Jɔ̀ɔŋ 20
20
Ke hùàŋ Jisɛ̀ɛ jòò foo nyiŋ
(Maafiù 28.1-8; Mài 16.1-8; Luù 24.1-12)
1Ke ɗɔɔ jiɛ̀jiɛ̀ɛ ke wikìɛ sùà maŋ nyiìŋ tɛ̀tɛ̀ e tèèngà wɔŋ fòìnìlì, wo Mèèle e yìwìà ko jawaì àŋ nyaaŋ Màŋdalà, naŋ tɔ̀ɔ̀tù kà koɓɛ̀ ke hùaàŋ. Kɛɛ nààŋ wò nao wa gbɛ̀ɛ̀, wò nàŋ gè fɛ̀ɛ̀ dìì, yèè wò naŋ yɛmɛ̀ kɛ̀ ke duò gbeeɛ̀ àŋ naŋ wa ɓùwìè ke hùaàŋ yɛ, kè yaà dùlo nyiŋ fàà guùŋ e yìwìà ke hùaàŋ yɛmgbɛ̀. 2Nààŋ wo Mèèle naŋ tii yɛmɛ̀, wò naŋ dùɔ̀ŋ wo kà koɓɛ̀ Saimɔŋ Piilɛ̀i yèè wo nyùùŋ màŋjɛ̀wɛ̀ɔ wo Jisɛ̀ manaŋ wa kai wɔ̀, yèè wò naŋ nyiŋ woò wààŋ, “Anyùùŋ nyaŋ gè wo Kanaà ke hùaàŋ sùà! Kɛɛ e nyimààŋ naàŋ kɛ̀ kòò àŋ nauŋ heè.”
3Kpeiŋ wo Pììlɛ yèè wo nyùùŋ màŋjɛ̀wɛ̀ɔ bàa naŋ yèwè dìì yèè àŋ naŋ tɔ̀ɔ̀tù kà koɓɛ̀ ke hùaàŋ. 4Wo Pììlɛ yèè wo dàwiuŋ nɔɔ̀ŋ yaà wa duunyɛŋ koɓɛ̀ guùŋ yèè maŋ teenga, kɛɛ wo nyùùŋ màŋjɛ̀wɛ̀ɔ bàa naŋ dùɔ̀ŋ wo jòà wo Pììlɛ ko jɛ̀wɛ̀ wo ka wo hàì koɓɛ̀ ke hùaàŋ wuŋ jiɛ̀. 5Yèè wò naŋ gbùwò ke hùaàŋ diɛŋ, kɛɛ maŋ dèè kasange màŋ nɔŋ àŋ naŋ wa sììyè wo Jisɛ̀ maŋ wò naŋ wa yɛmɛ̀ màŋ hawa ke hùaàŋ sùà, kɛɛ wo gò wa dè kè hùaàŋ sùà. 6Nààŋ wo Saimɔŋ Piilɛ̀ nao ngàà haì, wò naŋ dè ke hùaàŋ sùà. Kɛɛ wuŋ pɛɛ naŋ wa nɔŋ yɛ̀mɛ̀ maŋ dèè kasange màŋ àŋ naŋ wa sììyè wo Jisɛ̀ maŋ màŋ hawa ke hùaàŋ sùà, 7yèè wò naŋ yɛ̀mɛ̀ wɔŋ deè fààa àŋ naŋ wa ɓùwìè wo Jisɛ̀ e ɗì wɔŋ. Kɛɛ wɔŋ fè wa kòɓɛ̀i màŋ dèè kasange màŋ hawa wa lɛ̀, wɔ̀ŋ yaà wa mɔ̀la wuŋ wɔ̀ŋ hawa wɔŋ faà joo bà ke hùaàŋ sùà. 8Kpeiŋ wo nyùùŋ màŋjɛ̀wɛ̀ɔ wo yèɔ naŋ wa hàì koɓɛ̀ ke hùaàŋ wuŋ jiɛ̀ wɔ, naŋ ngàà dè ke hùaàŋ sùà wuŋ pɛɛ. Wò naŋ yɛ̀mɛ̀ maŋ dèè maŋ, yèè wò naŋ haawè kɛ̀ wo Jisɛ̀ yèwà e fàa dìì. 9E tèèngà guùŋ lii sùà, wo Pììlɛ yèè wo nyùùŋ màŋjɛ̀wɛ̀ɔ bàa kòò àŋ nyìmè wa nɔŋ è yèɛ wɔŋ fɛ̀ì Dayàa naŋ woò lɛ kɛ̀, wo Jisɛ̀ do nàŋ yèwè e fàaà dìì wɔŋ nyiiŋ gèeo sùà. 10Anyùùŋ màŋjɛ̀wɛ̀ tìyèe nyàŋ naŋ kɛ̀ɛ̀ maŋjɛ̀wɛ koɓɛ̀i àŋ yewe lɛ̀.
