Matthew 27
27
Chaptergē Lagwau Swaunshung wok Chigwau.
1TLĪSTLUAN singaigastlo ga laplēt ītlagidas gē wautliwan isken lth hāada an ltha kiāsi wautliwan ishin Jesus an eddeā ltha kaoukgaiang lā ltha tīiēanā:
2Waigen tlīstluan lā ltha kētsgustlaiang tlo stāhā lā ltha halkaiitang, waigen Pontius Pilate nung Governorgas ā lā ltha istaiang.
3Itan Judas lā alth nung giadāḡang lā ltha tīiungkasas il kāngang tlo, kwutungē unga il stīlthtaiang, waigen dālā hudilas klālē lth'ūnilth ga laplēt ītlagidas gē isken ltha kiāsi ishin ga sīlthkang il istaiang.
4Waigen hinū il shouan: kin dāunga lth istaḡun ai skwunas alth lth giadāḡun althlā. Waigen hin ltha shouan, kasino oudshi ītil an ēdung, dahou an ītlagidāḡung.
5Waigen churchnē yūans kātli ā dālā hudila il hāūstazaiang ken stāhā il kaiitang, waigen agung il kūtliouang.
6Waigen ga laplēt ītlagidas gē dālā hudilas istaiang tlo hin ltha shouan, churchnē dālā hōtē ai talung istiē ū kum lānḡung, ai saou isis althlā.
7Ltha counsel gāgang ken skatlangu nung tlaoutlas giē kwulthkadazi wau alth ltha dakgang tliga kalat hāada gu ltha tlēēwauḡēanā.
8Altsīilth ashgē shantlanē gud wadshi kwulthkadazi ai kwulthkadazi hin kēyāḡang.
9Wadlu tliku Jeremiah nung Prophetgas shouan kingānu edāni: waigen hinū il shouan, dālā klālē lth'ūnilth il saou ltha kilskudanā ltha istaiang, waigen Israel hāadē il kilskudang.
10Waigen skatlangu nung tlaoutlas giē kwulthkadazi ā ltha istaiang, waigen tliku Shālānā dī ga shūḡun kingān edāni.
11Wadlu anung Governorgas hangku Jesus giāḡang, waigen hin lā alth il kiānangang Jew hāadē an gu dung King gā us? Waigen Jesus hin il shūtaiang kwaulthangan dung shūḡung.
12Waigen tlīstluan ga laplēt ītlagidas gē isken, ltha kiāsi ishin lā an witness gāgang tlo kum hanḡang il kilāngang.
13Itan Pilate hin il shūtaiang, kin kwan dung an ltha witness gādas kum gu dung kwudungān ūs?
14Waigen kum kil swaunshung alth hangtlan lā il shūtaangang, altsīilth anung Governorgas kaldungāyūanan.
15Ashgē lagunungētlu anung Governorgas kētsit nē stāhā nung ga ltha istatlas kingān ltha ga il kāgwulthtaḡangang.
16Wadlu, nung dāunga yūans ltha kētsguwādaiang Barabbas hinū il kēyaiang.
17Altsīilth gwuda lthaidjang tlo Pilate hin ltha il shūtaiang: Barabbas isken, Jesus ishin Christ hin ishin il kēyang: ā ltha stung isis kinasu kiak dalung ga kētsit nē stāhā lth kāgwulthtāsang.
18Lā an ltha kwutungē sahalthilas alth, a kētsit nē ā lā ltha istas an il ūnshītang.
19Waigen houān ginkilislang aulthkaaungwē inku il kouwaḡundang, il chā lā ā da kil kaiitang, waigen hinū il shouan, wu nung ītlinga lā is ā lth kum tlāḡāng, aiata shantlanē gud lā hagunan yenkien agung lth kung lthwaugaḡunḡung.
20Wadlu ga laplēt ītlagidas gē isken, ltha kiāsi ishin ltha skūlas kilskudhanskitang Barabbas ltha ginungēanā, Jesus il zitokliskadēanā.
21Waigen anung Governorgas hin hangtlan ltha il shūtaiang; ā ltha stung isis kinasu kētsitnē stāhā lth kāgwulthtāsang? Barabbas hin ltha shouan.
22Pilate hin ltha il shūtaiang; Jesus, Christ hin ishin il kēyang, kasino lā lth edāsang. Ltha wautliwan hin il shūtaiang, agwan lth il zitokliskadādi.
23Waigen hinū anung Governorgas shouan: kashintlou, gūsh dāungou il istouūdjang? Waigen kwunan houshen hin ltha shouan agwan lth il zitokliskadādi.
24Altsīilth Pilate kum lāgwīkāēlthāns an il ūnshitālang tlo, waigen ltha kātliyildas il kāngang tlo, hānlth il istaiang ken ltha skūlas hangku il stlē unga glanang, waigen hinū il shouan, anung ītlinga lās tīiē kum ga dī istatlānḡung: dalung ū an ītlagidāḡung.
25Waigen lth hāada wautliwan hin hangtlan shouan, agwan il ai ītil inku ista, waigen ītil kitilung inku ishin.
26Itan Barabbas kētsit nē stāhā kiak ltha ga il kāgwulthtaiang ken Jesus il tīlthwangang lā ltha zitokliskadēanā.
27Wadlu, anung Governorgas ga soldiers gē Jesus istaiang Governorgas giē nē ā, waigen ga soldiergas gē wautliwan lā ā ltha istaiang.
28Kin il giandas hēst lā ltha tlaistlāgang, waigen kōdets s'het ī lā ltha tlakatsaiang.
29Waigen tlīstluan tatching ḵî ltha haiang tlo il kats ī ltha takutlaiang: taskga soolgūst il stlē ik ltha taskatlaiang ken lā hetgu kwollo unga kats ing alth ltha kaouslaiang, waigen isi ishin lā alth ltha shounanḡangang ken hin ltha shouan, hai, Jew hāadē an nung King gas.
30Waigen lā gwi ltha tagwangang: taskgē lā stāhā lth istaiang ken il kats ai ltha sahaskidang.
31Waigen lā alth ltha shounanḡīīs silīd kōdets s'hets hēst lā ltha tlakātlāgang ken kin il giandaiang lā gwi ltha istaiang, waigen stāhā lā ltha halkaiitang lā ltha zitokliskadēanā.
32Itan stāhā ltha issāḡundang nung Cyrene hāada ltha kīaiang Simon hinū il kēyaiang: katdung lā ltha kaiidaiang skauma langa il skūlthgaiīdēanā.
33Waigen tlīstluan Golgotha hin tliga kēyas gu ltha istlāgāni tlo, winegē shuīt kin hougut yūan lā ltha hutlthtaiang, waigen il kūkūdangāni tlo kum il hutlaangang. Golgotha tligē tlingits tligē hin ishin kēyang.
34Waigen lā ltha zitokliskadang, waigen kin il giandas langa ltha tlāādīgang ken gwudan langa ltha wasuḡangang.
35Waigen tliku nung prophetgas shouan kingānu ltha wauḡang. Waigen hinū il shouan: kin lth giandas gwudē ltha tlāādīsang, waigen kiagin kōdetsē gwudan ltha wasuwāsang.
36Gwu ltha tluadaiāni ken lā ltha lthahadzaiang.
37Il kats shāed lthken ltha istaiang ken inku hin ltha kālangang: anis Jesusu īching Jew hāadē an nung King gas.
38Waigen kwolthtal lēilung stung gu lā kwulth zitohatajāgang: soolgūst nung idjan ken stlangūst ishin nung idjan.
39Itan lā hetit ltha istalguns lā alth shounangang, waigen kats unga ltha kēkikidangang, waigen hin lā ltha shūdaḡangāni:
40Dā tlou churchnē yūans tlahunzasingodjing waigen sin lth'ūnilth gud houshen dung tlaoutlasinḡuntliku: agung lth kaginda: Shānungetlagidas kit gu dung istōalth skaumē stāhā kāalth.
41Waikingān ga laplet ītlagidas gē isken, takālunglēilung ishin, ltha kiāsi ishin lā alth shounangang.
42Waigen hin ltha shouan: ltha kalat il kagindaiang, waigen kum tliku Agung il kaginda tlingē kāng gaanḡung. Israel hāadē an il King gāstlo agwan lth skauma stāhā il kāalthta: wadla lā talung yetāshang.
43Shānungetlagidas il yetang, agwan wēata lā il kagindada lā gu il statlasken: dīu Shānungetlagidas kit īching hinū il shūḡīnē althlā.
44Kingān lth kwolthtal lēilung lā kwulth zitohatajas ishin lā alth shounanḡangang.
45Wadlu, askaskit lthūunilth stāhā askaskit klāalthswansinḡūstlo tligē askwan gud halgā ēlang.
46Waigen askaskit klāalthswansinḡu ēlthstlo Jesus kwunan kil alth sahailthlaiang Eli Eli lama sabacthāni: dī Ītlagīda, dī Ītlagīda, kashintlou dī dung dāngūdjung.
47Ltha tītch waudlun tlazūḡians tliku il shūs kwudāngānī tlo hin ltha shouan: Elijah an il aiyinḡungwau.
48Waigen houītang ltha swaun addang ken spongegē il istaiang: skang kwun ik il kūḡungjalang tlo vinegar ai il telthkwulthgaiang ken lā ga il istaiang il hutliēanā.
49Waigen ltha kalat hin shouan: agwan lth il eda, Elijah kātlāstlo lā il kagindiē talung kingzing.
50Waigen Jesus houshen kwunan kil alth sahailthlaiang, waigen il kwōtalang.
51Waigen kwoking churchnigē kwustahātītajāni, waigen tligē ildangang ken tīshē wautliwan ā tlinḡangang.
52Ga tlēēwas gē yesi washt asuḡangang, waigen lth hāada lā kwōtalthgias tlu kwan kātlouang.
53Waigen kwōtal stāha il kātlouang silīd shātlingnigē stāhā kiak unga ltha issāgang, waigen ilnigē lasi ai ltha istālang ken ltha kwan agung ltha kingdaiang.
54Wadlu, soldiergas gē lagwau klēlth an nung ītlagidas isken, lā alth ga idjan gē ishin, tlīstluan tligē ildung isken kin an kaldungas ishin ltha kāngang tlo, Jesus ā ltha lthahadzaiang ken hin ltha shouan: yenkien Shānungetlagidas kit anis idjan. Waigen ltha lthwaugalth yūanan.
55Waigen lth chāada kwan wadshgust ū kāngang Jesus tlā ga istalanā Galilee tligē stāhā, waigen lā an ltha lthāangwilgangang.
56Ltha shu Mary Magdalene idjāni: Mary James isken Joses ishin ou ishin: waigen Zebedee kitilung ou ishin.
57Waigen singyāstlo, nung ītlinga kintlinga Arimathea tligē stāhā kātlāḡang: Joseph hinū il kēyaiang; laou ishin Jesus kitzad idjāni.
58Pilate ā il kaiitang ken Jesus kwōt il ginangang: itan Pilate il tlu lā ga istahālang.
59Waigen Joseph il kwōt istaiang ken gioung skwuna lā addu il istaiang.
60Waigen giang shātlingnigē houtlas ai lā il istaiang: itan tīshē shātlingnē an il tlaoutlaiang: waigen kwau yūan shātlingnigē kūwē ā il skōkīskutang ken stāhā il kaiitāni.
61Waigen Mary Magdalene isken, Mary kalat ishin, shātlingnigē hantlā il tlūadouang.
62Waddalēku Preparation shantlanaiu idjang, altsīilth ga laplēt ītlagidas gē isken Pharisee hāadē ishin Pilate ā gwudā idjang:
63Waigen hin ltha shouan: nung Ītlagidas, anung kilthkadungas shūḡung ai ītil kēidung: houān il hēningāḡundang hinū il shouan, shantlan lth'ūnilth silīd houshen lth kātlūshang.
64Altsīilth wadshi shātlingnigē ā shantlan lth'ūnilē ku ltha lthahadzālth: kum waikingān edānsken, lagagahatijanḡē halgwau il kwōt kwolthtātlāshang, waigen kwōtal stāhā il katlonang lth hāada ga ltha shūasang: waigen kwunāgē hadlouāḡun telgu otgwaugē ishin hadlouāshang.
65Pilate hin ltha il shūtaiang, ga soldiergas gē dalung dāang: kūwē gud lth unga istiēdo, waigen shātlingnigē ā ltha lthahadzādou.
66Altsīilth ā ltha istiēdang, waigen shātlingnigē ā ltha lthahadzaiang: kwau kūwē inku kēyi unga ltha kālangang, waigen ga soldiergas gē ltha kwulth idjāni.
Currently Selected:
Matthew 27: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
