ᒪᕐᒃ 9
9
1ᐊᑯ ᒋᓴᔅ ᐅᔭ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐃᑕᐅᒡ ᐱᔅᒐ ᐅᑕ ᒪᒂᒡ ᐊᐛᓐᒋ ᒐ ᐊᑲ ᐅᒋ ᓂᐱᒡ ᐸᑐᔅ ᐛᐸᑎᒺᑥᐛ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐸᒋ ᓄᑯᓂᔨᒡ ᓱᐧᑲᑎᓯᐅᓂᒡ᙮”
ᒋᓴᔅ ᑲ ᒂᔅᒋᓇᑯᓯᑦ
ᒪᑎᔪᐤ 17.1-13; ᓗᒃ 9.28-36
Mark 9.2-9 (Transfiguration Year B)
2ᐊᓱᑕᒡ ᑕᑐᐤ ᒋᓯᑲᐛ ᒪᒃ ᐸᑎᒪ ᐊᑯ ᒋᓴᔅ ᒂ ᐃᑐᑕᐊᑦ ᐱᑕᕋ, ᒋᒥᓴ ᑭᔭ ᒠᓇ ᐊᓐᑕ ᐊ ᐃᔅᐱᑎᓇᔨᒡ ᐱᔅᑯᑎᓇᔪᐤ ᒥᒄ ᐎᔨᐛᐤ ᒐᒋ ᑕᒡ᙮ ᐊᑯᑕ ᐅᑕ ᑲ ᒂᔅᒋᓇᑯᓯᑦ ᒋᓴᔅ ᐅᑎᔅᑯᐤ ᐊᓐᑕ ᐊ ᑕᔨᒋ᙮ 3ᐅᑦ ᐊᐱᒋᑕᐅᓇ ᒪᒃ ᓇᔅᒡ ᒋ ᐛᔅᑕᔪᐛ, ᓇᔅᒡ ᐊ ᐸᔭᐧᑭᔅᒡ ᐛᐸᔨᒋ᙮ ᓇᒪ ᑕᐤ ᐊᐛᓐ ᐅᑕ ᐊᔅᒋᒡ ᒐᒋ ᐃᔅᐱᔅ ᐛᐸᔨᒋ ᒐᒂᔪᐛ ᐊ ᒋᔅᑕᐸᐅᑕᑦ᙮ 4ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᐅᒋ ᐛᐱᒪᐅᒡ ᐃᓚᐃᒐᔨᒋ ᑭᔭ ᒧᓱᓴ ᐊ ᐃᔨᒪᐊᔨᒋ ᒋᓴᓴ᙮
5ᐊᑯ ᐱᑕᕐ ᐊᑕᑦ ᒋᓴᓴ, “ᒋᔅᑯᑎᒪᒐᓱᐤ, ᐊᔪᐛᒡ ᒥᔽᔨᑕᑯᓐ ᐅᑕ ᒐᒋ ᐃᑕᐛᐅᒐ᙮ ᓇᐃᒥᓇᓐ ᒐᒋ ᐅᓯᑕᔭᒡ ᓂᔅᑐ ᒥᒋᐛᐸ, ᐸᐸᐃᒄ ᒐ ᐊᔭᔭᒄ, ᒋᔾ, ᒧᓱᔅ ᑭᔭ ᐃᓚᐃᒐ᙮” 6ᐊᔪᐅᒄ ᐅᔭ ᑲ ᐃᔅᒋᔄᑦ ᐱᑕᕐ ᐊᑲ ᐅᒋ ᒋᔅᒐᔨᑕᐧᒃ ᑕᓐ ᒐ ᐃᔅᒋᔄᑦ ᐛᔅ ᓇᔅᒡ ᑕᑈ ᒋ ᓴᒋᓱᐤ᙮ ᒋᒥᔅ ᑭᔭ ᒠᓐ ᓇᔅᒡ ᑕᑈ ᑭᔭ ᐎᔨᐛᐤ ᒋ ᓴᒋᓱᐅᒡ᙮
7ᐊᑯ ᒐᒃ ᑭᔅᑯᐅᓇ ᒂ ᐅᒋ ᐅᑲᔅᑕᔅᑲᑯᒡ᙮ ᐊᑯᑕ ᒂ ᐅᒋ ᐸᑐᐛᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᔾ ᑎᐱᔨᐛ ᓂᑯᔅ ᑲ ᓴᒋᐃᒃ᙮ ᓂᑐᑐᐛᐧᒄ᙮” 8ᐊ ᑎᔅᑎᓴᐱᒡ ᒪᒃ, ᐛᔅᑲ ᐊᓐᑕ ᐊ ᑕᒡ ᑎᐛᒡ ᒋ ᐃᑕᐳᐅᒡ ᐊ ᓇᓂᑐᐛᐱᒪᒡ ᑯᑎᑲ ᐊᐛᔪᐛ ᐊ ᑕᔨᒂᓂ ᐊᓐᑕ ᐊ ᑕᒡ, ᓇᒪ ᒪᒃ ᐅᒋ ᑕᔪᐛ ᑯᑎᑲ ᐊᐛᔪᐛ ᒥᒄ ᒋᓴᓴ ᒋ ᑕᔪᐛ᙮
9ᐊᓂᔭ ᒪᒃ ᐊ ᐊᑎ ᓂᑎᒋᐛᒡ ᐱᔅᑯᑎᓇᔪᐤ ᒋᓴᓴ ᒋ ᐃᑎᓱᒥᑯᐅᒡ, “ᐊᑲᐎᔾ ᐊᐛᓐ ᐅᒋ ᐎᑎᒧᐛᐧᒄ ᐅ ᑲ ᐃᔅᐱᔨᒡ ᐸᑐᔅ ᒋ ᐅᓂᔅᑲᒐ ᐃᔪᐤ ᐅᑯᓯᓴᓐ ᓂᐳᐅᓂᒡ ᐅᒡ᙮” 10ᒋ ᑕᑈᑐᐛᐅᒡ ᒪᒃ ᑕᓐ ᑲ ᐃᓯ ᒋᑕᐊᒪᑯᒡ ᒥᒄ ᒪᒃ ᐊᓐᑕ ᐎᔨᐛᐤ ᒋ ᐃᔭᔨᒧᑎᒧᒡ ᐅᔭ ᑕᓐ ᑲ ᐃᔅᐱᔨᒡ ᐊ ᐃᔅᒋᔄᒡ, “ᒐᒂᓐ ᐅ ᑲ ᐃᓇᓄᐅᒡ ᐊ ᐅᓂᔅᑲᑦ ᐊᐛᓐ ᓂᐳᐅᓂᒡ ᐅᒡ᙮”
11ᐊᑯ ᒂ ᐃᑕᒡ ᒋᓴᓴ, “ᒐᒂᔪᐤ ᐛᒋ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᔭᐃᑕᔾ ᓂᔅᑎᒻ ᐃᓚᐃᒐᔨᒋ ᒐ ᑎᑯᓯᓂᔨᒋ ?”
