Matthew 25
25
Chaptergē Lagwau Swaunshung wok Klēlth.
1WADLU, shāgē kingdomgē chitlingā klāalth kingānu edasang: kāsotoulio unga ltha istaiang ken chādūnēlths an istlāḡēan kiak ltha issāḡang.
2Klēlthu kōnangang, waigen klēlthu kutungāḡāni.
3Ga kōnungs gē kāsotouho unga istaiang ken tou kum wau an ltha istaangang:
4Ga kutungas gē tlou kāsotouho unga istaiang, waigen tou ishin.
5Houān nung chādūnēlths gūstalth ltha wautliwan tīslaiang waigen ltha kaslaiang.
6Waigen halyakwulēlthstlo sahaiga idjang: kwoking nung chādūnēlths kātlātalgung, kiak lth isso lā ā dalung istalēanā.
7Itan ā lth chitlingas wautliwan katloukwudangang ken kāsotouho unga ltha hokulthtaodzouang:
8Waigen ga kōnungs gē hin kutungas gē shūtaiang, tou ītil ga lth unga isto ītil giē kāsotouho kīlthgas althlā.
9Waigen ga kutungas gē bin shouan, kāhano: kum ītil an isken dalung an ishin kwanāngsang, altsīilth waddalēilung ā lth istiēdo waigen kinung an lth dahwou.
10Tou ltha dahawas talth anung chādūnēlths kātlāgang, waigen ga ēlthkiḡas gē lā alth na ga istzaiang gwud lth inēlths lagunungs ai ā waigen kūwē wau askidāni.
11Wadla, ga chitlingas kalat istlāḡang, waigen hin ltha shouan, Shālānā, Shālānā ītil kūst lth daastla.
12Waigen hin hangtlan il shouan, yenkien dalung ga lth shūḡung kum dalung an dī ūnshitānḡung.
13Altsīilth shanlthahadzu, tlīstlu shantlanē isken tlīstlu askaskit gud ishin nung ītlinga kit kātlāsēs kum an dalung ūnshitānsi althlā.
14Shāgē kingdomgē nung ītlinga tliga jinga ā kaiitang kingānu ēdung: kitzadalung an il aiyangang, waigen kin wautliwan ltha ga unga il istaiang.
15Waigen nung swaunshung ga dālā ki klēlth il istaiang: nung kalat ga dālā ki stung il istaiang, waigen nung kalat ga ki swaunshung il istaiang: tliku ltha tagwiātals kingān ltha ga kin il istaḡangang ken houītang il kaiitāni.
16Houītang dālā ki klēlth nung istaiang kaiitang: itan gwudistā il tlakaiīdāni waigen dālā ki klēlth waug agung lā kāāskidang.
17Kingān ishin dālā ki stung nung istaiang wauḡang, waigen lāgiē ki stung ishin waug agung kāāskidang.
18Ki swaunshung nung istaiani kaiitang lā tlou hingan gatlēēwaiang ken ītlagida unga giē dālā il saālang.
19Washt ed kout ā ga kitzadas an nung ītlagidas kātlāgang waigen lthanga il kwaiundaiang
20Waigen dālā ki klēlth nung istaiang kātlāḡang, waigen ilā dālā ki klēlth kalat il hātlthlāḡang ken hinū il shouan, Shālānā dālā ki klēlth dī ga dung istaḡun, kwoking ilā ga ki klēlth houshen lth istaḡun.
21Il ītlagīda hin il shūtaiang, Lāḡung, kitzadē las isken waigen yetou ishin dung īching: kin gu hutsu tuman dung kāngāni althlā, altsīilth kin kwan an dung lth ītlagidēlthtāshang; dung ītlagīda kwutungē las ik lth katsi.
22Dālā ki stung nung istaiang kātlāḡang ken hinū il shouan, Shālānā, dālā ki stung dī ga dung istaḡun, kwoking ilā ga ki stung dī gwi kāēlgun.
23Il ītlagīda hin lā il shūtaiang, Lāḡung, kitzadē las isken waigen yetou dung īching: kin gu hutsu tuman dung kāngāni althlā, altsīilth kin kwan an dung lth ītlagidēlthtāshang; dung ītlagīda kwutungē las ik lth katsi.
24Itan dālā ki swaunshung nung istaiang kātlāḡang ken hinū il shouan, Shālānā, nung ītlinga skalthza dung isis an dī ūnshitung: giouk kum dung tatlidzanḡunu dung tlīīdung, waigen giouk kum kin dung dāngwānḡunu gwudā dung istang:
25Waigen dī lthwaugaḡun ken lth kaiitun, waigen dunḡiē dālā ki swaunshung tligē kātli ā lth saalguni, kwoking dunḡiē īching unga dung daēlgung.
26Waigen il ītlagīda hangtlan hin il shūtaiang: kitzada dāunga isken, skunsalunga ishin dung īching: giouk kum lth tatlidzāngas lth tlīīdungung, waigen giouk kum kin lth dāngwāngas gwuda lth istaḡung an dung ūnshītunḡung:
27Altsīilth kashintlo kiagin dālā kum dālālē ga dung istaang ūdjang, waigen waug agung kāskittastlo sīlthkang lth stīlthstlo lth istasgaiaunḡung.
28Altsīilth dālā lā stāhā lth isto, waigen dālā ki klāalth nung daas ga lth isto.
29Altsīilth ltha wautliwan han kin kwōyā daas ga ga istiāshang, waigen wautelgu il daēlthasang: kum kin nung daangs tlou kin il daas lā stāhā istiāshang.
30Anung kitzada skunsalungas kiak halga ā lth dāngu giouk sahaigāsēsi gwau waigen zing unga kōkopitāsēsi gwau.
31Tlīstluan nung ītlinga kit kin anyākwudunga dungalth unga il kātlāstlo, angels las wautliwan lā alth lā isisang, waigen itan aulthkaaungwē anyākwudunga inku unga il kouwāshang:
32Waigen lā hangku gwaigangē wautliwan gwudā isisang, waigen lamatoēkētsitlē lamatoē isken kimptiē ishin gwudād tlāēdaḡuns kingān gwudād ltha il tlātisang:
33Soolgūst lamatoē il istāshang, stlangūst kimptiē gē il istāshang.
34Itan anung King gas il soolgūst ga isgē hin il shūtāshang, halūto, dī Aung kitilung lās dalung īching: hētk tligē ēlthkīgang stāhā kingdomgē dalung an ēlthkīgang lth isto:
35Dī kwīdun tlo tou di ga dalung gīdaḡun: di kattūgun tlo dī dalung hutlthdaḡun: dī tliga kalat hāadāḡun tlo kwulth kān dī dalung istaḡun.
36Dī kalthōnāngun tlo dī addu dalung tlilthilthdaḡun: dī stigun tlo tuman dī dalung kinḡun: ketsitnē ā lth īching tlo dī dalung kingatlāḡun.
37Wadla, hinū ga lās gē hin hanḡang il shūtāshang, Shālānā, kīshinda dung kwōts talung kingstlo dung talung lthtanūdaiang: dung kattūstlo dung talung hutlthdaiang?
38Kīshinda dung tliga kalat hāadas talung kingstlo kwulth kān dung talung istaiang: kīshinda dung kalthōnānstlo dung addu talung tlilthiltlidaiang?
39Kīshinda dung stis talung kingstlo, kētsitnē ā dung isis talung kingstlo dung an talung istlāḡang?
40Waigen anung King gas hangtlan hin ltha il shūtāshang, yenkien dalung ga lth shūḡung, ā dī touilung isis swaun wauhangast edis an dalung istaḡīni althlā, dī ū dalung istaḡīni.
41Wadla stlangūst ga isgē ishin hin il shūtāshang, waukwelth dī stāhā lth issu dalung dāungas, waigen zanoa swaunung hetgwaulana an isken lāgiē angelgas gē an ishin ēlthkīḡang ai lth isso.
42Dī kwīdun tlo kum tou dī ga talung gīdāanḡun: dī kattūgun tlo kum dī dalung hutlthtānḡun.
43Dī tliga kalat hāadāḡun tlo kum kwulth kān dī dalung istaanḡun: dī kalthōnānḡun tlo kum dī addu dalung tliltbilthdānḡun: dī stigun tlo: kētsitnē ā lth īching tlo kum tuman dī dalung kingānḡun.
44Itan gē ishin hin hanḡang il shūtāshang, Shālānā, kīshinda dung kwots talung kāngang: dung kattūs ishin: dung tliga kalat hāadas ishin: dung kalthōnāns ishin: dung stis ishin: kētsit nē ā dung isis ishin, waigen kum dung ga talung tlātāngang?
45Waigen hin hangtlan ltha il shūtāshang, yenkien dalung ga lth shūḡung ashgē swaun wauhangast edis an kum dalung istaanḡīni althlā, kum dī ū dalung istaanḡīni.
46Ā ga dāungas gē zanoa ed swaunung ai istiēdashang: waigen ga lās gē hēninga swaunung ai istiēdashang.
Currently Selected:
Matthew 25: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