Wo Jisɛ̀ naŋ fòlò wo Mèèle Maŋdaliìŋ feìŋ
(Maafiù 28.9, 10; Mài 16.9-11)
11Wo Mèèle Maŋdaliìŋ sia wa ke hùaàŋ e ɓula ko gulie. Yèè wò naŋ gbuwo wò yaà yɛ̀ɛ̀mɛ̀ ke hùaàŋ sùà. 12Yèè wò naŋ yɛ̀mɛ̀ aŋ màìkà tìyèe àŋ gɔaa maŋ deè fùà pe àŋ jaa ke hùaàŋ sùà koɓɛ̀i àŋ naŋ wa hèè e dìè Jisɛ̀ɛ lɛ̀. Wò guùŋ jaa wa ke hùaàŋ ɗiiyɛ̀ yèè wò guùŋ jaa ko golò kɔ̀ɔ̀i. 13Kpeiŋ aŋ màikà nyaŋ naŋ dàwè wo Mèèle nyààŋ, “Nìe wɛɛ̀, wèè kiìŋ mùŋ yaà gulie?”
Yèè wo Mèèle naŋ fasàì wààŋ, “Anyùùŋ nyaŋ àŋ kià gè e fà wo Kana miɔ̀ŋ, yèè miŋ nyimààŋ kɛ̀ kòò àŋ nauŋ heè.”
14Nààŋ wo Mèèle naŋ tɛɛ̀ woò, wò naŋ kìlè wo yɛ̀mɛ̀ ko jɛ̀wɛ̀, yèè wò naŋ yɛ̀mɛ̀ wo Jisɛ̀ wò siao. Kɛɛ wo gò wa nyìmàŋ kɛ̀ wò Jisɛ̀ wo. 15Yèè wo Jisɛ̀ nauŋ dawè wààŋ, “Nìe wɛɛ̀, wèè kiìŋ mùŋ yaà gulie? Ɓòò mùŋ yaà kaame?”
Wo Mèèle naŋ wa gongò kɛ̀ wo nyùnɔ̀ɔŋ kanaŋ wa ko kpòkpòi wɔ̀ wo, yèè wò nauŋ woò wààŋ, “Dàa, sèè mààŋ màŋ kià gè e fà wo Kana miɔ̀ŋ, kɔ̀nɛɛ̀ŋ tɔ̀ɔ̀im kɛ̀ kòò mùŋ nauŋ heè, wèè kɛ̀ miŋ ka miŋ gòuŋ noo.”
16Yèè wo Jisɛ̀ nauŋ woò wààŋ, “Mèèle!”
Wo Mèèle naŋ kìlè ko nɛ̀ɛ̀uŋ niìŋ yèè wò naŋ woò e Hiɓulù mieɛ̀ sùà wààŋ, “Làbonìŋ!” E fàsàì tɛɛ̀ nàŋ yaà, “Kààmɔɔŋ!”
17Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”
18Kpeiŋ wo Mèèle e yìwìà ko jawaì àŋ nyaaŋ Màŋdalà naŋ kɔ̀ wo wòò anyùùŋ màŋjɛ̀wɛ̀ nyaŋ kɛ̀ wò yɛ̀mɛ̀ wo Kanaà Jisɛ̀. Yèè wò naŋ nyiŋ wòò e yèɛ kinɛiŋ wò nauŋ woò lɛ.
Wo Jisɛ̀ fòlà anyùùŋ màŋjɛ̀wɛ̀uŋ nyàŋ feìŋ
(Maafiù 28.16-20; Mài 16.14-18; Luù 24.36-49)
19Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.” 20Nààŋ wo Jisɛ̀ naŋ nyiŋ wa tii woò, wò naŋ nyiŋ tɔ̀ɔ̀ le siwèuŋ nɛ̀ yèè e ɓulauŋ nɛ̀. E zɔlɔ̀ gbee naŋ wa dìè anyùùŋ màŋjɛ̀wɛ̀ nyaŋ nààŋ àŋ naŋ wa yɛ̀mɛ̀ wo Kanaà Jisɛ̀. 21Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.” 22Kpeiŋ wo Jisɛ̀ naŋ nyiŋ dùùlò wɔŋ fòì nyaàuŋ nɔɔ̀ŋ ko diɛŋ yèè wò naŋ woò wààŋ, “Wo Jìnàŋ Nɛɛmaàŋ dèyà nyɛ̀iŋ gbiŋ diɛŋ. 23Sèè nìŋ juuyà anyùùŋ hakɛ̀ wèè maŋ jùumù nyiŋ màŋ, wo Dayà do nyiŋ nàŋ jùùyè hakɛ̀ nyiŋ pɛɛ. Yèè sèè nìŋ go nyiŋ jùùyà hakɛ̀ wèè maŋ jùumù nyiŋ màŋ, kɛ̀ wo Dayà naàŋ nyiŋ jùùyè hakɛ̀.”
Wo Jisɛ̀ naŋ fòlò wo Tàmaŋ fɛɛ̀feìŋ
24Jòòpɛɛ wo Sewìɔ Tàmaŋ yaà wa anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ bà guùŋ, kɛɛ wo fè wa àŋ dàwiuŋ nyàŋ è tɛɛ è teengaà wò Jisɛ̀ naŋ nyiŋ wa fòlò fɛɛ̀feìŋ lɛ. 25Anyùùŋ màŋjɛ̀wɛ̀ gbànaŋ nyàŋ naŋ yɛ̀mɛ̀ wo Tàmaŋ, yèè àŋ nauŋ woò nyààŋ, “Èiŋ yɛ̀mɛ̀ wo Kanaà.”
Kɛɛ wo Tàmaŋ naŋ nyiŋ wa woò wààŋ, “Sɔɔ̀ ka yɛ̀mɛ̀ maŋ fɔ̀tà maŋ zùuu màŋ maŋ kuàuŋ màŋ, yèè ka miŋ mɛnlɛ̀ɛ̀ŋ, e kìlà ka mɛ̀nlɛ̀ɛ̀ŋ e ɓulauŋ nɛ̀ koɓɛ̀i àŋ nauŋ hɔ̀ɔ̀ ke kpɛɛɛ̀ lɛ, miŋ naàŋ haawè kɛ̀ wò Kanaà yèwà è fàa dìì.”
26Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.” 27Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”
28Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”
29Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”
Esaɓùɛ àŋ naŋ wa sìngè wɔŋ fɛi wɛɛ̀ŋ lɛ
30Wo Jisɛ̀ naŋ wa nyɛ̀nɛ̀ŋ maŋ kèè mèè zimgbe bà wèè anyùùŋ màŋjɛ̀wɛ̀uŋ nyàŋ, yèè maŋ gbiŋ nààŋ fè sìnga miŋ wɔ̀ŋ fɛ̀ì Dayà wɛɛ̀ŋ sùà. 31Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.