12ᐊᑯ ᒂ ᐃᓯ ᐎᑎᒪᑯᒡ, “ᑕᑈ ᑭᑈ ᐃᓚᐃᒐ ᓂᔅᑎᒻ ᒋᑭ ᑎᑯᓯᓐ ᒐᒋ ᐊᔭᔅᑯᔅᑕᑦ ᒥᓯᐛ ᒐᒂᔪᐤ᙮ ᒐᒂᓐ ᒪᒃ ᐛᒋ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐃᔪᐤ ᐅᑯᓯᓴᓐ ᒥᔅᑎ ᒐ ᓂᓇᐧᑲᑕᔨᒧᑦ ᑭᔭ ᒐ ᐊᑲ ᐅᒋ ᐊᐱᑕᔨᒪᑭᓄᐅᑦ ? 13ᒥᒄ ᒪᒃ, ᒋ ᐎᑎᒪᑎᓇᐛᐤ, ᓴᔅ ᒋ ᑎᑯᓯᓐ ᐃᓚᐃᒐ᙮ ᒥᒄ ᒪᒃ ᑕᓐ ᐛ ᐃᑐᑕᑯᑦ ᐊᐛᔪᐛ ᐊᐅᑯᓐ ᑲ ᐃᑐᑕᑯᑦ᙮ ᐛᔅ ᐊᐅᑯᓐ ᑲ ᐃᑎᔅᑕᔨᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᒐ ᐃᑐᑐᐛᐛᑯᐱᓇ᙮”
ᒋᓴᔅ ᑲ ᒥᓏᒋᐊᑦ ᓇᐸᓴ ᒥᒋ ᐊᒐᒂ ᐊᒋ ᐱᒋᔅᑲᑯᔨᒋ
ᒪᑎᔪᐤ 17.14-21; ᓗᒃ 9.37-43
14ᐃᔅᐱ ᒪᒃ ᒥᓐ ᓇᑐᐛᐱᒪᒡ ᐊᓂᔭᔪᐛ ᑯᑎᑲ ᒋᔅᒋᓄᐊᒧᐛᑭᓇ, ᒋ ᐛᐱᒪᐅᒡ ᒥᒐᑦ ᐊᐛᔪᐛ ᐊ ᐛᔅᑲᑲᐳᔅᑕᑯᔨᒋ᙮ ᐊᓂᔭᔪᐛ ᒪᒃ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊᐅᑯᓂ ᐊᓂᔭᔪᐛ ᓇᔅᒡ ᑲ ᒥᔅᑎ ᐃᔨᒥᐃᑯᔨᒋ᙮ 15ᐊᓐᒡ ᒪᒃ ᐃᔪᒡ ᐃᔅᐱ ᐎᔭᐱᒪᒡ ᒋᓴᓴ, ᓇᔅᒡ ᑕᑈ ᒋ ᓯᔅᒋᑯᒋᐃᑯᐅᒡ, ᒂ ᒋᒋᓇᒡ ᒐᒋ ᐛᒋᔭᒪᒡ᙮
16ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ᒥᔅᑎ ᐃᔭᔨᒧᑎᒪᒄ ?”
17ᒋ ᐅᒋ ᐃᔨᒧᐤ ᐸᐃᒄ ᓇᐸᐤ ᐊᓐᑕ ᒪᒂᒡ ᐊ ᒥᒐᑎᓇᓄᐎᒡ ᐊ ᐃᔅᒋᔄᑦ, “ᒋᔅᑯᑎᒪᒐᓱᐤ, ᔅᒋ ᐸᑥᑎᓐ ᓂᑯᔅ᙮ ᓇᒪ ᒋ ᐃᔨᒧᐤ ᐛᔅ ᒥᒋ ᐊᒐᒂ ᐱᒋᔅᑲᑯᐤ᙮ 18ᐃᔅᐱ ᒥᔭᓯᐧᑲᐧᑯᒋ ᐅᔭ ᒥᒋ ᐊᒐᒂ, ᓇᔅᒡ ᐛᔅ ᒋᑭ ᓂᒋᐛᐸᐅᑯᐤ, ᑭᔭ ᒋ ᐱᔅᑕᐅᑕᑎᒻ, ᑭᔭ ᐛᔅ ᒋᑭ ᒥᑥᔭᐱᑕᓯᓐ, ᑭᔭ ᓇᔅᒡ ᒋᑭ ᒋᑐᐛᔅᑯᐱᔪᐤ᙮ ᐊᓐᒡ ᒪᒃ ᒋᒋᔅᒋᓄᐊᒧᐛᑭᓐᒡ ᓂᒋ ᑯᒂᒋᒪᐅᒡ ᒐᒋ ᐎᐎᑎᓴᐛᒡ ᐊᓂᔭᔪᐛ ᒥᒋ ᐊᒐᒂ ᓇᒪ ᒪᒃ ᐅᒋ ᐃᑐᐅᒡ᙮”
19ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ᙮ ᐸᓱᐛᐧᒄ ᐊᓐ ᓇᐸᔅ ?” 20ᐊᑯ ᒂ ᐸᓱᐛᒡ ᐊᓂᔭ ᓇᐸᓴ ᐊᓐᑕ ᒋᓴᓴ ᐊ ᑕᔨᒋ᙮
ᐃᔅᐱ ᐊᓐ ᒥᒋ ᐊᒐᐧᒄ ᐎᔭᐱᒪᑦ ᒋᓴᓴ ᑎᐛᒡ ᒋ ᐃᑐᑐᐛᐤ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ, ᓇᔅᒡ ᐊᓐᑕ ᐊᔅᒋᒡ ᐊᒋ ᐃᓯ ᐸᒋᓯᓂᔨᒋ᙮ ᐊᑯ ᑲ ᑯᒂᑎᐱᔪᐅᑦ ᐊᓐᑕ ᐊᓐ ᓇᐸᔅ ᐊ ᐱᔅᑕᐅᑕᑕᐧᒃ᙮
21ᒋᓴᔅ ᒂ ᑯᒂᒋᒪᑦ ᐊᓂᔭᔪᐛ ᐅᑕᐎᒪᐛ, “ᓴᔅ ᐊ ᐛᔅᑭᒡ ᐅᔭ ᑲ ᐃᓯᓇᑯᓯᑦ ?” “ᐱᐃᒻ ᑲ ᐊᐛᓯᐅᑦ ᓴᔅ ᐊᐅᑯᓐ ᑲ ᐃᔅᐱᔨᑦ,” ᒋ ᐃᑕᐤ ᐊᓐ ᐅᑕᐎᒪᐤ᙮ 22ᑭᔭ ᒋ ᐃᑕᐤ, “ᓴᔅ ᒥᒐᑥᐤ ᒋ ᐎ ᓂᐸᐃᑯᐤ ᐊᓂᔭ ᒥᒋ ᐊᒐᒂ ᐃᔅᑯᑕᒡ ᒪᒃ ᑭᔭ ᓂᐱᒡ ᐊ ᐃᓯ ᐛᐱᓂᑯᑦ᙮ ᒋᔅᑎᒪᒐᔨᒥᓇᓐ ᒪ, ᐎᒋᐃᓇᓐ, ᒐᒋ ᐎ ᐎᒋᐃᐛᐛᒐ᙮”
23ᒋ ᐃᑕᐤ ᒪᒃ ᒋᓴᔅ, “ᒐᒂᓐ ᐛᒋ ᐃᔅᒋᔄᔨᓐ ‘ᒐᒋ ᐎ ᐎᒋᐃᐛᐛᒐ’ ? ᐛᔅ ᐊᐛᓐ ᑲ ᑕᑈᑕᐧᒃ ᒥᓯᐛ ᑕᓐ ᐛ ᐃᑎᑦ ᒋᑭ ᒋ ᐃᑐᑎᒻ᙮” 24ᑎᐛᒡ ᒂ ᐅᒋ ᐊᓯᒂᑦ ᐊᓐ ᐅᑕᐎᒪᐤ, “ᓂ ᑕᑈᑕᓐ ᒥᒄ ᒪᒃ ᓇᒪ ᓇᔅᒡ ᓂ ᑭᓄᐛᔨᑕᓐ ᑕᑈᑎᒧᐅᓐ᙮ ᐎᒋᐃ ᐊᑐᐎᔅ ᒐᒋ ᐊᔭᔭᓐ ᑕᑈᑎᒧᐅᓐ᙮”
25ᒋᓴᔅ ᒪᒃ ᒋ ᐛᐱᒪᐤ ᐊᓂᔭ ᐃᔪᐛ ᑲ ᐸᒋ ᒪᒧᑲᐳᔨᒋ ᐊ ᐊᑎ ᓯᑎᔅᑲᑐᔨᒋ ᐊᑯ ᒂ ᒋᑕᐊᒧᐛᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ, “ᒋᔾ ᐊᒐᐧᒄ ᐊᑲ ᐸᑎᒥᓐ ᑭᔭ ᐊᑲ ᓂᑕᐛᔨᓐ, ᒪᒋ ᐎᐎᔾ ᐊᓐᑕ ᐅ ᓇᐸᔅ ᐊ ᑕᑦ ᐅᒡ᙮ ᐊᑲᐎᔾ ᒥᓐ ᒋᑭ ᐅᒋ ᐱᒋᔅᑯᐛᐤ᙮”
