ᒪᕐᒃ 10
10
ᒋᓴᔅ ᑲ ᐊᔨᒧᑕᐧᒃ ᐊ ᐛᐱᓂᑐᓇᓄᐎᒡ
ᒪᑎᔪᐤ 19.1-12; ᓗᒃ 16.18
1ᒋᓴᔅ ᒪᒃ ᒋ ᔅᑐᑕᐤ ᐊᓐᑕ ᐊᓂᔭ ᑲ ᑕᑦ, ᐊᑯ ᐊᓐᑕ ᒍᑎᔭ ᐊᔅᒋᒡ ᒂ ᐊᑎ ᐃᑐᑕᑦ ᒂᔅᑕᒐᑲᒻ ᒠᕐᑕᓐ ᓯᐱᒡ᙮ ᐊᑯᓐ ᑲ ᐃᑐᑕᑯᑦ ᑭᔭ ᐊᓐᑕ ᐊᐛᔪᐛ, ᒋ ᒥᒐᑎᔪᐛ ᐊ ᐸᒋ ᓂᑐᐛᐱᒥᑯᑦ᙮ ᐊᑯ ᒂ ᐃᑐᑐᐛᑦ ᑕᓐ ᑲᒋ ᐃᑐᑐᐛᑦ ᒪᓐ ᐊᐛᔪᐛ ᐊ ᓂᑐᐛᐱᒥᑯᑦ, ᒋ ᒋᔅᑯᑎᒧᐛᐤ᙮
Mark 10.2-16 (Proper-22 Year B)
2ᒋ ᑎᑯᓯᓂᔪᐛ ᐸᕆᓯᐊ ᐊᒋ ᐎ ᓇᓂᑐᐤ ᐎᔭᓯᐃᑯᑦ ᐊᑲ ᑯᐃᔅᒄ ᒐᒋ ᐃᓯ ᐎᑕᐧᒃ ᒐᒂᔪᐤ᙮ ᒋ ᐃᓯ ᑯᒂᒋᒥᑯᐤ ᒪᒃ, “ᐎᑎᒧᐅᓇᓐ ᒪ, ᐃᑎᔅᑕᐤ ᐊ ᐎᓱᐛᐅᓂᒡ ᒐ ᐱᔅᑎᓇᑭᓄᐅᑦ ᓇᐸᐤ ᒐᒋ ᐛᐱᓇᑦ ᐎᐛ ?”
3ᒋᓴᔅ ᒋ ᐃᓯ ᐎᑎᒧᐛᐤ ᐅᔭ ᐊ ᐃᓯ ᑯᒂᒋᒪᑦ, “ᑕᓐ ᑲ ᐃᑎᓱᒥᑕᒄ ᒪᒃ ᒧᓱᔅ ?”
4ᐊᑯ ᒂ ᐃᔅᒋᔄᒡ, “ᒧᓱᔅ ᒋ ᐱᔅᑎᓇᐤ ᓇᐸᐛ ᒐᒋ ᐅᓯᑕᔨᒋ ᐛᐱᓂᑐᐤ ᒥᓯᓇᐃᑭᓂᔪᐤ ᑭᔭ ᐃᔭᒄ ᒐᒋ ᐛᐱᓂᔨᒋ ᐎᐎᔪᐛ᙮”
5ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᑕᑈ ᒋ ᓯᐱᑕᓇᐛᐤ ᐊᔪᐅᒄ ᐅᔭ ᐛᒋ ᒥᓯᓇᐊᐧᒃ ᒧᓱᔅ ᐅᔭ ᐃᑎᓱᐛᐅᓂᔪᐤ᙮ 6ᒥᒄ ᒪᒃ ᐅᔅᑭᒡ ᑲ ᐅᓯᑕᑭᓄᐅᒡ ᐅ ᐊᔅᒋᔾ ᒋ ᓂᔅᑐᓇᑯᓂᔪᐤ ᑕᓐ ᑲ ᐎ ᐃᑎᑦ ᒋᓴᒪᓂᑐᐤ ᐛᔅ ᒪᐅ ᐊᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᑕᐱᔅᑯᓐ ᓇᐸᐛ ᑭᔭ ᐃᔎᐛ ᒋ ᐅᓯᐊᐤ᙮
7ᐊᐅᒄ ᒪᒃ ᐅᔭ ᒐ ᐅᒋ ᓂᑭᑕᑦ ᓇᐸᐤ ᐅᓂᒋᐃᒂ ᐎᐛ ᒐᒋ ᐎᒋᒪᑦ᙮ 8ᐊᑯ ᒪᒃ ᐊ ᓂᓯᒡ ᐊᓂᔭᔪᐛ ᐎᐛ ᐸᐃᒄ ᒥᔪᐤ ᒐ ᐃᓯᓇᑯᓯᒡ᙮
ᓇᒪ ᒪᒃ ᐊᑯ ᑕᐱᔅᑯᓐ ᑎᐸᓂᐱᒪᑎᓱᐅᒡ, ᒧᔭᒻ ᐸᐃᒄ ᒥᔪᐤ ᐊᐅᑯᓐ ᐊ ᐃᓯᓇᑯᓯᒡ ᐊᑯ᙮ 9ᐊᓂᔭᔪᐛ ᐊᐛᔪᐛ ᒋᓴᒪᓂᑐᐤ ᐊᒋ ᐃᑐᑐᐛᑦ ᒐᒋ ᐎᒋᒥᑐᔨᒋ ᐊᑲᐎᔾ ᐊᐛᓐ ᒋᑭ ᐅᒋ ᐃᑐᑐᐛᐤ ᒐᒋ ᓂᑭᑎᑐᔨᒋ᙮”
10ᐃᔅᐱ ᒪᒃ ᐸᒐᒡ ᒥᒋᐛᐱᔪᐤ ᒋᓴᔅ ᐅᒋᔅᒋᓄᐊᒧᐛᑭᓇ ᒋ ᑯᒂᒋᒥᑯᐤ ᐊᓂᔭ ᑕᓐ ᑲ ᐃᓯ ᐊᔨᒧᑎᒥᔨᒋ᙮ 11ᒋᓴᔅ ᒪᒃ ᒋ ᐃᑕᐤ, “ᐊᓐ ᐊᐛᓐ ᒐ ᐛᐱᓇᒂ ᐎᐛ, ᒥᓐ ᒪᒃ ᓂᐳᐅᒐ, ᑯᑎᒂ ᐃᔎᐛ ᐎᒋᒪᒐ, ᓇᒪ ᑯᐃᔅᒄ ᐃᑐᑐᐛᐤ ᐊᓂᔭ ᓂᔅᑎᒻ ᐃᔎᐛ ᑲ ᐎᒋᒪᑦ, ᐱᓯᒂᑎᓯᐤ ᐅᔭ ᐊ ᐃᑎᑦ᙮ 12ᒪᒃ ᐃᔎᐤ ᐛᐱᓇᒐ ᐅᓇᐸᒪ ᒥᓐ ᒪᒃ ᓂᐳᐅᒐ, ᑯᑎᑲ ᓇᐸᐛ ᐎᒋᒪᒐ, ᓇᒪ ᑯᐃᔅᒄ ᐃᑐᑐᐛᐤ ᐊᓂᔭᔪᐛ ᓂᔅᑎᒻ ᐅᓇᐸᒪ, ᐱᓯᒂᑎᓯᐤ ᐅᔭ ᐊ ᐃᑎᑦ᙮”
ᒋᓴᔅ ᑲ ᑕᒋᓇᑦ ᐊᐛᓴ
ᒪᑎᔪᐤ 19.13-15; ᓗᒃ 18.15-17
13ᒋ ᐸᓱᐛᐅᒡ ᒪᒃ ᐊᐛᓐᒋ ᐊᐛᓴ ᒋᓴᓴ ᐊ ᑕᔨᒋ, ᐊ ᓂᑐᐛᔨᒪᒡ ᒐᒋ ᑕᒋᓇᔨᒋ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᒋᑕᐊᒧᐛᐅᒡ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᑎᔨᒋ᙮ 14ᐃᔅᐱ ᒋᓴᔅ ᐎᔭᐱᒪᑦ ᐅᔭ ᐊ ᐃᑎᔨᒋ ᐊᓂᔭᔪᐛ ᒋᔅᒋᓄᐊᒧᐛᑭᓇ ᓇᒪ ᓇᔅᒡ ᐅᒋ ᓇᐊᔨᑎᒥᐃᑯᐤ ᐊᑯ ᒂ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ᓇᓯᒡ, ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮ 15ᑕᑈ ᒋᑦ ᐃᑎᓇᐛᐤ, ᐛᔅ ᒧᔭᒻ ᐊᐛᓐ ᒐ ᐊᑲ ᑕᑈᐅᒐᔨᑎᒥᒂ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᓯ ᑕᑈᐅᒐᔨᑎᒥᔨᒋ ᐊᐛᓴ, ᓇᒪ ᒋᑭ ᒋ ᐱᒐᐤ ᐊᓐᑕ ᐛᒋᒪᐎᔨᒋ ᒋᓴᒪᓂᑐᐛ᙮” 16ᒋ ᐅᑎᓇᐤ ᐸᐸᐃᒄ ᐊᓂᔭᔪᐛ ᐊᐛᓴ ᐊᑯ ᒂ ᑕᒋᓇᑦ ᑭᔭ ᒋ ᓱᐛᔨᒪᐤ ᐊ ᒥᔽᒋᒪᑦ᙮
ᓇᐸᐤ ᑲ ᐛᔪᑎᓯᑦ
ᒪᑎᔪᐤ 19.16-30; ᓗᒃ 18.18-30
Mark 10.17-31 (Proper-23 Year B)
