ᒪᕐᒃ 8
8
ᒋᓴᔅ ᑲ ᐊᓯᒪᑦ ᓇᐛᐤ ᒐᓯᐱᔪᐤ ᐊᐛᔪᐛ
ᒪᑎᔪᐤ 15.32-39
1ᓇᒪ ᓇᐅᔅ ᐊᓐᑕ ᐃᔅ ᐊᑯ ᒥᓐ ᒥᒐᑦ ᐊᐛᓐᒋ ᒂ ᐸᒋ ᒪᒧᐎᒡ᙮ ᐃᔅᐱ ᒪᒃ ᐊᑲ ᑎᑯᓂᔨᒡ ᒐᒂᔪᐤ ᒐ ᒥᒋᒡ ᒋᓴᔅ ᒋ ᐎᓴᒪᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑕᑦ, 2“ᓂ ᒋᔅᑎᒪᒐᔨᒪᐅᒡ ᐅᒡ ᐃᔪᒡ᙮ ᓴᔅ ᓂᔅᑐ ᒋᓯᑲᐛ ᑲ ᐃᔅᐱᔅ ᑕᒡ ᐅᑕ ᐊ ᑕᐅᒡ ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ᒥᒋᒡ᙮ 3ᒋᐛᑎᓴᐅᒂᐛ ᐊᑲ ᐛᐛᒡ ᐊᓯᒥᒂᐤ ᒋᑭ ᐃᓯᓇᑯᓂᔪᐤ ᒐᒋ ᓄᑕᐧᑭᑕᒡ ᒪᒂᒡ ᐊ ᐱᒧᑕᒡ ᐛᔅ ᐱᔅᒐ ᐅᒡ ᐃᔪᒡ ᒋᒋᐛ ᐛᔪᐤ ᒋ ᐅᑐᑕᐅᒡ᙮”
4ᐊᑯ ᒂ ᑯᒂᒋᒥᑯᑦ ᐅᒋᔅᒋᓄᐊᒧᐛᑭᓇ, “ᑕᓐᑕ ᒪᒃ ᒐᒋ ᐅᑎᓇᐧᒃ ᐊᐛᓐ ᒥᒋᒥᔪᐤ ᐅᑕ ᐅ ᐊ ᐸᐧᑯᑎᔅᑭᒥᑲᒡ ᒥᓯᐛ ᐅᒡ ᐃᔪᒡ ᒐᒋ ᐊᓯᒪᑭᓄᐅᒡ ?” 5ᒋᓴᔅ ᒪᒃ ᒋ ᐃᑕᐤ, “ᑕᓐ ᑕᑐᐤ ᐸᒂᓯᑭᓐᒡ ᐊ ᐊᔭᐛᑯᒡ ?” “ᓂᔄᐅᑕᒡ ᐃᑕᑎᓱᐅᒡ,” ᒋ ᐃᑕᐅᒡ᙮
6ᐊᑯ ᒋᓴᔅ ᒂ ᐃᑎᓱᐛᑕᑦ ᐊᓂᔭᔪᐛ ᐃᔪᐛ ᒐᒋ ᐛᐛᔨᐱᐃᓱᔨᒋ ᐊᓐᑕ ᒧᔅᑎᔅᑭᒥᒡ᙮ ᒂ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒂ ᐸᒂᓇᑦ ᐊᓂᔭ ᐸᒂᓯᑭᓇ, ᒂ ᒪᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓄᐛᔨᒋ᙮ ᐊᐅᑯᓐ ᒪᒃ ᑲ ᐃᑎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ 7ᒋ ᐊᔭᐛᐅᒡ ᐊᓯᒡ ᓂᒪᓴ ᐊᔭᐱᓯᓯᔨᒋ, ᓇᒪ ᐅᒋ ᒥᒐᑎᔪᐛ᙮ ᒋᓴᔅ ᒋ ᓂᓇᔅᑯᒧᐤ, ᒋ ᐅᑎᓄᐤ ᐅᔭ ᓂᒪᓴ ᐊᑯ ᒂ ᐃᑎᓱᐛᑕᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓄᐛᔨᒋ ᑭᔭ ᐅᔭ᙮ 8ᒥᓯᐛ ᑲ ᑎᓯᒡ ᒋ ᒥᒋᓱᐅᒡ ᑭᔭ ᒋ ᑕᐱᔅᑯᔪᒡ᙮ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᒪᒧᓴᒋᓇᒡ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᔄᐅᑕᒡ ᒪᒃ ᐅᑎᐱᐅᑕ ᒋ ᓴᑭᔅᒋᓂᑕᐅᒡ᙮ 9ᓴᓯᑲᓐ ᒪᒃ ᓇᐛᐤ ᒐᓯᐱᔪᐤ ᒋ ᑕᑎᓯᓇᓄᐅᔪᐤ ᐊᓐᑕ᙮ 10ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐃᔪᐛ ᒥᓯᐛ ᒐᒋ ᒋᐛᔨᒋ᙮ ᐊᑯ ᒂ ᐊᑎ ᐎᒋᐳᓯᒪᑦ ᐅᒋᔅᒋᓄᐊᒧᐛᑭᓇ ᓇᑕ ᑕᓪᒪᓄᑕᒡ ᑲ ᐃᔅᒋᒪᒡ᙮
