Apostles-Gasgai 11
11
Chapter 11.
1TLIGA k'ulat haade ishin Shanung-itlagadas kil isdaian ga apostlesgasgai isgien, tl tou-alung ishin Judæa gu isis gudang-an.
2Waigien tlistleuon Peter Jerusalem gu kātla-lthaiandlu, circumcision haade la ā gūshū-euon-an,
3Tl haade gum circumcise-dians gia nai ai dung kudsaian gien, tla alth dung lthdanāwon waigien hin tl shouon.
4Waigien Peter duman tla ga gin shu-dīidan;
5Joppa ilnagai gu singlthgang lth gushugun; waigien lth kung-gundlu, giang-u euon ging-ān gin et, kwūn-gut sh'ostunshung ai dsitaja sha sta het ga isis lth keng-gun; waigien di ā ijuni;
6Waigien lth khatsgilthdagundlu, odō lth kwūlthilguni; waigien gin tīiga, isgien, gin tīiga sh'otsa ishin, gin hēnung-a ḵutila ishin, hetīt sīet isis ishin, lth keng-gun.
7Waigien kīl ishin lth gudung-gun, Kālthūltha, Peter, tīiang-a lth tā, hin di shuda-guni.
8Gāanū, Shalana; ging-gang-an gin et isgien, gum gin shkwūnang ishin gum helthang ai lth isdaswonung-ang-gun altha, waigien hin lth shūgun.
9Shanung-itlagadas gin tlishkwūnagun lth gum ging-gang-an gin et hin kiādang, waigien housen hin kīl sha sta hang-lthang shūgun.
10Waigien adshi is-lth'ōnulguni gien, housen wautliwon shi ga ijuni.
11Waigien, gwokeng, hawīdan tl ilthansida lth'ōnulth, Cæsarea sta di ā tl kilistīidan, nuh ā talung ijun hang-gu tljūgiāagan.
12Waigien ga gwou-a ādan Hants la alth di kaidalthūgun. Waigien ashgai di tou-alung tlūunilth ishin di alth ijun gien, anung ilthing-as gia nai ai talung isdsagun;
13Waigien nung angel-ga lagia nai ā giāans il kāng-an itil ga il shudagun; Joppa ā lth tl kilistīid, waigien lth Simon, Peter hin ishin nung kiā, kildū;
14Dung ga gin il shudā-ases alth-ū, dā isgien, dung-gia nai ā tl is wautliwon ishin, koguna-shang, hin anung angelgas il shudai-ang il shugun.
15Waigien lth gūshū-idun-dlu, kwūnā itil gu ijun ging-ān, Hants Las tla ing-gu isīlgun.
16John untl alth tl baptizdagīni; dalung tlou Hants Las alth tl baptizdā-ashang, hin Shalana shugun ā waudlu lth gudanung-gun.
17Shalana Jesus Christ talung yetdasdlu, itil ga gin il isdagun ging-ān Shanung-itlagadas tla ga waugundlu, Shanung-itlagadas hanltha gu lth ēdlthing-āga? waigien hin Peter shouon.
18Waigien tlistleuon althjī tl gudang-andlu, tlan tl kīlāgan, waigien Shanung-itlagadas ā tl kil-lāgan, Tliga k'ulat haade ishin hēnung-gai un Shanung-itlagadas tla ga gudung-ung stīlthda isdaian, waigien hin tl shouon.
19Stephen agunan tl gudung-ai lthkwīdistlaiandlu ga k'ogūstlū-aian-gai Phœnicia ā isgien, Cyprus ā ishin, Antioch ā ishin, ijan, waigien Jews haade geu gu s'wonan tl gushouon.
20Tl t'īch tlou Cyprus haadas gien, tl t'īch ishin Cyrene haadāgan; waigien tlistleuon Antioch gu althsgai istlagandlu, Greek haade ā ishin tl gushouon, waigien Shalana Jesus edē tla geu gu tl gushouon.
21Waigien Shalana stlai tla alth ijan, waigien tl kwon-euon yetdaian gien, Shalana gwī tl stēlan.
22Waigien atltas alth gialthang-e church haade Jerusalem gu isis gudang-an; waigien Barnabas Antioch ā tl kilkaidan;
23Waigien tlistleuon gu il kātlagandlu Shanung-itlagadas gia k'ung-gudung-iē ishin il kāng-andlu, il gudung-ai lāgan; waigien gudung-ai tladsga alth Shalana kilth ging-ān tl etgai un tl wautliwon geu gu il gushou-on;
24Nung īlthing-a lā il ijan gien, Hants Las alth isgien, yetdie ishin, alth il stā-ū-gāgan altha; waigien tl haada kwon Shalana gwī kāalan.
25Waigen Tarsus ā Saul da il keng-āgan;
26Waigien tlistleuon la il ke-aiandlu, Antioch ā la il isdaian. Waigien tuda sh'oshgu church haade alth gūdā il isūgang-an, waigien tl haada kwon gin il shkota-dūgangan; waigien Antioch gu church haade Christian hin kiēlth-tlagang-an.
27Waigien althsgai shantlanai gūt Jerusalem sta ga prophetga Antioch gu istlāt'ālan.
28Waigien tl s'won, Agabus hin kiāgan, giāagan gien, tliga ashkwau-un gūt tou hīlū-ung-kasas Hants alth unsta il shouon; waigien Claudius nūt waiking-ān edani.
29Waigien church haade, tl wautliwon-un da etsi ging-ān, tl tou-alung Judæa gu nāans da tlāadai da tl gudang-an;
30Waigien ging-ān tl waugan, waigien Barnabas isgien Saul ishin gu ga itladasgai da tl hunsūdaian.
Currently Selected:
Apostles-Gasgai 11: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