17ᒪᒂᒡ ᒪᒃ ᐊ ᐱᒧᑕᑦ ᒋᓴᔅ ᒪᔅᑭᓇᒡ, ᓇᐸᐛ ᒋ ᐅᒋ ᐸᐸᑕᔪᐛ ᒂ ᐊᑎ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐊ ᑕᑦ ᐊᑯ ᐊᑎᑯᑦ, “ᒋᔅᑯᑎᒪᒐᓱᐤ, ᑲ ᒥᔽᔨᑕᑯᓯᔨᓐ, ᑕᓐ ᒐ ᐃᑎᔭᓐ ᒐᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?” 18ᐊᑯ ᒋᓴᔅ ᐊᑕᑦ, “ᒐᒂᓐ ᐛᒋ ᐃᓯᓂᐧᑲᓯᔨᓐ ᑲ ᒥᔽᔨᑕᑯᓯᔨᓐ ? ᓇᒪ ᐊᐛᓐ ᑕᐤ ᓇᔅᒡ ᒐᒋ ᒥᔽᔨᑕᑯᓯᑦ, ᒥᒄ ᒋᓴᒪᓂᑐᐤ᙮ 19ᒋ ᒋᔅᒐᔨᑕᓐ ᐅᔭ ᐎᓱᐛᐅᓇ,
‘ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᐱᓯᒂᑎᓯ, ᐊᑲᐎᔾ ᒋᒧᑎ, ᐊᑲᐎᔾ ᒋᑭ ᓂᑎᔭᒋᒪᐤ ᐊᐛᓐ, ᐊᑲᐎᔾ ᐎᔭᓯᐃᐛ, ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ᙮’ ”
20ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᒋᔅᑯᑎᒪᒐᓱᐤ, ᑲ ᐸᒋ ᐊᐛᓯᐅᔭᓐ ᓴᔅ ᓂᒋ ᓂᓇᐃᑕᓐ ᐅᔭ ᐎᓱᐛᐅᓇ᙮”
21ᒋᓴᔅ ᒋ ᑭᓄᐛᐱᒪᐤ ᐊ ᓴᒋᐊᑦ ᐊᑯ ᐊᑕᑦ, “ᐸᐃᒄ ᒐᒂᓐ ᐊᔅᒄ ᓇᒪ ᒋ ᑭᓄᐛᔨᑕᓐ᙮ ᒪᒋ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ, ᐊᑯ ᒐ ᐊᔭᔨᓐ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”
22ᐊᓐ ᒪᒃ ᓇᐸᐤ ᐃᔅᐱ ᐱᔭᑕᐧᒃ ᐅᔭ ᓇᔅᒡ ᒋ ᐅᒋ ᒥᒐᔨᑎᒧᐅᓇᑯᓱᐤ ᐊᑯ ᒂ ᔅᑐᑕᑦ ᐊ ᒥᒐᔨᑕᐧᒃ ᐛᔅ ᓇᔅᒡ ᑕᑈ ᒋ ᐛᔪᑎᓯᐤ᙮
23ᐊᑯ ᒋᓴᔅ ᒥᓯᐛ ᒂ ᐃᑕᐱᑦ ᐊ ᑭᓄᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᑕᑈ ᐊᔪᐛᒡ ᒋᑭ ᐊᔨᒥᓂᔪᐤ ᐊᓐᒡ ᑲ ᐛᔪᑎᓯᒡ ᒐᒋ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”
24ᒋ ᑯᔅᑯᐛᔨᑎᒥᐃᑯᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᑕᓐ ᑲ ᐃᓯ ᐊᔨᒧᑎᒥᔨᒋ ᒋᓴᓴ ᒥᒄ ᒪᒃ ᐃᔭᐱᒡ ᒋ ᐊᑎ ᐃᔨᒧᐤ ᒋᓴᔅ ᐊ ᐃᔅᒋᔄᑦ, “ᓂᑦ ᐊᐛᓯᒥᑎᒄ, ᑕᑈ ᐊᔪᐛᒃ ᐊᔨᒥᓂᔪᐤ ᐊᐛᓐ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮ 25ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐊ ᐱᑯᓇᔭᐱᔅᑲᔨᒡ᙮”
26ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᔪᐛᒃ ᒋ ᑯᔅᑯᐛᔨᑎᒥᐃᑯᐅᒡ ᐅᔭ ᐊ ᐃᔅᒋᔄᔨᒋ ᐊᑯ ᐊᑕᒡ, “ᐊᐛᓐ ᒪᒃ ᐊᑯ ᒐᒋ ᐱᒪᒋᐊᑭᓄᐅᑦ ?” 27ᒋᓴᔅ ᒪᒃ ᑯᐃᔅᒄ ᒋ ᑭᓄᐛᐱᒪᐤ ᐊ ᐃᑕᑦ, “ᐊᔨᒥᓂᔪᐤ ᓇᐸᐤ ᐅᔭ ᒐᒋ ᐃᑎᑦ ᒥᒄ ᒪᒃ ᓇᒪ ᐊᔨᒥᐃᑯᐤ ᐎᔾ ᒋᓴᒪᓂᑐᐤ᙮ ᓇᒪ ᑎᑯᓂᔪᐤ ᒐᒂᔪᐤ ᒋᓴᒪᓂᑐᐤ ᒐ ᐊᑲ ᒋ ᐃᑐᑕᐧᒃ᙮” 28ᐱᑕᕐ ᒋ ᐅᒋ ᐃᔨᒧᐤ ᐊ ᐃᔅᒋᔄᑦ, “ᑭᓄᐛᐸᑕ ᒪ, ᒥᓯᐛ ᒐᒂᓐ ᓂᒋ ᓂᑭᑕᓇᓐ ᒐᒋ ᓇᓴᐅᑕᒡ᙮”
29“ᓂᐦᐃ, ᑕᑈ,” ᒋ ᐃᑎᑯᐤ ᒋᓴᓴ, “ᒋ ᐎᑎᒪᑎᓇᐛᐤ ᒪᒃ, ᐊᓐ ᐊᐛᓐ ᒐ ᓂᑭᑎᒥᒂ ᐎᒡ, ᒪᒃ ᒐ ᓂᑭᑕᒂ ᐎᐧᑲᓂᓴ, ᒪᒃ ᐅᑲᐎᔭ, ᐅᑕᐎᔭ, ᒪᒃ ᐅᑦ ᐊᐛᓯᒪ ᒪᒃ ᒐ ᓂᑭᑎᒥᒂ ᐅᓂᑕᐅᒋᑕᑭᓐ ᐊᔅᒋᔾ, ᓂᔾ ᐅᒋ ᑭᔭ ᒥᔽᒋᒧᐅᓂᔪᐤ ᐅᒋ, 30ᐊᑐᐎᔅ ᒋᑭ ᐃᓯ ᐊᔭᐤ ᐊᓐᑕ ᓂᔅᑕᒥᒡ ᐊᔅᒄ ᐅᑕ ᐊᔅᒋᒡ ᐊ ᑕᑦ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐅᔭ ᐃᑎᒐ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᒥᒋᐛᐸ, ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᐊᐛᔪᐛ ᒐ ᐎᐧᑲᓂᓯᑦ ᑭᔭ ᒐ ᐅᑲᐎᑦ, ᑭᔭ ᒐ ᐅᑦ ᐊᐛᓯᒥᑦ᙮ ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᐊᔅᒋᔪᐤ᙮ ᒥᒄ ᒪᒃ ᒋᑭ ᓂᒋᔅᑭᒻ ᐊ ᓂᓇᐧᑲᒋᐊᑭᓄᐅᑦ᙮ 31ᒥᒐᑦ ᐊᐛᓐᒋ ᓂᑲᓐ ᑲ ᐃᑕᔨᑕᑯᓯᒡ ᐊᓄᒡ ᒪᔅᑕᔾ ᒋᑭ ᐃᓯ ᐱᔅᑎᓇᑭᓄᐎᒡ, ᐊᑯ ᐊᓐᒡ ᒪᔅᑕᔾ ᑲ ᑕᒡ ᐊᓄᒡ ᐎᔨᐛᐤ ᓂᔅᑎᒻ ᒋᑭ ᐃᓯ ᐱᔅᑎᓇᑭᓄᐎᒡ᙮”
