PIANPATNAK 27
27
Isaak In Jakob Muicu Pia
1Isaak cu tek zetin, a mit vang mang zo hi. A capa upabel Esau cu samin, “Ka capa,” a tih ten, Esau in, “Hi laiah um ing,” ti hi.
2Isaak in, “Tekzet zo ing a, thi awndiak toh ing. 3Na hiamnam le na thalcang la inna, keima eih tukin hampa lakah savai in hi. 4Na ngahmi cik cu ka duhdanin, ukzet huan inna, pia in hi. Ei tung a, ka thih laih ngawlin ka muicu tawpnak piata tung hi,” ti hi.
5Isaak in, a capa Esau lak a hilhmi cu Rebekah in ngai kuh leng hi. Esau in, a pa i eih tuk hampa lakah sa a vai sungin, 6Rebekah in Jakob lakah, “Na pa in, Esau lakah,” 7Ka eih tukin “Cik hu sel inna, an ukzet huan sakin hi. Ka eih ceng ten, ka thih laih ngawlin Topa i maiah ka muicu piata tung,” ti pah cuh. 8Ka capa, atu-in, “Ka thu ngai inna, ka hilhmi hi bawlin hi. 9Ngan hon lakah hawh inna, keelno pa nih pui in, ka lakah hunpihin hi. Huan tung a, na pa i duhdanin bawl tung hi. 10Na pa i lakah a eih tukin pia inna; a thih laihngawlin, a muicu pia tuk,” ti hi.
11Mahnaven Jakob in, a nu i lakah, “Ka nu, ka u Esau cu mul tampi nei ven, kei cu taksa mammi ing hi, tih cu thei ci. 12Ka pa in, a zen kha tale, zol hi tih thei ol si; muicu hi ngawlin tamsiatnak saw ka humah heng sual kha kawn,” ti hi.
13A nu in, “Ka capa, tamsiatnak a heng ahi tale keima humah heng hen, ka hilh bangin bawl saw in hi; hawh nawm saw inna, keelno cu ka hilh bangin la nawm saw in,” ti hi. 14Mah hangin Jakob cu hawhin, keelno cu a nu i lakah hunpihin; a nu in, a pa i duhdanin, an cu huan sak hi. 15Esau i puan a phabel, a nu i koih sakmi cu Rebekah in Jakob silhtik hi. 16A nu in, Jakob i baan tuan le mul um ngawlnak a ngawng cu keel phaw tuah tuam khawng hi. 17An ukzet huanmi le cangho a bawlmi cu a nu in Jakob cawitik hi.
18Jakob cu a pa i lakah hawhin, “Ka pa,” tin sam hi.
A pa in, “Ka ca, akua saw kam?” tin ti hi.
19Jakob in, “Na ca upa saw Esau ing hi; na hilh bangin bawl zo ing. Muicu na piak theihnak tukin tho to inna, ka cawimi cik ei in,” ti hi.
20Isaak in, “Iti bang manlangzet ngah thei nge cim?” ka capa aw, tin ti hi.
Jakob in, “Topa na Pathian in bawmin ngah ing hi,” ti hi. 21Isaak in Jakob lakah, “Ka zen theih tukin, keimah neek hemin hi. Ka capa Esau ngangai cim maw,” tin ti hi. 22Jakob in, a pa cu neekin, a pa in, a zen ten, “Na aw cu Jakob i aw bang naven, na baan cu Esau i baan bangsih hi,” ti hi. 23Isaak in Jakob cu thei sual hi, “Itahim titale Esau i baan bangin mul nei khawng bok hi. Muicu a piak tuk ten, 24ka capa Esau hi ngangai cim?” tin dong leleu hi.
Jakob in, “Hi ing,” tin ti hi.
25Isaak in, “Na huanmi cik cu pia inna, ka eih ceng ten muicu pia tung,” ti hi. Jakob in cik cu pia in, a in tukin a kenmi sabittui vang pia hi. 26a pa in, “Keimah hu neek inna, namin,” ti hi. 27Jakob in, a pa cu nekin a nap ten, a pa in, a puan ngim cu namin, muicu pia hi;
“Hi ka capa i namtui mi a ngim cu,
Topa i muicu piakmi
hampa lak ngim bang hi.#Heb 11:20;
28Pathian in vandai tuithiang
buaksukin, na leingam cu
lei ngampha hi zal hen.