ᐸᕆᓯᔨᒡ ᑲ ᑯᒂᒋᒐᒧᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐃᑐᐅᓂᔪᐤ
ᒪᑎᔪᐤ 16.1-4
11ᒋ ᑕᐅᒡ ᐱᔅᒐ ᐸᕆᓯᔨᒡ ᐊ ᐸᒋ ᓂᑐᐛᐱᒪᒡ ᒋᓴᓴ ᐊ ᐸᒋ ᒥᒋᑕᑯᓯᒡ᙮ ᒋ ᓇᓂᔎᐅᓯᐊᐅᒡ ᐊ ᐎ ᓇᓂᑐᐤ ᑯᒂᒋᐊᒡ, ᐊᑯ ᒂ ᐃᑕᒡ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ᐅᒋᒥᑭᓂᔨᒡ᙮ 12ᒋᓴᔅ ᒪᒃ ᒋ ᔭᐧᑭᑕᒧᐤ ᐅᑦ ᐊᒐᐧᑯᒡ ᐊᑯ ᒂ ᐃᔅᒋᔄᑦ, “ᒐᒂᓐ ᐛᒋ ᓂᑐᐛᔨᑕᒡ ᐃᔪᒡ ᐊᓄᒡ ᒐᓯᑲᔨᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ᙮ ᑯᐃᔅᒄ ᒋ ᐎᑎᒪᑎᓇᐛᐤ, ᓇᒪ ᒋᑭ ᐅᒋ ᐛᐸᑎᔨᑯᓇᐛᐤ ᒪᒥᔅᑲᒡ ᐛᐸᑎᔨᐛᐅᓐ ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ?” 13ᒋ ᓂᑭᑕᐤ ᐊᓂᔭ ᐸᕆᓯᐊ ᐊᑯ ᒂ ᐳᓯᑦ ᒥᓐ ᐅᐤᑎᒡ ᐊᑯ ᓇᑕ ᐊᑲᒥᒡ ᐊᓂᔭ ᓴᑲᐃᑭᓂᔪᐤ ᒂ ᐃᔅᒋᒪᑦ᙮
ᐸᕆᓯᔨᒡ ᑭᔭ ᒋᓴᐅᒋᒪᐤ ᐊᕈᑦ ᐅᐱᓯᑲᓂᒧᐛᐤ
ᒪᑎᔪᐤ 16.5-12
14ᐊᓐᒡ ᒋᔅᒋᓄᐊᒧᐛᑭᓐᒡ ᒥᒄ ᐸᐃᒄ ᐸᒂᓯᑭᓇ ᒋ ᐸᒋ ᓂᒪᓯᐱᓐᒡ ᐊᒋ ᐅᓂᒋᔅᒋᓱᐛᒂ ᐊᔪᐛᒃ ᒐᒋ ᐊᔭᐛᒡ᙮ 15ᒋᓴᓴ ᒋ ᐃᓯ ᐃᔭᒂᒥᒥᑯᐅᒡ, “ᐃᔭᒂᒄ, ᐃᔭᒂᒥᔅᑎᒧᐛᑯ ᐅᐱᓯᑲᓂᒧᐛᐤ ᐸᕆᓯᔨᒡ ᑭᔭ ᒪᒃ ᐊᕈᑦ ᐅᐱᓯᑲᓂᒪ᙮” 16ᒋ ᐃᔭᔨᒧᑎᒧᒡ ᐊᓂᔭ ᑲ ᐃᑎᑯᒡ ᒋᓴᓴ ᐊ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ᐃᔅᒋᔄᑦ᙮”
17ᒋᓴᔅ ᒪᒃ ᒋ ᒋᔅᒐᔨᒪᐤ ᑕᓐ ᐊ ᐃᔅᒋᔄᔨᒋ ᐊᑯ ᒂ ᑯᒂᒋᒪᑦ, “ᒐᒂᓐ ᐛᒋ ᐊᔨᒧᑎᒪᒄ ᐊᓐ ᐊᑲ ᐊᔭᐛᒄ ᐸᒂᓯᑭᓐ ? ᓇᒪᐎᔾ ᐊ ᐊᔅᒄ ᒋ ᓂᔅᑐᑕᓇᐛᐤ ? ᒋ ᒥᔅᑯᑕᐊᓇᐛᐤ ᐊ ᑭᔭ ᒋᔨᐛᐤ ? 18ᒋ ᑭᓄᐛᔨᑕᓇᐛᐤ ᒥᔅᒋᓯᒂ, ᓇᒪᐎᔾ ᐊ ᒪᒃ ᒋ ᐛᐸᑕᓇᐛᐤ᙮ ᑭᔭ ᒥᑐᑭᔭ ᒋ ᑭᓄᐛᔨᑕᓇᐛᐤ, ᓇᒪᐎᔾ ᐊ ᒪᒃ ᒋ ᐸᑕᓇᐛᐤ ? ᓇᒪᐎᔾ ᐊ ᒋ ᒋᔅᒋᓯᓇᐛᐤ ? 19ᑲ ᐸᒂᓂᒂᐤ ᐱᑕᑕᒡ ᐸᒂᓯᑭᓐᒡ ᒐᒋ ᒥᒋᓱᒡ ᐊᓐᒡ ᐃᔪᒡ ᐱᑕᑕᒡ ᒐᓯᐱᔪᐤ ᑲ ᐃᑕᑎᓯᒡ᙮ ᑕᓐ ᒪᒃ ᑲ ᑕᑎᒋ ᐅᑎᐱᐅᑕ ᑲ ᓴᑭᔅᒋᓂᑕᔭᒄ ᐃᔅᑯᔅᑐᐛᓐ ᑲ ᒪᒧᓴᒋᓂᒪᒄ ?” “ᓂᓱᓴᑉ,” ᒋ ᐃᑕᐅᒡ᙮
20ᐊᑯ ᒋᓴᔅ ᒂ ᐃᔅᒋᔄᑦ, “ᐃᔅᐱ ᒪᒃ ᑲ ᐸᐧᑲᓂᒂᐤ ᐊᓐᒡ ᓂᔄᐅᑕᒡ ᐸᒂᓯᑭᓐᒡ ᒐᒋ ᒥᒋᓱᒡ ᐊᓐᒡ ᓇᐛᐤ ᒐᓯᐱᔪᐤ ᐃᔪᒡ ᑕᓐ ᑲ ᐃᔅᐱᓴᒡ ᒪᒃ ᐃᔅᑯᔅᑐᐛᓐ ᐊᓐᑕ ?” “ᓂᔄᐅᑕᒡ ᐅᑎᐱᐅᑕ,” ᒋ ᐃᔅᒋᔄᐅᒡ᙮ 21ᒋᓴᔅ ᒪᒃ ᒋ ᐃᑕᐤ, “ᑕᓐᑕ ᐛᒋ ᐊᑲ ᒋ ᓂᔅᑐᑎᒪᒄ ?”