26ᐊᑯ ᐊᓐ ᒥᒋ ᐊᒐᐧᒄ ᒂ ᐅᒋ ᐊᓯᒂᑦ, ᒂ ᐃᑐᑐᐛᑦ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ ᐊᑯ ᒂ ᓂᑭᑕᑦ᙮ ᐊᓐ ᒪᒃ ᓇᐸᔅ ᒧᔭᒻ ᐊ ᓂᐱᑦ ᐊᐅᑯᓐ ᑲ ᐃᓯᓇᑯᓯᑦ ᐊᓐᑕ ᐊ ᐱᒥᓯᐧᒃ᙮ ᐊᑯ ᒥᓯᐛ ᐊᐛᓐ ᒂ ᐃᔅᒋᔄᑦ, “ᓇᒪ ᐱᒪᑎᓯᐤ᙮” 27ᒋᓴᔅ ᒋ ᐅᑎᓂᒺᐤ ᐅᑎᒋᔪᐤ ᐊᓂᔭ ᓇᐸᓴ ᐊᑯ ᒂ ᐎᒋᐊᑦ ᒂ ᐊᑎ ᐅᓂᔨᒋ᙮ ᒂ ᐱᓯᑯᑦ ᐊᓐ ᓇᐸᔅ᙮
28ᒂ ᐊᑎ ᔅᑐᑕᑦ ᒋᓴᔅ ᐊᑯ ᒂ ᐱᒐᑦ ᒥᒋᐛᐱᔪᐤ᙮ ᐅᒋᔅᒋᓄᐊᒧᐛᑭᓇ ᒪᒃ ᒋ ᑯᒂᒋᒥᑯᐤ ᒥᒄ ᐎᔨᐛᐤ ᐊ ᑕᒡ, “ᒐᒂᓐ ᐛᒋ ᐊᑲ ᐅᒋ ᐃᑐᑐᐅᒋᒡ ᓂᔭᓐ ᒥᒋ ᐊᒐᐧᒄ ᒐᒋ ᐎᐎᑦ ᐊᓐᑕ ᐊᓂᔭ ᐊᐛᔪᐛ ᑲ ᐱᒋᔅᑯᐛᑦ ?” 29ᒋ ᐃᓯ ᐎᑎᒪᑯᐅᒡ ᒪᒃ ᒋᓴᓴ, “ᒥᒄ ᐊᔭᒪᐛᑎᓯᒐ ᑭᔭ ᐊᑲ ᐅᑎᓇᒐ ᐊᐛᓐ ᒥᒋᒥᔪᐤ, ᐊᑯᑕ ᒥᒄ ᒐᒋ ᐎᐎᔨᒋ ᐅᔭ ᑲ ᐃᑕᔨᑕᑯᓯᔨᒋ ᒥᒋ ᐊᒐᒂ᙮ ᓇᒪ ᒥᓐ ᑎᑯᓂᔪᐤ ᑕᓐ ᒐᒋ ᐃᑎᑦ ᐊᐛᓐ᙮”
ᒥᓐ ᑲ ᐊᔨᒧᑕᐧᒃ ᒋᓴᔅ ᒐ ᓂᐱᑦ
ᒪᑎᔪᐤ 17.22,23; ᓗᒃ 9.43-45
Mark 9.30-37 (Proper-20 Year B)
30ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ᔅᑐᑕᐅᒡ ᐊᓐᑕ ᐅᒋ ᐊᑯ ᒥᒄ ᒂ ᓴᐳᑐᐛᔅᑲᒡ ᑲᓕᓕ ᐊᔅᒋᔪᐤ ᐃᔅᐱ ᐊᓐᑕ ᑲ ᑕᒡ᙮ ᒋᓴᔅ ᒪᒃ ᓇᒪ ᐅᒋ ᓂᑐᐛᔨᒪᐤ ᒐᒋ ᒋᔅᒐᔨᒥᑯᑦ ᐊᐛᔪᐛ ᐊᓐᑕ ᐊ ᑕᑦ, 31ᐛᔅ ᒪᒂᒡ ᒋ ᒋᔅᑯᑎᒧᐛᐤ ᐅᒋᔅᒋᓄᐊᒧᐛᑭᓇ᙮ ᒋ ᐃᑕᐤ, “ᓇᐸᐛ ᐊ ᑕᔨᒋ ᒋᑭ ᐃᓯ ᐱᔅᑎᓇᑭᓄᐤ ᐃᔪᐤ ᐅᑯᓯᓴᓐ ᒐᒋ ᓂᐸᐃᑯᑦ᙮ ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ᐅᓂᔅᑲᑦ ᓂᐳᐅᓂᒡ ᐅᒡ᙮” 32ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᓂᔅᑐᑎᒧᒡ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐅᔭ ᑲ ᐃᔅᒋᔄᔨᒋ, ᒋ ᓴᒋᓱᐅᒡ ᑭᔭ ᒐᒋ ᑯᒂᒋᒪᒡ᙮
ᐊᐛᓐ ᒪᐅᒡ ᓂᑲᓐ ᐊ ᐃᑕᔨᑕᑯᓯᑦ
ᒪᑎᔪᐤ 18.1-5; ᓗᒃ 9.46-48
33ᒋ ᐅᑎᑎᒧᒡ ᑲᐳᕐᓇᐊᒻ, ᐃᔅᐱ ᒪᒃ ᐱᑎᑭᒥᒡ ᐊ ᑕᒡ ᐊᓂᔭ ᒥᒋᐛᐱᔪᐤ ᒐ ᑕᒡ ᐊᑯ ᒋᓴᔅ ᒂ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ᒥᔅᑎ ᐃᔭᔨᒧᑎᒪᒄ ᐊᓐᑕ ᑲ ᐸᒋ ᐱᒧᑕᔭᐧᒄ ?” 34ᓇᒪ ᐅᒋ ᒋ ᔅᑐᑎᑯᐤ, ᐛᔅ ᐊᓂᔭ ᒪᒂᒡ ᑲ ᐱᒧᑕᒡ ᒋ ᒥᒋᐱᔪᒡ ᐊᐛᓐ ᐊᓐᑕ ᐊ ᑎᓯᒡ ᒪᐅᒡ ᒐ ᒋᔅᑕᔨᑕᑯᓯᑦ᙮
35ᒋ ᐛᐛᔨᐳᐤ ᒋᓴᔅ, ᒂ ᐎᓴᒪᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑕᑦ, “ᐊᓐ ᐊᐛᓐ ᓇᑐᐛᔨᑎᒧᒂ ᐎᔾ ᓇᔅᒡ ᓂᑲᓐ ᒐᒋ ᐃᑕᔨᑕᑯᓯᑦ, ᑭᑈ ᒪᔅᑕᔾ ᒋᐸ ᐃᓯ ᐱᔅᑎᓂᓱᐤ ᑭᔭ ᒥᓯᐛ ᐊᐛᔪᐛ ᒋᐸ ᒥᔪ ᐊᑐᔅᑯᐛᐤ᙮”
36ᐊᑯ ᐛᑎᓇᑦ ᐊᐛᓴ ᒂ ᐅᑎᔅᑯᑲᐳᐊᑦ ᐊᓐᑕ ᒪᒂᒡ ᐊ ᑕᒡ᙮ ᒂ ᐛᐅᒋᑯᔪᐛᓇᑦ ᐊᑯ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, 37“ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᐅᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᐤ ᓂᔾ ᐛᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᑯᓂ ᐊᓂᔭ ᐛᑎᓇᑦ᙮”
ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ᐎᒋᐃᑯᓄᐤ
ᓗᒃ 9.49,50
Mark 9.38-50 (Proper-21 Year B)
