John 20

Chapter 20.

1WAIGTEN sabbathgas sta shantlan tlagang-ai gut sing-ai hawun algāgundān shalthung-nagai un Mary Magdalene katlagan, waigien shalthung-nagai sta kwau-e tligwī isdiasi il kang-an.

2Waigien sta il odan gien, Simon Peter un isgien, nung disciple-ga kulat Jesus kwōyādaian un ishin il katlagan, Shalthung-nagai sta Shalana tl isdaian, waigien tlījan la tl dlisdlaian gum un itil ūnshidang-gung, waigien hin la il shudawon.

3Waigien Peter kāgōlthāgan gien, nung disciplega kulat ishin, waigien shalthung-nagai ā il istīidāwon.

4Waigien il ḵūstāwon gien, nung disciple-gas kulat Peter tudlisdlaian gien, shalthung-nagai un il katla-tlagang-an;

5Waigien hēt il gūjālan gien, ai il kēidsaian, waigien giang-we wau gu īwausi il kang-an, waikian gum ai il kudsang-an.

6Simon Peter ishin la dlā katlagan gien, shalthung-nagai ai il kudsaian; waigien giang-we īwausi isgien,

7Il kuts odō gin ijan ishin gum giang-we kwulth isans gien, wau īlā tl gūt gwī da-geu-nung-a geudasi, il kang-an.

8Itan nung disciplegas kulat shalthung-nagai un katla-tlagang-an ishin ai kudsaian, waigien il kang-an gien il yetdaian.

9Housen kotal sta il kalthue lang gin lā kālung-asi gum hawun un il ūnshidang-āwon altha.

10Waigien ga disciplesgasgai housen gyang nai gwī istīidan.

11Mary tlou shalthung-nagai kyāgūst sailth-giang-an; waigien il sailthas in hēt il gūjālan gien shalthung-nagai ai il kēidsaian;

12Waigien angel stung gin atda giandas tlōdas il kang-an, tlījan Jesus lthū dlūdaian gu il kuts gūst nung swon kou-os gien, il stai gust ishin nung swon kou-aian.

13Nung jadas, gushintlou dung sailthang? waigien hin la il shudāwon. Di ītlagīda wau sta tl isdaian gien, gum tlījan la tl isdaian un di ūnshidans altha, hin la il shudāwon.

14Tlistleuon hin il shugīgandlu, dsigang gwī il kē-aian, waigien Jesus gians il kang-an, waigien Jesus is gum un il ūnshidang-an. 15Nung jadas, gushintlou dung sailthang? gīsh da dū dung di-ing-gung? hin Jesus il shudaian. Tōkānai-lē il ising la un il gudang-andlu, Nung Itlagadas, adshi sta la dung isdaiasdlu, tlījan la dung isdaian lth di ga shudi, waigien sta la lth isdaashang, hin la il shudaian.

16Mary, hin Jesus il shudaian. La gwī il hung-āwon gien, Rabboni, hin Hebrew haade kilthga la il shudaian; Nung Itlagadas, hin ū ēdung.

17Gum lth di ā tlāgāng; gum hawun nung Aung-as ā lth kulthans altha; di kwai-alung ā tl lth kaid, waigien lth hin la ga shūū, Aungung ā isgien, dalung Aung ā ishin lth kulth-angkasas gien, Itlagīdang ā isgien dalung Itlagīda ā ishin lth kulthang-kashang, hin Jesus il shudaian.

18Mary Magdalene katlagan gien, Shalana il kang-an isgien, a gin la ga il shudaian ishin ga disciplesgasgai ga il shudaian.

19Waigien sabbathgas sta shantlan tla-gang-ai gut, sing-yai-andlu, ga disciplesgasgai Jews haade ga lthwaugas alth gyā ijani keu-e wau dāa-kutung-āgandlu, Jesus katlagan, waigien la yākosīa il giaāwon, Akwon lth gudungung dlaidū, waigien hin la il shudāwon.

20Waigien tlistleuon hin il shugīgandlu, stlang isgien dōalung ishin la il kendāwon. Waigien tlistleuon ga disciplesgasgai Shalana kang-andlu, il gudung-ai lā-āwon.

21Akwon lth gudung-ung dlaidū; nung Aung-as di kikaidun ging-an ltha ishiu dalung kilistīidung, waigien hin housen Jesus il shudāwon.

22Waigien tlistleuon hin il shugīgandlu, la gwī il āgundāwon, Nung Hants Las lth isdāū;

23Il dāung-as ga dalung kuns ging-an ga tlang-a kung-gāashang; tl dāung-as gum ga tlang-a dalung kung-uns ging-an gum ga tlanga kung-gang-ashang, waigien hin la il shudāwon.

24Thomas, ga tlaalth waugu stunsgai swon, Didymus hin kyāgan tlou, tlistleuon Jesus katlagandlu gum la alth il isang-āwon.

25Shalana talung keng-gun, waigien hin ga disciplesgasgai kulat la ga shouon. Il stlai sīnē silī lth kang-gai gūs gien, sīnē silī ai ishin stlukung-ung lth isdie gūsdlu, il dōal ī ishin stlang lth isdie gūsdlu, gum lth yetdang-ashang, hin tlou la il shudāwon.

26Waigien shin stanshang-a hīlāwon silīd housen lagia disciplesgai anā ijan, waigien Thomas la alth isāwon. Keu-e wau dāakut-ung-āgandlu, Jesus katlagan, waigien la yākōsīa il giaāwon gien, Akwon lth gudung-ung dlaidū, hin il shouon.

27Althgwī lth stlukung-ung isda ang-a di stlai keng; waigien lth althgwī stlang isda ang-a di dōal i isdi; waigien lth ā kēgīt ādan yetdi, waudlu hin Thomas il shudaian.

28Giagun Shalanagai isgien di Itlagīda ishin dung ijung, hin Thomas hanglthang waigien il shudaian.

29Di dung keng-gun alth ū dung yetdagun; gum tl keng-uns gien tl yetdas ū tla un lāgung, hin Jesus il shudaian.

30Gin kang-ūdsada āda kwon ishin ga disciplesgasgai hang-gu Jesus isdaian, gum adshi kōgīnē ā kālung-ang-gung;

31Jesus nung Christgas is gien, Shanung-itlagadas Git ishin is, dalung yetdie un ū ashgai tl kālung-āgung; waigien dalung yetdasdlu, il kyē agunan hēnung-a dalung dāgai una.

Currently Selected:

John 20: HAIDA

Highlight

Copy