ᒋᓴᔅ ᑲ ᒥᓏᒋᐊᑦ ᓇᐸᐛ ᐊᑲ ᐛᐸᑎᒥᔨᒋ ᐸᑦᓴᐃᑕᒡ ᑲ ᐅᒋᔨᒋ
22ᐃᔅᐱ ᐛᑎᑕᐊᒡ ᐸᑦᓴᐃᑕ ᒋ ᑕᐅᒡ ᐊᐛᓐᒋ ᐊ ᐸᓱᐛᒡ ᓇᐸᐛ ᐊᑲ ᐛᐸᑎᒥᔨᒋ᙮ ᓇᔅᒡ ᒋ ᓂᑐᐛᔨᒪᐅᒡ ᒋᓴᓴ ᒐᒋ ᑕᒋᓇᔨᒋ ᐊᓂᔭᔪᐛ ᓇᐸᐛ᙮ 23ᐊᑯ ᒋᓴᔅ ᒂ ᐅᑎᓂᒺᑦ ᐅᑎᒋᔪᐤ ᐊᓂᔭᔪᐛ ᓇᐸᐛ ᐊᑯ ᒂ ᐎᐎᑕᐊᑦ ᐊᓐᑕ ᐊᓂᔭ ᐅᑕᓇᔪᐤ᙮ ᐃᔅᐱ ᒪᒃ ᑲ ᓯᔅᑎᒂᑎᒺᑦ ᐅᔅᒋᓯᑯᔪᐛ ᒋ ᑕᒋᓇᐤ ᐊᑯ ᒂ ᐃᑕᑦ, “ᒋ ᐛᐸᑕᓐ ᐊ ᒐᒂᓐ ?”
24ᒋ ᑎᔅᑎᓴᐳᐤ ᐊᓐ ᓇᐸᐤ ᐊ ᐃᔅᒋᔄᑦ, “ᓂᐦᐃ, ᓂ ᐛᐱᒪᐅᒡ ᐊᐛᓐᒋ, ᒥᒄ ᒪᒃ ᒧᔭᒻ ᒥᔅᑎᑯᒡ ᐊ ᐱᐸᒧᑕᒡ ᐊᑯᓐ ᐊ ᐃᓯᓇᐅᒂᐤ᙮”
25ᒋᓴᔅ ᒥᓐ ᒂ ᑕᒋᓂᒺᑦ ᐅᔅᒋᓯᑯᔪᐛ᙮ ᐊᔪᐅᒄ ᐊᑯ ᑲ ᓴᓂᐱᔨᒋ ᓇᔅᒡ ᐊ ᒥᓏᒋᑕᑭᓄᔨᒋ, ᒥᓯᐛ ᒐᒂᔪᐤ ᒋ ᐱᔭᑭᔅᒋᓂᒻ᙮ 26ᐊᑯ ᒋᓴᔅ ᑲ ᒋᐛᑎᓴᐛᑦ ᐅᔭ ᐊ ᐃᑕᑦ, “ᐊᑲᐎᔾ ᐃᑐᑕ ᐊᓐᑕ ᐅᑕᓇᒡ᙮”
ᐱᑕᕐ ᑲ ᐎᑕᐧᒃ ᐊᐛᔪᐛ ᐊ ᐊᐎᔨᒋ ᒋᓴᓴ
ᒪᑎᔪᐤ 16.13-20; ᓗᒃ 9.18-21
Mark 8.27-38 (Proper-19 Year B)
27ᐊᑯ ᒋᓴᔅ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒂ ᐃᑐᑕᒡ ᐊᓐᑕ ᐊᓂᔭ ᐅᑕᓇᐛ ᒥᒋᒪ ᓯᓴᕆᔭ ᐱᓕᐸᐃ ᑲ ᑎᑯᓂᔨᒋ᙮ ᐊ ᐊᑎ ᐱᒧᑕᒡ ᒪᒃ ᒋ ᑯᒂᒋᒪᐤ, “ᑕᓐ ᐊ ᐃᓯ ᐊᔭᐛᔨᒥᒡ ᐃᔪᒡ ?”
