YOHANA 9

1OBWAKARA nahinguraho, yarora omuntu ayazairwe omufuwamaiso. 2Abegeswabe bamukaguza nibagamba ngu, Rabi noha yasisire, onu rundi abamuzaire, nikyo kyamuzalize, omufuwamaiso? 3Yesu yagarukamu ati onu atasise nobubakuba ba abamuzaire: rundi emirimo ya ruhanga eyolekebwa haluwe. 4Kituhikirire okukora emirimu yogu ayantumire, obuire bunyamusana. Ekiro nikiija omuntu ekyatasobora kuko’ra mu. 5Obunyikara omu nsi, ninyowe musana gwensi. 6Obuyamazire kugamba ati yacwa amacwanta ha itaka, yahyanga itaka namacwanta, yamusiga itaka ha maiso namugambira ati genda, 7onabe omu kijongo Siroamu ( amakuru gakyo ngu Atumirwe). Yagenda yanaba yagarukaho nahweza. 8Kandi abatahibe nabamuroraga ira aikalire nalega, bagamba ngu Tinuwogu ayaika’raga nalega? 9Abandi bagamba ngu Nuwogu, abandi nibagamba ngu Nangwa, baitu nasisana nauwe.Uwe yagamba ati Ninyowonu. 10Kandi bamugambira ngu Nukwo amaiso gawe gakaiguka gata? 11Uwe yagarukamu ati Omuntu ayetwa Yesu akahyanga itaka yansiga ha maiso, nangambira ati Genda ha Siroamu onabe: kandi nagenda, nanaba, nahweza. 12bamugambira ngu Alinkaha ogu? Yagamba ati Timanyire.

13Bamutwara hali Abafalisayo ogu akabali ira omufu wamaiso. 14Baitu kikaba kirti Sabiti ekiro eki Yesu ekiyahyangiremu itaka, naigura amaisoge. 15Kandi Abafalisayo bagaruka nibamukaguza amaisoge okugaigukire. Yabagambira ati Akansiga itaka ha maiso, nanaba, nahweza 16Kandi abafalisayo abamu bagamba ngu Omuntu ogu tali wa Ruhanga, baitu takwata Sabiti. Baitu abandi bagamba ngu Omuntu omusisi nasobora ata okukora obwokuro’raho obuingaine aho? Kandi hakabaho wmpaka halibo. 17Kandi bagaruka nibagamba omufu wamaiso ngu Iwe nomweta oha, baitu akakuigura amaiso gawe? Nauwe yagamba ati Nuwe nabi. 18Kandi Abayudaya bataikirize bigambobye bgu akabali mufu wamaiso, kandi yakira, rundi obubayesere abamuzaire ogu ayahairwe okuhweza, 19nibabakaguza nibagamba ngu Onu nuwe mwana wanyu oumugamba ngu Akazarwa omufu wamaiso? Hati bunu nahweza ata? 20abamuzaire bagarukamu nibagamba ngu Tumanyire onu nuwe mwana waitu, kandi akazarwa omufu wamaiso: 21baitu okwarukuhweza hati bunu titurukumanya: kandi ayaiguire amaiso titumanyire wenka. 22Abamuzaire nikyo bagambire ebi obwokutina Abayudaya: baitu Abayudaya bakaba bamazire kuhanura ngu Omuntu wena obwaramugambagambaga ati nuwe Kristo abingi bwege omu iso’rokaniro. 23Nikyo abamuzaire bagambire ngu Mukuru ogu; 24mumukaguize. Kandi bamweta obwakabiri ogu ayazairwe omufu wa maiso, bamugambira ngu Kugiza Ruhanga: itwe tumanyire omuntu ogu musis. 25Uwe yagarukamu ati Okwarabali musis timanyire ekigambo kimu eki manyire ngu Nkabandi omufu wa maiso baitu hat nimpweza. 26Bamugambira ngu Akakukora ata? Akaigura ata amaiso gawe? 27Yabagarukamu ati Mazire okubagambira baitu timuhulire: kiki ekibagondeseze okuhu’ra obwakabiri? Kandi nainywe nimwenda okufoka abegeswabe? 28Bamujuma, nibagamba ngu Iwe oli mwegeswawe: baitu itwe tuli begeswa ba Musa. 29Itwe tumanyire Ruhanga akabaza na Musa: baitu omuntu ogu titumanyire nambere yarugire. 30Omuntu yagarukamu nabagambira ati Kyamahano muno, inywe okutamanya nambere yarugire, kandi akigura amaiso gange. 31Tumanyire ngu Ruhanga tahu’ra basisis: baitu omuntu wena obwatina Ruhanga, nakora ebyagonza, ogu amuhu’ra. 32Ensi ikaba okubanza tikihu’rwaga ngu Haroho omuntu ayaiguire amaiso gomuntu ayazairwe omufu wamaiso. 33Omuntu ogu kakuba atali wa Ruhanga takusoboire kukora kigambo. 34Bagarukamu nibamugambira ngu Iwe okazarwa mali omu bibi, kandi notwegesa itwe? Bamubingira aheru.

35Yesu yahu’ra bamubingire aheru; yamuzora nagamba ati Iwe noikiriza Omwana wa ruhanga? 36Yagarukamu nagamba ati Mukama wange araba muikiriza? 37Yesu yamugambira ati Omuboine, kandi arukubaza naiwe nuwogu. 38Yagamba ati Mukama wange ninyikiriza. Yamuramya. 39Yesu yagamba ati omusango nugwo gwandesere omu nsi, abatarukurora barole, nabo abarukurora bafoke abafu bamaiso. 40Abafalisayo abandi abakaba bali nauwe nibahu’ra ebigamboebi, bamugambira ngu Naitwe tuli bafu bamaiso? 41Yesu yabagambira ati Kakuba muli bafu bamaiso timwakubaire nekibi: baitu hati bunu nimugamba ngu Nturora: ekibi kyanyu kikiroho.

Currently Selected:

YOHANA 9: BRR64

Highlight

Copy