PIANPATNAK 26
26
Gerar le Beersheba Ah Isaak Um
1Abraham khanin, paampi vei khat a tun awng bek sialngawl, hi ngamah paampi dang a tunleh hangin, Filistin kumpi Abimelek umnak Gerar ah Isaak cu hawh hi. 2Topa in, Isaak lakah, “Izipt ngamah hawh pahsun hi; um tuk ci, ka tihnak ngamah umin,” ti hi. 3“Hilaiah umhihin, na lakah um tung a, muicu pia tung hi; itahim titale nangmah le na casuan tei lakah hi ngam hempoh cu pia tung hi. Na pa Abraham lakah ka thutepsa cu kimtik tung hi.#Pian 22:16-18; 4Na casuante cu van a, aksi zahin pia tung a, hi ngam hempoh vang pia tung hi. Na casuante muicu ka piak bangin, leihum hinnam hempoh ten muicu ngen haw tuk hi. 5Itahim titale Abraham in ka thu ngai in, ka daan le thukhamte a zui hangin nangmah cu muicu pia tung,” ti hi.
6Mah hangin Isaak cu Gerar ah um hi. 7Mahlai khua miten a zi thu a dot haw ten, “Ka zi hi,” ti ngam ngawlin “Ka celnu hi,” ti hi. Itahim titale Rebekah cu diang leita a hih ten, Rebekah co nuamin keimah that haw kawn tih a lauthawng hang hi.#Pian 12:13; 20:2; 8Isaak cu mahlaiah ngei thim umin, kumpi Abimelek cu a tukvelh pen khua a zohsuk ten, Isaak in Rebekah cu deihthawh zetin, a pom lih laihtak na mu kha hi. 9Abimelek in Isaak cu samin, “Rebekah hi na zi si. Ita ka celnu hi, ti cim?” tin dong hi.
Isaak in, “Ka zi hi, ka ti bang ahin, that kha haw tuk tih ka ngaihsut hangin,” ti hi.
10Abimelek in, “Ita Ka hum uhah hitih bangin bawl nge cim? Ka mihingte pa kha khatin, na zi humah khialin, mawh hi tihnak ka tawk uh tale nangma hangin hi tuk,” ti hi. 11Abimelek in, mipi tei lakah, “Hi tei nupa, Isaak ahimata Rebekah hi kuamahin bawlsia pahsuh un; a bawlsiatu na um uh tale thah tawk tuk uh ci,” tin, a mihing tei lakah thupia hi.
12Isaak in, mah ngamah anci cingin, mah kum cu a cinmi i let za khat cawmleh hi; itahim titale Pathian in muicu a piak hang hi. 13Nei thuahto pepelin, mihau zetin suak hi. 14Itahim titale khui le tuu tampi nei in, sila vang tampi a neih hangin Filistin miten iksikzet haw hi. 15Mah hangin a pa Abraham nunlaihin, a umlawh tei cawhmi tuikhuk hempoh cu lei dipsak khawng haw hi.
16Abimelek in, Isaak lakah, “Keimah sangin ngil saw deuh na hih hangin mundangah hawhin,” ti hi. 17Mah hangin Isaak cu tulin Gerar munlawnah buk samin um hi. 18Isaak in, a pa Abraham khan a, cawhmi tuikhuk le a pa i thih nungten Filistin mitei lei a dip haw mi cu kuatleh hi. Amahin, a pa i minsakmi bangin min pialeh khawng hi.
19Isaak i umlawh ten mah munlawnah tuikhuk pa khat co haw in, tuiput phazet na tawk haw hi. 20Gerar le Isaak tuucingte haudun haw a, “Hi tui cu keimuta hi,” tin cuhdun haw hi. Mah hangin Isaak in mah tuikhuk cu, “Esek”#26:20 Esek tihmi cuk “Hauhdunnak” tihnak hi. tin minsa hi.
21Isaak i umlawh ten tuikhuk dang co haw in, hauhdunnak a um lehleu hangin Isaak in mah tuikhuk cu, “Sitnah”#26:21 Sitnahtih cu “Ngaldunak” tihnak hi. tin sam hi. 22Isaak cu mah laih mun pen thawnin, tuikhuk dang co leleu hi. Hauhdunnak a um ngawl toh hangin mah tuikhuk cu, “Rehoboth”#26:22 Rehobothtih cu “Luatnak” ahimata “Ngam zalpi” tihnak hi. tin sam hi. Isaak in, “Atu-in Topa in, hi ngamah luatnak pia zo a hih hangin khangto tuk toh hung,” ti hi.