28ᒋ ᐃᑕᐅᒡ ᒪᒃ, “ᐱᔅᒐ ᐊᐛᓐᒋ ᐃᔅᒋᔄᐅᒡ ᒠᓐ ᐅᓯᑲᐃᑕᒐᐤ ᐊ ᐊᐎᔨᓐ, ᐊᑯ ᑯᑎᑭᒡ ᐃᔅᒋᔄᐅᒡ ᐃᓚᐃᒐ ᐊ ᐊᐎᔨᓐ, ᐊᑯ ᒥᓐ ᑯᑎᑭᒡ ᐸᐃᒄ ᐅᒋᔅᒋᐛᐃᒐᓱᐤ ᒋᑦ ᐃᑕᔨᒥᑯᒡ᙮”
29ᐊᑯ ᒋᓴᔅ ᐊᑕᑦ, “ᒋᔨᐛᐤ ᒪᒃ ᐎ, ᐊᐛᓐ ᓂᔾ ᐊ ᐃᑕᔨᒥᔭᒄ ?” ᐱᑕᕐ ᒋ ᐃᑕᐤ, “ᐊᐅᒄ ᒋᔾ ᙭᙮”
30ᐊᑯ ᒋᓴᔅ ᒂ ᐃᑎᓱᒪᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ᙮
ᒋᓴᔅ ᑲ ᐊᔨᒧᑕᐧᒃ ᒐ ᐃᓯ ᐎᓯᒐᔨᑕᐧᒃ ᑭᔭ ᒐ ᓂᐱᑦ
ᒪᑎᔪᐤ 16.21-28; ᓗᒃ 9.22-27
Mark 8.31-38 (Lent-2 Year B)
31ᐊᑯ ᒋᓴᔅ ᒂ ᒋᒋᐱᔨᑦ ᐊ ᒋᔅᑯᑎᒧᐛᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᓂᑐᐛᔨᑕᑯᓂᔪᐤ ᐃᔪᐤ ᐅᑯᓯᓴᓐ ᒐᒋ ᒥᔅᑎ ᐎᓯᒐᔨᑎᒥᐊᑭᓄᐅᑦ ᑭᔭ ᓇᒪ ᒋᑭ ᐅᒋ ᐊᐱᑕᔨᒥᑯᐤ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ᙮ ᒋᑭ ᓂᐸᐊᑭᓄᐤ, ᒥᒄ ᒪᒃ ᐃᔅᐱ ᓂᔅᑐ ᒋᓯᑲᐛ ᐅᑎᒋᐱᔨᒐ ᒋᑭ ᐅᓂᐤ ᓂᐳᐅᓂᒡ ᐅᒡ᙮” 32ᐅᔭ ᒪᒃ ᑲ ᐃᓯ ᐃᔨᒪᐊᑦ ᓇᔅᒡ ᒋ ᐱᔭᑭᔅᒋᑕᑯᑕᐛᐤ ᒐᒋ ᓂᔅᑐᑎᒥᔨᒋ᙮ ᐊᑯ ᐱᑕᕐ ᑎᐸᓐ ᒂ ᐃᑐᑕᐊᑦ ᒋᓴᓴ, ᑲ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐊᑲᐎᔾ ᐃᔅᒋᔄ ᐊᓐ ᑲ ᐃᔅᒋᔄᔨᓐ᙮”
33ᒋᓴᔅ ᒪᒃ ᒋ ᒂᔅᒋᑲᐳᐤ ᒂ ᐸᑕᔅᑎᒥᑲᐳᔅᑐᐛᑦ ᐅᒋᔅᒋᓄᐊᒧᐛᑭᓇ ᐊᑯ ᒂ ᐊᓏᔨᒪᑦ ᐱᑕᕋ ᐊ ᐃᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐊᓐ ᑕᓐ ᐊ ᐃᑕᔨᑎᒥᐃᑯᔨᓐ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ, ᐃᔪᐤ ᐊ ᑕᑦ ᐅᒋᐱᔪᐛ᙮”
34ᐊᑯ ᒋᓴᔅ ᒂ ᐎᓴᒪᑦ ᒥᒋᒪ ᒐᒋ ᐸᒋ ᓇᒋᑲᐳᔨᒋ ᐊᓂᔭ ᐊᓐᑕ ᑲ ᒪᒧᔨᒋ ᐊᐛᔪᐛ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮ 35ᐛᔅ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ᐅᓂᑕᐤ᙮ ᐊᓐ ᒪᒃ ᐊᐛᓐ ᒐ ᐱᔅᑎᓂᒧᒂ ᒥᓯᐛ ᒐᒂᔪᐤ ᑕᓐ ᑲ ᐎ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ᓇᓴᐅᑦ ᑭᔭ ᒥᔽᒋᒧᐅᓂᔪᐤ ᐅᒋ ᐊᐅᑯᓐ ᐅ ᒐ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮ 36ᑕᓐ ᒪᒃ ᒐᒋ ᐃᓯ ᐎᒋᐃᑯᑦ ᐊᐛᓐ ᐊᑎ ᒥᓯᐛ ᒐᒂᔪᐤ ᒋ ᐎᐧᑯᒋᑎᒪᓱᒐ ᐅᑕ ᐊᔅᒋᒡ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐅᓂᑕᒂ ᒪᒃ ᐅᐱᒪᑎᓯᐅᓐ ? 37ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᐧᒃ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ᙮ 38ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”