Currently Selected:
Jɔ̀ɔŋ 20: WFESD
Highlight
Share
Copy
Want to have your highlights saved across all your devices? Sign up or sign in
Gola New Testament Translation and Literacy Project © Bible Society in Liberia, 2019.
Jɔ̀ɔŋ 20
20
Ke hùàŋ Jisɛ̀ɛ jòò foo nyiŋ
(Maafiù 28.1-8; Mài 16.1-8; Luù 24.1-12)
1Ke ɗɔɔ jiɛ̀jiɛ̀ɛ ke wikìɛ sùà maŋ nyiìŋ tɛ̀tɛ̀ e tèèngà wɔŋ fòìnìlì, wo Mèèle e yìwìà ko jawaì àŋ nyaaŋ Màŋdalà, naŋ tɔ̀ɔ̀tù kà koɓɛ̀ ke hùaàŋ. Kɛɛ nààŋ wò nao wa gbɛ̀ɛ̀, wò nàŋ gè fɛ̀ɛ̀ dìì, yèè wò naŋ yɛmɛ̀ kɛ̀ ke duò gbeeɛ̀ àŋ naŋ wa ɓùwìè ke hùaàŋ yɛ, kè yaà dùlo nyiŋ fàà guùŋ e yìwìà ke hùaàŋ yɛmgbɛ̀. 2Nààŋ wo Mèèle naŋ tii yɛmɛ̀, wò naŋ dùɔ̀ŋ wo kà koɓɛ̀ Saimɔŋ Piilɛ̀i yèè wo nyùùŋ màŋjɛ̀wɛ̀ɔ wo Jisɛ̀ manaŋ wa kai wɔ̀, yèè wò naŋ nyiŋ woò wààŋ, “Anyùùŋ nyaŋ gè wo Kanaà ke hùaàŋ sùà! Kɛɛ e nyimààŋ naàŋ kɛ̀ kòò àŋ nauŋ heè.”
3Kpeiŋ wo Pììlɛ yèè wo nyùùŋ màŋjɛ̀wɛ̀ɔ bàa naŋ yèwè dìì yèè àŋ naŋ tɔ̀ɔ̀tù kà koɓɛ̀ ke hùaàŋ. 4Wo Pììlɛ yèè wo dàwiuŋ nɔɔ̀ŋ yaà wa duunyɛŋ koɓɛ̀ guùŋ yèè maŋ teenga, kɛɛ wo nyùùŋ màŋjɛ̀wɛ̀ɔ bàa naŋ dùɔ̀ŋ wo jòà wo Pììlɛ ko jɛ̀wɛ̀ wo ka wo hàì koɓɛ̀ ke hùaàŋ wuŋ jiɛ̀. 5Yèè wò naŋ gbùwò ke hùaàŋ diɛŋ, kɛɛ maŋ dèè kasange màŋ nɔŋ àŋ naŋ wa sììyè wo Jisɛ̀ maŋ wò naŋ wa yɛmɛ̀ màŋ hawa ke hùaàŋ sùà, kɛɛ wo gò wa dè kè hùaàŋ sùà. 6Nààŋ wo Saimɔŋ Piilɛ̀ nao ngàà haì, wò naŋ dè ke hùaàŋ sùà. Kɛɛ wuŋ pɛɛ naŋ wa nɔŋ yɛ̀mɛ̀ maŋ dèè kasange màŋ àŋ naŋ wa sììyè wo Jisɛ̀ maŋ màŋ hawa ke hùaàŋ sùà, 7yèè wò naŋ yɛ̀mɛ̀ wɔŋ deè fààa àŋ naŋ wa ɓùwìè wo Jisɛ̀ e ɗì wɔŋ. Kɛɛ wɔŋ fè wa kòɓɛ̀i màŋ dèè kasange màŋ hawa wa lɛ̀, wɔ̀ŋ yaà wa mɔ̀la wuŋ wɔ̀ŋ hawa wɔŋ faà joo bà ke hùaàŋ sùà. 8Kpeiŋ wo nyùùŋ màŋjɛ̀wɛ̀ɔ wo yèɔ naŋ wa hàì koɓɛ̀ ke hùaàŋ wuŋ jiɛ̀ wɔ, naŋ ngàà dè ke hùaàŋ sùà wuŋ pɛɛ. Wò naŋ yɛ̀mɛ̀ maŋ dèè maŋ, yèè wò naŋ haawè kɛ̀ wo Jisɛ̀ yèwà e fàa dìì. 9E tèèngà guùŋ lii sùà, wo Pììlɛ yèè wo nyùùŋ màŋjɛ̀wɛ̀ɔ bàa kòò àŋ nyìmè wa nɔŋ è yèɛ wɔŋ fɛ̀ì Dayàa naŋ woò lɛ kɛ̀, wo Jisɛ̀ do nàŋ yèwè e fàaà dìì wɔŋ nyiiŋ gèeo sùà. 10Anyùùŋ màŋjɛ̀wɛ̀ tìyèe nyàŋ naŋ kɛ̀ɛ̀ maŋjɛ̀wɛ koɓɛ̀i àŋ yewe lɛ̀.
