John 9
9
Chapter 9.
1WAIGIEN hawun il kāgundān, nung īlthing-a tl kaiandlu-hun hang-kagāgan il kang-an.
2Waigien lagia disciples-gai la alth kiā-nang-an, Rabbi, la tl kai-andlu il hang-kagāgai un gīshdū dā-ung-aiang? anung īlthing-as gwau, il yāalung gwau? hin il shu-āwon.
3Jesus hin hanglthang shouon, Anung ilthing-as isgien, il yāalung ishin, gum dā-ungang-an; Shanung-itlagadas gia lthong-gwilie la agunan kang-gēle un ū il edan.
4Hawun otgas talth di nung kilkaidun gia lthong-gwilie talung isdie lāgung; sing-yāungkashang, waudlu gum tliku nung lthong-gwilalthing-e kang-gang-gung.
5Hēt-tligai gu lth isdlu, hēt-tligai otgagai di ijung, hin Jesus hanglthang shouon.
6Tlistleuon hin il shugīgandlu, tligai gwī il lthtah-gan gien, ilthānē alth kal il tloulthaian, waigien kal-e il hung-i gwī il stlinanang-an,
7Siloam shu-e ā hung-ung dlināala, waigien hin la il shudaian. (Hundsūda, hin adshi kyē ēdung.) Waigien il kaidan gien ung-a il dlan-an, waigien silthgang il kaids gien gin il kang-an.
8Waigien la kwulth ga nāang-an isgien, wau kōnast gin il ginang-lēgāgan ga kang-an ishin, Gin nung ginung-ūgini gu gum ā isang-ūsh? hin shouon.
9Tl kulat ishin, La ū ijung, hin shouon; tl kulat ishin, Gāanū, hing-an la il gīāalāgung, hin shouon. La tlou, Ltha ū ijung, hin shouon.
10Gushinū dung hung-i helthilthga-tljou-ong? waigien hin la tl shudaian.
11Nung īlthing-a Jesus hin kyas kal tloulthaian gien, di hung gwī il stlinanung-gun gien, Siloam ā ung-a dlināala, hin di il shudagun; althji alth ā lth kaidun gien, ung-a lth dlin-gun, waigien gin lth keng-īdun, hin hang-lthang il shouon.
12Gitlānū il ijung? waigien hin la tl shudaian. Ai-a, hin il shouon.
13Wāu kōnast nung hang-kagāgan Pharisee haade ā tl isdaian.
14Waigien Jesus kal tloulthaian gien, il hung-i il tla-helthilthgai-andlu, sabbath shantlanai ijan.
15Waigien tliku il hung-i helthilthgatljou-on da housen Pharisee haade la alth kiānang-an. Di hung gwī kal il isdagun gien, ung-a lth dlin-gun gien, gin lth keng-gun, waigien hin tla il shudaian.
16Anung īlthing-as gum Shanung-itlagadas sta isang-gung, gum sabbath shantlanai duman il keng-uns altha, waigien hin Pharisee haade tīch shouon. Gushinū nung haada dāung-asdlu hin gin et kang-ūdsada isdalthing-āgung? tl tīch tlou hin shouon. Waigien gut hanltha tl ēlan.
17Gushinu dung hung-i nung helthilthga-daian edung dung gudung-gung? waigien housen hin nung hangkagas tl shudaian. Il prophetgāgung, waigien hin il shouon.
18Waigien nung hung-i helthilthgaian yāalung un tl ai-ing-ai keu, il hung-i-kagāgan lang-a helthilthgaiani gum Jews haade yetdā-ang-an;
19Dalung git gu ā is, nung tl kaiandlu hangkagāgan dalung shus-a? gushintlou wēt gin il keng-gung? hin la alth tl kiānung-āwon.
20Itil git ā is gieu, aung-aistgang-an il hangkagāgun ishin un itil ūnshidung;
21Gin agunan wēt il tliga kens tlou gum un itil ūnshidang-gung; il hung-i nung tla-helthilthgaian ishin gum un itil ūnshidang-gung; la alth lth kiānung-ū; il dlukōnāgung; la kodan shudāashang, hin il yāalung hanglthang shouon.
22Jews haade ga il lthwaugāwon alth ū ashgai il yāalung shudaian; nung haada nung Christgas il is unsta shūsdlu, synagogue-nagai sta la tl dang-gai wau kōnast Jews haade elthgīdaian altha.
23Althji alth ū, Il dlukōnāgung; la alth lth kiānung-ū, hin il yāalung shouon.
24Waigien nung hangkagāgan un housen tl ai-ang-an, Shanung-itlagadas un lth yāgūdung; unis nung īlthing-a dāung-a is un itil ūnshidung, waigien hin la tl shudaian.
25Il dāung-ie gum un di ūnshidang-gung; gin swonshung un di ūnshidung; di hangkagāgun; wēt tlou gin lth keng-gung, waigien hin hanglthang il shouon.
26Gushinū dung il isdaiang? gushinū dung hung-i il tla-helthilthga-tljou-ong? waigien hin la tl shudaian.
27Itan dalung ga lth shudagun, waigien gum dalung gudung-ung-gun; gushintlou housen gudung-ai da dalung gudung-gung? dalung ishin gu lagia disciplesgai itsgai da gudung-ūsh? hin hanglthang tla il shudaian.
28Waigien la alth tl kilthnang-an, Da ū lagia disciplesgai swon ijung; itil tlou Moses gia disciplesgai ijung.
29Moses ā Shanung-itlagadas gushugang-an un itil ūnshidung; anung īlthing-as tlou gum tlījī sta is un itil ūnshidang-gung, waigien hin tl shouon.
30Adshi un-kuldung-āgung; tlījī sta il is un gum dalung ūnshidans-kianan, di hung-i il helthilthgadagun.
31Ga dāung-asgai kil gum Shanung-itlagadas gudung-gung-uns un itil ūnshidung; waigien nung haada Shanung-itlagadas ā sing-lthgang gushus gien, il kilth ging-an ishin il ets-dlu, althunis kil il gudung-gung-gung.
32Hēt-tligai isīdan sta aung-aist-gang-an nung hangkaga hung-i nung tla-helthilthgas gum tl gudung-ung-gun.
33Anung īlthing-as gum Shanung-itlagadas sta isansdlu, gum gin il isdalthing-ang-gung, hin anung īlthing-as hanglthang tl shudaian.
34Yenki gin dāung-a ā dung tl kaian, waigien gu gin itil dung shkotadi? hin hanglthang waigien la tl shudaian. Waigien kyā ga la tl isdaian.
35Kyā ga la tl isdaian Jesus gudang-an; waigien la il kē-aian gien, Shanung-itlagadas Git gu dung yetdi? hin il shouon.
36Gishdū il ijung, Shalana, waigien la lth yetdie una? waigien hin hanglthang il shouon.
37La dung keng-gun gien, la ishin dung ā gūshugung, hin Jesus il shudaian.
38Shalana, dung lth yetdang, waigien hin il shouon. Waigien la ā singlthgang il gushouon.
39Tla tl ging-kilisalung-ai un hēt-tligai gu lth katlagun, gum gin ga keng-unsgai gin kens gien, gin ga kensgai ishin hungkagēlē una, waigien hin Jesus shouon.
40Pharisee haade la kwulth ijan ashgai gudang-an, Itil ishin gu hangkaga? waigien hin la tl shudaian.
41Dalung hangkagāgasdlu, gum dalung dāung-althing-ang-gung; Gin talung keng-gung, hin tlou wēt dalung shugung; hawun dalung dāung-ung, hin Jesus tl shudaian.
Currently Selected:
John 9: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
