Juan 17
17
Jesús tsi' cha'le oración cha'añ xcʌnt'añob i cha'añ#17.1-26 Jiñʌch jump'ejl i yoración Jesús ba' tsi' taja i bʌ ti oración (v. 1-5), ba' tsi' taja ti oración ja'el xcʌnt'añob i cha'añ (v. 6-19) yic'ot ti' tojlelob jiñi mu' to bʌ caj i ñopob (v. 20-26). Q'uele Rm 8.34; Heb 7.24-27.
1Che' bʌ tsa' ujti ti t'añ Jesús, tsi' letsa i wut ti panchan, tsi' yʌlʌ:
—C Tat, i yorajlelix wʌle.#17.1 I yorajlelix wʌle: Q'uele isujmlel ti Jn 2.4. Pʌsʌ i ñuclel#17.1 Pʌsʌ i ñuclel: Q'uele isujmlel ti Jn 13.1—21.23. Q'uele ja'el Jn 7.39; 12.16,23,28; 13.31-32. a Walobil, cha'añ mi' pʌs a ñuclel a Walobil ja'el. 2Come tsa' wʌq'ue i p'ʌtʌlel a Walobil ti' tojlel pejtelel wiñicob x'ixicob, cha'añ mi cʌq'ueñob i cuxtʌlel mach bʌ añic mi' jilel ti pejtelelob jiñi tsa' bʌ a wʌq'ueyon. 3Jiñʌch i cuxtʌlel mach bʌ añic mi' jilel che' mi' cʌñetob, jiñi cojach bʌ isujm bʌ Dios, yic'ot Jesucristo tsa' bʌ a choco tilel.#17.3 Che' mi' cʌñetob: Mach cojic jach isujmlel cha'añ woli i cʌn, pero añ isujmlel ja'el cha'añ wolʌch i ch'ʌm ti' wenta, cha'añ wolʌch i ñop, cha'añ wolʌch i c'uxbin yic'ot cha'añ wolʌch i jac'ben i t'añ jiñi mero Dios yic'ot i Yalobil Jesucristo (Jn 14.7,9; 16.3; 17.25; 1 Jn 2.3-6,13-14; 3.1,6; 4.7-8; 5.20).
4Tsa' c pʌsʌ a ñuclel ti pañimil; tsa'ix c ts'ʌctesa jiñi e'tel tsa' bʌ a wʌq'ueyon cha'añ mic mel.#Jn 4.34; 17.4; 19.30 5Wʌle, c Tat, pʌsʌ c ñuclel che' bajche' añ c cha'añ quic'otet che' maxto añic pañimil.#17.5 Ili evangelio tsa' bʌ i ts'ijba Juan ca'bʌl mi' taj ti t'añ cha'añ wʌn añʌch i Yalobil Dios che' maxto añic panchan pañimil, Jn 1.1-3,15,30; 8.58; Pr 8.23.
6Tsa' c tsictesʌbeyob a c'aba' jiñi wiñicob tsa' bʌ a wʌq'ueyon ti pañimil; a cha'añob, tsa' wʌq'ueyoñob, tsi' jac'ʌyob a t'añ. 7Yujilobix ya' ch'oyol ba' añet pejtelel tsa' bʌ a wʌq'ueyon. 8Come jiñi t'añ tsa' bʌ a wʌq'ueyon, tsa'ix cʌq'ueyob, tsi' ñopoyob, yujilobix ti' isujm tsa' loq'uiyon tilel ba' añet, tsi' ñopoyob chocbilon tilel a cha'añ.
9Mij c'ajtibeñet i wenlel, ma'añic mij c'ajtibeñet i wenlel i cha'año' bʌ pañimil, pero mij c'ajtibeñet i wenlel jiñi wiñicob tsa' bʌ a wʌq'ueyon, come a cha'añob. 10Pejtelel c cha'año' bʌ, a cha'añobʌch, jiñi a cha'añ bʌ c cha'añobʌch ja'el, tsa'ix i tsictesayob c ñuclel.
