YOHANA 12

1KANDI ebiro bikaba bisigaireho mukaga okuhika ha Kuhingurwaho, Yesu yaija Besaniya Lazarao nambere akabali, Yesu ouyahumbuire omu bafu. 2Kandi bamucumbirayo ebyokulya ebyorwebagyo: Maliza yaherza; baitu Lazaro akabali omu hali abo abakaba baikalire nauwe ha byokulya. 3Kandi Malyamu yakwata erateri eyamagita agomugaju agomuhendo omwingi muno, yagasiga ha bigere bya Yesu, yasisiriza ebigere nisokerye: enju yaijura okuboya okwamagita. 4Baitu Yuda Isikalyota, omu hali abegeswabe, arukugenda kumugobeza, yagamba ati 5Kiki ekihinzire okugura amagita ganu okugaihamu edinali bikumu bisatu, okugabira abamasege? 6Akagamba ati, tukulikuijuka abamasege, baitu akabali musuma kandi nuwe yahagatiraga ensahu natwara ebibatamuga. 7Kandi Yesu yagamba ati Mumuleke agahu’re ekiro ekyokuzikwa kwange. 8Baitu abamasege nibo munyinabo ebiro byona; baitu timunyina nyowe ebiro byona

9Kandi abairu abomu Bayudaya bakamaya aliyo: baija, tihali habwa Yesu wenka. Kandi barole na Lazaro ouyahumbuire omu bafu. 10baitu banyakatagara abakuru bakacwa amagezii baite na Lazaro; 11baitu habwe baingi hali Abayaudaya bakagenda baikiriza Yesu.

12Obuire obubwakire nyenkya ekitebe kikoto abakaba baizire ha bugenyi, obubahulire Yesu naija Yerusalemu, 13Batwara enkindo, bagenda okumutangi’ra nibagambira haiguru ngu Hosana: ahairwe omugisa arukuija omu ibara lya Mukama, nuwe Mukama wa Isareri. 14Kandi yesu, obuyaboine omwana gwenkaina yagutemba; nkokukyahandikirwe ngu; 15Otatina omuisiki wa Sayuni: dora, Omukama wawe naija, atembere omwana gwenkaina. 16Ebi abegeswabe okubanza batabimanye; baitu Yesu obuyamazire okunyumizibwa, nubwo baijukire ngu ebi bikahandikwa haluwe, kandi ngu bakamukora bati. 17kandi ekitebe ekikaba kiri nauwe, obuyayesere Lazaro okuruga omu kituro, namuhumbura omu bafu, batebeza. 18Nikyo abekitebe bagendire okumutangi’ra, baitu bakahu’ra ngu akakora akokuro’raho kanu. 19Kandi Abafalisayo bagambirangana ngu Murole okumutarukusobora na kake; dora, ensi yona nemukuratira.

20Kandi hakaba haloho Abayonani abandi omuli abo abatembere ha bugenyi okurmya: abo bakaija hali Firipo, 21ayarugire besesaida eyomu Galiraya, bamukaguza nibagamba ngu Tata, ntwenda okurora Yesu. 22Firipo yaija, yagambira Andereya: Andereya yaija na Firipo, bagambira Yesu. 23Yesu yabagarukamu nagamba ati akasumi kahikire Omwana womuntu anyumizibwe. 24Mali mali nimbagambira nti Akajuma kengano obukatagwa omu itakanikafa, kaikaraho konka; baitu obukaraba nikafa, kana ebyana bingi. 25Anyakugonza obwomezibwe bumubura; baitu anyakunoba obwomezibwe omu nsi enu alibulinda okuhika ha bwomezi obutahwaho. 26Omuntu wena obwaraba nampereza, ankuratire; kandi nyowe namberendi, omuhereza wange nauwe nuho aliikara oku: omuntu wena obwampereza, Isenyowe alimunyumiza. 27Hati bunu omutima gwange gutuntuire; kandi ndagamba nta? Isenyowe njuna okunyiha omu kasumi kanu. Baitu nikyo naizire omu kasumi kanu. 28Isenyowe nyumiza ibara lyawe. Kandi iraka lyaruga omu iguru ngu Nkalinyumiza. 29Kandi ekitebe ekikaba kyemerireho obukyalihulire kyagamba ngu Iguru lihinzire: abandi bagamba ngu 30Maraika agambire nauwe. Yesu yagarukamu nagamba ati Iraka linu tiriizire habwange, baitu habwanyu. 31Hati bunu ensi enu necwerwa omusango; hati bunu omukuru wensi enu arabingirwa aheru. 32Nanyowe obundihanikwa ha nsi, ndicundira namberendi bona. 33Baitu akagamba ati nayoleka okufa okukuli okuyagenzira kufa. 34Kandi ekitebe kyamugarukamu ngu Tukahu’ra omu biragiro ngu Kristo aikaraho ebiro nebiro: ogambira ota ngu Omwana womuntu kimuhikirire okuhanikwa? Ogu Omwana womuntu noha? 35Kandi Yesu yabagambira ati Hasigaireho akacu kake omusana gukiroho namberemuli. Mugende mukiyina omusana, obuire buleke kubairi’ra omu muhanda: anyakugenda omu muirima tamanya nambere agenda. 36Obumukinyina omusana, muikirize omusana, mufoke abana bomusana.

Yesu obuyamazire kugamba ebi, yarugayo yabesereka. 37Baitu nobwaraba yakozire obwokuro’raho bwingi obuingaine aho omu maiso gabu, batamuikirize: 38ekigambo kya nabi Isaya kihiki’re ekiyagambire ati

Mukama, noha aikirize ebigambo byaitu?

Kandi omukono gwa Mukama gukasuku’rwa oha?

39Nikyo balemirwe okuikiriza, baitu Isaya akagamba kandi ati

40Akabaita amaiso, nabagumya omutima;

baleke okurora namaiso, nokwetegereza nomutima,

bahinduke,

Nyowe mbakize.

41Nibyo Isaya yagambire, baitu akarora ekitinisakye;nagamba haluwe. 42Baitu omuli abakuru baingi bakamuikiriza: baitu habwa abafalisayo batakigambe, baleke okubingwa omu iso’rokaniro: 43baitu bakagonza ekitinisa ekyabantu okukira ekitinisa ekya Ruhanga.

44Yesu yagambira haiguru ati anyakunyikiriza, tarukuikiriza nyowe, baitu ogu ayantumire. 45Kandi anyakurora nyowe, buli arozire ogu ayantumire. 46nyowe nyizire okuba musana omu nsi, omuntu wena anyakunyikiriza aleke okuikara omu muirima. 47Kandi anyakuhu’ra ebigambo byange atarukubikwata, nyowe timucwera omusango: baitu okujuna ensi. 48Anyakwanga nyowe, atarukuikiriza bigambo byange, ayina arukumucwera omusango: ebigambo ebinagambire nibyo birimucwera omusango ha kiro kya hampero. 49baitu ntagambe habwange, rundi Isenyowe ayanyumire, nuwe yandagire okungamba, kandi okumbaza. 50Kandi manyire ebiragirobye nubwo bwomezi obutahwaho: ebigambo ebingamba nka Isenyowe okuyangambire, nukwo ngamba nti.

Currently Selected:

YOHANA 12: BRR64

Highlight

Copy