38ᒠᓐ ᒪᒃ ᒋ ᐃᑕᐤ ᒋᓴᓴ, “ᒋᔅᑯᑎᒪᒐᓱᐤ, ᓂᒋ ᐛᐱᒪᓇᓐ ᓇᐸᐤ ᐊ ᐎᐎᑎᓴᐛᑦ ᒥᒋ ᐊᒐᒂ ᒋᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᑦ, ᐊᑯ ᒂ ᒋᑕᐊᒧᐎᒋᑦ, ᐛᔅ ᐊᓐ ᑕᐸ ᐅᑕ ᒋᔭᓄᐤ ᐊ ᑕᐛᐧᒄ ᐃᓯ ᐎᒋᐃᐛᐤ᙮”
39ᐊᑯ ᒂ ᐃᑎᑯᒡ ᒋᓴᓴ, “ᐊᑲᐎᔾ ᒋᑕᐊᒧᐛᐧᒄ, ᑕᐸ ᐛᔅ ᐊᓐ ᓂᑭ ᐅᒋ ᐎ ᒥᒋ ᐊᔨᒧᒥᒄ ᐊᑯ ᐊᐛᓐ ᐛᔅ ᒧᔭᒻ ᒋ ᐃᑐᑕᒐ ᒪᒥᔅᑲᒡ ᐃᑐᐅᓂᔪᐤ ᓂᑦ ᐃᓯᓂᐧᑲᓱᐅᓂᔪᐤ ᐊᒋ ᐊᐱᒋᑕᑦ᙮ 40ᐛᔅ ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ᐎᒋᐃᑯᓄᐤ᙮ 41ᒋᒋᐛ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᒐ ᒥᓇᐃᑕᒄ ᓂᐱᔪᐤ ᐊᓂᔭ ᐅᒋ ᙭ ᐊ ᐎᒐᐛᒄ, ᒐᔅᑎᓇᔅ ᒋᑭ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮”
ᐊ ᑎᒂᒡ ᓂᓇᐧᑯᐤ ᑯᒂᒋᐃᐛᐅᓐ
ᒪᑎᔪᐤ 18.6-9; ᓗᒃ 17.1,2
42ᒋᓴᔅ ᒋ ᐊᑎ ᐃᑕᐤ, “ᐊᓐ ᐊᐛᓐ ᒐ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ᑕᑈᔭᔨᒥᔨᒋ ᐃᐛᒃ ᒋᑭ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᐱᑭᔅᑐᐛᐱᓇᑭᓄᐅᑦ ᐊᓐᑕ ᐎᓂᐸᑯᒡ᙮ 43ᐛᔅ ᒧᔭᒻ ᒪᒃ ᑐᑕᑯᔨᓇ ᔅᑎᒋᔾ ᒐᒋ ᒥᒋᑐᑎᒥᓐ, ᐊᑯᔅ ᒐ ᒥᓯᒥᓐ ᐊᓐ ᔅᑎᒋᔾ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊᑲ ᑎᒂᒡ ᐸᐃᒄ ᔅᑎᒋᔾ ᐃᔅᐱᔅ ᑕᐱᔅᑯᓐ ᔅᑎᒋᔭ ᒐᒋ ᐊᔭᔨᓐ ᒥᒋ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ, ᐊᓐᑕ ᒐ ᐊᑲ ᓂᑕ ᐊᔅᑐᐛᒡ ᐊᓐ ᐃᔅᑯᑕᐤ᙮ 44ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮ 45ᒪᒃ ᒋᓯᑦ ᑐᑕᑯᔨᓇ ᒐᒋ ᒥᒋᑐᑎᒥᓐ, ᒐ ᒋᒥᓯᒥᓐ ᐊᓐ ᒋᓯᑦ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊ ᒪᔅᒋᐱᔨᓐ ᐃᔅᐱᔅ ᐊ ᐊᔭᔨᓐ ᑕᐱᔅᑯᓐ ᒋᓯᑕ ᒥᒋ ᐃᔅᑯᑕᒡ ᒪᒃ ᒐ ᐃᓯ ᐛᐱᓂᑯᔨᓐ, ᐊᓐᑕ ᒐ ᐊᑲ ᓂᑕ ᐊᔅᑐᐛᒡ ᐃᔅᑯᑕᐤ, 46‘ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮’ 47ᒪᒃ ᒋᔅᒋᓯᒄ ᑐᑕᑯᔨᓇ ᒐᒋ ᒥᒋᑐᑎᒥᓐ, ᐊᑯᔅ ᑯᐃᑯᐱᑕ ᐊᓐ ᒋᔅᒋᓯᒄ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒥᒄ ᐊ ᓂᐱᑕᔭᐱᔨᓐ ᐃᔅᐱᔅ ᐎ ᑕᐱᔅᑯᓐ ᒐᒋ ᑭᓄᐛᔨᑎᒥᓐ ᒋᔅᒋᓯᒂ ᒥᒋ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ᙮
48ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮”
49“ᒥᓯᐛ ᐊᐛᓐ ᐃᔅᑯᑕᔪᐤ ᒋᑭ ᐊᐱᑎᓂᔪᐤ ᐊ ᐎ ᒥᔪᓇᑯᑕᑭᓄᐎᒡ ᐅᐱᒪᑎᓯᐅᓐ ᒧᔭᒻ ᑕᓐ ᐊ ᐃᑕᐱᑎᒡ ᓯᐅᑕᑭᓐ, ᒥᒋᒥᒡ ᐊ ᐊᔅᑕᑭᓄᐅᒡ ᒐ ᐊᑲ ᒋ ᐃᔭᔪᐛᒡ ᐊᓐ ᒥᒋᒻ᙮ 50ᒥᔪ ᐊᐱᑎᓐ ᓯᐅᑕᑭᓐ, ᒥᒄ ᒪᒃ ᐛᔅ ᒧᔭᒻ ᐊᑲ ᓴᐱᔅᐳᑯᒐ ᑕᓐ ᒐᒋ ᐃᑐᑎᒥᓐ ᒥᓐ ᒐᒋ ᒥᔽᒡ᙮ ᐊᑯ ᒪᒃ ᒋᔨᐛᐤ ᐊᓐᑕ ᐊ ᑕᔭᒄ ᒧᔭᒻ ᐊᒋ ᓯᐅᐃᑯᔭᒄ ᒋᐸ ᐃᑕᔨᑕᑯᓯᓇᐛᐤ ᑭᔭ ᒋᐸ ᒋᔭᒪᔨᑕᑯᓐ ᐊᓐᑕ ᐊ ᑕᔭᒄ᙮”
Currently Selected:
ᒪᕐᒃ 9: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᕐᒃ 9
9
1ᐊᑯ ᒋᓴᔅ ᐅᔭ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐃᑕᐅᒡ ᐱᔅᒐ ᐅᑕ ᒪᒂᒡ ᐊᐛᓐᒋ ᒐ ᐊᑲ ᐅᒋ ᓂᐱᒡ ᐸᑐᔅ ᐛᐸᑎᒺᑥᐛ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐸᒋ ᓄᑯᓂᔨᒡ ᓱᐧᑲᑎᓯᐅᓂᒡ᙮”