Wo Jisɛ̀ naŋ fòlò wo Mèèle Maŋdaliìŋ feìŋ
(Maafiù 28.9, 10; Mài 16.9-11)
11Wo Mèèle Maŋdaliìŋ sia wa ke hùaàŋ e ɓula ko gulie. Yèè wò naŋ gbuwo wò yaà yɛ̀ɛ̀mɛ̀ ke hùaàŋ sùà. 12Yèè wò naŋ yɛ̀mɛ̀ aŋ màìkà tìyèe àŋ gɔaa maŋ deè fùà pe àŋ jaa ke hùaàŋ sùà koɓɛ̀i àŋ naŋ wa hèè e dìè Jisɛ̀ɛ lɛ̀. Wò guùŋ jaa wa ke hùaàŋ ɗiiyɛ̀ yèè wò guùŋ jaa ko golò kɔ̀ɔ̀i. 13Kpeiŋ aŋ màikà nyaŋ naŋ dàwè wo Mèèle nyààŋ, “Nìe wɛɛ̀, wèè kiìŋ mùŋ yaà gulie?”
Yèè wo Mèèle naŋ fasàì wààŋ, “Anyùùŋ nyaŋ àŋ kià gè e fà wo Kana miɔ̀ŋ, yèè miŋ nyimààŋ kɛ̀ kòò àŋ nauŋ heè.”
14Nààŋ wo Mèèle naŋ tɛɛ̀ woò, wò naŋ kìlè wo yɛ̀mɛ̀ ko jɛ̀wɛ̀, yèè wò naŋ yɛ̀mɛ̀ wo Jisɛ̀ wò siao. Kɛɛ wo gò wa nyìmàŋ kɛ̀ wò Jisɛ̀ wo. 15Yèè wo Jisɛ̀ nauŋ dawè wààŋ, “Nìe wɛɛ̀, wèè kiìŋ mùŋ yaà gulie? Ɓòò mùŋ yaà kaame?”
Wo Mèèle naŋ wa gongò kɛ̀ wo nyùnɔ̀ɔŋ kanaŋ wa ko kpòkpòi wɔ̀ wo, yèè wò nauŋ woò wààŋ, “Dàa, sèè mààŋ màŋ kià gè e fà wo Kana miɔ̀ŋ, kɔ̀nɛɛ̀ŋ tɔ̀ɔ̀im kɛ̀ kòò mùŋ nauŋ heè, wèè kɛ̀ miŋ ka miŋ gòuŋ noo.”
16Yèè wo Jisɛ̀ nauŋ woò wààŋ, “Mèèle!”
Wo Mèèle naŋ kìlè ko nɛ̀ɛ̀uŋ niìŋ yèè wò naŋ woò e Hiɓulù mieɛ̀ sùà wààŋ, “Làbonìŋ!” E fàsàì tɛɛ̀ nàŋ yaà, “Kààmɔɔŋ!”