Cang le sabittui
tam zetin pia hen.
29Miphun tampi ten
na nadeh sak haw henna,
Mi tampi na maiah kun haw hen.
Na unau pih tei humah
bawi hi tuk ci.
Na unau tei casuante cu
na maiah kun haw hen.
Nang a tamsetu cu
tamsiat hi bok haw tuk hi.
Muicu a piatu cu
muicu piak hi bok
haw tahen,” ti hi.
Esau In Isaak i Muicu Ngen
30Isaak in muicu a piak nungten, Jakob cu tulta hi. Mahceng bek le Esau cu a savainak pen heng hi. 31Amah vangin an ukzet huanin, a pa i lakah hunpih hi. “Pa aw, muicu na piak theihnak tukin na capa cawimi cik ei tukin tho to zalin,” ti hi.
32Isaak in, “Akua nge cim?” tin dong hi.
Amahin, “Na ca upa saw Esau ing,” ti hi.
33Isaak cu a pumpi cingin can tawtok panin, “Mah ahi tale sa ngahin, ka lak a piatu akua kaw? Na hen deuh laih ngawlno khin ei zo toh ing. A nungdawlbel ka muicu cu amah pia zo ing, a kumkhua in, amata hi tuk toh hi,” tin ti hi.
34Esau in mah thu a zak ten thasia zetin kapin, “Ka pa, na muicu pia bokin hi,” tin kapthahin ngingzet ngen hi.
35Isaak in, “Na naupa hungin keimah zol hi. Na muicu hempoh amahin co khawng zo,” ti hi.
36Esau in, “Atu hi a vei nih zolnak hi. Jakob#27:36 Jakob tih le “Zol” tihnak hi. tin, a sam haw hi a man hi. Amasa in catawntil ka hihnak lonsak zo; atu-in ka muicu don tukmi sut leleu. Ka co tuk muicu dawmno beek nei lehma toh cim?” tin ti hi.
37Isaak in, “Amah cu na humah bawi in bawl zo toh ing, a unaupih hempoh tian a nadektu tukin bawl zo ing. An le sabittui vang pia khawng zo ing. Atu-in nangma ca tukin iti bang tuk toh kaw? Ka ca aw,” tin Esau lakah ti hi.
38Esau in ngen memek a, “Maw ka pa, muicu pa khat bek toh maw na neih? Kei vang muicu hu pia zal bokin,” ti in Esau cu nase zetin kap hi.
39Isaak in,
“Na ca in vandaitui umma toh.
Lei ngampha umleh ma toh.
40Na hiamnam muangin
nungca tuk navecin,
Na naupa i sila hi tuk ci.
Ngal na tho ahi tale
a uknak sung pen
dawktul tuk ci,” ti hi.
41A pa in Jakob muicu a piak khawng zo hangin Esau in, Jakob cu hua zetin, “Ka pa hi ngei nungleh tukma toh; a thih nungten Jakob cu that loli tung,” tin, a lungmu sungno in ngaisung hi.
42Mahnaven Rebekah in, Esau i tuptahmi a theih ten, Jakob lakah kamcahin, “Ngai hemin, na u Esau in phuba la in nangmah thah tum hi. 43Atu-in, ka capa, ka hilh bangin bawlin hi. Haran khua a, ka ningpa Laban lakah hawh inna, 44na upa i thinuknak a phatleh laklawh cu mahlaiah um leng hih pohin hi. 45A lak a, na bawl mite a phawhngilh laklawh tian na pu i lakah umin hi. Mi pa kha khat hahleh tung a, samkik lehtik tung hi. Ka capa pa nih ni khat thu in, a bolal haw tuk cu ita phal tung kaw?” tin ti hi.
46Rebekah in Isaak lakah, “Esau i huai mi ngamdang zite hi ciat dimdemin, mu nap tutuh ma toh ing. Hi bang Hit hinnam numei hi Jakob in, a huai kha bok bang tale, ka thi ahin pha saw tuk poh,” ti hi.