23Mahlai mun pen Isaak cu Beersheba ah thawn hi. 24Mah zanin, Topa cu a lakah langin, “Keimah cu na pa Abraham i Pathian ing. Imah lau pahsun, na lakah um ing. Ka sila pa Abraham i hangin muicu pia tung a, ca tampi pia tung,” ti hi. 25Isaak in biaklan dawhin, Topa bia hi. Buk samin, a umlawh ten tuikhuk co haw hi.
Isaak le Abimelek Thutiamdun
26Abimelek cu Gerar pen ngaihsutnak a piatu Ahuzzath le a ngalkap uktu Fikol tuah Isaak tawk tukin hung haw hi.#Pian 21:22; 27Mah hangin Isaak in, “Ita ka lakah hung uh cim? Na khua le ngam uh pen na deih uh ngawl hangin na hawlvawk uhmi hi ma ing maw?” tin ti hi.
28Amuh ten, “Pathian cu na lakah um tatak hi, tih cu atu-in thei zo ung a, eimu laklawhah thutepnak a um ahin tin ngaisung ing. Na humah siatnak ka hentik ngawl bangin, 29nangmah vangin ka humah siatnak hengtik tuk ngawlin thutepnak bawl nung, tih deih ung hi. Na hum uhah phazet ung a, himdamno in hawhtik ung hi. Atu-in Topa i muicu tampi dong ci,” tin ti haw hi. 30Isaak in, an ukzet huanin mah zan cu tai zetin ei le in, in um hi. 31A zingten zingtungno in thutepnak bawl haw hi. Isaak in hen a, ailem zetin mangpha piadun haw hi.
32Mah ni-in, Isaak i umlawhte hung haw a, tuikhuk a cawhnak haw thu cu hilh haw hi. “Tui tawk zo ung,” tin ti haw hi. 33Mah tuikhuk cu Shibah#26:33 Shibahtih cu “Thutiam dunnak” tihnak hi. tin sam haw hi. Mah khuapi cu Beersheba tin sam hawta hi.
Esau i Ngamdang Zite
34Esau cu kum sawm li a kim ten, Hit mi Beeri canu Judith huai in, Elon i canu Basemath huai leleu hi. 35A mo haw ten Isaak le Rebekah i lungmu tamtikzet haw hi.
Currently Selected:
PIANPATNAK 26: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
PIANPATNAK 26
26
Gerar le Beersheba Ah Isaak Um
1Abraham khanin, paampi vei khat a tun awng bek sialngawl, hi ngamah paampi dang a tunleh hangin, Filistin kumpi Abimelek umnak Gerar ah Isaak cu hawh hi. 2Topa in, Isaak lakah, “Izipt ngamah hawh pahsun hi; um tuk ci, ka tihnak ngamah umin,” ti hi. 3“Hilaiah umhihin, na lakah um tung a, muicu pia tung hi; itahim titale nangmah le na casuan tei lakah hi ngam hempoh cu pia tung hi. Na pa Abraham lakah ka thutepsa cu kimtik tung hi.#Pian 22:16-18; 4Na casuante cu van a, aksi zahin pia tung a, hi ngam hempoh vang pia tung hi. Na casuante muicu ka piak bangin, leihum hinnam hempoh ten muicu ngen haw tuk hi. 5Itahim titale Abraham in ka thu ngai in, ka daan le thukhamte a zui hangin nangmah cu muicu pia tung,” ti hi.
6Mah hangin Isaak cu Gerar ah um hi. 7Mahlai khua miten a zi thu a dot haw ten, “Ka zi hi,” ti ngam ngawlin “Ka celnu hi,” ti hi. Itahim titale Rebekah cu diang leita a hih ten, Rebekah co nuamin keimah that haw kawn tih a lauthawng hang hi.#Pian 12:13; 20:2; 8Isaak cu mahlaiah ngei thim umin, kumpi Abimelek cu a tukvelh pen khua a zohsuk ten, Isaak in Rebekah cu deihthawh zetin, a pom lih laihtak na mu kha hi. 9Abimelek in Isaak cu samin, “Rebekah hi na zi si. Ita ka celnu hi, ti cim?” tin dong hi.
Isaak in, “Ka zi hi, ka ti bang ahin, that kha haw tuk tih ka ngaihsut hangin,” ti hi.
10Abimelek in, “Ita Ka hum uhah hitih bangin bawl nge cim? Ka mihingte pa kha khatin, na zi humah khialin, mawh hi tihnak ka tawk uh tale nangma hangin hi tuk,” ti hi. 11Abimelek in, mipi tei lakah, “Hi tei nupa, Isaak ahimata Rebekah hi kuamahin bawlsia pahsuh un; a bawlsiatu na um uh tale thah tawk tuk uh ci,” tin, a mihing tei lakah thupia hi.