ᒋᓴᔅ ᑲ ᒂᔅᒋᓇᑯᓯᑦ
ᒪᑎᔪᐤ 17.1-13; ᓗᒃ 9.28-36
Mark 9.2-9 (Transfiguration Year B)
2ᐊᓱᑕᒡ ᑕᑐᐤ ᒋᓯᑲᐛ ᒪᒃ ᐸᑎᒪ ᐊᑯ ᒋᓴᔅ ᒂ ᐃᑐᑕᐊᑦ ᐱᑕᕋ, ᒋᒥᓴ ᑭᔭ ᒠᓇ ᐊᓐᑕ ᐊ ᐃᔅᐱᑎᓇᔨᒡ ᐱᔅᑯᑎᓇᔪᐤ ᒥᒄ ᐎᔨᐛᐤ ᒐᒋ ᑕᒡ᙮ ᐊᑯᑕ ᐅᑕ ᑲ ᒂᔅᒋᓇᑯᓯᑦ ᒋᓴᔅ ᐅᑎᔅᑯᐤ ᐊᓐᑕ ᐊ ᑕᔨᒋ᙮ 3ᐅᑦ ᐊᐱᒋᑕᐅᓇ ᒪᒃ ᓇᔅᒡ ᒋ ᐛᔅᑕᔪᐛ, ᓇᔅᒡ ᐊ ᐸᔭᐧᑭᔅᒡ ᐛᐸᔨᒋ᙮ ᓇᒪ ᑕᐤ ᐊᐛᓐ ᐅᑕ ᐊᔅᒋᒡ ᒐᒋ ᐃᔅᐱᔅ ᐛᐸᔨᒋ ᒐᒂᔪᐛ ᐊ ᒋᔅᑕᐸᐅᑕᑦ᙮ 4ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᐅᒋ ᐛᐱᒪᐅᒡ ᐃᓚᐃᒐᔨᒋ ᑭᔭ ᒧᓱᓴ ᐊ ᐃᔨᒪᐊᔨᒋ ᒋᓴᓴ᙮
5ᐊᑯ ᐱᑕᕐ ᐊᑕᑦ ᒋᓴᓴ, “ᒋᔅᑯᑎᒪᒐᓱᐤ, ᐊᔪᐛᒡ ᒥᔽᔨᑕᑯᓐ ᐅᑕ ᒐᒋ ᐃᑕᐛᐅᒐ᙮ ᓇᐃᒥᓇᓐ ᒐᒋ ᐅᓯᑕᔭᒡ ᓂᔅᑐ ᒥᒋᐛᐸ, ᐸᐸᐃᒄ ᒐ ᐊᔭᔭᒄ, ᒋᔾ, ᒧᓱᔅ ᑭᔭ ᐃᓚᐃᒐ᙮” 6ᐊᔪᐅᒄ ᐅᔭ ᑲ ᐃᔅᒋᔄᑦ ᐱᑕᕐ ᐊᑲ ᐅᒋ ᒋᔅᒐᔨᑕᐧᒃ ᑕᓐ ᒐ ᐃᔅᒋᔄᑦ ᐛᔅ ᓇᔅᒡ ᑕᑈ ᒋ ᓴᒋᓱᐤ᙮ ᒋᒥᔅ ᑭᔭ ᒠᓐ ᓇᔅᒡ ᑕᑈ ᑭᔭ ᐎᔨᐛᐤ ᒋ ᓴᒋᓱᐅᒡ᙮
7ᐊᑯ ᒐᒃ ᑭᔅᑯᐅᓇ ᒂ ᐅᒋ ᐅᑲᔅᑕᔅᑲᑯᒡ᙮ ᐊᑯᑕ ᒂ ᐅᒋ ᐸᑐᐛᒡ ᐊᐛᔪᐛ ᐊ ᐃᔅᒋᔄᔨᒋ, “ᐊᐅᒄ ᐅ ᓂᔾ ᑎᐱᔨᐛ ᓂᑯᔅ ᑲ ᓴᒋᐃᒃ᙮ ᓂᑐᑐᐛᐧᒄ᙮” 8ᐊ ᑎᔅᑎᓴᐱᒡ ᒪᒃ, ᐛᔅᑲ ᐊᓐᑕ ᐊ ᑕᒡ ᑎᐛᒡ ᒋ ᐃᑕᐳᐅᒡ ᐊ ᓇᓂᑐᐛᐱᒪᒡ ᑯᑎᑲ ᐊᐛᔪᐛ ᐊ ᑕᔨᒂᓂ ᐊᓐᑕ ᐊ ᑕᒡ, ᓇᒪ ᒪᒃ ᐅᒋ ᑕᔪᐛ ᑯᑎᑲ ᐊᐛᔪᐛ ᒥᒄ ᒋᓴᓴ ᒋ ᑕᔪᐛ᙮
9ᐊᓂᔭ ᒪᒃ ᐊ ᐊᑎ ᓂᑎᒋᐛᒡ ᐱᔅᑯᑎᓇᔪᐤ ᒋᓴᓴ ᒋ ᐃᑎᓱᒥᑯᐅᒡ, “ᐊᑲᐎᔾ ᐊᐛᓐ ᐅᒋ ᐎᑎᒧᐛᐧᒄ ᐅ ᑲ ᐃᔅᐱᔨᒡ ᐸᑐᔅ ᒋ ᐅᓂᔅᑲᒐ ᐃᔪᐤ ᐅᑯᓯᓴᓐ ᓂᐳᐅᓂᒡ ᐅᒡ᙮” 10ᒋ ᑕᑈᑐᐛᐅᒡ ᒪᒃ ᑕᓐ ᑲ ᐃᓯ ᒋᑕᐊᒪᑯᒡ ᒥᒄ ᒪᒃ ᐊᓐᑕ ᐎᔨᐛᐤ ᒋ ᐃᔭᔨᒧᑎᒧᒡ ᐅᔭ ᑕᓐ ᑲ ᐃᔅᐱᔨᒡ ᐊ ᐃᔅᒋᔄᒡ, “ᒐᒂᓐ ᐅ ᑲ ᐃᓇᓄᐅᒡ ᐊ ᐅᓂᔅᑲᑦ ᐊᐛᓐ ᓂᐳᐅᓂᒡ ᐅᒡ᙮”
11ᐊᑯ ᒂ ᐃᑕᒡ ᒋᓴᓴ, “ᒐᒂᔪᐤ ᐛᒋ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᔭᐃᑕᔾ ᓂᔅᑎᒻ ᐃᓚᐃᒐᔨᒋ ᒐ ᑎᑯᓯᓂᔨᒋ ?”
12ᐊᑯ ᒂ ᐃᓯ ᐎᑎᒪᑯᒡ, “ᑕᑈ ᑭᑈ ᐃᓚᐃᒐ ᓂᔅᑎᒻ ᒋᑭ ᑎᑯᓯᓐ ᒐᒋ ᐊᔭᔅᑯᔅᑕᑦ ᒥᓯᐛ ᒐᒂᔪᐤ᙮ ᒐᒂᓐ ᒪᒃ ᐛᒋ ᐃᑎᔅᑕᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐃᔪᐤ ᐅᑯᓯᓴᓐ ᒥᔅᑎ ᒐ ᓂᓇᐧᑲᑕᔨᒧᑦ ᑭᔭ ᒐ ᐊᑲ ᐅᒋ ᐊᐱᑕᔨᒪᑭᓄᐅᑦ ? 13ᒥᒄ ᒪᒃ, ᒋ ᐎᑎᒪᑎᓇᐛᐤ, ᓴᔅ ᒋ ᑎᑯᓯᓐ ᐃᓚᐃᒐ᙮ ᒥᒄ ᒪᒃ ᑕᓐ ᐛ ᐃᑐᑕᑯᑦ ᐊᐛᔪᐛ ᐊᐅᑯᓐ ᑲ ᐃᑐᑕᑯᑦ᙮ ᐛᔅ ᐊᐅᑯᓐ ᑲ ᐃᑎᔅᑕᔨᒡ ᒋᓴᒪᓂᑐᐤ ᐅᒥᓯᓇᐃᑭᓂᒡ ᒐ ᐃᑐᑐᐛᐛᑯᐱᓇ᙮”
ᒋᓴᔅ ᑲ ᒥᓏᒋᐊᑦ ᓇᐸᓴ ᒥᒋ ᐊᒐᒂ ᐊᒋ ᐱᒋᔅᑲᑯᔨᒋ
ᒪᑎᔪᐤ 17.14-21; ᓗᒃ 9.37-43
14ᐃᔅᐱ ᒪᒃ ᒥᓐ ᓇᑐᐛᐱᒪᒡ ᐊᓂᔭᔪᐛ ᑯᑎᑲ ᒋᔅᒋᓄᐊᒧᐛᑭᓇ, ᒋ ᐛᐱᒪᐅᒡ ᒥᒐᑦ ᐊᐛᔪᐛ ᐊ ᐛᔅᑲᑲᐳᔅᑕᑯᔨᒋ᙮ ᐊᓂᔭᔪᐛ ᒪᒃ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᐊᐅᑯᓂ ᐊᓂᔭᔪᐛ ᓇᔅᒡ ᑲ ᒥᔅᑎ ᐃᔨᒥᐃᑯᔨᒋ᙮ 15ᐊᓐᒡ ᒪᒃ ᐃᔪᒡ ᐃᔅᐱ ᐎᔭᐱᒪᒡ ᒋᓴᓴ, ᓇᔅᒡ ᑕᑈ ᒋ ᓯᔅᒋᑯᒋᐃᑯᐅᒡ, ᒂ ᒋᒋᓇᒡ ᒐᒋ ᐛᒋᔭᒪᒡ᙮
16ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ᒥᔅᑎ ᐃᔭᔨᒧᑎᒪᒄ ?”