17Yèè wo Jisɛ̀ nauŋ woò wààŋ, “Ɓɔ̀ mùŋ kpùlàim! Kòò mìŋ kɔ̀ weè kòɓɛ̀ wò Dèda miɔ̀ŋ. Kɛɛ kɔ̀à muŋ woò anyùùŋ màŋjɛ̀wɛ̀im nyàŋ kɛ̀ mìŋ yaà kɔ̀ɔ̀yɛ̀ koɓɛ̀ wo yèɔ yaà wo Dèda miɔ̀ŋ yèè wo Dèda nyiŋ nɔɔ̀ŋ wɔ. Yèè wo yèɔ yaà wo Dayà miɔ̀ŋ yèè wo Dayà nyiŋ nɔɔ̀ŋ wɔ.”
18Kpeiŋ wo Mèèle e yìwìà ko jawaì àŋ nyaaŋ Màŋdalà naŋ kɔ̀ wo wòò anyùùŋ màŋjɛ̀wɛ̀ nyaŋ kɛ̀ wò yɛ̀mɛ̀ wo Kanaà Jisɛ̀. Yèè wò naŋ nyiŋ wòò e yèɛ kinɛiŋ wò nauŋ woò lɛ.
Wo Jisɛ̀ fòlà anyùùŋ màŋjɛ̀wɛ̀uŋ nyàŋ feìŋ
(Maafiù 28.16-20; Mài 16.14-18; Luù 24.36-49)
19Ke ɗɔɔ jiɛ̀jiɛ̀ɛ ke wikìɛ sùà e koya lii, anyùùŋ màŋjɛ̀wɛ̀ nyaŋ gbiŋ naŋ wa kɔ̀ aŋ jɔ̀à ko saaŋ aŋ yìlà maŋ gbemgbee màŋ kpaŋ, esaɓù kɛ̀ e jùùɛ yaà nyiìŋ wa wèè anyùùŋ gbèègbèè aŋ Juùù nyaŋ. Yèè ko fɛɛ̀feìŋ wo Jisɛ̀ naŋ hnè wò naŋ nyiŋ sìè e tɛɛ ko saaìŋ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.” 20Nààŋ wo Jisɛ̀ naŋ nyiŋ wa tii woò, wò naŋ nyiŋ tɔ̀ɔ̀ le siwèuŋ nɛ̀ yèè e ɓulauŋ nɛ̀. E zɔlɔ̀ gbee naŋ wa dìè anyùùŋ màŋjɛ̀wɛ̀ nyaŋ nààŋ àŋ naŋ wa yɛ̀mɛ̀ wo Kanaà Jisɛ̀. 21Yèè wo Jisɛ̀ naŋ nyiŋ ɓɛìŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ. Mìŋ yààìŋ tùaŋ sùà koɓɛ̀ anyùùŋ nyaŋ e ɗuunyaàŋ, màànààŋ nɔŋ wo Dèda miɔ̀ŋ naim wa tùɔ̀ŋ lɛ.” 22Kpeiŋ wo Jisɛ̀ naŋ nyiŋ dùùlò wɔŋ fòì nyaàuŋ nɔɔ̀ŋ ko diɛŋ yèè wò naŋ woò wààŋ, “Wo Jìnàŋ Nɛɛmaàŋ dèyà nyɛ̀iŋ gbiŋ diɛŋ. 23Sèè nìŋ juuyà anyùùŋ hakɛ̀ wèè maŋ jùumù nyiŋ màŋ, wo Dayà do nyiŋ nàŋ jùùyè hakɛ̀ nyiŋ pɛɛ. Yèè sèè nìŋ go nyiŋ jùùyà hakɛ̀ wèè maŋ jùumù nyiŋ màŋ, kɛ̀ wo Dayà naàŋ nyiŋ jùùyè hakɛ̀.”