12Isaak in, mah ngamah anci cingin, mah kum cu a cinmi i let za khat cawmleh hi; itahim titale Pathian in muicu a piak hang hi. 13Nei thuahto pepelin, mihau zetin suak hi. 14Itahim titale khui le tuu tampi nei in, sila vang tampi a neih hangin Filistin miten iksikzet haw hi. 15Mah hangin a pa Abraham nunlaihin, a umlawh tei cawhmi tuikhuk hempoh cu lei dipsak khawng haw hi.
16Abimelek in, Isaak lakah, “Keimah sangin ngil saw deuh na hih hangin mundangah hawhin,” ti hi. 17Mah hangin Isaak cu tulin Gerar munlawnah buk samin um hi. 18Isaak in, a pa Abraham khan a, cawhmi tuikhuk le a pa i thih nungten Filistin mitei lei a dip haw mi cu kuatleh hi. Amahin, a pa i minsakmi bangin min pialeh khawng hi.
19Isaak i umlawh ten mah munlawnah tuikhuk pa khat co haw in, tuiput phazet na tawk haw hi. 20Gerar le Isaak tuucingte haudun haw a, “Hi tui cu keimuta hi,” tin cuhdun haw hi. Mah hangin Isaak in mah tuikhuk cu, “Esek”#26:20 Esek tihmi cuk “Hauhdunnak” tihnak hi. tin minsa hi.
21Isaak i umlawh ten tuikhuk dang co haw in, hauhdunnak a um lehleu hangin Isaak in mah tuikhuk cu, “Sitnah”#26:21 Sitnahtih cu “Ngaldunak” tihnak hi. tin sam hi. 22Isaak cu mah laih mun pen thawnin, tuikhuk dang co leleu hi. Hauhdunnak a um ngawl toh hangin mah tuikhuk cu, “Rehoboth”#26:22 Rehobothtih cu “Luatnak” ahimata “Ngam zalpi” tihnak hi. tin sam hi. Isaak in, “Atu-in Topa in, hi ngamah luatnak pia zo a hih hangin khangto tuk toh hung,” ti hi.
23Mahlai mun pen Isaak cu Beersheba ah thawn hi. 24Mah zanin, Topa cu a lakah langin, “Keimah cu na pa Abraham i Pathian ing. Imah lau pahsun, na lakah um ing. Ka sila pa Abraham i hangin muicu pia tung a, ca tampi pia tung,” ti hi. 25Isaak in biaklan dawhin, Topa bia hi. Buk samin, a umlawh ten tuikhuk co haw hi.
Isaak le Abimelek Thutiamdun
26Abimelek cu Gerar pen ngaihsutnak a piatu Ahuzzath le a ngalkap uktu Fikol tuah Isaak tawk tukin hung haw hi.#Pian 21:22; 27Mah hangin Isaak in, “Ita ka lakah hung uh cim? Na khua le ngam uh pen na deih uh ngawl hangin na hawlvawk uhmi hi ma ing maw?” tin ti hi.
28Amuh ten, “Pathian cu na lakah um tatak hi, tih cu atu-in thei zo ung a, eimu laklawhah thutepnak a um ahin tin ngaisung ing. Na humah siatnak ka hentik ngawl bangin, 29nangmah vangin ka humah siatnak hengtik tuk ngawlin thutepnak bawl nung, tih deih ung hi. Na hum uhah phazet ung a, himdamno in hawhtik ung hi. Atu-in Topa i muicu tampi dong ci,” tin ti haw hi. 30Isaak in, an ukzet huanin mah zan cu tai zetin ei le in, in um hi. 31A zingten zingtungno in thutepnak bawl haw hi. Isaak in hen a, ailem zetin mangpha piadun haw hi.
32Mah ni-in, Isaak i umlawhte hung haw a, tuikhuk a cawhnak haw thu cu hilh haw hi. “Tui tawk zo ung,” tin ti haw hi. 33Mah tuikhuk cu Shibah#26:33 Shibahtih cu “Thutiam dunnak” tihnak hi. tin sam haw hi. Mah khuapi cu Beersheba tin sam hawta hi.
Esau i Ngamdang Zite
34Esau cu kum sawm li a kim ten, Hit mi Beeri canu Judith huai in, Elon i canu Basemath huai leleu hi. 35A mo haw ten Isaak le Rebekah i lungmu tamtikzet haw hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.