17ᒋ ᐅᒋ ᐃᔨᒧᐤ ᐸᐃᒄ ᓇᐸᐤ ᐊᓐᑕ ᒪᒂᒡ ᐊ ᒥᒐᑎᓇᓄᐎᒡ ᐊ ᐃᔅᒋᔄᑦ, “ᒋᔅᑯᑎᒪᒐᓱᐤ, ᔅᒋ ᐸᑥᑎᓐ ᓂᑯᔅ᙮ ᓇᒪ ᒋ ᐃᔨᒧᐤ ᐛᔅ ᒥᒋ ᐊᒐᒂ ᐱᒋᔅᑲᑯᐤ᙮ 18ᐃᔅᐱ ᒥᔭᓯᐧᑲᐧᑯᒋ ᐅᔭ ᒥᒋ ᐊᒐᒂ, ᓇᔅᒡ ᐛᔅ ᒋᑭ ᓂᒋᐛᐸᐅᑯᐤ, ᑭᔭ ᒋ ᐱᔅᑕᐅᑕᑎᒻ, ᑭᔭ ᐛᔅ ᒋᑭ ᒥᑥᔭᐱᑕᓯᓐ, ᑭᔭ ᓇᔅᒡ ᒋᑭ ᒋᑐᐛᔅᑯᐱᔪᐤ᙮ ᐊᓐᒡ ᒪᒃ ᒋᒋᔅᒋᓄᐊᒧᐛᑭᓐᒡ ᓂᒋ ᑯᒂᒋᒪᐅᒡ ᒐᒋ ᐎᐎᑎᓴᐛᒡ ᐊᓂᔭᔪᐛ ᒥᒋ ᐊᒐᒂ ᓇᒪ ᒪᒃ ᐅᒋ ᐃᑐᐅᒡ᙮”
19ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ᙮ ᐸᓱᐛᐧᒄ ᐊᓐ ᓇᐸᔅ ?” 20ᐊᑯ ᒂ ᐸᓱᐛᒡ ᐊᓂᔭ ᓇᐸᓴ ᐊᓐᑕ ᒋᓴᓴ ᐊ ᑕᔨᒋ᙮
ᐃᔅᐱ ᐊᓐ ᒥᒋ ᐊᒐᐧᒄ ᐎᔭᐱᒪᑦ ᒋᓴᓴ ᑎᐛᒡ ᒋ ᐃᑐᑐᐛᐤ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ, ᓇᔅᒡ ᐊᓐᑕ ᐊᔅᒋᒡ ᐊᒋ ᐃᓯ ᐸᒋᓯᓂᔨᒋ᙮ ᐊᑯ ᑲ ᑯᒂᑎᐱᔪᐅᑦ ᐊᓐᑕ ᐊᓐ ᓇᐸᔅ ᐊ ᐱᔅᑕᐅᑕᑕᐧᒃ᙮
21ᒋᓴᔅ ᒂ ᑯᒂᒋᒪᑦ ᐊᓂᔭᔪᐛ ᐅᑕᐎᒪᐛ, “ᓴᔅ ᐊ ᐛᔅᑭᒡ ᐅᔭ ᑲ ᐃᓯᓇᑯᓯᑦ ?” “ᐱᐃᒻ ᑲ ᐊᐛᓯᐅᑦ ᓴᔅ ᐊᐅᑯᓐ ᑲ ᐃᔅᐱᔨᑦ,” ᒋ ᐃᑕᐤ ᐊᓐ ᐅᑕᐎᒪᐤ᙮ 22ᑭᔭ ᒋ ᐃᑕᐤ, “ᓴᔅ ᒥᒐᑥᐤ ᒋ ᐎ ᓂᐸᐃᑯᐤ ᐊᓂᔭ ᒥᒋ ᐊᒐᒂ ᐃᔅᑯᑕᒡ ᒪᒃ ᑭᔭ ᓂᐱᒡ ᐊ ᐃᓯ ᐛᐱᓂᑯᑦ᙮ ᒋᔅᑎᒪᒐᔨᒥᓇᓐ ᒪ, ᐎᒋᐃᓇᓐ, ᒐᒋ ᐎ ᐎᒋᐃᐛᐛᒐ᙮”
23ᒋ ᐃᑕᐤ ᒪᒃ ᒋᓴᔅ, “ᒐᒂᓐ ᐛᒋ ᐃᔅᒋᔄᔨᓐ ‘ᒐᒋ ᐎ ᐎᒋᐃᐛᐛᒐ’ ? ᐛᔅ ᐊᐛᓐ ᑲ ᑕᑈᑕᐧᒃ ᒥᓯᐛ ᑕᓐ ᐛ ᐃᑎᑦ ᒋᑭ ᒋ ᐃᑐᑎᒻ᙮” 24ᑎᐛᒡ ᒂ ᐅᒋ ᐊᓯᒂᑦ ᐊᓐ ᐅᑕᐎᒪᐤ, “ᓂ ᑕᑈᑕᓐ ᒥᒄ ᒪᒃ ᓇᒪ ᓇᔅᒡ ᓂ ᑭᓄᐛᔨᑕᓐ ᑕᑈᑎᒧᐅᓐ᙮ ᐎᒋᐃ ᐊᑐᐎᔅ ᒐᒋ ᐊᔭᔭᓐ ᑕᑈᑎᒧᐅᓐ᙮”
25ᒋᓴᔅ ᒪᒃ ᒋ ᐛᐱᒪᐤ ᐊᓂᔭ ᐃᔪᐛ ᑲ ᐸᒋ ᒪᒧᑲᐳᔨᒋ ᐊ ᐊᑎ ᓯᑎᔅᑲᑐᔨᒋ ᐊᑯ ᒂ ᒋᑕᐊᒧᐛᑦ ᐊᓂᔭ ᒥᒋ ᐊᒐᒂ ᐊ ᐃᑕᑦ, “ᒋᔾ ᐊᒐᐧᒄ ᐊᑲ ᐸᑎᒥᓐ ᑭᔭ ᐊᑲ ᓂᑕᐛᔨᓐ, ᒪᒋ ᐎᐎᔾ ᐊᓐᑕ ᐅ ᓇᐸᔅ ᐊ ᑕᑦ ᐅᒡ᙮ ᐊᑲᐎᔾ ᒥᓐ ᒋᑭ ᐅᒋ ᐱᒋᔅᑯᐛᐤ᙮”
26ᐊᑯ ᐊᓐ ᒥᒋ ᐊᒐᐧᒄ ᒂ ᐅᒋ ᐊᓯᒂᑦ, ᒂ ᐃᑐᑐᐛᑦ ᐊᓂᔭ ᓇᐸᓴ ᒐᒋ ᐅᒋᐱᑎᑯᔨᒋ ᐊᑯ ᒂ ᓂᑭᑕᑦ᙮ ᐊᓐ ᒪᒃ ᓇᐸᔅ ᒧᔭᒻ ᐊ ᓂᐱᑦ ᐊᐅᑯᓐ ᑲ ᐃᓯᓇᑯᓯᑦ ᐊᓐᑕ ᐊ ᐱᒥᓯᐧᒃ᙮ ᐊᑯ ᒥᓯᐛ ᐊᐛᓐ ᒂ ᐃᔅᒋᔄᑦ, “ᓇᒪ ᐱᒪᑎᓯᐤ᙮” 27ᒋᓴᔅ ᒋ ᐅᑎᓂᒺᐤ ᐅᑎᒋᔪᐤ ᐊᓂᔭ ᓇᐸᓴ ᐊᑯ ᒂ ᐎᒋᐊᑦ ᒂ ᐊᑎ ᐅᓂᔨᒋ᙮ ᒂ ᐱᓯᑯᑦ ᐊᓐ ᓇᐸᔅ᙮
28ᒂ ᐊᑎ ᔅᑐᑕᑦ ᒋᓴᔅ ᐊᑯ ᒂ ᐱᒐᑦ ᒥᒋᐛᐱᔪᐤ᙮ ᐅᒋᔅᒋᓄᐊᒧᐛᑭᓇ ᒪᒃ ᒋ ᑯᒂᒋᒥᑯᐤ ᒥᒄ ᐎᔨᐛᐤ ᐊ ᑕᒡ, “ᒐᒂᓐ ᐛᒋ ᐊᑲ ᐅᒋ ᐃᑐᑐᐅᒋᒡ ᓂᔭᓐ ᒥᒋ ᐊᒐᐧᒄ ᒐᒋ ᐎᐎᑦ ᐊᓐᑕ ᐊᓂᔭ ᐊᐛᔪᐛ ᑲ ᐱᒋᔅᑯᐛᑦ ?” 29ᒋ ᐃᓯ ᐎᑎᒪᑯᐅᒡ ᒪᒃ ᒋᓴᓴ, “ᒥᒄ ᐊᔭᒪᐛᑎᓯᒐ ᑭᔭ ᐊᑲ ᐅᑎᓇᒐ ᐊᐛᓐ ᒥᒋᒥᔪᐤ, ᐊᑯᑕ ᒥᒄ ᒐᒋ ᐎᐎᔨᒋ ᐅᔭ ᑲ ᐃᑕᔨᑕᑯᓯᔨᒋ ᒥᒋ ᐊᒐᒂ᙮ ᓇᒪ ᒥᓐ ᑎᑯᓂᔪᐤ ᑕᓐ ᒐᒋ ᐃᑎᑦ ᐊᐛᓐ᙮”
