 17Abraham i umlawhpa cu tai in, a lakah, “Hehpihnakin, na tuithawl sung a, tui hu intik zal vele,” tin ngen hi.
18Rebekah in, “Sazapa aw, in pohin hi,” tin ti in, a tuithawl cu manlang zetin, a ko hum pen nga suk a, tuithawl vang cu letkhim sakin intik hi. 19Tui a intik nungten, Rebekah in, “Na kalauk tei intuk vangin tui cu cawi sak nang inna, a duhzah haw in, in haw hen,” ti hi. 20Manlang zetin ngan tei intuk tuikuang sungah a tui cu a leih nungten, kalauk tei kham laklawh tui cu cawisak hi. 21Abraham i mihing pa in, Topa in, ka nadeh hi lawhtingtik nave ni maw aw, tin zonim leng hi.
22Rebekah in kalauk cu tui a piak ceng ten, Abraham i umlawhpa in tikal lang a ngitmi sui naalkhaih suahin, a naalah khaih sak a, sui tikal sawm a ngitmi cau ngengzet pa nih la in, a khutah buntik hi. 23“A koi canu nge cim? Na pa i innah ka camnak tukin akhan tong um ni maw?” tin dong hi.
24Rebekah in, “Nahor le Milkah i capa Bethuel i canu ing. 25Na ngan tei eih tuk hampa le an tampi nei ung, na camnak tuk uh vang akhan tong um,” ti hi.
26Abraham i umlawhpa cu khukdinin, Topa Pathian cu bia hi. 27“Ka bawipa Abraham i Pathian cu thangphatin um tahen. Amahin ka bawipa Abraham lak a, a thutiam cu kimtik zo hi. Ka bawipa Abraham i unau innah Pathian in hengtik,” ti hi.
28Khanglai nu cu a nui lakah tai in, mah thu hempoh cu hilh hi. 29Atu-in Rebekah i ningpa Laban in mah thu a zak ten Abraham umlawhpa i umnak tuikhuk lamah taitul bok hi. 30Laban cu Rebekah i sonmi zain, a naalkhaih le a baan a, cau a but mite amuh ten tuikhuk lamah tai in, Abraham i umlawhpa cu tuikhuk elah a kalauk tuah a din leng haw cu mu hi. 31Laban in, “Ka inn uhah hungin, Topa i muicu piakmi hi ci. Ita pualamah ding leng cim? Ka inn uh cu na camnak tuk uh tongtik zo ing a, na kalauk tei umnak tuk vang munlawng um,” ti hi.
32Mah hangin, Laban in, a inn hawah tumpihin, kalauk hum a, vante cu khesuk khawngin ham pa le an pia hi. Abraham i umlawhpa le a ngualcam tei ke somnak tukin tui hunpih hi. 33Takeih eih tuk bawl haw in, Abraham i umlawhpa in, “Ka thuhilh nuammi ka hilh laih ngawlin an ei hih tuk mang,” ti hi.
Laban in, “Na hilh nuammi cu hilhin hi,” ti hi.
34“Kei cu Abraham i umlawh ing,” tin panto hi. 35Topa in, ka bawipa cu muicu nasezet pia a, mi hausa zetin bawl hi. Amahin tuu, keelte, khuihon, sui le ngun, sila pano le sila numei, kalauk le laak tampi pia hi. 36Ka bawipa i zi Sarah in, a tek sawng ten capa cawi a, ka bawipa in, a neih le siah hempoh a capa pia khawng hi. 37Ka bawipa in, ‘Ka capa Isaak i zi tukmi ka umnak Kanaan ngam khanglai na teng pahsun. 38Ka pa i hinnam le ka laicin tei lakah ka capa i zi tuk na zei ma tale na humah tamsiatnak heng hen,’ tin, a mai loli pen thutiamtik hi. 39Ka bawipa i lakah, ‘Mah numei nu in, a zui nuam ma ahin, itin tuk kaw?’ tin ka dot ten, 40Ka Topa in, ‘A thu ka zui lelengmi Pathian in, a vancungmi na lakah hah tuk a, lawhtingtik tuk hi. Ka pa i unaupih le ka laicin tei sung pen ka capa i zi tuk cu huai loli tuk ci. 41Na luat theihnak tukin lam khat bek a ummi cu ka unaupih tei lakah hawh inna, thu a el haw tale ka siatcamnak lak pen luat tuk ci,’ tin ti hi.