Wo Jisɛ̀ naŋ fòlò wo Tàmaŋ fɛɛ̀feìŋ
24Jòòpɛɛ wo Sewìɔ Tàmaŋ yaà wa anyùùŋ màŋjɛ̀wɛ̀ zììyà jɛ̀wɛ̀ tìyèe nyàŋ bà guùŋ, kɛɛ wo fè wa àŋ dàwiuŋ nyàŋ è tɛɛ è teengaà wò Jisɛ̀ naŋ nyiŋ wa fòlò fɛɛ̀feìŋ lɛ. 25Anyùùŋ màŋjɛ̀wɛ̀ gbànaŋ nyàŋ naŋ yɛ̀mɛ̀ wo Tàmaŋ, yèè àŋ nauŋ woò nyààŋ, “Èiŋ yɛ̀mɛ̀ wo Kanaà.”
Kɛɛ wo Tàmaŋ naŋ nyiŋ wa woò wààŋ, “Sɔɔ̀ ka yɛ̀mɛ̀ maŋ fɔ̀tà maŋ zùuu màŋ maŋ kuàuŋ màŋ, yèè ka miŋ mɛnlɛ̀ɛ̀ŋ, e kìlà ka mɛ̀nlɛ̀ɛ̀ŋ e ɓulauŋ nɛ̀ koɓɛ̀i àŋ nauŋ hɔ̀ɔ̀ ke kpɛɛɛ̀ lɛ, miŋ naàŋ haawè kɛ̀ wò Kanaà yèwà è fàa dìì.”
26Ke wìkì guùŋ naŋ mààŋ, yèè anyùùŋ màŋjɛ̀wɛ̀ nyaŋ naŋ ɓɛìŋ gbònò koɓɛ̀ guùŋ ko saaìŋ. Wo Tàmaŋ yaà nyiìŋ wa naàŋ e tɛɛ e teenga lɛɛ̀ sùà, e kìlà maŋ gbemgbee màŋ yaà wa ɓɛìŋ yìla miŋ kpaŋ. Wo Jisɛ̀ naŋ hnè yèè wò naŋ nyiŋ sìè e tɛɛ, yèè wò naŋ nyiŋ woò wààŋ, “Ke jii fàa nɔ̀ŋ nyɛ̀iŋ gbiŋ diɛŋ.” 27Wo Jisɛ̀ naŋ wòò wo Tàmaŋ wààŋ, “Yɛ̀mɛ̀ maŋ kuàim màŋ e kìlà muŋ mɛnlɛ̀ɛ̀ŋ maŋ fɔta màŋ, yèè muŋ mɛnlɛ̀ɛ̀ŋ ke fɔtaà e ɓula mɛ̀ koɓɛ̀i àŋ naŋ hɔ̀ɔ̀ ke kpɛɛɛ̀ lɛ. Yèè muŋ hɔnè gè maŋhɛɛ, muŋ kɛɛnɛ̀ŋ e hààwe.”
28Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”
29Yèè wo Jisɛ̀ naŋ wòò wo Tàmaŋ wààŋ, “Mùŋ naŋ haawè esaɓù kɛ̀ mùŋ naim yɛmɛ̀? E hààya yèè e zɔlɔ̀ è yaà anyùùŋ nyaŋ kòò àŋ yɛ̀mɛ̀ìm nyaŋ kɛɛ àŋ kuwa e hààwe.”
Esaɓùɛ àŋ naŋ wa sìngè wɔŋ fɛi wɛɛ̀ŋ lɛ
30Wo Jisɛ̀ naŋ wa nyɛ̀nɛ̀ŋ maŋ kèè mèè zimgbe bà wèè anyùùŋ màŋjɛ̀wɛ̀uŋ nyàŋ, yèè maŋ gbiŋ nààŋ fè sìnga miŋ wɔ̀ŋ fɛ̀ì Dayà wɛɛ̀ŋ sùà. 31Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gola New Testament Translation and Literacy Project © Bible Society in Liberia, 2019.