Currently Selected:
ᒪᕐᒃ 8: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᕐᒃ 8
8
ᒋᓴᔅ ᑲ ᐊᓯᒪᑦ ᓇᐛᐤ ᒐᓯᐱᔪᐤ ᐊᐛᔪᐛ
ᒪᑎᔪᐤ 15.32-39
1ᓇᒪ ᓇᐅᔅ ᐊᓐᑕ ᐃᔅ ᐊᑯ ᒥᓐ ᒥᒐᑦ ᐊᐛᓐᒋ ᒂ ᐸᒋ ᒪᒧᐎᒡ᙮ ᐃᔅᐱ ᒪᒃ ᐊᑲ ᑎᑯᓂᔨᒡ ᒐᒂᔪᐤ ᒐ ᒥᒋᒡ ᒋᓴᔅ ᒋ ᐎᓴᒪᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑕᑦ, 2“ᓂ ᒋᔅᑎᒪᒐᔨᒪᐅᒡ ᐅᒡ ᐃᔪᒡ᙮ ᓴᔅ ᓂᔅᑐ ᒋᓯᑲᐛ ᑲ ᐃᔅᐱᔅ ᑕᒡ ᐅᑕ ᐊ ᑕᐅᒡ ᓇᒪ ᒪᒃ ᓴᔅ ᑎᑯᓂᔪᐤ ᒐᒂᔪᐤ ᒐ ᒥᒋᒡ᙮ 3ᒋᐛᑎᓴᐅᒂᐛ ᐊᑲ ᐛᐛᒡ ᐊᓯᒥᒂᐤ ᒋᑭ ᐃᓯᓇᑯᓂᔪᐤ ᒐᒋ ᓄᑕᐧᑭᑕᒡ ᒪᒂᒡ ᐊ ᐱᒧᑕᒡ ᐛᔅ ᐱᔅᒐ ᐅᒡ ᐃᔪᒡ ᒋᒋᐛ ᐛᔪᐤ ᒋ ᐅᑐᑕᐅᒡ᙮”
4ᐊᑯ ᒂ ᑯᒂᒋᒥᑯᑦ ᐅᒋᔅᒋᓄᐊᒧᐛᑭᓇ, “ᑕᓐᑕ ᒪᒃ ᒐᒋ ᐅᑎᓇᐧᒃ ᐊᐛᓐ ᒥᒋᒥᔪᐤ ᐅᑕ ᐅ ᐊ ᐸᐧᑯᑎᔅᑭᒥᑲᒡ ᒥᓯᐛ ᐅᒡ ᐃᔪᒡ ᒐᒋ ᐊᓯᒪᑭᓄᐅᒡ ?” 5ᒋᓴᔅ ᒪᒃ ᒋ ᐃᑕᐤ, “ᑕᓐ ᑕᑐᐤ ᐸᒂᓯᑭᓐᒡ ᐊ ᐊᔭᐛᑯᒡ ?” “ᓂᔄᐅᑕᒡ ᐃᑕᑎᓱᐅᒡ,” ᒋ ᐃᑕᐅᒡ᙮
6ᐊᑯ ᒋᓴᔅ ᒂ ᐃᑎᓱᐛᑕᑦ ᐊᓂᔭᔪᐛ ᐃᔪᐛ ᒐᒋ ᐛᐛᔨᐱᐃᓱᔨᒋ ᐊᓐᑕ ᒧᔅᑎᔅᑭᒥᒡ᙮ ᒂ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᐊᑯ ᒂ ᐸᒂᓇᑦ ᐊᓂᔭ ᐸᒂᓯᑭᓇ, ᒂ ᒪᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓄᐛᔨᒋ᙮ ᐊᐅᑯᓐ ᒪᒃ ᑲ ᐃᑎᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮ 7ᒋ ᐊᔭᐛᐅᒡ ᐊᓯᒡ ᓂᒪᓴ ᐊᔭᐱᓯᓯᔨᒋ, ᓇᒪ ᐅᒋ ᒥᒐᑎᔪᐛ᙮ ᒋᓴᔅ ᒋ ᓂᓇᔅᑯᒧᐤ, ᒋ ᐅᑎᓄᐤ ᐅᔭ ᓂᒪᓴ ᐊᑯ ᒂ ᐃᑎᓱᐛᑕᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓄᐛᔨᒋ ᑭᔭ ᐅᔭ᙮ 8ᒥᓯᐛ ᑲ ᑎᓯᒡ ᒋ ᒥᒋᓱᐅᒡ ᑭᔭ ᒋ ᑕᐱᔅᑯᔪᒡ᙮ ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᒪᒧᓴᒋᓇᒡ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᔄᐅᑕᒡ ᒪᒃ ᐅᑎᐱᐅᑕ ᒋ ᓴᑭᔅᒋᓂᑕᐅᒡ᙮ 9ᓴᓯᑲᓐ ᒪᒃ ᓇᐛᐤ ᒐᓯᐱᔪᐤ ᒋ ᑕᑎᓯᓇᓄᐅᔪᐤ ᐊᓐᑕ᙮ 10ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐃᔪᐛ ᒥᓯᐛ ᒐᒋ ᒋᐛᔨᒋ᙮ ᐊᑯ ᒂ ᐊᑎ ᐎᒋᐳᓯᒪᑦ ᐅᒋᔅᒋᓄᐊᒧᐛᑭᓇ ᓇᑕ ᑕᓪᒪᓄᑕᒡ ᑲ ᐃᔅᒋᒪᒡ᙮