Currently Selected:
PIANPATNAK 27: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 27
27
Isaak In Jakob Muicu Pia
1Isaak cu tek zetin, a mit vang mang zo hi. A capa upabel Esau cu samin, “Ka capa,” a tih ten, Esau in, “Hi laiah um ing,” ti hi.
2Isaak in, “Tekzet zo ing a, thi awndiak toh ing. 3Na hiamnam le na thalcang la inna, keima eih tukin hampa lakah savai in hi. 4Na ngahmi cik cu ka duhdanin, ukzet huan inna, pia in hi. Ei tung a, ka thih laih ngawlin ka muicu tawpnak piata tung hi,” ti hi.
5Isaak in, a capa Esau lak a hilhmi cu Rebekah in ngai kuh leng hi. Esau in, a pa i eih tuk hampa lakah sa a vai sungin, 6Rebekah in Jakob lakah, “Na pa in, Esau lakah,” 7Ka eih tukin “Cik hu sel inna, an ukzet huan sakin hi. Ka eih ceng ten, ka thih laih ngawlin Topa i maiah ka muicu piata tung,” ti pah cuh. 8Ka capa, atu-in, “Ka thu ngai inna, ka hilhmi hi bawlin hi. 9Ngan hon lakah hawh inna, keelno pa nih pui in, ka lakah hunpihin hi. Huan tung a, na pa i duhdanin bawl tung hi. 10Na pa i lakah a eih tukin pia inna; a thih laihngawlin, a muicu pia tuk,” ti hi.
11Mahnaven Jakob in, a nu i lakah, “Ka nu, ka u Esau cu mul tampi nei ven, kei cu taksa mammi ing hi, tih cu thei ci. 12Ka pa in, a zen kha tale, zol hi tih thei ol si; muicu hi ngawlin tamsiatnak saw ka humah heng sual kha kawn,” ti hi.
13A nu in, “Ka capa, tamsiatnak a heng ahi tale keima humah heng hen, ka hilh bangin bawl saw in hi; hawh nawm saw inna, keelno cu ka hilh bangin la nawm saw in,” ti hi. 14Mah hangin Jakob cu hawhin, keelno cu a nu i lakah hunpihin; a nu in, a pa i duhdanin, an cu huan sak hi. 15Esau i puan a phabel, a nu i koih sakmi cu Rebekah in Jakob silhtik hi. 16A nu in, Jakob i baan tuan le mul um ngawlnak a ngawng cu keel phaw tuah tuam khawng hi. 17An ukzet huanmi le cangho a bawlmi cu a nu in Jakob cawitik hi.
18Jakob cu a pa i lakah hawhin, “Ka pa,” tin sam hi.
A pa in, “Ka ca, akua saw kam?” tin ti hi.
19Jakob in, “Na ca upa saw Esau ing hi; na hilh bangin bawl zo ing. Muicu na piak theihnak tukin tho to inna, ka cawimi cik ei in,” ti hi.
20Isaak in, “Iti bang manlangzet ngah thei nge cim?” ka capa aw, tin ti hi.
Jakob in, “Topa na Pathian in bawmin ngah ing hi,” ti hi. 21Isaak in Jakob lakah, “Ka zen theih tukin, keimah neek hemin hi. Ka capa Esau ngangai cim maw,” tin ti hi. 22Jakob in, a pa cu neekin, a pa in, a zen ten, “Na aw cu Jakob i aw bang naven, na baan cu Esau i baan bangsih hi,” ti hi. 23Isaak in Jakob cu thei sual hi, “Itahim titale Esau i baan bangin mul nei khawng bok hi. Muicu a piak tuk ten, 24ka capa Esau hi ngangai cim?” tin dong leleu hi.
Jakob in, “Hi ing,” tin ti hi.
25Isaak in, “Na huanmi cik cu pia inna, ka eih ceng ten muicu pia tung,” ti hi. Jakob in cik cu pia in, a in tukin a kenmi sabittui vang pia hi. 26a pa in, “Keimah hu neek inna, namin,” ti hi. 27Jakob in, a pa cu nekin a nap ten, a pa in, a puan ngim cu namin, muicu pia hi;
“Hi ka capa i namtui mi a ngim cu,
Topa i muicu piakmi
hampa lak ngim bang hi.#Heb 11:20;
28Pathian in vandai tuithiang
buaksukin, na leingam cu
lei ngampha hi zal hen.