42“Tuni in tuikhuk el ka hen ten ka thungetmi cu, ‘Topa, ka bawipa Abraham i Pathian, ka bawlmi humah lawhtinnak hu pia zalin hi. 43Tu in, tuikhuk elah um zo ing. Tuicawi tukin khanglainu a hun ten a lakah, na tuithawl sung a, tui hu pia zalin, tin ngen tung a, mahten a lungkimin, 44na kalauk vang tui pia tung, a titale mah khanglai nu cu ka bawipa i capa zi tukin Topa in, a tenmi hihen,’ tin ti ing. 45Daidenno in ka thunget hei ka celh laih ngawlin, Rebekah in, a ko humah tuithawl suangin, tuikhukah tuicawi tukin hung hi. A lakah, ‘Hehpihnakin tui hu pia in,’ tin ti ing. 46Manlang zetin, a ko hum a, tuithawl cu nga sukin, ‘In inna, na kalauk vang tui pia tung,’ ti hi. Tui cu in ing a, ka kalauk vang tui pia hi. 47‘Na pa akua kaw?’ tin ka dot ten, ‘Nahor le Milkah tei capa Bethuel i canu ing,’ ti hi. A naalah naalkhaih khaihsak ing a, a baanah vang cau buntik ing. 48ka khukdinin, ka bawipa Abraham i Pathian, lamtuang zetin kei a puitu Topa cu bia in, thangphat ing. Pathian in, ka bawipa i unau pih tei lakah henpih ngutin, mahlaiah ka bawipa i capa i zi tukin a canu tawk zo ing. 49Atu-in, ka bawipa i humah thupha ngaisungin pha na ti uh tale, a thu ciangtik zal un. A thu uh lemcang thei ma ahi vangin hilh unna, mundangah hawh tukin khencat tung,” ti hi.
50Laban le Bethuel lakah, “Hi thu cu Topa i lak pen hengmi a hih hangin ohtei soncat theih tuk umma toh hi. 51Rebekah cu pui inna; hawhpihin hi. Topa in, a hilh zo bangin na bawipa i capa zi in hihen,” tin ti haw hi. 52Abraham i umlawhpa in mah thu a zak ten a lu kunin, Topa Pathian cu bia hi. 53sui le ngun, na manpha le puansilh suahin, Rebekah cu pia hi; a ningpa le a nu vang na manphazet pia hi.
54Abraham i umlawhpa le a mihingte cu in le ei in, mah zan cu cam haw hi. Zing a thawh haw ten “Ka bawipa lakah kik tuk toh ing.” tin ti hi.
55Mahnaven a nu le a ningpa ten, “Ka canu uh cu ka lak uhah nipi khat ahimata, ni sawm laih bek umhihin; mah nungten hawh hen,” tin ti haw hi.
56Mahnaven amahin, “Hen zal pahsuh un; Topa in, ka lam tuangtik zo hi. Ka bawipa i lakah hu kiktik poh un hi,” tin kun hi.
57Amuh ten, “A canu uh sam nung inna, amahin itin ngaisung nen tim,” ti haw hi. 58Rebekah cu samin, “Hi pa tuah hawh tukin na lungkim a cim maw?” tin dong haw hi.
Rebekah in, “Lungkim ing, hawh tung hi,” ti hi.
59Mah hangin a celnu haw Rebekah cu amah cingkemtu umlawh numei pa khat, Abraham i umlawhpa le a mihingte tuah hawhtik haw hi. 60Rebekah cu hi bangin muicu pia haw hi:
“Ka celnu uh cu
mi thawng tampi tei
nu in suak zalin,
Na casuan ten a ngal tei
khuapite neh khawng zal haw hen,”
tin ti haw hi.
61Rebekah le a umlawh khanglaite cu kalauk humah khungin, Abraham i umlawhpa cu zui haw hi. Umlawhpa in, lamhuai in hawh hawta hi.
62Isaak cu, “Beer-lahai-roi” a tih haw ngamkhing lam pen hungin, Neger ngamah na um hi. 63Tak khatin, Isaak cu lamlengin kalaukte a hunlih haw cu mu hi. 64Rebekah in Isaak cu amuh ten, a kalauk hum pen tolh vutin, 65Abraham i umlawhpa i lakah, “Hampa lakah lamlengin eimu lam a hung li mipa khi akua kaw?” tin dong hi.
Umlawhpa in, “Ka bawipa,” ti hi. Mah hangin Rebekah in, a mai khuhnak puanno cu la in, a mai khuh hi.