11Mach chʌn añoñix ti pañimil, pero iliyob añob to ti pañimil, joñon cha' talon ba' añet. C Ch'ujutat, cʌntañob ti a c'aba' jiñi xñopt'añob tsa' bʌ a wʌq'ueyon cha'añ mi' yajñelob ti jump'ejl jach i pusic'al che' bajche' joñonla. 12Che' wʌ' to añon quic'otob ti pañimil, tsa' j cʌntayob ti a c'aba'; jiñi tsa' bʌ a wʌq'ueyon, tsa' cʌntayob, ma'añic tsa' sajti mi juntiquilic, cojach jiñi mu' bʌ i majlel ti tojmulil cha'añ mi' ts'ʌctiyel i Ts'ijbujel Dios.#Sal 41.9; Jn 13.18
13Wʌle talon ba' añet. Wolic su'b jiñi t'añ ti pañimil, cha'añ mi' ts'ʌctiyel i tijicñʌyelob i pusic'al che' bajche' i tijicñʌyel c pusic'al.#Jn 15.11; 16.24; 1 Jn 1.4; 2 Jn 12 14Tsa' cʌq'ueyob a t'añ, i cha'año' bʌ pañimil tsi' ts'a'leyob c cha'año' bʌ, come mach i cha'añobic pañimil che' bajche' joñon ja'el mach i cha'añoñic pañimil.#Jn 8.51; 14.23-24; 15.3 15Ma'añic mij c'ajtibeñet cha'añ ma' pʌyob loq'uel ti pañimil. Cojach cha'añ ma' cʌntañob ame yajlicob ti jontolil. 16Mach i cha'añobic pañimil che' bajche' joñon mach i cha'añoñic pañimil ja'el. 17Sʌc-esañob#17.17 Isujmlel ili t'añ Sʌc-esañob: Jiñʌch yom mi' yʌl cha'añ añobʌch ti' wenta Dios yic'ot añob ti' wenta mi' melbeñob i ye'tel Dios (Ex 13.2; 28.41; Jn 10.36). ti a isujmlel, come a t'añ isujmʌch.#Jn 15.3 18Che' bajche' tsa' chocoyon tilel ti pañimil, che' ja'el tsa' c chocoyob majlel ti pejtelel pañimil.#Jn 20.21 19Cha'añ ili wiñicob x'ixicob, mi' cʌq'ueñet c bʌ#17.19 Yic'ot ili t'añ woli i taj ti t'añ che' mi caj i yʌc' i bʌ ti chʌmel cha'añ mi' mʌn loq'uel i cha'año' bʌ (Jn 1.29; Mc 10.45; Heb 9.11-14). cha'añ mi' yʌq'ueñetob i bʌ ja'el ti' isujmlel a t'añ.
20Mach cojic jach mi' c'ajtibeñet i wenlel ili wiñicob x'ixicob, pero ti pejtelelob jiñi mu' bʌ caj i ñopoñob cha'añ ti' t'añ ili wʌ' bʌ añob, 21cha'añ mi' yajñelob ti jump'ejl jach i pusic'al, che' bajche' añet ti joñon c Tat, che' ja'el añon ti jatet, la' ajñicob ja'el ti joñonla ti' junmojt#Rm 12.4-5; 1 Cor 10.17; Ef 4.3-6 cha'añ mi' ñopob jiñi año' bʌ ti pañimil cha'añ jatet tsa' chocoyon tilel. 22Joñon tsa' cʌq'ueyob a ñuclel tsa' bʌ a wʌq'ueyon cha'añ mi' yajñelob ti jump'ejl jach i pusic'al, che' bajche' jump'ejl lac pusic'al ja'el. 23Añon ti' tojlelob, añet ti joñon, aq'ueñob i taj ts'ʌcʌl bʌ i junmojtlel, cha'añ che' jiñi, jiñi año' bʌ ti pañimil mi caj i ña'tañob jatet tsa' chocoyon tilel, mi caj i ña'tañob c'ux tsa' wu'biyob, che' bajche' c'ux tsa' wu'biyon.
24C Tat, jiñi tsa' bʌ a wʌq'ueyon, com cha'añ ya' ba'añon, com temel mi' yajñelob quic'ot ja'el;#Jn 12.26; 14.3 cha'añ mi' q'uelob c ñuclel tsa' bʌ a wʌq'ueyon, come c'ux tsa' wu'biyon che' maxto melbilic pañimil. 25Toj bʌ c Tat, jiñi año' bʌ ti pañimil ma'añic tsi' cʌñʌyetob, joñon tsa' j cʌñʌyet,#17.25 Q'uele isujmlel ili t'añ tsa' j cʌñʌyet, ya' ti Jn 17.3. che' ja'el ili wiñicob x'ixicob yujilob cha'añ jatet tsa' chocoyon tilel. 26Tsa' cʌq'ueyob i cʌn a c'aba', mu' to caj c chʌn ac' ti cʌjñel, cha'añ mi' cha'leñob c'uxbiya che' bajche' tsa' c'uxbiyon, cha'añ mi cajñel ti' pusic'alob.#Mt 11.27; Jn 1.18; 14.9
ORACIÓN TAC AM BɅ TI TSIJI' BɅ WEN T'AÑ
| Jesús: | Comol oración (Mt 6.9-13); i su'bentel i ñuclel Dios (Mt 11.25-26; Lc 10.21); i su'bentel wocolix i yʌlʌ Dios (Jn 11.41-42); i c'ajtintel i coltaya Dios (Mt 26.39-44; Mc 14.35-41; Lc 22.41-42); ti' tojlel xcʌnt'añob i cha'añ (Jn 17.1-26), q'uele ja'el Lc 3.21; 5.16; 6.21; 9.18, 29; 11.1; 22.32; 23.34. |
| Pablo: | Cha'añ c'oc'lel (Hch 28.8); i c'ajtintel i coltaya Dios (2 Cor 12.8-9); ti tojlel woli bʌ i pejcʌbeñob i juñ (Ef 1.15-19; 3.14-21; Col 1.9-14) |
| Pedro: | Cha'añ tsa' cha' ch'ojyi Dorcas (Hch 9.40). |
| Tsa' bʌ i tsajcayob Jesús: | I c'ajtintel i coltaya Dios (Hch 4.24-31); ti' tojlel Pedro (Hch 12.5-12) |
| Simeón: | I su'bentel wocolix i yʌlʌ Dios (Lc 2.28-32) |
Currently Selected:
Juan 17: NTCH
Highlight
Share
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C. Active Translation in Process