ᐸᕆᓯᔨᒡ ᑲ ᑯᒂᒋᒐᒧᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐃᑐᐅᓂᔪᐤ
ᒪᑎᔪᐤ 16.1-4
11ᒋ ᑕᐅᒡ ᐱᔅᒐ ᐸᕆᓯᔨᒡ ᐊ ᐸᒋ ᓂᑐᐛᐱᒪᒡ ᒋᓴᓴ ᐊ ᐸᒋ ᒥᒋᑕᑯᓯᒡ᙮ ᒋ ᓇᓂᔎᐅᓯᐊᐅᒡ ᐊ ᐎ ᓇᓂᑐᐤ ᑯᒂᒋᐊᒡ, ᐊᑯ ᒂ ᐃᑕᒡ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ᐅᒋᒥᑭᓂᔨᒡ᙮ 12ᒋᓴᔅ ᒪᒃ ᒋ ᔭᐧᑭᑕᒧᐤ ᐅᑦ ᐊᒐᐧᑯᒡ ᐊᑯ ᒂ ᐃᔅᒋᔄᑦ, “ᒐᒂᓐ ᐛᒋ ᓂᑐᐛᔨᑕᒡ ᐃᔪᒡ ᐊᓄᒡ ᒐᓯᑲᔨᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ᙮ ᑯᐃᔅᒄ ᒋ ᐎᑎᒪᑎᓇᐛᐤ, ᓇᒪ ᒋᑭ ᐅᒋ ᐛᐸᑎᔨᑯᓇᐛᐤ ᒪᒥᔅᑲᒡ ᐛᐸᑎᔨᐛᐅᓐ ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ?” 13ᒋ ᓂᑭᑕᐤ ᐊᓂᔭ ᐸᕆᓯᐊ ᐊᑯ ᒂ ᐳᓯᑦ ᒥᓐ ᐅᐤᑎᒡ ᐊᑯ ᓇᑕ ᐊᑲᒥᒡ ᐊᓂᔭ ᓴᑲᐃᑭᓂᔪᐤ ᒂ ᐃᔅᒋᒪᑦ᙮
ᐸᕆᓯᔨᒡ ᑭᔭ ᒋᓴᐅᒋᒪᐤ ᐊᕈᑦ ᐅᐱᓯᑲᓂᒧᐛᐤ
ᒪᑎᔪᐤ 16.5-12
14ᐊᓐᒡ ᒋᔅᒋᓄᐊᒧᐛᑭᓐᒡ ᒥᒄ ᐸᐃᒄ ᐸᒂᓯᑭᓇ ᒋ ᐸᒋ ᓂᒪᓯᐱᓐᒡ ᐊᒋ ᐅᓂᒋᔅᒋᓱᐛᒂ ᐊᔪᐛᒃ ᒐᒋ ᐊᔭᐛᒡ᙮ 15ᒋᓴᓴ ᒋ ᐃᓯ ᐃᔭᒂᒥᒥᑯᐅᒡ, “ᐃᔭᒂᒄ, ᐃᔭᒂᒥᔅᑎᒧᐛᑯ ᐅᐱᓯᑲᓂᒧᐛᐤ ᐸᕆᓯᔨᒡ ᑭᔭ ᒪᒃ ᐊᕈᑦ ᐅᐱᓯᑲᓂᒪ᙮” 16ᒋ ᐃᔭᔨᒧᑎᒧᒡ ᐊᓂᔭ ᑲ ᐃᑎᑯᒡ ᒋᓴᓴ ᐊ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ᐃᔅᒋᔄᑦ᙮”
17ᒋᓴᔅ ᒪᒃ ᒋ ᒋᔅᒐᔨᒪᐤ ᑕᓐ ᐊ ᐃᔅᒋᔄᔨᒋ ᐊᑯ ᒂ ᑯᒂᒋᒪᑦ, “ᒐᒂᓐ ᐛᒋ ᐊᔨᒧᑎᒪᒄ ᐊᓐ ᐊᑲ ᐊᔭᐛᒄ ᐸᒂᓯᑭᓐ ? ᓇᒪᐎᔾ ᐊ ᐊᔅᒄ ᒋ ᓂᔅᑐᑕᓇᐛᐤ ? ᒋ ᒥᔅᑯᑕᐊᓇᐛᐤ ᐊ ᑭᔭ ᒋᔨᐛᐤ ? 18ᒋ ᑭᓄᐛᔨᑕᓇᐛᐤ ᒥᔅᒋᓯᒂ, ᓇᒪᐎᔾ ᐊ ᒪᒃ ᒋ ᐛᐸᑕᓇᐛᐤ᙮ ᑭᔭ ᒥᑐᑭᔭ ᒋ ᑭᓄᐛᔨᑕᓇᐛᐤ, ᓇᒪᐎᔾ ᐊ ᒪᒃ ᒋ ᐸᑕᓇᐛᐤ ? ᓇᒪᐎᔾ ᐊ ᒋ ᒋᔅᒋᓯᓇᐛᐤ ? 19ᑲ ᐸᒂᓂᒂᐤ ᐱᑕᑕᒡ ᐸᒂᓯᑭᓐᒡ ᒐᒋ ᒥᒋᓱᒡ ᐊᓐᒡ ᐃᔪᒡ ᐱᑕᑕᒡ ᒐᓯᐱᔪᐤ ᑲ ᐃᑕᑎᓯᒡ᙮ ᑕᓐ ᒪᒃ ᑲ ᑕᑎᒋ ᐅᑎᐱᐅᑕ ᑲ ᓴᑭᔅᒋᓂᑕᔭᒄ ᐃᔅᑯᔅᑐᐛᓐ ᑲ ᒪᒧᓴᒋᓂᒪᒄ ?” “ᓂᓱᓴᑉ,” ᒋ ᐃᑕᐅᒡ᙮
20ᐊᑯ ᒋᓴᔅ ᒂ ᐃᔅᒋᔄᑦ, “ᐃᔅᐱ ᒪᒃ ᑲ ᐸᐧᑲᓂᒂᐤ ᐊᓐᒡ ᓂᔄᐅᑕᒡ ᐸᒂᓯᑭᓐᒡ ᒐᒋ ᒥᒋᓱᒡ ᐊᓐᒡ ᓇᐛᐤ ᒐᓯᐱᔪᐤ ᐃᔪᒡ ᑕᓐ ᑲ ᐃᔅᐱᓴᒡ ᒪᒃ ᐃᔅᑯᔅᑐᐛᓐ ᐊᓐᑕ ?” “ᓂᔄᐅᑕᒡ ᐅᑎᐱᐅᑕ,” ᒋ ᐃᔅᒋᔄᐅᒡ᙮ 21ᒋᓴᔅ ᒪᒃ ᒋ ᐃᑕᐤ, “ᑕᓐᑕ ᐛᒋ ᐊᑲ ᒋ ᓂᔅᑐᑎᒪᒄ ?”