ᒋᓴᔅ ᐊᐅᑯᐤ ᓂᔍᐤ ᑲ ᐊᔨᒧᑕᐧᒃ ᒐ ᓂᐱᑦ
ᒪᑎᔪᐤ 20.17-19; ᓗᒃ 18.31-34
32ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋᕈᓯᓕᒥᒡ ᒋ ᐃᑐᑕᐅᒡ, ᐊᓂᔭ ᒪᒃ ᐊ ᐊᑎ ᐱᒧᑕᒡ ᒋᓴᔅ ᒋ ᐊᑎ ᓂᑲᓄᑕᐤ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᒥᔅᑲᑕᔨᒪᐅᒡ ᒋᓴᓴ ᒋᕈᓯᓕᒥᒡ ᐊ ᐎ ᐃᑐᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐸᒋ ᐱᒧᑕᒡ ᒋ ᓴᒋᓱᐅᒡ ᐊᓐᑕ ᒐᒋ ᐃᑐᑕᒡ᙮ ᐊᑯ ᒋᓴᔅ ᐃᔭᒡ ᒂ ᐃᑐᑕᐊᑦ ᐅᒋᔅᒋᓄᐊᒧᐛᑭᓇ ᐊᑯ ᒂ ᐛᐎᑎᒧᐛᑦ ᑕᓐ ᒐ ᐃᔅᐱᔨᑦ᙮ 33“ᓂᑐᑎᒧᒄ ᒪ,” ᒋ ᐃᑕᐤ, “ᒋᕈᓯᓕᒥᒡ ᒋᑦ ᐃᑐᑕᓇᓄᐤ, ᐊᑯᑕ ᐅᑕ ᒐ ᒪᑯᓇᑭᓄᐅᑦ ᐃᔪᐤ ᐅᑯᓯᓴᓐ ᐊᓐᑕ ᒐᒋ ᐃᓯ ᐱᔅᑎᓇᑭᓄᐅᑦ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ᑭᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊ ᑕᔨᒋ ᒐᒋ ᑎᐸᔅᑯᓂᑯᑦ᙮ ᐊᐅᑯᓐᒡ ᐅᒡ ᒐ ᐃᑎᓱᐛᒡ ᒐᒋ ᓂᐸᐊᑭᓄᔨᒋ ᑭᔭ ᐊᓐᑕ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᐊᑯᑕ ᒐ ᐃᓯ ᐱᔅᑎᓇᒡ᙮ 34ᐊᐅᑯᓐᒡ ᐅᒡ ᒐ ᒪᔭᔨᒪᒡ ᑭᔭ ᒐ ᓯᔅᑎᒂᑕᒡ, ᑭᔭ ᒐ ᐱᓯᔅᑕᐛᒡ, ᑭᔭ ᒐ ᓂᐸᐊᒡ᙮ ᓂᔅᑐ ᒋᓯᑲᐛ ᒪᒃ ᒋ ᐅᑎᒋᐱᔨᒐ ᑲᐤ ᒋᑭ ᐅᓂᔅᑲᐤ᙮”
ᑲ ᐃᓯ ᑯᒂᒋᒐᒧᒡ ᒋᒥᔅ ᑭᔭ ᒠᓐ
ᒪᑎᔪᐤ 20.20-28
Mark 10.35-45 (Proper-24 Year B)
35ᐃᔅᐱ ᐅᔭ ᑲ ᐃᔅᒋᔄᑦ ᒋᓴᔅ, ᒋ ᐸᒋ ᓇᑎᑯᐤ ᒋᒥᓴ ᑭᔭ ᒠᓇ, ᐊᓂᔭ ᓴᐱᑎᔨᒋ ᐅᑯᓯᔪᐛ ᐊᑯ ᒂ ᐃᑎᑯᑦ, “ᒋᔅᑯᑎᒪᒐᓱᐤ, ᒋ ᓂᑐᐛᔨᒥᑎᓇᓐ ᒐᒋ ᐃᑐᑎᒧᐅᔭᒡ ᑕᓐ ᐊ ᐃᓯ ᐱᑯᓴᔨᒥᑕᒡ᙮”
36ᒋ ᐃᑎᑯᐅᒡ ᒋᓴᓴ, “ᒐᒂᓐ ᒪᒃ ᐊᓐ ᓇᑐᐛᔨᑎᒪᒄ ᒐᒋ ᐃᑐᑎᒪᑎᑯᒡ ?”
37ᒂ ᐃᑕᒡ, “ᓇᐃᒥᓇᓐ ᒪ ᐊᓐᑕ ᑲ ᒋᔅᑕᔨᑕᒂᒡ ᒋᐅᒋᒪᐅᓂᒡ ᐃᑕᔭᒐ ᐃᑐᐤ ᐊᓐᑕ ᐊ ᑕᔨᓐ ᒐᒋ ᐊᐱᔭᒡ, ᐸᐃᒄ ᒋᒥᔪᐅᓂᒡ ᑭᔭ ᐸᐃᒄ ᐊᓐᑕ ᒋᓂᔅᐸᒋᐅᓂᒡ᙮”
38ᒥᒄ ᒪᒃ ᒋᓴᓴ ᒋ ᐃᑎᑯᐅᒡ, “ᓇᒪ ᒋ ᒋᔅᒐᔨᑕᓇᐛᐤ ᐅ ᒐᒂᓐ ᑲ ᓂᑐᐛᔨᑎᒪᒄ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ᑎᒂᒡ ᓂᒥᓂᒂᑭᓂᒡ ᒐ ᒥᓂᔭᓐ ᐊᓄᒡ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᓯᑲᐃᑕᑯᐅᔭᒄ ᒧᔭᒻ ᓂᔾ ᑕᓐ ᒐ ᐃᓯ ᓯᑲᐃᑕᑯᐅᔭᓐ ?” 39ᒋ ᐃᑕᐅᒡ ᒪᒃ, “ᓂᑭ ᒋ ᐃᑎᓇᓐ᙮”
ᐊᑯ ᒋᓴᓴ ᒂ ᐃᑎᑯᒡ, “ᐊᓐ ᒐ ᐃᓯ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ᒥᓂᔭᒄ, ᒋᑭ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ᓯᑲᐃᑕᑯᐅᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ᓯᑲᐃᑕᑯᐅᔭᒄ᙮ 40ᒥᒄ ᒪᒃ ᓇᒪ ᓂᔾ ᓂᑭ ᒋ ᐅᑎᓇᐤ ᐊᐛᓐ ᒐ ᐊᐱᑦ ᐊᓐᑕ ᓂᒥᔪᐅᓂᒡ ᒪᒃ ᐊᓐᑕ ᓂᓂᔅᐸᒋᐅᓂᒡ ᐛᔅ ᓴᔅ ᒋ ᐎᔭᔨᒪᑭᓄᐎᒡ ᐊᐛᓐᒋ ᒐ ᐊᐱᒡ ᐊᓐᑕ᙮”
