John 13

Chapter 13.

1WAIGIEN passover-gai lagunung-ai konast, hēt-tligai sta nung Aung-as ā Jesus kaidai wau dlu ashkoshgut lang-a ēlths un il ūnshidan-dlu, hēt-tligai gu il tō-alung is il kwōyādaian gien, il kwōyādagīgan.

2Waigien hawun tl lthdanūgundān, hetgwaulana Judas Iscariot, Simon git, la alth gia-dah-gai il gudung-ai ai isdagīgan,

3Jesus, nung Aung-as gin wautliwon il stlai ai isdaian gien, Shanung-itlagadas sta ishin il ijan gien, Shanung-itlagadas ā ishin il isang-kasas un ūnshidandlu,

4Lthdanūe sta il kālthāwon gien, kodadsai achgwau ung-a il chistlaian; waigien stlang gīshou il isdaian gien, alth agung il dlch-gūstlaian.

5Waigien khēlthga ai untl il giastlaian giēn, lagia disciplesgai stai il dlin-īdan giēn, stlang gīshou altli il dlch-gawaugan alth ishin il gīshūīdan.

6Waigien Simon Peter un il waudal-tlāgan. Shalana, di stai gu dung dlin-shā-ūsh? waigien hin la il shudaian.

7Tliku lth waus un gum wēt dung ūnshidang-gung; adshi sta tl un dung ūnshidulth-shang, hin Jesus hang-lthang il shudaian.

8Gum di stai dung dlin-swonung-ungashang, hin Peter il shudaian. Gum dung lth dlin-uns-dlu, gum di kwulth dung islthingang-gung, hin Jesus hanglthang il shudaian.

9Shalana, gum di stai swonan isdang, di stlai isgien di kuts ishin ltli isdi, hin Simon Peter il shudaian.

10Nung ādang-asdlu, stang swonan il dlan-gai lagung, waigien yenki il shkwunagulgung; waigien dalung ishin shkwūnang, gum dalung wautliwon hīkwon edang-gung, hin Jesus il shudaian.

11La alth nung gia-dah-ases un il ūnshidan altha; althji alth ū, Gum dalung wautliwon shkwūna-ung-gung, hin il shouon.

12Waigien il stai il dlin-gi-āwondlu, kodadsai ung-a il isdaian gien, housen il kouon, waigien hin la il shudāwon, Tliku dalung lth isdagun un gu dalung ūnshit?

13Nung Ītlagadas, hin isgien, Shalana, hin ishin di dalung kyādagung-gung, waigien dalung shougai lāgung, akwon di ets altha.

14Di Shalana-gas gien ishin di Itlagadas kianan, dalung stai lth dlinsdlu, dalung ishin gu stai dlan-gai lagung.

15Tliku dalung lth isdagun ging-an dalung ishin ūgai un gin dalung lth shkotadagun altha.

16Yenkien, yenkien dalung ga lth shugung, Nung gītsada gum itlagīdang telg edung-ung-gung; waigien nung tl kilkaids ū la nung kilkaids telg gum ēdung-ung-gung.

17Ashgai un dalung ūnshitsdlu, ging-an dalung etsdlu, dalung ū lāashang.

18Gum dalung wautliwon lth shudang-gun; ltha ga kenstagun un di ūnshidung; Giagun tou-e nung tas ū stukōs-ung shi ga di un isda-gun, hin gin lā kālung-asi waiging-an etgai una.

19Adshi sta gin isang-kasas wau kōnast dalung ga lth shudagung-gung, tlistleuon isīdlu, ltha is dalung yetdie una.

20Yenkien, yenkien dalung ga lth shugung, Nung lth kilkaids nung isdasdlu, di ū il isdagung-gung; waigien di nung isdasdlu, di nung kilkaidun ū il isdagung-gung, hin la il shudāwon.

21Tlistleuon Jesus hin shugīgandlu, il gudung-ai lthkwīd-euon-an gien, unsta il shouon, Yenkien, yenkien dalung ga lth shugung, Dalung swon di alth gia-dah-ashang, waigien hin il shouon.

22Lagia disciplesgai gūt gwi kang-an gien, nung il shudas ā tl gūdūkēgadan.

23Waigien table-gai gu lagia disciplesgai swon Jesus kun ing-gu ung-lthindaian, Jesus nung kwōyādaian-a.

24Waigien Simon Peter la hang-a stlang akai-adaian, Nung il shudas lth itil ga shudi, waigien hin la il shudaian.

25Waigien Jesus kun ing-gu il ung-lthindagun-dān, Shalana, gīshdū? hin la il shudaian.

26Nung un shibligai lth tīlthdas gien wau ga lth isdāases ū il ijung, waigien hin Jesus hanglthang shouon. Waigien shibligai il tīlth-dagīgandlu, il isdas gien, Judas, Simon Iscariot git, ga il isdaian.

27Waigien shibligai il isdagīgandlu, Satan lē kudsaian. Gin dung isda-ungkasas lth hawit isdi, waigien hin Jesus il shudaian.

28Gin agunan hin la il shudas gum tablegai gu un nung ūnshidang-an.

29Judas gwau-ale ā tlaandaian alth ū, Lagunung-ai un gin ga itil stalthasī lth dalihā, hin Jesus il shudang tl tīch gudang-an, tl kong-ushgidai-ga ga ishin gin la il isdā-althing tl gudang-an.

30Waigien tlistleuon shibli-gai il isdai-andlu, hawīdan il kāgōlthāgan; waigien algāgan.

31Waigien tlistleuon il kāgōlthāgandlu, Jesus hin shouon, Wēt nung haada Git un yāgūdung-āgung, waigien Shanung-itlagadas un la alth yāgūdung-āgung;

32Waigien Shanung-itlagadas ishin althang la un yāgūdung-ādāashang, waigien hawīdan la un il yāgūdung-ādāashang.

33Tl īḵutilas, kwai-umdsiwun dalung kwulth lth ijung. Di da dalung keng-ashang; tlījan ga lth is gu gum dalung istlalthingang-gung, hin Jews haade lth shudagun gingan, wēt dalung ishin lth shudang.

34Gu dalung kwōyādie lāgung, hin king-gogung outla et dalung ga lth isdang; dalung lth kwōyādaguu ging-ān dalung ishin gu kwōyādie una.

35Adshi alth tl haada wautliwon giagun disciples-gai dalung is un ūnshitshang, gu dalung kwōyādasdlu-a, hin il shouon.

36Shalana, gitlan-gu dung ijung? hin Simon Peter il shudaian. Gyā lth is gai ā gum wēt di dlā dung kālthing-ang-gung; waudlā tlou di dlā dung hāashang, hin Jesus hanglthang shouon.

37Shalana, gushintlou gum wēt dung dlā lth kālthing-ang gung? Dung agunan hēt ga hēnung-gang lth isdāashang, hin Peter il shudaian.

38Di agunan gu hēnung-gang hēt ga dung isdāash? Yenkien, yenkien dung ga lth shugung, Di da dung kuda-lthōnule keu shkou īlthing-as gum king-ang-ung-ashang, hin Jesus hanglthang shouon.

Currently Selected:

John 13: HAIDA

Highlight

Copy