Cang le sabittui
tam zetin pia hen.
29Miphun tampi ten
na nadeh sak haw henna,
Mi tampi na maiah kun haw hen.
Na unau pih tei humah
bawi hi tuk ci.
Na unau tei casuante cu
na maiah kun haw hen.
Nang a tamsetu cu
tamsiat hi bok haw tuk hi.
Muicu a piatu cu
muicu piak hi bok
haw tahen,” ti hi.
Esau In Isaak i Muicu Ngen
30Isaak in muicu a piak nungten, Jakob cu tulta hi. Mahceng bek le Esau cu a savainak pen heng hi. 31Amah vangin an ukzet huanin, a pa i lakah hunpih hi. “Pa aw, muicu na piak theihnak tukin na capa cawimi cik ei tukin tho to zalin,” ti hi.
32Isaak in, “Akua nge cim?” tin dong hi.
Amahin, “Na ca upa saw Esau ing,” ti hi.
33Isaak cu a pumpi cingin can tawtok panin, “Mah ahi tale sa ngahin, ka lak a piatu akua kaw? Na hen deuh laih ngawlno khin ei zo toh ing. A nungdawlbel ka muicu cu amah pia zo ing, a kumkhua in, amata hi tuk toh hi,” tin ti hi.
34Esau in mah thu a zak ten thasia zetin kapin, “Ka pa, na muicu pia bokin hi,” tin kapthahin ngingzet ngen hi.
35Isaak in, “Na naupa hungin keimah zol hi. Na muicu hempoh amahin co khawng zo,” ti hi.
36Esau in, “Atu hi a vei nih zolnak hi. Jakob#27:36 Jakob tih le “Zol” tihnak hi. tin, a sam haw hi a man hi. Amasa in catawntil ka hihnak lonsak zo; atu-in ka muicu don tukmi sut leleu. Ka co tuk muicu dawmno beek nei lehma toh cim?” tin ti hi.
37Isaak in, “Amah cu na humah bawi in bawl zo toh ing, a unaupih hempoh tian a nadektu tukin bawl zo ing. An le sabittui vang pia khawng zo ing. Atu-in nangma ca tukin iti bang tuk toh kaw? Ka ca aw,” tin Esau lakah ti hi.
38Esau in ngen memek a, “Maw ka pa, muicu pa khat bek toh maw na neih? Kei vang muicu hu pia zal bokin,” ti in Esau cu nase zetin kap hi.
39Isaak in,
“Na ca in vandaitui umma toh.
Lei ngampha umleh ma toh.
40Na hiamnam muangin
nungca tuk navecin,
Na naupa i sila hi tuk ci.
Ngal na tho ahi tale
a uknak sung pen
dawktul tuk ci,” ti hi.
41A pa in Jakob muicu a piak khawng zo hangin Esau in, Jakob cu hua zetin, “Ka pa hi ngei nungleh tukma toh; a thih nungten Jakob cu that loli tung,” tin, a lungmu sungno in ngaisung hi.
42Mahnaven Rebekah in, Esau i tuptahmi a theih ten, Jakob lakah kamcahin, “Ngai hemin, na u Esau in phuba la in nangmah thah tum hi. 43Atu-in, ka capa, ka hilh bangin bawlin hi. Haran khua a, ka ningpa Laban lakah hawh inna, 44na upa i thinuknak a phatleh laklawh cu mahlaiah um leng hih pohin hi. 45A lak a, na bawl mite a phawhngilh laklawh tian na pu i lakah umin hi. Mi pa kha khat hahleh tung a, samkik lehtik tung hi. Ka capa pa nih ni khat thu in, a bolal haw tuk cu ita phal tung kaw?” tin ti hi.
46Rebekah in Isaak lakah, “Esau i huai mi ngamdang zite hi ciat dimdemin, mu nap tutuh ma toh ing. Hi bang Hit hinnam numei hi Jakob in, a huai kha bok bang tale, ka thi ahin pha saw tuk poh,” ti hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.