66Umlawhpa in, a vaihawmmi thu le la hempoh cu Isaak hilh khawng hi. 67Isaak in, Rebekah cu a nu Sarah umnak puanbukah pui in, a zi in suak hi. Isaak in, Rebekah cu it in, a nu Sarah thih nungten amah nemtu in suakta hi.
Currently Selected:
PIANPATNAK 24: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 24
24
Isaak Zi Tuk Zei Haw
1Atu-in, Abraham cu a kum tamin, tekzet zo a, Pathian in, a bawlmi hempoh ah muicu pia hi. 2Abraham in, a umlawh upabel, a neihmi hempoh a cingkhawitu lakah, “Na khut cu ka kal laklawhah#24:2 Ka kal laklawhah tihmi cu mahlai khanin, a thupizetmi, kuamah i khelhleh theih tuk ngawlmi thutepnak a bawl haw ten A zahmawh haw lenin tiamdunmek haw hi. koihin hi. 3Van le lei Pathian Topa i mai le ka lakah ka capa Isaak i zi tukin ka umnak Kanaan ngam a, numei la hihim tuk mang, tin thutiamin hi. 4Masa a, ka umnak ka khua le ngamah hawh inna, ka unaupih tei sung pen ka capa i zi tuk zeisakin,” ti hi.
5Mahnaven a umlawhpa in, “Ahi tale mah numei nu in, zui nuam ngawlin amu innah a um nuam saw bang ahin, itin tuk kaw? Na capa saw na umnak khua le ngamah kihpihleh tung maw?” tin dong hi.
6Abraham in, “Ka capa cu kihpih hihim tuk ngawlin ngaisung hamin; 7Topa, van a Pathian in ka pa i inn le ka piannak ngam pen tultikin, atu hi ngam hi, ‘Na casuan tei lakah pia tung,’ tin a tepsa hi. Amah Pathian in, a vancungmi na maiah hawhtik tuk a, ka capa i zi tuk cu ngah thei tuk poh ci. 8Mahnaven, numei in, a zui nuam ngawl ngangai tale ka lak a, na tepmi thutiam hangin nang cu luat tuk ci. Ivang bangvang, ka capa cu mah ngamah kihpih hihim pahsun,” ti hi. 9Mah hangin a umlawhpa in, a bawipa Abraham i kal laklawhah a khutsuanin, a hilhmi bawl tatak tukin tiamdun hi.
10A umlawhpa in, a bawipa i kalauk hon sung pen sawm khat a lak nungten tuangtimin, laksawng tukin na manpha tampi tuah Mesopotamia ngam Nahor umnak khua ah hawh hi. 11Mahlai khua a hen ten, khuahial a, tuikhuk elah a kalaukte cu boktik hi. Taklam a hihtoh hangin khuasung numeite cu tuicawi tukin hung haw hi. 12Abraham i umlawhpa cu thungenin, “Topa aw, ka bawipa Abraham i Pathian, ka bawipa i lak a, na thutepmi kim tukin tuni in lawhtingtik zalin hi. 13Ka dinnak tuikhukah tuicawi tukin khuasung pen khanglai hung haw tuk hi. 14Khanglai pa khat lakah, ‘Hehpihnakin, na tuithawl khun hih inna, tui in hih tung,’ ka tih ten amahin, ‘In inna, na kalauk vang tui pia nang,’ tin, a titu khanglai cu na sila Isaak ca tukin na tenmi khanglai hi zal hen. Mahti bangin ahi ngangai tale ka bawipa i lak a, na thutep kimtik ci, tih thei tung,” ti hi.
15A thunget hei a celh laih ngawlin, Rebekah a tih haw khanglai cu a ko humah tuithawl pua in hung hi. Rebekah cu Bethuel i canu hi. Bethuel cu Milkah i capa hi, Milkah cu Abraham i unau pa Nahor i zi hi. 16Rebekah cu khanglai himno hi a, mawizet sih hi. Tuikhukah tolhsukin, a tuithawl dim tian tui a than nungten hung kikleh hi. 17Abraham i umlawhpa cu tai in, a lakah, “Hehpihnakin, na tuithawl sung a, tui hu intik zal vele,” tin ngen hi.
18Rebekah in, “Sazapa aw, in pohin hi,” tin ti in, a tuithawl cu manlang zetin, a ko hum pen nga suk a, tuithawl vang cu letkhim sakin intik hi. 19Tui a intik nungten, Rebekah in, “Na kalauk tei intuk vangin tui cu cawi sak nang inna, a duhzah haw in, in haw hen,” ti hi. 20Manlang zetin ngan tei intuk tuikuang sungah a tui cu a leih nungten, kalauk tei kham laklawh tui cu cawisak hi. 21Abraham i mihing pa in, Topa in, ka nadeh hi lawhtingtik nave ni maw aw, tin zonim leng hi.
22Rebekah in kalauk cu tui a piak ceng ten, Abraham i umlawhpa in tikal lang a ngitmi sui naalkhaih suahin, a naalah khaih sak a, sui tikal sawm a ngitmi cau ngengzet pa nih la in, a khutah buntik hi. 23“A koi canu nge cim? Na pa i innah ka camnak tukin akhan tong um ni maw?” tin dong hi.
24Rebekah in, “Nahor le Milkah i capa Bethuel i canu ing. 25Na ngan tei eih tuk hampa le an tampi nei ung, na camnak tuk uh vang akhan tong um,” ti hi.
26Abraham i umlawhpa cu khukdinin, Topa Pathian cu bia hi. 27“Ka bawipa Abraham i Pathian cu thangphatin um tahen. Amahin ka bawipa Abraham lak a, a thutiam cu kimtik zo hi. Ka bawipa Abraham i unau innah Pathian in hengtik,” ti hi.
28Khanglai nu cu a nui lakah tai in, mah thu hempoh cu hilh hi. 29Atu-in Rebekah i ningpa Laban in mah thu a zak ten Abraham umlawhpa i umnak tuikhuk lamah taitul bok hi. 30Laban cu Rebekah i sonmi zain, a naalkhaih le a baan a, cau a but mite amuh ten tuikhuk lamah tai in, Abraham i umlawhpa cu tuikhuk elah a kalauk tuah a din leng haw cu mu hi. 31Laban in, “Ka inn uhah hungin, Topa i muicu piakmi hi ci. Ita pualamah ding leng cim? Ka inn uh cu na camnak tuk uh tongtik zo ing a, na kalauk tei umnak tuk vang munlawng um,” ti hi.
32Mah hangin, Laban in, a inn hawah tumpihin, kalauk hum a, vante cu khesuk khawngin ham pa le an pia hi. Abraham i umlawhpa le a ngualcam tei ke somnak tukin tui hunpih hi. 33Takeih eih tuk bawl haw in, Abraham i umlawhpa in, “Ka thuhilh nuammi ka hilh laih ngawlin an ei hih tuk mang,” ti hi.
Laban in, “Na hilh nuammi cu hilhin hi,” ti hi.
34“Kei cu Abraham i umlawh ing,” tin panto hi. 35Topa in, ka bawipa cu muicu nasezet pia a, mi hausa zetin bawl hi. Amahin tuu, keelte, khuihon, sui le ngun, sila pano le sila numei, kalauk le laak tampi pia hi. 36Ka bawipa i zi Sarah in, a tek sawng ten capa cawi a, ka bawipa in, a neih le siah hempoh a capa pia khawng hi. 37Ka bawipa in, ‘Ka capa Isaak i zi tukmi ka umnak Kanaan ngam khanglai na teng pahsun. 38Ka pa i hinnam le ka laicin tei lakah ka capa i zi tuk na zei ma tale na humah tamsiatnak heng hen,’ tin, a mai loli pen thutiamtik hi. 39Ka bawipa i lakah, ‘Mah numei nu in, a zui nuam ma ahin, itin tuk kaw?’ tin ka dot ten, 40Ka Topa in, ‘A thu ka zui lelengmi Pathian in, a vancungmi na lakah hah tuk a, lawhtingtik tuk hi. Ka pa i unaupih le ka laicin tei sung pen ka capa i zi tuk cu huai loli tuk ci. 41Na luat theihnak tukin lam khat bek a ummi cu ka unaupih tei lakah hawh inna, thu a el haw tale ka siatcamnak lak pen luat tuk ci,’ tin ti hi.
42“Tuni in tuikhuk el ka hen ten ka thungetmi cu, ‘Topa, ka bawipa Abraham i Pathian, ka bawlmi humah lawhtinnak hu pia zalin hi. 43Tu in, tuikhuk elah um zo ing. Tuicawi tukin khanglainu a hun ten a lakah, na tuithawl sung a, tui hu pia zalin, tin ngen tung a, mahten a lungkimin, 44na kalauk vang tui pia tung, a titale mah khanglai nu cu ka bawipa i capa zi tukin Topa in, a tenmi hihen,’ tin ti ing. 45Daidenno in ka thunget hei ka celh laih ngawlin, Rebekah in, a ko humah tuithawl suangin, tuikhukah tuicawi tukin hung hi. A lakah, ‘Hehpihnakin tui hu pia in,’ tin ti ing. 46Manlang zetin, a ko hum a, tuithawl cu nga sukin, ‘In inna, na kalauk vang tui pia tung,’ ti hi. Tui cu in ing a, ka kalauk vang tui pia hi. 47‘Na pa akua kaw?’ tin ka dot ten, ‘Nahor le Milkah tei capa Bethuel i canu ing,’ ti hi. A naalah naalkhaih khaihsak ing a, a baanah vang cau buntik ing. 48ka khukdinin, ka bawipa Abraham i Pathian, lamtuang zetin kei a puitu Topa cu bia in, thangphat ing. Pathian in, ka bawipa i unau pih tei lakah henpih ngutin, mahlaiah ka bawipa i capa i zi tukin a canu tawk zo ing. 49Atu-in, ka bawipa i humah thupha ngaisungin pha na ti uh tale, a thu ciangtik zal un. A thu uh lemcang thei ma ahi vangin hilh unna, mundangah hawh tukin khencat tung,” ti hi.
50Laban le Bethuel lakah, “Hi thu cu Topa i lak pen hengmi a hih hangin ohtei soncat theih tuk umma toh hi. 51Rebekah cu pui inna; hawhpihin hi. Topa in, a hilh zo bangin na bawipa i capa zi in hihen,” tin ti haw hi. 52Abraham i umlawhpa in mah thu a zak ten a lu kunin, Topa Pathian cu bia hi. 53sui le ngun, na manpha le puansilh suahin, Rebekah cu pia hi; a ningpa le a nu vang na manphazet pia hi.
54Abraham i umlawhpa le a mihingte cu in le ei in, mah zan cu cam haw hi. Zing a thawh haw ten “Ka bawipa lakah kik tuk toh ing.” tin ti hi.
55Mahnaven a nu le a ningpa ten, “Ka canu uh cu ka lak uhah nipi khat ahimata, ni sawm laih bek umhihin; mah nungten hawh hen,” tin ti haw hi.
56Mahnaven amahin, “Hen zal pahsuh un; Topa in, ka lam tuangtik zo hi. Ka bawipa i lakah hu kiktik poh un hi,” tin kun hi.
57Amuh ten, “A canu uh sam nung inna, amahin itin ngaisung nen tim,” ti haw hi. 58Rebekah cu samin, “Hi pa tuah hawh tukin na lungkim a cim maw?” tin dong haw hi.
Rebekah in, “Lungkim ing, hawh tung hi,” ti hi.
59Mah hangin a celnu haw Rebekah cu amah cingkemtu umlawh numei pa khat, Abraham i umlawhpa le a mihingte tuah hawhtik haw hi. 60Rebekah cu hi bangin muicu pia haw hi:
“Ka celnu uh cu
mi thawng tampi tei
nu in suak zalin,
Na casuan ten a ngal tei
khuapite neh khawng zal haw hen,”
tin ti haw hi.
61Rebekah le a umlawh khanglaite cu kalauk humah khungin, Abraham i umlawhpa cu zui haw hi. Umlawhpa in, lamhuai in hawh hawta hi.
62Isaak cu, “Beer-lahai-roi” a tih haw ngamkhing lam pen hungin, Neger ngamah na um hi. 63Tak khatin, Isaak cu lamlengin kalaukte a hunlih haw cu mu hi. 64Rebekah in Isaak cu amuh ten, a kalauk hum pen tolh vutin, 65Abraham i umlawhpa i lakah, “Hampa lakah lamlengin eimu lam a hung li mipa khi akua kaw?” tin dong hi.
Umlawhpa in, “Ka bawipa,” ti hi. Mah hangin Rebekah in, a mai khuhnak puanno cu la in, a mai khuh hi.
66Umlawhpa in, a vaihawmmi thu le la hempoh cu Isaak hilh khawng hi. 67Isaak in, Rebekah cu a nu Sarah umnak puanbukah pui in, a zi in suak hi. Isaak in, Rebekah cu it in, a nu Sarah thih nungten amah nemtu in suakta hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.