41ᐃᔅᐱ ᒪᒃ ᐊᓐᒡ ᑯᑎᑭᒡ ᐸᐃᑯᔪᐤ ᒋᔅᒋᓄᐊᒧᐛᑭᓐᒡ ᐱᔭᑐᐛᒡ ᐅᔭ ᐊ ᐃᓯ ᑯᒂᒋᒐᒧᔨᒋ ᒋᒥᓴ ᑭᔭ ᒠᓇ, ᒋ ᒋᔄᐃᑯᐅᒡ᙮ 42ᐊᑯ ᒋᓴᔅ ᒥᓯᐛ ᒂ ᐎᓴᒪᑦ ᒂ ᐃᑕᑦ, “ᐊᓐᒡ ᑲ ᐅᒋᒪᐅᒡ ᑲ ᐃᑕᔨᒪᑭᓄᐎᒡ ᓇᔅᒡ ᐎ ᑎᑎᐸᔨᒪᐅᒡ ᐊᓂᔭ ᐃᔪᐛ ᑲ ᓂᑲᓂᔅᑯᐛᒡ᙮ ᐅᒡ ᒪᒃ ᑲ ᐅᒋᒪᐛᔨᒪᑭᓄᐎᒡ ᑕᔪᐛ ᐅᒋᒪᒧᐛᐛ ᓇᔅᒡ ᐊ ᓱᒐᔨᑕᑯᓯᔨᒋ ᐊ ᓂᑲᓂᔅᑲᒐᔨᒋ, ᓇᔅᒡ ᐊ ᐎ ᐎᓱᐛᑎᑯᒡ᙮ 43ᒥᒄ ᒪᒃ ᐊᑲᐎᔾ ᒋᑭ ᐅᒋ ᐃᓯᓇᑯᓯᓇᐛᐤ ᒋᔨᐛᐤ᙮ ᐊᓐ ᐊᐛᓐ ᐊᓐᑕ ᐊ ᑎᓯᔭᒄ ᓇᑐᐛᔨᑎᒧᒂ ᒋᒋᐛ ᒐᒋ ᐃᑕᔨᑕᑯᓯᑦ ᐊᑯᔅ ᒋᑭ ᐃᑐᑎᒻ ᒐᒋ ᐊᑐᔅᑲᔅᑕᒄ᙮ 44ᐊᑯ ᐊᓐ ᐊᐛᓐ ᑲ ᐎ ᓂᑲᓂᐱᐃᓱᑦ ᐊᐅᒄ ᒥᓯᐛ ᐊ ᑎᓯᔭᒄ ᒐ ᐅᑦ ᐊᐱᒋᐊᑭᓂᔭᒄ᙮ 45ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”
ᐸᕐᑎᒪᔭᔅ ᑲ ᒥᓏᒋᐊᑭᓄᐅᑦ ᐊᑲ ᐅᒋ ᐛᐸᑕᐧᒃ
ᒪᑎᔪᐤ 20.29-34; ᓗᒃ 18.35-43
Mark 10.46-52 (Proper-25 Year B)
46ᒋ ᐅᑎᑎᒧᒡ ᐅᑕᓇᔪᐤ ᒐᕆᑯᐤ ᑲ ᐃᓯᓂᐧᑲᑕᔨᒡ᙮ ᐊᓂᔭ ᒪᒃ ᐊ ᐊᑎ ᐎᐎᒡ ᐊᓂᔭ ᐅᑕᓇᔪᐤ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᑭᔭ ᑯᑎᑭᒡ ᐊᐛᓐᒋ ᐊ ᒥᒐᑎᒡ, ᒋ ᐅᑎᑕᐅᒡ ᓇᐸᐛ ᐊᓐᑕ ᐱᑎᑕᔅᑭᓄᐤ ᐊ ᐊᐱᔨᒋ᙮ ᐅ ᒪᒃ ᓇᐸᐤ ᓇᒪ ᐅᒋ ᐛᐸᑎᒻ ᑭᔭ ᒋ ᓂᑐᑎᒪᐤ ᓱᓇᔭᔪᐤ ᐊᓐᑕ ᐊᓂᔭ ᐊ ᐊᐱᑦ᙮ ᐸᕐᑎᒪᔭᔅ ᒋ ᐃᓯᓂᐧᑲᓱᐤ᙮ ᑎᒪᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔭ᙮ 47ᐃᔅᐱ ᐱᔭᑕᐧᒃ ᒋᓴᓴ ᐊ ᑎᑯᓯᓂᔨᒋ, ᐊᓂᔭ ᓇᓴᕆᑎᒡ ᑲ ᐅᒋᔨᒋ, ᒋ ᑕᑈᐤ ᐊ ᐃᔅᒋᔄᑦ, “ᒋᓴᔅ, ᑎᐱᑦ ᑲ ᐅᑯᓯᑐᑕᔅᒃ, ᐸᒋ ᒋᔅᑎᒪᒐᔨᒥ᙮”
48ᒥᒐᑦ ᒪᒃ ᐊᐛᔪᐛ ᒋ ᒋᑕᐊᒪᑯᐤ ᐊ ᐃᑎᑯᑦ ᒐ ᐊᑲ ᒋᔅᑐᑦ᙮ ᑎᐛᒡ ᒪᒃ ᐊᑐᐎᔅ ᒋ ᐃᓯ ᑕᑈᐤ, “ᒋᓴᔅ, ᑎᐱᑦ ᑲ ᐅᑯᓯᑐᑕᔅᒃ, ᐸᒋ ᒋᔅᑎᒪᒐᔨᒥ᙮”
49ᒋᓴᔅ ᒪᒃ ᒋ ᒋᐱᒋᑲᐳᐤ ᐊᑯ ᒂ ᐃᔅᒋᔄᑦ, “ᐎᓴᒥᐧᒄ᙮” ᐊᑯ ᒂ ᑕᑈᑕᒡ ᐊᓂᔭ ᓇᐸᐛ ᐊᑲ ᐛᐸᑎᒥᔨᒋ ᐊ ᐃᑕᒡ, “ᒥᔽᔨᑕ, ᐱᓯᑯᐤ, ᐛᔅ ᐊᓐ ᒋ ᑕᑈᑎᒄ᙮” 50ᒋ ᒥᓂᐛᐱᓂᒻ ᐊᓂᔭ ᐅᑦ ᐊᑯᑉ ᐊᑯ ᒂ ᐱᓯᑯᓯᐸᑕᑦ ᒂ ᓂᑐᐛᐱᒪᑦ ᒋᓴᓴ᙮ 51ᐊᑯ ᒋᓴᔅ ᒂ ᐃᑕᑦ ᐅᔭ ᓇᐸᐛ, “ᑕᓐ ᐊ ᐃᓯ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?” ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᐅᑎᐸᔨᒋᒐᐤ, ᒥᔨ ᒐᒋ ᐛᐸᑎᒪᓐ᙮”
52ᒋᓴᔅ ᒪᒃ ᒋ ᐃᑕᐤ, “ᒪᒋ, ᒋᑕᑈᑎᒧᐅᓐ ᒋ ᒥᓏᒋᐃᑯᓐ᙮” ᐊᓐ ᒪᒃ ᓇᐸᐤ ᑎᐛᒡ ᒋ ᐅᒋ ᐛᐸᑎᒻ ᐊᑯ ᒂ ᓇᓴᐛᑦ ᒋᓴᓴ ᐊᓂᔭ ᐊ ᐊᑎ ᐱᒧᑕᔨᒋ᙮
Currently Selected:
ᒪᕐᒃ 10: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᕐᒃ 10
10
ᒋᓴᔅ ᑲ ᐊᔨᒧᑕᐧᒃ ᐊ ᐛᐱᓂᑐᓇᓄᐎᒡ
ᒪᑎᔪᐤ 19.1-12; ᓗᒃ 16.18
1ᒋᓴᔅ ᒪᒃ ᒋ ᔅᑐᑕᐤ ᐊᓐᑕ ᐊᓂᔭ ᑲ ᑕᑦ, ᐊᑯ ᐊᓐᑕ ᒍᑎᔭ ᐊᔅᒋᒡ ᒂ ᐊᑎ ᐃᑐᑕᑦ ᒂᔅᑕᒐᑲᒻ ᒠᕐᑕᓐ ᓯᐱᒡ᙮ ᐊᑯᓐ ᑲ ᐃᑐᑕᑯᑦ ᑭᔭ ᐊᓐᑕ ᐊᐛᔪᐛ, ᒋ ᒥᒐᑎᔪᐛ ᐊ ᐸᒋ ᓂᑐᐛᐱᒥᑯᑦ᙮ ᐊᑯ ᒂ ᐃᑐᑐᐛᑦ ᑕᓐ ᑲᒋ ᐃᑐᑐᐛᑦ ᒪᓐ ᐊᐛᔪᐛ ᐊ ᓂᑐᐛᐱᒥᑯᑦ, ᒋ ᒋᔅᑯᑎᒧᐛᐤ᙮
Mark 10.2-16 (Proper-22 Year B)
2ᒋ ᑎᑯᓯᓂᔪᐛ ᐸᕆᓯᐊ ᐊᒋ ᐎ ᓇᓂᑐᐤ ᐎᔭᓯᐃᑯᑦ ᐊᑲ ᑯᐃᔅᒄ ᒐᒋ ᐃᓯ ᐎᑕᐧᒃ ᒐᒂᔪᐤ᙮ ᒋ ᐃᓯ ᑯᒂᒋᒥᑯᐤ ᒪᒃ, “ᐎᑎᒧᐅᓇᓐ ᒪ, ᐃᑎᔅᑕᐤ ᐊ ᐎᓱᐛᐅᓂᒡ ᒐ ᐱᔅᑎᓇᑭᓄᐅᑦ ᓇᐸᐤ ᒐᒋ ᐛᐱᓇᑦ ᐎᐛ ?”