ᒋᓴᔅ ᑲ ᒥᓏᒋᐊᑦ ᓇᐸᐛ ᐊᑲ ᐛᐸᑎᒥᔨᒋ ᐸᑦᓴᐃᑕᒡ ᑲ ᐅᒋᔨᒋ
22ᐃᔅᐱ ᐛᑎᑕᐊᒡ ᐸᑦᓴᐃᑕ ᒋ ᑕᐅᒡ ᐊᐛᓐᒋ ᐊ ᐸᓱᐛᒡ ᓇᐸᐛ ᐊᑲ ᐛᐸᑎᒥᔨᒋ᙮ ᓇᔅᒡ ᒋ ᓂᑐᐛᔨᒪᐅᒡ ᒋᓴᓴ ᒐᒋ ᑕᒋᓇᔨᒋ ᐊᓂᔭᔪᐛ ᓇᐸᐛ᙮ 23ᐊᑯ ᒋᓴᔅ ᒂ ᐅᑎᓂᒺᑦ ᐅᑎᒋᔪᐤ ᐊᓂᔭᔪᐛ ᓇᐸᐛ ᐊᑯ ᒂ ᐎᐎᑕᐊᑦ ᐊᓐᑕ ᐊᓂᔭ ᐅᑕᓇᔪᐤ᙮ ᐃᔅᐱ ᒪᒃ ᑲ ᓯᔅᑎᒂᑎᒺᑦ ᐅᔅᒋᓯᑯᔪᐛ ᒋ ᑕᒋᓇᐤ ᐊᑯ ᒂ ᐃᑕᑦ, “ᒋ ᐛᐸᑕᓐ ᐊ ᒐᒂᓐ ?”
24ᒋ ᑎᔅᑎᓴᐳᐤ ᐊᓐ ᓇᐸᐤ ᐊ ᐃᔅᒋᔄᑦ, “ᓂᐦᐃ, ᓂ ᐛᐱᒪᐅᒡ ᐊᐛᓐᒋ, ᒥᒄ ᒪᒃ ᒧᔭᒻ ᒥᔅᑎᑯᒡ ᐊ ᐱᐸᒧᑕᒡ ᐊᑯᓐ ᐊ ᐃᓯᓇᐅᒂᐤ᙮”
25ᒋᓴᔅ ᒥᓐ ᒂ ᑕᒋᓂᒺᑦ ᐅᔅᒋᓯᑯᔪᐛ᙮ ᐊᔪᐅᒄ ᐊᑯ ᑲ ᓴᓂᐱᔨᒋ ᓇᔅᒡ ᐊ ᒥᓏᒋᑕᑭᓄᔨᒋ, ᒥᓯᐛ ᒐᒂᔪᐤ ᒋ ᐱᔭᑭᔅᒋᓂᒻ᙮ 26ᐊᑯ ᒋᓴᔅ ᑲ ᒋᐛᑎᓴᐛᑦ ᐅᔭ ᐊ ᐃᑕᑦ, “ᐊᑲᐎᔾ ᐃᑐᑕ ᐊᓐᑕ ᐅᑕᓇᒡ᙮”
ᐱᑕᕐ ᑲ ᐎᑕᐧᒃ ᐊᐛᔪᐛ ᐊ ᐊᐎᔨᒋ ᒋᓴᓴ
ᒪᑎᔪᐤ 16.13-20; ᓗᒃ 9.18-21
Mark 8.27-38 (Proper-19 Year B)
27ᐊᑯ ᒋᓴᔅ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒂ ᐃᑐᑕᒡ ᐊᓐᑕ ᐊᓂᔭ ᐅᑕᓇᐛ ᒥᒋᒪ ᓯᓴᕆᔭ ᐱᓕᐸᐃ ᑲ ᑎᑯᓂᔨᒋ᙮ ᐊ ᐊᑎ ᐱᒧᑕᒡ ᒪᒃ ᒋ ᑯᒂᒋᒪᐤ, “ᑕᓐ ᐊ ᐃᓯ ᐊᔭᐛᔨᒥᒡ ᐃᔪᒡ ?”
28ᒋ ᐃᑕᐅᒡ ᒪᒃ, “ᐱᔅᒐ ᐊᐛᓐᒋ ᐃᔅᒋᔄᐅᒡ ᒠᓐ ᐅᓯᑲᐃᑕᒐᐤ ᐊ ᐊᐎᔨᓐ, ᐊᑯ ᑯᑎᑭᒡ ᐃᔅᒋᔄᐅᒡ ᐃᓚᐃᒐ ᐊ ᐊᐎᔨᓐ, ᐊᑯ ᒥᓐ ᑯᑎᑭᒡ ᐸᐃᒄ ᐅᒋᔅᒋᐛᐃᒐᓱᐤ ᒋᑦ ᐃᑕᔨᒥᑯᒡ᙮”
29ᐊᑯ ᒋᓴᔅ ᐊᑕᑦ, “ᒋᔨᐛᐤ ᒪᒃ ᐎ, ᐊᐛᓐ ᓂᔾ ᐊ ᐃᑕᔨᒥᔭᒄ ?” ᐱᑕᕐ ᒋ ᐃᑕᐤ, “ᐊᐅᒄ ᒋᔾ ᙭᙮”
30ᐊᑯ ᒋᓴᔅ ᒂ ᐃᑎᓱᒪᑦ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᒐ ᐊᑲ ᒋ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ᙮
ᒋᓴᔅ ᑲ ᐊᔨᒧᑕᐧᒃ ᒐ ᐃᓯ ᐎᓯᒐᔨᑕᐧᒃ ᑭᔭ ᒐ ᓂᐱᑦ
ᒪᑎᔪᐤ 16.21-28; ᓗᒃ 9.22-27
Mark 8.31-38 (Lent-2 Year B)
31ᐊᑯ ᒋᓴᔅ ᒂ ᒋᒋᐱᔨᑦ ᐊ ᒋᔅᑯᑎᒧᐛᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᓂᑐᐛᔨᑕᑯᓂᔪᐤ ᐃᔪᐤ ᐅᑯᓯᓴᓐ ᒐᒋ ᒥᔅᑎ ᐎᓯᒐᔨᑎᒥᐊᑭᓄᐅᑦ ᑭᔭ ᓇᒪ ᒋᑭ ᐅᒋ ᐊᐱᑕᔨᒥᑯᐤ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ ᑭᔭ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ᙮ ᒋᑭ ᓂᐸᐊᑭᓄᐤ, ᒥᒄ ᒪᒃ ᐃᔅᐱ ᓂᔅᑐ ᒋᓯᑲᐛ ᐅᑎᒋᐱᔨᒐ ᒋᑭ ᐅᓂᐤ ᓂᐳᐅᓂᒡ ᐅᒡ᙮” 32ᐅᔭ ᒪᒃ ᑲ ᐃᓯ ᐃᔨᒪᐊᑦ ᓇᔅᒡ ᒋ ᐱᔭᑭᔅᒋᑕᑯᑕᐛᐤ ᒐᒋ ᓂᔅᑐᑎᒥᔨᒋ᙮ ᐊᑯ ᐱᑕᕐ ᑎᐸᓐ ᒂ ᐃᑐᑕᐊᑦ ᒋᓴᓴ, ᑲ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐊᑲᐎᔾ ᐃᔅᒋᔄ ᐊᓐ ᑲ ᐃᔅᒋᔄᔨᓐ᙮”
33ᒋᓴᔅ ᒪᒃ ᒋ ᒂᔅᒋᑲᐳᐤ ᒂ ᐸᑕᔅᑎᒥᑲᐳᔅᑐᐛᑦ ᐅᒋᔅᒋᓄᐊᒧᐛᑭᓇ ᐊᑯ ᒂ ᐊᓏᔨᒪᑦ ᐱᑕᕋ ᐊ ᐃᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐊᓐ ᑕᓐ ᐊ ᐃᑕᔨᑎᒥᐃᑯᔨᓐ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ, ᐃᔪᐤ ᐊ ᑕᑦ ᐅᒋᐱᔪᐛ᙮”
34ᐊᑯ ᒋᓴᔅ ᒂ ᐎᓴᒪᑦ ᒥᒋᒪ ᒐᒋ ᐸᒋ ᓇᒋᑲᐳᔨᒋ ᐊᓂᔭ ᐊᓐᑕ ᑲ ᒪᒧᔨᒋ ᐊᐛᔪᐛ ᑭᔭ ᐊᓂᔭᔪᐛ ᐅᒋᔅᒋᓄᐊᒧᐛᑭᓇ ᐊᑯ ᐊᑕᑦ, “ᐊᐛᓐ ᐛ ᓇᓴᐅᒂ ᐊᑯᔅ ᒋᐸ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᐸ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᐸ ᐸᒋ ᓇᓴᐅᒄ᙮ 35ᐛᔅ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ᐅᓂᑕᐤ᙮ ᐊᓐ ᒪᒃ ᐊᐛᓐ ᒐ ᐱᔅᑎᓂᒧᒂ ᒥᓯᐛ ᒐᒂᔪᐤ ᑕᓐ ᑲ ᐎ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ᓇᓴᐅᑦ ᑭᔭ ᒥᔽᒋᒧᐅᓂᔪᐤ ᐅᒋ ᐊᐅᑯᓐ ᐅ ᒐ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮ 36ᑕᓐ ᒪᒃ ᒐᒋ ᐃᓯ ᐎᒋᐃᑯᑦ ᐊᐛᓐ ᐊᑎ ᒥᓯᐛ ᒐᒂᔪᐤ ᒋ ᐎᐧᑯᒋᑎᒪᓱᒐ ᐅᑕ ᐊᔅᒋᒡ ᑕᓐ ᐊ ᐃᓯ ᓂᑐᐛᔨᑕᐧᒃ ᒐ ᐅᓂᑕᒂ ᒪᒃ ᐅᐱᒪᑎᓯᐅᓐ ? 37ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᐧᒃ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ᙮ 38ᐊᓐ ᐊᐛᓐ ᒐ ᓴᒂᔨᒧᑐᐅᒂ ᑭᔭ ᒐ ᓴᒂᔨᒧᐃᑯᒂ ᐊᓂᔭ ᓂᒋᔅᑯᑎᒪᒐᐅᓇ ᐊᓄᒡ ᐅᔭ ᒪᒂᒡ ᐊᔅᐱᔅ ᐊᑲ ᑯᐃᔅᒄ ᐃᑎᒡ ᐊᐛᓐᒋ ᑭᔭ ᐊᔅᐱᔅ ᒥᒐᑎᓯᒡ, ᑭᔭ ᐎᔾ ᐃᔪᐤ ᐅᑯᓯᓴᓇ ᒋᑭ ᓴᒂᔨᒧᐃᑯᐤ ᐃᔅᐱ ᑎᑯᓯᓂᔨᒐᓂ ᒋᓴᒪᓂᑐᐛ ᐅᒋᔅᑕᔨᑕᑯᓱᐅᓂᔨᒡ ᐸᔭᒋ ᐊᓐᒋᓇ ᐊ ᐸᒋ ᐎᒐᐅᑯᔨᒋ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada