Hechos 14
14
Pablo yic'ot Bernabé ya' ti Iconio
1Che' bʌ tsa' ochiyob ti' sinagoga judíojob ya' ti Iconio, tsi' wen cha'leyob subt'añ, jiñi cha'añ wen ca'bʌl judíojob tsi' ñopoyob yic'ot griegojob. 2Pero jiñi judíojob mach bʌ añic tsi' ñopoyob, tsi' ñijcayob ti mich'ajel jiñi gentilob ti' contra jiñi hermañujob. 3Jiñi cha'añ Pablo yic'ot Bernabé tsa' jal-ayob ya'i, tsi' cha'leyob t'añ ti' ch'ejlelob i pusic'al come xuc'ulob ti lac Yum. Lac Yum tsi' yʌq'ueyob i pʌs i yejtal i p'ʌtʌlel yic'ot bʌbʌq'uen tac bʌ cha'añ mi' tsictiyel isujmlel i t'añ Dios yic'ot i yutslel Dios. 4Jiñi wiñicob ya' ti tejclum tsi' t'oxoyob i bʌ, ojlil tsi' jac'beyob i t'añ jiñi judíojob, jiñi yam bʌ ojlil tsi' jac'beyob i t'añ jiñi apóstolob. 5Tsi' tem chajpayob i bʌ gentilob yic'ot judíojob yic'ot jiñi yumʌlob i cha'añ, cha'añ mi' tic'lañob Pablo yic'ot Bernabé yic'ot cha'añ mi' julob ti xajlel. 6Che' bʌ ña'tʌbilobix i cha'añ Pablo yic'ot Bernabé tsa' puts'iyob majlel ti Listra yic'ot ti Derbe, yic'ot ti tejclum tac ya' ti Licaonia, yic'ot ti' joytʌlel, 7ya'i tsi' su'buyob majlel jiñi wen t'añ.
Pablo tsa' jujli ti xajlel ya' ti Listra
8Ya' ti Listra ya' buchul juntiquil wiñic mach bʌ weñic i yoc c'ʌlʌl che' bʌ tsi' yila pañimil. Ma'añic ba' ora tsa' mejli ti xʌmbal. 9Jiñi wiñic tsi' yu'bibe i t'añ Pablo, tsi' ch'ujch'uj q'uelbe i wut, che' jiñi tsi' ña'ta ñopol i cha'añ jiñi wiñic cha'añ mi mejlel i c'oc'an. 10Ti wen c'am bʌ i t'añ tsi' su'be:
—Ch'ojyen, wa'i'.
Jiñi wiñic tsa' tijp'i, tsa' caji ti xʌmbal.
11Che' bʌ tsi' q'ueleyob wiñicob x'ixicob chuqui tsi' mele Pablo, jiñi año' bʌ ti Licaonia c'am tsi' cha'leyob t'añ, tsi' yʌlʌyob ti' t'añ licaoniajob: “Tsa'ix ju'biyob tilel diosob ti lac tojlel che' bajche' wiñic cha'añ mi' jula'tañonla.”
12Bernabé tsi' pejcayob ti Júpiter. Pablo tsi' pejcayob ti Mercurio,#14.12 Zeus yic'ot Hermes jiñʌch i diosob jiñi griegojob. Jiñi romanojob tsi' pejcayob ti Júpiter yic'ot ti Mercurio, ili i diosob griegojob. Zeus jiñʌch jiñi ñuc bʌ i diosob, pero Hermes jiñʌch jiñi mu' bʌ i ch'ʌm tilel i t'añ jiñi dios tac. come Pablo jiñʌch jiñi tsa' bʌ i su'bu jiñi t'añ. 13Jiñi motomaj cha'añ Júpiter, ya'añ ti' yotlel jiñi dios am bʌ ti ti' jiñi tejclum, tsi' ch'ʌmʌyob tilel ti ti' tejclum i tat wacax che' ch'ʌlbil ti' ñich pimel. Jiñi motomajob yic'ot pejtelel wiñicob x'ixicob yom i tsʌnsʌbeñob i majtañ Pablo yic'ot Bernabé.#14.13 Jiñi tat wacax ch'ʌlbil ti' ñich pimel come mi' tsʌnsʌntel che' bajche' majtañʌl. 14Che' bʌ tsi' yu'biyob chuqui woli i ña'tan i melob ti' tojlel jiñi apóstolob, Bernabé yic'ot Pablo tsi' tsiliyob i pislel,#14.14 Tsi' tsiliyob i pislel: Jiñʌch i yejtal cha'añ mach uts'atic woli i q'uelob jiñi woli bʌ i ña'tan i melob jiñi wiñicob x'ixicob; q'uele Mc 14.63. tsa' ñumiyob ti ajñel ba' motocñayob, tsi' cha'leyob c'am bʌ t'añ, 15tsi' yʌlʌyob:
—Wiñicob, ¿chucoch mi la' mel che' bajche' iliyi? Joñon lojon wiñicon jach lojon ja'el che' bajche'etla. Woli c su'b lojon cha'añ yom mi la' cʌy jiñi lolom jach bʌ la' melbal cha'añ mi la' ñop jiñi cuxul bʌ Dios tsa' bʌ i mele panchan yic'ot pañimil yic'ot mar yic'ot pejtelel i bʌl.#Hch 10.25-26 16Anquese ti yam bʌ ora Dios tsi' yʌq'ueyob i mel wiñicob x'ixicob che' bajche' jach bajñel yomob,#Hch 17.30; Rm 3.25-26 17pero ma'añic tsi' cʌyʌ i pʌs wen bʌ i ye'tel. Tsi' yʌq'ueyonla ja'al tilem bʌ ti panchan yic'ot tsi' yʌc'ʌ ti wut pʌc'ʌbʌl tac che' ti yorajlel cha'añ i bʌl lac ñʌc' yic'ot cha'añ i tijicñʌyel lac pusic'al.#14.15-17 Jiñʌch ñaxan bʌ i subt'añ Pablo ti' tojlelob jiñi mach bʌ wolic i ñopob Dios; q'uele Hch 17.22-31; Rm 1.19-20. Lolom jach bʌ la' melbal, che'ʌch mi' yʌlob jiñi judíojob che' woli i ch'ujutesañob dios tac melbil ti c'ʌb wiñic.
18Anquese tsi' yʌlʌyob pejtelel iliyi, wocol tsa' mejli i tic'ob jiñi wiñicob x'ixicob cha'añ ma'añic mi' tsʌnsʌbeñob i majtañ.
19Ti jim bʌ ora tsa' tiliyob judíojob ch'oyolo' bʌ ti Antioquía#14.19,21 Antioquía: ti Pisidia (Hch 13.13-14). yic'ot ti Iconio, tsi' jembeyob i ña'tʌbal jiñi wiñicob x'ixicob, tsa' caji i contrajiñob Pablo yic'ot tsi' juluyob ti xajlel, tsi' tujc'ayob loq'uel ti ti' tejclum come tsi' lon ña'tayob chʌmeñix.#2 Cor 11.24-25; 2 Tm 3.11 20Pero che' joyolob i cha'añ xñopt'añob, tsa' ch'ojyi Pablo, tsa' ochi ti tejclum. Ti yijc'ʌlal tsa' majli ti Derbe temel yic'ot Bernabé.
21Che' bʌ tsa'ix i su'buyob jiñi wen t'añ ya' ti Derbe ba' tsi' cʌntesayob ca'bʌl wiñicob x'ixicob, Pablo yic'ot Bernabé tsa' cha' majliyob ti Listra yic'ot ti Iconio yic'ot ti Antioquía. 22Tsi' ch'ejl-esʌbeyob i pusic'al xñopt'añob, tsi' xic'beyob cha'añ xuc'ul mi' chʌn ñopob i t'añ Dios yic'ot tsi' su'beyob: “Wersa yom mi lac ñusan ca'bʌl wocol cha'añ mi la cochel ti' yumʌntel Dios.” 23Tsi' wa'chocoyob ancianojob#14.23 Ancianojob: Hch 11.30. ti jujump'ejl tejclum ba'añ xñopt'añob. Che' bʌ tsa' ujtiyob ti oración yic'ot ch'ajb, tsi' yʌc'ʌyob ti' c'ʌb lac Yum jiñi tsa' bʌ i ñopoyob.
Tsa' sujtiyob ti Antioquía che' ya'añob ti Siria
24Tsa' ñumiyob majlel ti Pisidia, tsa' c'otiyob ti Panfilia. 25Che' bʌ tsa'ix i su'buyob jiñi wen t'añ ya' ti Perge, tsa' ju'biyob tilel ti Atalía. 26Ya' ti Atalía tsa' ochiyob ti barco cha'añ mi' sujtelob ti Antioquía#14.26 Antioquía: ti Siria (Hch 11.19); q'uele Hch 13.1-3. ya' ba' tsi' c'ajtibeyob i yutslel i pusic'al Dios cha'añ jiñi e'tel tsa' bʌ i meleyob Pablo yic'ot Bernabé. 27Che' bʌ tsa' c'otiyob, tsi' tempayob i bʌ jiñi xñopt'añob. Pablo tsi' su'beyob pejtelel chuqui tac wen ñuc tsi' mele Dios yic'otob, yic'ot che' bajche' tsi' jambeyob i pusic'al gentilob cha'añ mi' ñopob ja'el. 28Pablo yic'ot Bernabé jal tsa' cʌleyob yic'ot jiñi xñopt'añob ya'i.
Currently Selected:
Hechos 14: NTCH
Highlight
Share
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process
Hechos 14
14
Pablo yic'ot Bernabé ya' ti Iconio
1Che' bʌ tsa' ochiyob ti' sinagoga judíojob ya' ti Iconio, tsi' wen cha'leyob subt'añ, jiñi cha'añ wen ca'bʌl judíojob tsi' ñopoyob yic'ot griegojob. 2Pero jiñi judíojob mach bʌ añic tsi' ñopoyob, tsi' ñijcayob ti mich'ajel jiñi gentilob ti' contra jiñi hermañujob. 3Jiñi cha'añ Pablo yic'ot Bernabé tsa' jal-ayob ya'i, tsi' cha'leyob t'añ ti' ch'ejlelob i pusic'al come xuc'ulob ti lac Yum. Lac Yum tsi' yʌq'ueyob i pʌs i yejtal i p'ʌtʌlel yic'ot bʌbʌq'uen tac bʌ cha'añ mi' tsictiyel isujmlel i t'añ Dios yic'ot i yutslel Dios. 4Jiñi wiñicob ya' ti tejclum tsi' t'oxoyob i bʌ, ojlil tsi' jac'beyob i t'añ jiñi judíojob, jiñi yam bʌ ojlil tsi' jac'beyob i t'añ jiñi apóstolob. 5Tsi' tem chajpayob i bʌ gentilob yic'ot judíojob yic'ot jiñi yumʌlob i cha'añ, cha'añ mi' tic'lañob Pablo yic'ot Bernabé yic'ot cha'añ mi' julob ti xajlel. 6Che' bʌ ña'tʌbilobix i cha'añ Pablo yic'ot Bernabé tsa' puts'iyob majlel ti Listra yic'ot ti Derbe, yic'ot ti tejclum tac ya' ti Licaonia, yic'ot ti' joytʌlel, 7ya'i tsi' su'buyob majlel jiñi wen t'añ.
Pablo tsa' jujli ti xajlel ya' ti Listra
8Ya' ti Listra ya' buchul juntiquil wiñic mach bʌ weñic i yoc c'ʌlʌl che' bʌ tsi' yila pañimil. Ma'añic ba' ora tsa' mejli ti xʌmbal. 9Jiñi wiñic tsi' yu'bibe i t'añ Pablo, tsi' ch'ujch'uj q'uelbe i wut, che' jiñi tsi' ña'ta ñopol i cha'añ jiñi wiñic cha'añ mi mejlel i c'oc'an. 10Ti wen c'am bʌ i t'añ tsi' su'be:
—Ch'ojyen, wa'i'.
Jiñi wiñic tsa' tijp'i, tsa' caji ti xʌmbal.
11Che' bʌ tsi' q'ueleyob wiñicob x'ixicob chuqui tsi' mele Pablo, jiñi año' bʌ ti Licaonia c'am tsi' cha'leyob t'añ, tsi' yʌlʌyob ti' t'añ licaoniajob: “Tsa'ix ju'biyob tilel diosob ti lac tojlel che' bajche' wiñic cha'añ mi' jula'tañonla.”
12Bernabé tsi' pejcayob ti Júpiter. Pablo tsi' pejcayob ti Mercurio,#14.12 Zeus yic'ot Hermes jiñʌch i diosob jiñi griegojob. Jiñi romanojob tsi' pejcayob ti Júpiter yic'ot ti Mercurio, ili i diosob griegojob. Zeus jiñʌch jiñi ñuc bʌ i diosob, pero Hermes jiñʌch jiñi mu' bʌ i ch'ʌm tilel i t'añ jiñi dios tac. come Pablo jiñʌch jiñi tsa' bʌ i su'bu jiñi t'añ. 13Jiñi motomaj cha'añ Júpiter, ya'añ ti' yotlel jiñi dios am bʌ ti ti' jiñi tejclum, tsi' ch'ʌmʌyob tilel ti ti' tejclum i tat wacax che' ch'ʌlbil ti' ñich pimel. Jiñi motomajob yic'ot pejtelel wiñicob x'ixicob yom i tsʌnsʌbeñob i majtañ Pablo yic'ot Bernabé.#14.13 Jiñi tat wacax ch'ʌlbil ti' ñich pimel come mi' tsʌnsʌntel che' bajche' majtañʌl. 14Che' bʌ tsi' yu'biyob chuqui woli i ña'tan i melob ti' tojlel jiñi apóstolob, Bernabé yic'ot Pablo tsi' tsiliyob i pislel,#14.14 Tsi' tsiliyob i pislel: Jiñʌch i yejtal cha'añ mach uts'atic woli i q'uelob jiñi woli bʌ i ña'tan i melob jiñi wiñicob x'ixicob; q'uele Mc 14.63. tsa' ñumiyob ti ajñel ba' motocñayob, tsi' cha'leyob c'am bʌ t'añ, 15tsi' yʌlʌyob:
—Wiñicob, ¿chucoch mi la' mel che' bajche' iliyi? Joñon lojon wiñicon jach lojon ja'el che' bajche'etla. Woli c su'b lojon cha'añ yom mi la' cʌy jiñi lolom jach bʌ la' melbal cha'añ mi la' ñop jiñi cuxul bʌ Dios tsa' bʌ i mele panchan yic'ot pañimil yic'ot mar yic'ot pejtelel i bʌl.#Hch 10.25-26 16Anquese ti yam bʌ ora Dios tsi' yʌq'ueyob i mel wiñicob x'ixicob che' bajche' jach bajñel yomob,#Hch 17.30; Rm 3.25-26 17pero ma'añic tsi' cʌyʌ i pʌs wen bʌ i ye'tel. Tsi' yʌq'ueyonla ja'al tilem bʌ ti panchan yic'ot tsi' yʌc'ʌ ti wut pʌc'ʌbʌl tac che' ti yorajlel cha'añ i bʌl lac ñʌc' yic'ot cha'añ i tijicñʌyel lac pusic'al.#14.15-17 Jiñʌch ñaxan bʌ i subt'añ Pablo ti' tojlelob jiñi mach bʌ wolic i ñopob Dios; q'uele Hch 17.22-31; Rm 1.19-20. Lolom jach bʌ la' melbal, che'ʌch mi' yʌlob jiñi judíojob che' woli i ch'ujutesañob dios tac melbil ti c'ʌb wiñic.
18Anquese tsi' yʌlʌyob pejtelel iliyi, wocol tsa' mejli i tic'ob jiñi wiñicob x'ixicob cha'añ ma'añic mi' tsʌnsʌbeñob i majtañ.
19Ti jim bʌ ora tsa' tiliyob judíojob ch'oyolo' bʌ ti Antioquía#14.19,21 Antioquía: ti Pisidia (Hch 13.13-14). yic'ot ti Iconio, tsi' jembeyob i ña'tʌbal jiñi wiñicob x'ixicob, tsa' caji i contrajiñob Pablo yic'ot tsi' juluyob ti xajlel, tsi' tujc'ayob loq'uel ti ti' tejclum come tsi' lon ña'tayob chʌmeñix.#2 Cor 11.24-25; 2 Tm 3.11 20Pero che' joyolob i cha'añ xñopt'añob, tsa' ch'ojyi Pablo, tsa' ochi ti tejclum. Ti yijc'ʌlal tsa' majli ti Derbe temel yic'ot Bernabé.
21Che' bʌ tsa'ix i su'buyob jiñi wen t'añ ya' ti Derbe ba' tsi' cʌntesayob ca'bʌl wiñicob x'ixicob, Pablo yic'ot Bernabé tsa' cha' majliyob ti Listra yic'ot ti Iconio yic'ot ti Antioquía. 22Tsi' ch'ejl-esʌbeyob i pusic'al xñopt'añob, tsi' xic'beyob cha'añ xuc'ul mi' chʌn ñopob i t'añ Dios yic'ot tsi' su'beyob: “Wersa yom mi lac ñusan ca'bʌl wocol cha'añ mi la cochel ti' yumʌntel Dios.” 23Tsi' wa'chocoyob ancianojob#14.23 Ancianojob: Hch 11.30. ti jujump'ejl tejclum ba'añ xñopt'añob. Che' bʌ tsa' ujtiyob ti oración yic'ot ch'ajb, tsi' yʌc'ʌyob ti' c'ʌb lac Yum jiñi tsa' bʌ i ñopoyob.
Tsa' sujtiyob ti Antioquía che' ya'añob ti Siria
24Tsa' ñumiyob majlel ti Pisidia, tsa' c'otiyob ti Panfilia. 25Che' bʌ tsa'ix i su'buyob jiñi wen t'añ ya' ti Perge, tsa' ju'biyob tilel ti Atalía. 26Ya' ti Atalía tsa' ochiyob ti barco cha'añ mi' sujtelob ti Antioquía#14.26 Antioquía: ti Siria (Hch 11.19); q'uele Hch 13.1-3. ya' ba' tsi' c'ajtibeyob i yutslel i pusic'al Dios cha'añ jiñi e'tel tsa' bʌ i meleyob Pablo yic'ot Bernabé. 27Che' bʌ tsa' c'otiyob, tsi' tempayob i bʌ jiñi xñopt'añob. Pablo tsi' su'beyob pejtelel chuqui tac wen ñuc tsi' mele Dios yic'otob, yic'ot che' bajche' tsi' jambeyob i pusic'al gentilob cha'añ mi' ñopob ja'el. 28Pablo yic'ot Bernabé jal tsa' cʌleyob yic'ot jiñi xñopt'añob ya'i.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process