3ᒋᓴᔅ ᒋ ᐃᓯ ᐎᑎᒧᐛᐤ ᐅᔭ ᐊ ᐃᓯ ᑯᒂᒋᒪᑦ, “ᑕᓐ ᑲ ᐃᑎᓱᒥᑕᒄ ᒪᒃ ᒧᓱᔅ ?”
4ᐊᑯ ᒂ ᐃᔅᒋᔄᒡ, “ᒧᓱᔅ ᒋ ᐱᔅᑎᓇᐤ ᓇᐸᐛ ᒐᒋ ᐅᓯᑕᔨᒋ ᐛᐱᓂᑐᐤ ᒥᓯᓇᐃᑭᓂᔪᐤ ᑭᔭ ᐃᔭᒄ ᒐᒋ ᐛᐱᓂᔨᒋ ᐎᐎᔪᐛ᙮”
5ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᑕᑈ ᒋ ᓯᐱᑕᓇᐛᐤ ᐊᔪᐅᒄ ᐅᔭ ᐛᒋ ᒥᓯᓇᐊᐧᒃ ᒧᓱᔅ ᐅᔭ ᐃᑎᓱᐛᐅᓂᔪᐤ᙮ 6ᒥᒄ ᒪᒃ ᐅᔅᑭᒡ ᑲ ᐅᓯᑕᑭᓄᐅᒡ ᐅ ᐊᔅᒋᔾ ᒋ ᓂᔅᑐᓇᑯᓂᔪᐤ ᑕᓐ ᑲ ᐎ ᐃᑎᑦ ᒋᓴᒪᓂᑐᐤ ᐛᔅ ᒪᐅ ᐊᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᑕᐱᔅᑯᓐ ᓇᐸᐛ ᑭᔭ ᐃᔎᐛ ᒋ ᐅᓯᐊᐤ᙮
7ᐊᐅᒄ ᒪᒃ ᐅᔭ ᒐ ᐅᒋ ᓂᑭᑕᑦ ᓇᐸᐤ ᐅᓂᒋᐃᒂ ᐎᐛ ᒐᒋ ᐎᒋᒪᑦ᙮ 8ᐊᑯ ᒪᒃ ᐊ ᓂᓯᒡ ᐊᓂᔭᔪᐛ ᐎᐛ ᐸᐃᒄ ᒥᔪᐤ ᒐ ᐃᓯᓇᑯᓯᒡ᙮
ᓇᒪ ᒪᒃ ᐊᑯ ᑕᐱᔅᑯᓐ ᑎᐸᓂᐱᒪᑎᓱᐅᒡ, ᒧᔭᒻ ᐸᐃᒄ ᒥᔪᐤ ᐊᐅᑯᓐ ᐊ ᐃᓯᓇᑯᓯᒡ ᐊᑯ᙮ 9ᐊᓂᔭᔪᐛ ᐊᐛᔪᐛ ᒋᓴᒪᓂᑐᐤ ᐊᒋ ᐃᑐᑐᐛᑦ ᒐᒋ ᐎᒋᒥᑐᔨᒋ ᐊᑲᐎᔾ ᐊᐛᓐ ᒋᑭ ᐅᒋ ᐃᑐᑐᐛᐤ ᒐᒋ ᓂᑭᑎᑐᔨᒋ᙮”
10ᐃᔅᐱ ᒪᒃ ᐸᒐᒡ ᒥᒋᐛᐱᔪᐤ ᒋᓴᔅ ᐅᒋᔅᒋᓄᐊᒧᐛᑭᓇ ᒋ ᑯᒂᒋᒥᑯᐤ ᐊᓂᔭ ᑕᓐ ᑲ ᐃᓯ ᐊᔨᒧᑎᒥᔨᒋ᙮ 11ᒋᓴᔅ ᒪᒃ ᒋ ᐃᑕᐤ, “ᐊᓐ ᐊᐛᓐ ᒐ ᐛᐱᓇᒂ ᐎᐛ, ᒥᓐ ᒪᒃ ᓂᐳᐅᒐ, ᑯᑎᒂ ᐃᔎᐛ ᐎᒋᒪᒐ, ᓇᒪ ᑯᐃᔅᒄ ᐃᑐᑐᐛᐤ ᐊᓂᔭ ᓂᔅᑎᒻ ᐃᔎᐛ ᑲ ᐎᒋᒪᑦ, ᐱᓯᒂᑎᓯᐤ ᐅᔭ ᐊ ᐃᑎᑦ᙮ 12ᒪᒃ ᐃᔎᐤ ᐛᐱᓇᒐ ᐅᓇᐸᒪ ᒥᓐ ᒪᒃ ᓂᐳᐅᒐ, ᑯᑎᑲ ᓇᐸᐛ ᐎᒋᒪᒐ, ᓇᒪ ᑯᐃᔅᒄ ᐃᑐᑐᐛᐤ ᐊᓂᔭᔪᐛ ᓂᔅᑎᒻ ᐅᓇᐸᒪ, ᐱᓯᒂᑎᓯᐤ ᐅᔭ ᐊ ᐃᑎᑦ᙮”
ᒋᓴᔅ ᑲ ᑕᒋᓇᑦ ᐊᐛᓴ
ᒪᑎᔪᐤ 19.13-15; ᓗᒃ 18.15-17
13ᒋ ᐸᓱᐛᐅᒡ ᒪᒃ ᐊᐛᓐᒋ ᐊᐛᓴ ᒋᓴᓴ ᐊ ᑕᔨᒋ, ᐊ ᓂᑐᐛᔨᒪᒡ ᒐᒋ ᑕᒋᓇᔨᒋ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᒋᑕᐊᒧᐛᐅᒡ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᑎᔨᒋ᙮ 14ᐃᔅᐱ ᒋᓴᔅ ᐎᔭᐱᒪᑦ ᐅᔭ ᐊ ᐃᑎᔨᒋ ᐊᓂᔭᔪᐛ ᒋᔅᒋᓄᐊᒧᐛᑭᓇ ᓇᒪ ᓇᔅᒡ ᐅᒋ ᓇᐊᔨᑎᒥᐃᑯᐤ ᐊᑯ ᒂ ᐃᑕᑦ, “ᐱᔅᑎᓇᐧᑯᒡ ᐊᐛᓯᒡ ᒐᒋ ᐸᒋ ᓇᓯᒡ, ᐊᑲᐎᔾ ᐅᒋ ᒋᑕᐊᒧᐛᐧᑯᒡ, ᐛᔅ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ ᒋᓴᒪᓂᑐᐛ ᐅᒋᓴᐅᒋᒪᐅᓂᒡ ᐃᓯ ᑎᐸᔨᑕᑯᓱᐅᒡ᙮ 15ᑕᑈ ᒋᑦ ᐃᑎᓇᐛᐤ, ᐛᔅ ᒧᔭᒻ ᐊᐛᓐ ᒐ ᐊᑲ ᑕᑈᐅᒐᔨᑎᒥᒂ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐃᓯ ᑕᑈᐅᒐᔨᑎᒥᔨᒋ ᐊᐛᓴ, ᓇᒪ ᒋᑭ ᒋ ᐱᒐᐤ ᐊᓐᑕ ᐛᒋᒪᐎᔨᒋ ᒋᓴᒪᓂᑐᐛ᙮” 16ᒋ ᐅᑎᓇᐤ ᐸᐸᐃᒄ ᐊᓂᔭᔪᐛ ᐊᐛᓴ ᐊᑯ ᒂ ᑕᒋᓇᑦ ᑭᔭ ᒋ ᓱᐛᔨᒪᐤ ᐊ ᒥᔽᒋᒪᑦ᙮
ᓇᐸᐤ ᑲ ᐛᔪᑎᓯᑦ
ᒪᑎᔪᐤ 19.16-30; ᓗᒃ 18.18-30
Mark 10.17-31 (Proper-23 Year B)
17ᒪᒂᒡ ᒪᒃ ᐊ ᐱᒧᑕᑦ ᒋᓴᔅ ᒪᔅᑭᓇᒡ, ᓇᐸᐛ ᒋ ᐅᒋ ᐸᐸᑕᔪᐛ ᒂ ᐊᑎ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐊ ᑕᑦ ᐊᑯ ᐊᑎᑯᑦ, “ᒋᔅᑯᑎᒪᒐᓱᐤ, ᑲ ᒥᔽᔨᑕᑯᓯᔨᓐ, ᑕᓐ ᒐ ᐃᑎᔭᓐ ᒐᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?” 18ᐊᑯ ᒋᓴᔅ ᐊᑕᑦ, “ᒐᒂᓐ ᐛᒋ ᐃᓯᓂᐧᑲᓯᔨᓐ ᑲ ᒥᔽᔨᑕᑯᓯᔨᓐ ? ᓇᒪ ᐊᐛᓐ ᑕᐤ ᓇᔅᒡ ᒐᒋ ᒥᔽᔨᑕᑯᓯᑦ, ᒥᒄ ᒋᓴᒪᓂᑐᐤ᙮ 19ᒋ ᒋᔅᒐᔨᑕᓐ ᐅᔭ ᐎᓱᐛᐅᓇ,
‘ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᐱᓯᒂᑎᓯ, ᐊᑲᐎᔾ ᒋᒧᑎ, ᐊᑲᐎᔾ ᒋᑭ ᓂᑎᔭᒋᒪᐤ ᐊᐛᓐ, ᐊᑲᐎᔾ ᐎᔭᓯᐃᐛ, ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ᙮’ ”
20ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᒋᔅᑯᑎᒪᒐᓱᐤ, ᑲ ᐸᒋ ᐊᐛᓯᐅᔭᓐ ᓴᔅ ᓂᒋ ᓂᓇᐃᑕᓐ ᐅᔭ ᐎᓱᐛᐅᓇ᙮”
21ᒋᓴᔅ ᒋ ᑭᓄᐛᐱᒪᐤ ᐊ ᓴᒋᐊᑦ ᐊᑯ ᐊᑕᑦ, “ᐸᐃᒄ ᒐᒂᓐ ᐊᔅᒄ ᓇᒪ ᒋ ᑭᓄᐛᔨᑕᓐ᙮ ᒪᒋ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ, ᐊᑯ ᒐ ᐊᔭᔨᓐ ᐛᔪᑎᓯᐅᓐ ᐊᓐᑕ ᒋᒋᒋᓯᑯᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”
22ᐊᓐ ᒪᒃ ᓇᐸᐤ ᐃᔅᐱ ᐱᔭᑕᐧᒃ ᐅᔭ ᓇᔅᒡ ᒋ ᐅᒋ ᒥᒐᔨᑎᒧᐅᓇᑯᓱᐤ ᐊᑯ ᒂ ᔅᑐᑕᑦ ᐊ ᒥᒐᔨᑕᐧᒃ ᐛᔅ ᓇᔅᒡ ᑕᑈ ᒋ ᐛᔪᑎᓯᐤ᙮
23ᐊᑯ ᒋᓴᔅ ᒥᓯᐛ ᒂ ᐃᑕᐱᑦ ᐊ ᑭᓄᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᑕᑈ ᐊᔪᐛᒡ ᒋᑭ ᐊᔨᒥᓂᔪᐤ ᐊᓐᒡ ᑲ ᐛᔪᑎᓯᒡ ᒐᒋ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮”
24ᒋ ᑯᔅᑯᐛᔨᑎᒥᐃᑯᐅᒡ ᐊᓐᒡ ᒋᔅᒋᓄᐊᒧᐛᑭᓐᒡ ᑕᓐ ᑲ ᐃᓯ ᐊᔨᒧᑎᒥᔨᒋ ᒋᓴᓴ ᒥᒄ ᒪᒃ ᐃᔭᐱᒡ ᒋ ᐊᑎ ᐃᔨᒧᐤ ᒋᓴᔅ ᐊ ᐃᔅᒋᔄᑦ, “ᓂᑦ ᐊᐛᓯᒥᑎᒄ, ᑕᑈ ᐊᔪᐛᒃ ᐊᔨᒥᓂᔪᐤ ᐊᐛᓐ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮ 25ᐊᑐᐎᔅ ᐊᔨᒥᓂᔪᐤ ᐊᐛᓐ ᑲ ᐛᔪᑎᓯᑦ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐃᔅᐱᔅ ᐊᓐ ᐊᐛᓯᔅ ᑲ ᒥᔅᑎ ᐱᔎᐅᑯᓇᑦ ᒐᒋ ᓴᐳᔅᑲᐧᒃ ᐅᔅᑲᒋᐧᑯᔪᐤ ᐊᓐᑕ ᐊ ᐱᑯᓇᔭᐱᔅᑲᔨᒡ᙮”
26ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᔪᐛᒃ ᒋ ᑯᔅᑯᐛᔨᑎᒥᐃᑯᐅᒡ ᐅᔭ ᐊ ᐃᔅᒋᔄᔨᒋ ᐊᑯ ᐊᑕᒡ, “ᐊᐛᓐ ᒪᒃ ᐊᑯ ᒐᒋ ᐱᒪᒋᐊᑭᓄᐅᑦ ?” 27ᒋᓴᔅ ᒪᒃ ᑯᐃᔅᒄ ᒋ ᑭᓄᐛᐱᒪᐤ ᐊ ᐃᑕᑦ, “ᐊᔨᒥᓂᔪᐤ ᓇᐸᐤ ᐅᔭ ᒐᒋ ᐃᑎᑦ ᒥᒄ ᒪᒃ ᓇᒪ ᐊᔨᒥᐃᑯᐤ ᐎᔾ ᒋᓴᒪᓂᑐᐤ᙮ ᓇᒪ ᑎᑯᓂᔪᐤ ᒐᒂᔪᐤ ᒋᓴᒪᓂᑐᐤ ᒐ ᐊᑲ ᒋ ᐃᑐᑕᐧᒃ᙮” 28ᐱᑕᕐ ᒋ ᐅᒋ ᐃᔨᒧᐤ ᐊ ᐃᔅᒋᔄᑦ, “ᑭᓄᐛᐸᑕ ᒪ, ᒥᓯᐛ ᒐᒂᓐ ᓂᒋ ᓂᑭᑕᓇᓐ ᒐᒋ ᓇᓴᐅᑕᒡ᙮”
29“ᓂᐦᐃ, ᑕᑈ,” ᒋ ᐃᑎᑯᐤ ᒋᓴᓴ, “ᒋ ᐎᑎᒪᑎᓇᐛᐤ ᒪᒃ, ᐊᓐ ᐊᐛᓐ ᒐ ᓂᑭᑎᒥᒂ ᐎᒡ, ᒪᒃ ᒐ ᓂᑭᑕᒂ ᐎᐧᑲᓂᓴ, ᒪᒃ ᐅᑲᐎᔭ, ᐅᑕᐎᔭ, ᒪᒃ ᐅᑦ ᐊᐛᓯᒪ ᒪᒃ ᒐ ᓂᑭᑎᒥᒂ ᐅᓂᑕᐅᒋᑕᑭᓐ ᐊᔅᒋᔾ, ᓂᔾ ᐅᒋ ᑭᔭ ᒥᔽᒋᒧᐅᓂᔪᐤ ᐅᒋ, 30ᐊᑐᐎᔅ ᒋᑭ ᐃᓯ ᐊᔭᐤ ᐊᓐᑕ ᓂᔅᑕᒥᒡ ᐊᔅᒄ ᐅᑕ ᐊᔅᒋᒡ ᐊ ᑕᑦ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᐊᔭᐤ᙮ ᐅᔭ ᐃᑎᒐ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᒥᒋᐛᐸ, ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᐊᐛᔪᐛ ᒐ ᐎᐧᑲᓂᓯᑦ ᑭᔭ ᒐ ᐅᑲᐎᑦ, ᑭᔭ ᒐ ᐅᑦ ᐊᐛᓯᒥᑦ᙮ ᑭᔭ ᐸᐃᑯ ᒥᑕᓯᒥᑎᓄᐤ ᐊᔪᐛᒃ ᒋᑭ ᐃᔅᐱᔅ ᒥᔭᑭᓄᐤ ᐊᔅᒋᔪᐤ᙮ ᒥᒄ ᒪᒃ ᒋᑭ ᓂᒋᔅᑭᒻ ᐊ ᓂᓇᐧᑲᒋᐊᑭᓄᐅᑦ᙮ 31ᒥᒐᑦ ᐊᐛᓐᒋ ᓂᑲᓐ ᑲ ᐃᑕᔨᑕᑯᓯᒡ ᐊᓄᒡ ᒪᔅᑕᔾ ᒋᑭ ᐃᓯ ᐱᔅᑎᓇᑭᓄᐎᒡ, ᐊᑯ ᐊᓐᒡ ᒪᔅᑕᔾ ᑲ ᑕᒡ ᐊᓄᒡ ᐎᔨᐛᐤ ᓂᔅᑎᒻ ᒋᑭ ᐃᓯ ᐱᔅᑎᓇᑭᓄᐎᒡ᙮”
ᒋᓴᔅ ᐊᐅᑯᐤ ᓂᔍᐤ ᑲ ᐊᔨᒧᑕᐧᒃ ᒐ ᓂᐱᑦ
ᒪᑎᔪᐤ 20.17-19; ᓗᒃ 18.31-34
32ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋᕈᓯᓕᒥᒡ ᒋ ᐃᑐᑕᐅᒡ, ᐊᓂᔭ ᒪᒃ ᐊ ᐊᑎ ᐱᒧᑕᒡ ᒋᓴᔅ ᒋ ᐊᑎ ᓂᑲᓄᑕᐤ᙮ ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᒥᔅᑲᑕᔨᒪᐅᒡ ᒋᓴᓴ ᒋᕈᓯᓕᒥᒡ ᐊ ᐎ ᐃᑐᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐸᒋ ᐱᒧᑕᒡ ᒋ ᓴᒋᓱᐅᒡ ᐊᓐᑕ ᒐᒋ ᐃᑐᑕᒡ᙮ ᐊᑯ ᒋᓴᔅ ᐃᔭᒡ ᒂ ᐃᑐᑕᐊᑦ ᐅᒋᔅᒋᓄᐊᒧᐛᑭᓇ ᐊᑯ ᒂ ᐛᐎᑎᒧᐛᑦ ᑕᓐ ᒐ ᐃᔅᐱᔨᑦ᙮ 33“ᓂᑐᑎᒧᒄ ᒪ,” ᒋ ᐃᑕᐤ, “ᒋᕈᓯᓕᒥᒡ ᒋᑦ ᐃᑐᑕᓇᓄᐤ, ᐊᑯᑕ ᐅᑕ ᒐ ᒪᑯᓇᑭᓄᐅᑦ ᐃᔪᐤ ᐅᑯᓯᓴᓐ ᐊᓐᑕ ᒐᒋ ᐃᓯ ᐱᔅᑎᓇᑭᓄᐅᑦ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᐊ ᑕᔨᒋ ᑭᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊ ᑕᔨᒋ ᒐᒋ ᑎᐸᔅᑯᓂᑯᑦ᙮ ᐊᐅᑯᓐᒡ ᐅᒡ ᒐ ᐃᑎᓱᐛᒡ ᒐᒋ ᓂᐸᐊᑭᓄᔨᒋ ᑭᔭ ᐊᓐᑕ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᐊᑯᑕ ᒐ ᐃᓯ ᐱᔅᑎᓇᒡ᙮ 34ᐊᐅᑯᓐᒡ ᐅᒡ ᒐ ᒪᔭᔨᒪᒡ ᑭᔭ ᒐ ᓯᔅᑎᒂᑕᒡ, ᑭᔭ ᒐ ᐱᓯᔅᑕᐛᒡ, ᑭᔭ ᒐ ᓂᐸᐊᒡ᙮ ᓂᔅᑐ ᒋᓯᑲᐛ ᒪᒃ ᒋ ᐅᑎᒋᐱᔨᒐ ᑲᐤ ᒋᑭ ᐅᓂᔅᑲᐤ᙮”
ᑲ ᐃᓯ ᑯᒂᒋᒐᒧᒡ ᒋᒥᔅ ᑭᔭ ᒠᓐ
ᒪᑎᔪᐤ 20.20-28
Mark 10.35-45 (Proper-24 Year B)
35ᐃᔅᐱ ᐅᔭ ᑲ ᐃᔅᒋᔄᑦ ᒋᓴᔅ, ᒋ ᐸᒋ ᓇᑎᑯᐤ ᒋᒥᓴ ᑭᔭ ᒠᓇ, ᐊᓂᔭ ᓴᐱᑎᔨᒋ ᐅᑯᓯᔪᐛ ᐊᑯ ᒂ ᐃᑎᑯᑦ, “ᒋᔅᑯᑎᒪᒐᓱᐤ, ᒋ ᓂᑐᐛᔨᒥᑎᓇᓐ ᒐᒋ ᐃᑐᑎᒧᐅᔭᒡ ᑕᓐ ᐊ ᐃᓯ ᐱᑯᓴᔨᒥᑕᒡ᙮”
36ᒋ ᐃᑎᑯᐅᒡ ᒋᓴᓴ, “ᒐᒂᓐ ᒪᒃ ᐊᓐ ᓇᑐᐛᔨᑎᒪᒄ ᒐᒋ ᐃᑐᑎᒪᑎᑯᒡ ?”
37ᒂ ᐃᑕᒡ, “ᓇᐃᒥᓇᓐ ᒪ ᐊᓐᑕ ᑲ ᒋᔅᑕᔨᑕᒂᒡ ᒋᐅᒋᒪᐅᓂᒡ ᐃᑕᔭᒐ ᐃᑐᐤ ᐊᓐᑕ ᐊ ᑕᔨᓐ ᒐᒋ ᐊᐱᔭᒡ, ᐸᐃᒄ ᒋᒥᔪᐅᓂᒡ ᑭᔭ ᐸᐃᒄ ᐊᓐᑕ ᒋᓂᔅᐸᒋᐅᓂᒡ᙮”
38ᒥᒄ ᒪᒃ ᒋᓴᓴ ᒋ ᐃᑎᑯᐅᒡ, “ᓇᒪ ᒋ ᒋᔅᒐᔨᑕᓇᐛᐤ ᐅ ᒐᒂᓐ ᑲ ᓂᑐᐛᔨᑎᒪᒄ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᒥᓂᔭᒄ ᑕᓐ ᐊ ᐃᓯ ᑎᒂᒡ ᓂᒥᓂᒂᑭᓂᒡ ᒐ ᒥᓂᔭᓐ ᐊᓄᒡ᙮ ᒋᑭ ᒋ ᐃᑎᓇᐛᐤ ᐊ ᒐᒋ ᓯᑲᐃᑕᑯᐅᔭᒄ ᒧᔭᒻ ᓂᔾ ᑕᓐ ᒐ ᐃᓯ ᓯᑲᐃᑕᑯᐅᔭᓐ ?” 39ᒋ ᐃᑕᐅᒡ ᒪᒃ, “ᓂᑭ ᒋ ᐃᑎᓇᓐ᙮”
ᐊᑯ ᒋᓴᓴ ᒂ ᐃᑎᑯᒡ, “ᐊᓐ ᒐ ᐃᓯ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ᒥᓂᔭᒄ, ᒋᑭ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ᓯᑲᐃᑕᑯᐅᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ᓯᑲᐃᑕᑯᐅᔭᒄ᙮ 40ᒥᒄ ᒪᒃ ᓇᒪ ᓂᔾ ᓂᑭ ᒋ ᐅᑎᓇᐤ ᐊᐛᓐ ᒐ ᐊᐱᑦ ᐊᓐᑕ ᓂᒥᔪᐅᓂᒡ ᒪᒃ ᐊᓐᑕ ᓂᓂᔅᐸᒋᐅᓂᒡ ᐛᔅ ᓴᔅ ᒋ ᐎᔭᔨᒪᑭᓄᐎᒡ ᐊᐛᓐᒋ ᒐ ᐊᐱᒡ ᐊᓐᑕ᙮”
41ᐃᔅᐱ ᒪᒃ ᐊᓐᒡ ᑯᑎᑭᒡ ᐸᐃᑯᔪᐤ ᒋᔅᒋᓄᐊᒧᐛᑭᓐᒡ ᐱᔭᑐᐛᒡ ᐅᔭ ᐊ ᐃᓯ ᑯᒂᒋᒐᒧᔨᒋ ᒋᒥᓴ ᑭᔭ ᒠᓇ, ᒋ ᒋᔄᐃᑯᐅᒡ᙮ 42ᐊᑯ ᒋᓴᔅ ᒥᓯᐛ ᒂ ᐎᓴᒪᑦ ᒂ ᐃᑕᑦ, “ᐊᓐᒡ ᑲ ᐅᒋᒪᐅᒡ ᑲ ᐃᑕᔨᒪᑭᓄᐎᒡ ᓇᔅᒡ ᐎ ᑎᑎᐸᔨᒪᐅᒡ ᐊᓂᔭ ᐃᔪᐛ ᑲ ᓂᑲᓂᔅᑯᐛᒡ᙮ ᐅᒡ ᒪᒃ ᑲ ᐅᒋᒪᐛᔨᒪᑭᓄᐎᒡ ᑕᔪᐛ ᐅᒋᒪᒧᐛᐛ ᓇᔅᒡ ᐊ ᓱᒐᔨᑕᑯᓯᔨᒋ ᐊ ᓂᑲᓂᔅᑲᒐᔨᒋ, ᓇᔅᒡ ᐊ ᐎ ᐎᓱᐛᑎᑯᒡ᙮ 43ᒥᒄ ᒪᒃ ᐊᑲᐎᔾ ᒋᑭ ᐅᒋ ᐃᓯᓇᑯᓯᓇᐛᐤ ᒋᔨᐛᐤ᙮ ᐊᓐ ᐊᐛᓐ ᐊᓐᑕ ᐊ ᑎᓯᔭᒄ ᓇᑐᐛᔨᑎᒧᒂ ᒋᒋᐛ ᒐᒋ ᐃᑕᔨᑕᑯᓯᑦ ᐊᑯᔅ ᒋᑭ ᐃᑐᑎᒻ ᒐᒋ ᐊᑐᔅᑲᔅᑕᒄ᙮ 44ᐊᑯ ᐊᓐ ᐊᐛᓐ ᑲ ᐎ ᓂᑲᓂᐱᐃᓱᑦ ᐊᐅᒄ ᒥᓯᐛ ᐊ ᑎᓯᔭᒄ ᒐ ᐅᑦ ᐊᐱᒋᐊᑭᓂᔭᒄ᙮ 45ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”
ᐸᕐᑎᒪᔭᔅ ᑲ ᒥᓏᒋᐊᑭᓄᐅᑦ ᐊᑲ ᐅᒋ ᐛᐸᑕᐧᒃ
ᒪᑎᔪᐤ 20.29-34; ᓗᒃ 18.35-43
Mark 10.46-52 (Proper-25 Year B)
46ᒋ ᐅᑎᑎᒧᒡ ᐅᑕᓇᔪᐤ ᒐᕆᑯᐤ ᑲ ᐃᓯᓂᐧᑲᑕᔨᒡ᙮ ᐊᓂᔭ ᒪᒃ ᐊ ᐊᑎ ᐎᐎᒡ ᐊᓂᔭ ᐅᑕᓇᔪᐤ ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᑭᔭ ᑯᑎᑭᒡ ᐊᐛᓐᒋ ᐊ ᒥᒐᑎᒡ, ᒋ ᐅᑎᑕᐅᒡ ᓇᐸᐛ ᐊᓐᑕ ᐱᑎᑕᔅᑭᓄᐤ ᐊ ᐊᐱᔨᒋ᙮ ᐅ ᒪᒃ ᓇᐸᐤ ᓇᒪ ᐅᒋ ᐛᐸᑎᒻ ᑭᔭ ᒋ ᓂᑐᑎᒪᐤ ᓱᓇᔭᔪᐤ ᐊᓐᑕ ᐊᓂᔭ ᐊ ᐊᐱᑦ᙮ ᐸᕐᑎᒪᔭᔅ ᒋ ᐃᓯᓂᐧᑲᓱᐤ᙮ ᑎᒪᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔭ᙮ 47ᐃᔅᐱ ᐱᔭᑕᐧᒃ ᒋᓴᓴ ᐊ ᑎᑯᓯᓂᔨᒋ, ᐊᓂᔭ ᓇᓴᕆᑎᒡ ᑲ ᐅᒋᔨᒋ, ᒋ ᑕᑈᐤ ᐊ ᐃᔅᒋᔄᑦ, “ᒋᓴᔅ, ᑎᐱᑦ ᑲ ᐅᑯᓯᑐᑕᔅᒃ, ᐸᒋ ᒋᔅᑎᒪᒐᔨᒥ᙮”
48ᒥᒐᑦ ᒪᒃ ᐊᐛᔪᐛ ᒋ ᒋᑕᐊᒪᑯᐤ ᐊ ᐃᑎᑯᑦ ᒐ ᐊᑲ ᒋᔅᑐᑦ᙮ ᑎᐛᒡ ᒪᒃ ᐊᑐᐎᔅ ᒋ ᐃᓯ ᑕᑈᐤ, “ᒋᓴᔅ, ᑎᐱᑦ ᑲ ᐅᑯᓯᑐᑕᔅᒃ, ᐸᒋ ᒋᔅᑎᒪᒐᔨᒥ᙮”
49ᒋᓴᔅ ᒪᒃ ᒋ ᒋᐱᒋᑲᐳᐤ ᐊᑯ ᒂ ᐃᔅᒋᔄᑦ, “ᐎᓴᒥᐧᒄ᙮” ᐊᑯ ᒂ ᑕᑈᑕᒡ ᐊᓂᔭ ᓇᐸᐛ ᐊᑲ ᐛᐸᑎᒥᔨᒋ ᐊ ᐃᑕᒡ, “ᒥᔽᔨᑕ, ᐱᓯᑯᐤ, ᐛᔅ ᐊᓐ ᒋ ᑕᑈᑎᒄ᙮” 50ᒋ ᒥᓂᐛᐱᓂᒻ ᐊᓂᔭ ᐅᑦ ᐊᑯᑉ ᐊᑯ ᒂ ᐱᓯᑯᓯᐸᑕᑦ ᒂ ᓂᑐᐛᐱᒪᑦ ᒋᓴᓴ᙮ 51ᐊᑯ ᒋᓴᔅ ᒂ ᐃᑕᑦ ᐅᔭ ᓇᐸᐛ, “ᑕᓐ ᐊ ᐃᓯ ᓂᑐᐛᔨᑎᒥᓐ ᒐᒋ ᐃᑐᑎᒪᑕᓐ ?” ᐊᑯ ᐊᓐ ᓇᐸᐤ ᒂ ᐃᔅᒋᔄᑦ, “ᐅᑎᐸᔨᒋᒐᐤ, ᒥᔨ ᒐᒋ ᐛᐸᑎᒪᓐ᙮”
52ᒋᓴᔅ ᒪᒃ ᒋ ᐃᑕᐤ, “ᒪᒋ, ᒋᑕᑈᑎᒧᐅᓐ ᒋ ᒥᓏᒋᐃᑯᓐ᙮” ᐊᓐ ᒪᒃ ᓇᐸᐤ ᑎᐛᒡ ᒋ ᐅᒋ ᐛᐸᑎᒻ ᐊᑯ ᒂ ᓇᓴᐛᑦ ᒋᓴᓴ ᐊᓂᔭ ᐊ ᐊᑎ ᐱᒧᑕᔨᒋ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada