Apostles-Gasgai 7
7
Chapter 7.
1YENKI gu il shu-ū? wodlu hin liplet un nung itladas shouon. Waigien hin [Stephen hang-gang] shou-on,
2Di k'wai-alung isgien, di aung-alung ishin isis, k'wai-ū. Shanung-itlagadas un yāgudung-as itil aung Abraham agung kendaian, Haran tligai gu il nāgan kōnast, Mesopotamia tligai: gu il nāgandlu-a,
3Giang tligai sta lth is, tou-alung sta ishin, waigien tliga dung lth kendāases ā lth is, waigien hin la il shudaian.
4Itan Chaldsea haade gia tligai sta il ijan gien, Haran tligai gu il nēlan; waigien il aung k'otalan silīd, althji sta a tliga gu dalung nāans ā Shanung-itlagadas il kil-ijan;
5Waigien gum il dāgai un Shanung-itlagadas la ga isda-ang-an, gā-anū, gum ing-gu il giā-ang-ai dlu un edang-ani; waigien hawun gum il gīt-dāung-gun-dān, la ga isgien, la dlā il gītalung ga ishin il isdasang-an.
6Il gitalung tliga k'ulat gu nāang-ashang, waigien tla tl haldansidēlth-dā-ashang, waigien tuda hundred-gai stunshung tla tl dāgūdang-ashang, Shanung-itlagadas shou-on.
7Waigien tl haada tl haldansidēlthdā-ases lth ging-kilisalung-ashang; waigien wau sta isi silīd, adlun di un tl lthong-gwilā-ashang, hin Shanung-itlagadas shou-on.
8Waigien circumcision kilth-ēlthdie la ga il isdaian; althji alth Abraham odō sta Isaac tl kaian, waigien shin stanshang-asdlu la il circumcisedaian; waigien Isaac odō sta Jacob, tl kaian; waigien Jacob odō sta ga ītlādā tlāalth waugu stung tl kai-waian.
9Waigien ga itladasgai Joseph un gudungai s'olthilaian alth-ū, Egypt ā la alth tl gia-dah-gan; waigien Shanung-itlagadas la alth ijan,
10Waigien il gudung-ai lthkwidas wautliwon sta la il kogundaian gien, Pharaoh Egypt gu king-gas hang-gu gudung-ai lā isgien, kutunga ishin, la ga il isdaian; waigien Egypt tligai isgien, giang nai un ishin la il itladēlthdaian.
11Waigien Egypt tligai ashkwau-un gu isgien, Canaan tligai gu ishin, tou hīlāwon, waigien tl gudung-ai lthkwīd-euon-an; waigien itil aung-alung gum gin hunta hēnung-althing-e kēi-ang-an.
12Waigien corn Egypt gu ijan tlistleuon Jacob gudang-andlu, itil aung-alung ā il kil-istīid-tlāgang-an.
13Waigien waudlā Joseph k'wai-alung kenung ūnshidulthdaian; waigien ga tou-i Joseph ijan un Pharaoh ūnshidalan.
14Waigien Joseph aung-ung Jacob isgien, toualung un ishin, kil-ai-ang-āgan; waigien il tlāale dsikwau waugu tlēlthāwon.
15Waigien Jacob Egypt ā ijan gien, gu il k'otalan, itil aung-alung ishin k'otulthgaian.
16Waigien Shechem ā la tl isdāwon, waigien Hamor gītalung ga Abraham shalthung-nai dah-gan ai la tl isdā-awon.
17Waigien tlistleuon Shanung-itlagadas Abraham ga gin shudaian aanēlandlu,
18Nung king-ga k'ulat gum Joseph un ūnshidang-an isēlē k'eu, haadgai Egypt gu shkūlēlan.
19Althunis itil tou-alung ging-kōnang-an, waigien itil aung-alung il dāa-gudang-gang-an; waigien gītalung tla il ging-dang-ū-gang-an, gum tl hēnung-ā-ung-ai una.
20Wau dlū Moses tl kaian, waigien yenki il hānaian; waigien il aung-gia nai ā kōng k'ē lth'ōnulth duman la tl kāng-an;
21Waigien tlistleuon la tl dang-andlu, Pharaoh gūjang-a il isdaian, waigien gitang un duman la il kāng-an.
22Waigien Egypt haade gia kutung-gai wautliwon Moses shkotaian, waigien il kil isgien, il lthong-gwiliē ishin tladsgagan.
23Waigien tlistleuon la da tuda tlāale stunshung-dalandlu, il k'wai-alung Israel gita-lung isis il keng-ā-gūstlaian.
24Waigien nung swon tl tīlthwons il kāng-andlu, la il kogundaian, waigien la un nung isdaian la hang-ga il isdaian gien, anung Egypt haadas il tiaian.
25Shanung-itlagadas il k'wai-alung kogundiē un tla ā la il kilijan un tl ūnshitshang, il gudang-an; waigien gum un tl ūnshidang-an.
26Waigien waudalēkw gudan tl ailthdagun-dān un il kātlagan, waigien il stidā-awē da il gudang-an; Tl itladas, gu dalung k'wai-ildang; gushintlou gudan dalung daung-ung? waigien hin il shouon.
27Waigien nung kwulth nung nāas un nung ailthdaian il shkwau-odan gien, Gīshdu itil un dung itlādēlthdas gien, ishin itil un dung ging-kilisalung-lē-gēlthdaiang?
28Adalth nung Egypt haadas dung tī-aian ging-ān gu di dung isdā-asha-ūsh? hin la il shudaian.
29Waigien ashgai gushuē Moses gudang-andlu, il odan gien, Midian tligai gu il nēilan gaigu il gitalung stung-ēlan.
30Tlistleuon tuda tlāalē stunshung hīlā-wondlu, Sinai tldāwē tligai da-ung-as gu, gin k'ou ōkālthi ā nung angel-ga la un kātlagan.
31Waigien tlistleuon Moses kāng-andlu, un il k'uldangan; waigien tlistleuon il kāng-gai un aānan ā il kāgandlu, Shalana kil il gudang-an;
32Dung aung-alung gia Shanung-itlagadas-gai lthā-ū ijung, Abraliam gia Shanung-itlagadasgai isgien, Isaac gia Shanung-itlagadas-gai ishin, Jacob gia Shanung-itlagadasgai ishin lth ijung, waigien hin il shouon. Wau dlu Moses dlīidistlaian gien, kāng-gai ga il lthwaugaian.
33St'ashgagai ai sta lth ung-a t'usdi, tliga gu dung giāans tliga lā isis altha.
34Giagun haadgai Egypt gu is gudung-ai lthkwīdie yenki lth keng-gun, waigien agung tl lthing-uns lth gudung-gun, waigien tl kogundiē un lth kātlāt'ulgung; hai, Egypt ā dung lth kil-kaidshang, waigien hin Shalana il shudaian.
35Unis Moses ga tl gwou-aian, Gīshdū dung itladēlthdas gien, dung ging-kilisalung-lēgēlthdaiang, hin tl shouon, althunis Shanung-itlagadas nung angel-gas gin k'ou ōkālthi ā il kāng-an stlai alth tla un ītlādagai un isgien, tl kogundie un ishin, tla ā il kil-kaidan.
36Lā-ū sta tl isdaian, tlistleuon Egypt gu isgien, Red Sea gu ishin, tliga da-ung-as gu ishin, tuda tlāale stunshung gin unk'uldung-a isgien, gin kāng-ūdsada ishin, il isdai-andlu-a.
37Nung prophetga di ging-ān et dalung k'wai-alung shu sta Shanung-itlagadas dalung isdā-ashang, hin Israel haade nung shudaian-ū Moses ijan.
38Lā-ū tliga dā-ung-as gu church haade alth ijan gien, Sinai tldāwē gu ishin nung angel-gas la ga shouon alth ishin ijan gien, itil aung-alung alth ishinan il ijan; waigien gushou hēnung-a itil ga isdie un il isdiāgan;
39Waigien itil aung-alung gum il kilth ging-ān etgai da gudung-ang-an gien, stagang la tl kilkaidan gien, gudung-ang alth Egypt tligai gwī silthgang tl stēlan.
40Itil bōnast istalai un lth gin itlagada itil un tloulthi; a Moses Egypt tligai sta itil nung isdagun gum tliku il ets un itil ūnshidang-gung, waigien hin Aaron tl shudaian.
41Waigien ashgai shantlanai ai mishmūsh gīti tl tloulthaian, waigien agin k'etdas ga gin tl isdagang-an, waigien gin tl tloulthaian alth tl gudung-ai lagan.
42Waigien Shanung-itlagadas āda gudung-ung ēlthdaian, waigien siet gin kwons ā singlthgang tl gushuē un ga tla il isdaian; ga prophetgasgai gia kogīnē ā k'ālungas ging-ān-a; O dalung Israel haadas, tuda tlāale stunshung gūt tliga da-ung-as gu gin tīīga k'wōt isgien, tsa-nūsi gin isda ishin, di ga gu dalung isdā-ūcha?
43Moloch gia giang-ū-nagai isgien, Rephan nung itladas gia k'ailthdai ishin, gin k'etda ā singlthgang gushou un dalung tloulthagun ishin, waigien dalung isdagun; waigien Babylon wah-gwī ga dalung lth isdā-ashang, hinū k'ālung-āgung.
44Itil aung-alung singlthgang gushou giang-ū-nagai tliga da-ung-as gu dāgan, tliku Moses ā nung gushouon tuking-go-gang-an ging-ān-a, gin k'ālung-e il kāng-an ging-ān il tloulthie una.
45Itil aung-alung wau silīd ijan ishin althjī Joshua alth althgwī isdaian, David gia shantlanai k'eu, itil aung-alung hang-gu, Shanung-itlagadas tl haada ginaian gia tligai tl da-ēlandlu-a;
46Unis alth Shanung-itlagadas gudung-ai lagan, waigien Jacob gia Shanung-itlagadagas-gai un nuh kēie da il gudang-an.
47Solomon tlou nuh la un tloulthaian.
48Hīkwon sha agwī Nung Isis stlang alth nuh tloulthiā ā gum nāgung-ang-gung.
49Shatligai giagun aulthgahung-wē ijung, hētligai ishin di st'ai k'eusi ijung; gushin nuh et-ū di un dalung tloulthā-ashang? waigien gitlānū agung lth shandsūdagung-gung?
50Gum gu di stlai agin isis wautliwon tloulthang-ūjā? hin Shalana shugung, hinū nung prophetgas shouon.
51Gudung-ang alth isgien, geu-ung alth ishin, dalung tl shudas ilā dalung ēdung, waigien gum dalung circumcise-diāng-gung; Hants Las hanltha dalung etgīgung; dalung aung-alung edan ging-ān dalung ishin ēdung.
52Gum gu ga prophetgasgai wautliwon gin shing-idsa dalung aung-alung andung-dang-ūjā? waigien nung Las kātlā-ung-kasas wau kōnast alth ga gialthandaian tl tl'daian; waigien althunis alth gia-dah-lē-alung isgien, il tīalē-alung ishin itan dalung isīlgun;
53Angels tuking-go-gang-an ging-ān laugai dalung isdiāgan gien, gum duman dalung keng-ung-gun, [hin Stephen shouon].
54Tlistleuon ashgai tl gudang-andlu, tl gudung-ai sti-euon-an, waigien la un tsing-ung tl gīsistlaian.
55La tlou Hants Las alth stā-ū-gas shasi khatsgut-ltheu-onan, waigien Shanung-itlagadas gia unyāgudung-gai isgien, Shanung-itlagadas sō-olgust Jesus giāans ishin, il kāng-an,
56Gwokeng, shatligai hēlas gien, nung haada Gīt Shanung-itlagadas sō-olgūst giāans lth keng-gung, waigien hin il shouon.
57Waigien kwunan tl tukā-ūgādistlaian gien, geu-ung ā tl tlikadang-an gien, gudung-althan la tl dūḵūsdaian;
58Waigien ilnagai sta la tl dang-an gien, kwau alth la tl k'unlthāwon; waigien ga witnes-gasgai nung itan-inā, Saul hin kias, hetgu gin giandas ung-a isdaian.
59Waigien Stephen Shalana ga kiāgans gien, Shalana Jesus, di althandai lth isdi, hin shūs, kwau alth tl k'unlthāwon.
60Waigien kwolōng kutsung alth il k'ouon gien, Shalana, agin daung-as t'āa lth gum tla un kālthi-yildung-ung, hin kwūnan il shouon. Waigien tlistleuon adshi il shudagī-gandlu, il k'otigan.
Currently Selected:
Apostles-Gasgai 7: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