ᒥᓐ ᑲ ᐊᔨᒧᑕᐧᒃ ᒋᓴᔅ ᒐ ᓂᐱᑦ
ᒪᑎᔪᐤ 17.22,23; ᓗᒃ 9.43-45
Mark 9.30-37 (Proper-20 Year B)
30ᒋᓴᔅ ᑭᔭ ᐅᒋᔅᒋᓄᐊᒧᐛᑭᓇ ᒋ ᔅᑐᑕᐅᒡ ᐊᓐᑕ ᐅᒋ ᐊᑯ ᒥᒄ ᒂ ᓴᐳᑐᐛᔅᑲᒡ ᑲᓕᓕ ᐊᔅᒋᔪᐤ ᐃᔅᐱ ᐊᓐᑕ ᑲ ᑕᒡ᙮ ᒋᓴᔅ ᒪᒃ ᓇᒪ ᐅᒋ ᓂᑐᐛᔨᒪᐤ ᒐᒋ ᒋᔅᒐᔨᒥᑯᑦ ᐊᐛᔪᐛ ᐊᓐᑕ ᐊ ᑕᑦ, 31ᐛᔅ ᒪᒂᒡ ᒋ ᒋᔅᑯᑎᒧᐛᐤ ᐅᒋᔅᒋᓄᐊᒧᐛᑭᓇ᙮ ᒋ ᐃᑕᐤ, “ᓇᐸᐛ ᐊ ᑕᔨᒋ ᒋᑭ ᐃᓯ ᐱᔅᑎᓇᑭᓄᐤ ᐃᔪᐤ ᐅᑯᓯᓴᓐ ᒐᒋ ᓂᐸᐃᑯᑦ᙮ ᒥᒄ ᒪᒃ ᓂᔅᑐ ᒋᓯᑲᐛ ᐃᔅᐱᔅ ᐊᑯ ᒐ ᐅᓂᔅᑲᑦ ᓂᐳᐅᓂᒡ ᐅᒡ᙮” 32ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᓂᔅᑐᑎᒧᒡ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐅᔭ ᑲ ᐃᔅᒋᔄᔨᒋ, ᒋ ᓴᒋᓱᐅᒡ ᑭᔭ ᒐᒋ ᑯᒂᒋᒪᒡ᙮
ᐊᐛᓐ ᒪᐅᒡ ᓂᑲᓐ ᐊ ᐃᑕᔨᑕᑯᓯᑦ
ᒪᑎᔪᐤ 18.1-5; ᓗᒃ 9.46-48
33ᒋ ᐅᑎᑎᒧᒡ ᑲᐳᕐᓇᐊᒻ, ᐃᔅᐱ ᒪᒃ ᐱᑎᑭᒥᒡ ᐊ ᑕᒡ ᐊᓂᔭ ᒥᒋᐛᐱᔪᐤ ᒐ ᑕᒡ ᐊᑯ ᒋᓴᔅ ᒂ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ, “ᒐᒂᓐ ᐊᓐ ᓇᔅᒡ ᑲ ᒥᔅᑎ ᐃᔭᔨᒧᑎᒪᒄ ᐊᓐᑕ ᑲ ᐸᒋ ᐱᒧᑕᔭᐧᒄ ?” 34ᓇᒪ ᐅᒋ ᒋ ᔅᑐᑎᑯᐤ, ᐛᔅ ᐊᓂᔭ ᒪᒂᒡ ᑲ ᐱᒧᑕᒡ ᒋ ᒥᒋᐱᔪᒡ ᐊᐛᓐ ᐊᓐᑕ ᐊ ᑎᓯᒡ ᒪᐅᒡ ᒐ ᒋᔅᑕᔨᑕᑯᓯᑦ᙮
35ᒋ ᐛᐛᔨᐳᐤ ᒋᓴᔅ, ᒂ ᐎᓴᒪᑦ ᐊᓂᔭ ᓂᓱᓴᑉ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑕᑦ, “ᐊᓐ ᐊᐛᓐ ᓇᑐᐛᔨᑎᒧᒂ ᐎᔾ ᓇᔅᒡ ᓂᑲᓐ ᒐᒋ ᐃᑕᔨᑕᑯᓯᑦ, ᑭᑈ ᒪᔅᑕᔾ ᒋᐸ ᐃᓯ ᐱᔅᑎᓂᓱᐤ ᑭᔭ ᒥᓯᐛ ᐊᐛᔪᐛ ᒋᐸ ᒥᔪ ᐊᑐᔅᑯᐛᐤ᙮”
36ᐊᑯ ᐛᑎᓇᑦ ᐊᐛᓴ ᒂ ᐅᑎᔅᑯᑲᐳᐊᑦ ᐊᓐᑕ ᒪᒂᒡ ᐊ ᑕᒡ᙮ ᒂ ᐛᐅᒋᑯᔪᐛᓇᑦ ᐊᑯ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, 37“ᐊᐛᓐ ᐊ ᐅᑎᓇᑦ ᐸᐃᒄ ᐊᐛᓴ ᓂᑦ ᐃᓯᓂᐧᑲᓱᐅᓂᒡ ᐅᒋ, ᒧᔭᒻ ᑭᔭ ᓂᔾ ᐊ ᐅᑎᓂᑦ ᐊᐅᑯᓐ ᐊ ᐃᓯᓇᑯᓂᔨᒡ᙮ ᐊᓐ ᒪᒃ ᐊᐛᓐ ᑲ ᐅᑎᓂᑦ ᓇᒪᔭᐤ ᓂᔾ ᐛᑎᓂᑦ, ᐊᓂᔭᔪᐛ ᑲ ᐸᒋ ᐃᑎᓴᐅᔨᒋ ᐊᐅᑯᓂ ᐊᓂᔭ ᐛᑎᓇᑦ᙮”
ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ᐎᒋᐃᑯᓄᐤ
ᓗᒃ 9.49,50
Mark 9.38-50 (Proper-21 Year B)
38ᒠᓐ ᒪᒃ ᒋ ᐃᑕᐤ ᒋᓴᓴ, “ᒋᔅᑯᑎᒪᒐᓱᐤ, ᓂᒋ ᐛᐱᒪᓇᓐ ᓇᐸᐤ ᐊ ᐎᐎᑎᓴᐛᑦ ᒥᒋ ᐊᒐᒂ ᒋᑦ ᐃᓯᓂᐧᑲᓱᐅᓂᔪᐤ ᐊ ᐊᐱᒋᑕᑦ, ᐊᑯ ᒂ ᒋᑕᐊᒧᐎᒋᑦ, ᐛᔅ ᐊᓐ ᑕᐸ ᐅᑕ ᒋᔭᓄᐤ ᐊ ᑕᐛᐧᒄ ᐃᓯ ᐎᒋᐃᐛᐤ᙮”
39ᐊᑯ ᒂ ᐃᑎᑯᒡ ᒋᓴᓴ, “ᐊᑲᐎᔾ ᒋᑕᐊᒧᐛᐧᒄ, ᑕᐸ ᐛᔅ ᐊᓐ ᓂᑭ ᐅᒋ ᐎ ᒥᒋ ᐊᔨᒧᒥᒄ ᐊᑯ ᐊᐛᓐ ᐛᔅ ᒧᔭᒻ ᒋ ᐃᑐᑕᒐ ᒪᒥᔅᑲᒡ ᐃᑐᐅᓂᔪᐤ ᓂᑦ ᐃᓯᓂᐧᑲᓱᐅᓂᔪᐤ ᐊᒋ ᐊᐱᒋᑕᑦ᙮ 40ᐛᔅ ᐊᓐ ᐊᐛᓐ ᐊᑲ ᓂᔅᑯᔅᑕᑕᐧᒄ ᒋ ᐎᒋᐃᑯᓄᐤ᙮ 41ᒋᒋᐛ ᒪᒃ ᒋᑦ ᐃᑎᓇᐛᐤ, ᐊᓐ ᐊᐛᓐ ᒐ ᒥᓇᐃᑕᒄ ᓂᐱᔪᐤ ᐊᓂᔭ ᐅᒋ ᙭ ᐊ ᐎᒐᐛᒄ, ᒐᔅᑎᓇᔅ ᒋᑭ ᒥᔭᑭᓄᐤ ᐅᑎᐸᐊᒪᑯᓯᐅᓐ᙮”
ᐊ ᑎᒂᒡ ᓂᓇᐧᑯᐤ ᑯᒂᒋᐃᐛᐅᓐ
ᒪᑎᔪᐤ 18.6-9; ᓗᒃ 17.1,2
42ᒋᓴᔅ ᒋ ᐊᑎ ᐃᑕᐤ, “ᐊᓐ ᐊᐛᓐ ᒐ ᐃᑐᑐᐛᒂ ᒐᒋ ᒥᒋᑐᑎᒥᔨᒋ ᐸᐃᒄ ᐅᔭ ᐊᐛᓴ ᑲ ᑕᑈᔭᔨᒥᔨᒋ ᐃᐛᒃ ᒋᑭ ᒥᔽᔪᐤ ᒐᒋ ᒪᑯᐱᑕᑭᓄᔨᒋ ᐊ ᒥᒐᐱᔅᒋᓯᔨᒋ ᐊᓯᓂᔭ ᐅᑯᔭᒡ ᑭᔭ ᒐᒋ ᐱᑭᔅᑐᐛᐱᓇᑭᓄᐅᑦ ᐊᓐᑕ ᐎᓂᐸᑯᒡ᙮ 43ᐛᔅ ᒧᔭᒻ ᒪᒃ ᑐᑕᑯᔨᓇ ᔅᑎᒋᔾ ᒐᒋ ᒥᒋᑐᑎᒥᓐ, ᐊᑯᔅ ᒐ ᒥᓯᒥᓐ ᐊᓐ ᔅᑎᒋᔾ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊᑲ ᑎᒂᒡ ᐸᐃᒄ ᔅᑎᒋᔾ ᐃᔅᐱᔅ ᑕᐱᔅᑯᓐ ᔅᑎᒋᔭ ᒐᒋ ᐊᔭᔨᓐ ᒥᒋ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ, ᐊᓐᑕ ᒐ ᐊᑲ ᓂᑕ ᐊᔅᑐᐛᒡ ᐊᓐ ᐃᔅᑯᑕᐤ᙮ 44ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮ 45ᒪᒃ ᒋᓯᑦ ᑐᑕᑯᔨᓇ ᒐᒋ ᒥᒋᑐᑎᒥᓐ, ᒐ ᒋᒥᓯᒥᓐ ᐊᓐ ᒋᓯᑦ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᐱᒪᑎᓯᐅᓂᒡ ᐊ ᒪᔅᒋᐱᔨᓐ ᐃᔅᐱᔅ ᐊ ᐊᔭᔨᓐ ᑕᐱᔅᑯᓐ ᒋᓯᑕ ᒥᒋ ᐃᔅᑯᑕᒡ ᒪᒃ ᒐ ᐃᓯ ᐛᐱᓂᑯᔨᓐ, ᐊᓐᑕ ᒐ ᐊᑲ ᓂᑕ ᐊᔅᑐᐛᒡ ᐃᔅᑯᑕᐤ, 46‘ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮’ 47ᒪᒃ ᒋᔅᒋᓯᒄ ᑐᑕᑯᔨᓇ ᒐᒋ ᒥᒋᑐᑎᒥᓐ, ᐊᑯᔅ ᑯᐃᑯᐱᑕ ᐊᓐ ᒋᔅᒋᓯᒄ᙮ ᐃᐛᒃ ᒋᑭ ᒥᔽᐤ ᒐᒋ ᐱᒐᔨᓐ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒥᒄ ᐊ ᓂᐱᑕᔭᐱᔨᓐ ᐃᔅᐱᔅ ᐎ ᑕᐱᔅᑯᓐ ᒐᒋ ᑭᓄᐛᔨᑎᒥᓐ ᒋᔅᒋᓯᒂ ᒥᒋ ᐃᔅᑯᑕᒡ ᒪᒃ ᒐᒋ ᐃᑐᑕᔨᓐ᙮
48ᐛᔅ ᐊᑯᑕ ᐅᑕ ᒥᒋ ᐃᔅᑯᑕᒡ ᓇᒪ ᓂᑕ ᒋᑭ ᐅᒋ ᓂᐱᔪᐛ ᐊᓂᔭᔪᐛ ᒥᓐᑐᓴ ᒐ ᒧᐅᑯᒡ ᐊᓐᒡ ᐊᓐᑕ ᑲ ᑕᒡ᙮ ᑭᔭ ᓇᒪ ᓂᑕ ᒋᑭ ᐅᒋ ᐊᔅᑐᐛᔪᐤ ᐊᓂᔭ ᐃᔅᑯᑕᔪᐤ ᒐ ᐃᔎᓱᑯᒡ᙮”
49“ᒥᓯᐛ ᐊᐛᓐ ᐃᔅᑯᑕᔪᐤ ᒋᑭ ᐊᐱᑎᓂᔪᐤ ᐊ ᐎ ᒥᔪᓇᑯᑕᑭᓄᐎᒡ ᐅᐱᒪᑎᓯᐅᓐ ᒧᔭᒻ ᑕᓐ ᐊ ᐃᑕᐱᑎᒡ ᓯᐅᑕᑭᓐ, ᒥᒋᒥᒡ ᐊ ᐊᔅᑕᑭᓄᐅᒡ ᒐ ᐊᑲ ᒋ ᐃᔭᔪᐛᒡ ᐊᓐ ᒥᒋᒻ᙮ 50ᒥᔪ ᐊᐱᑎᓐ ᓯᐅᑕᑭᓐ, ᒥᒄ ᒪᒃ ᐛᔅ ᒧᔭᒻ ᐊᑲ ᓴᐱᔅᐳᑯᒐ ᑕᓐ ᒐᒋ ᐃᑐᑎᒥᓐ ᒥᓐ ᒐᒋ ᒥᔽᒡ᙮ ᐊᑯ ᒪᒃ ᒋᔨᐛᐤ ᐊᓐᑕ ᐊ ᑕᔭᒄ ᒧᔭᒻ ᐊᒋ ᓯᐅᐃᑯᔭᒄ ᒋᐸ ᐃᑕᔨᑕᑯᓯᓇᐛᐤ ᑭᔭ ᒋᐸ ᒋᔭᒪᔨᑕᑯᓐ ᐊᓐᑕ ᐊ ᑕᔭᒄ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada