OŌYƐBƐ̄CƐ 22

Íne kú ulé oocila

1Ɔ́dāŋ́ ka ɔ̄cɛ dúú kwú ɔbá ɛna ámāŋ álá ú uwī, nɛ̄ó lɛ ɔ́ ŋmó, ámāŋ nɛ̄ó kwú ɔ̄ ú lá, ó géē bī aɔ́bá ɛna ɛhɔ̄ le gbā ulé kú ɔbá ɛna éyi, ámāŋ aálá ɛhɔ̄ le gbā ulé kú álá éyi. 2-4Ó géē gbā ulé kú ɔdā nɛ̄ó je uwī ā. Ɔ́dāŋ́ kaó lɛ ɔdā abɔ̄yī nū dóódu ŋ́, é géē je ɔ́ lá bɛ̄ɛka ɔfiyɛ, cɛ́ɛ́ kéē lɛ gbā ulé kú ɔdā nɛ̄ó je uwī āa. Ɔ́dāŋ nɛ̄ ɛbɛ́ nɛ̄ ó je uwī ā wɛ, ijaki, ámāŋ ka ɛna, ámāŋ ka álá, anɔ́ɔ é lɛ ɛbɛ́ ā pīyɛ oyēeyī abɔ̄ kú nū, ó géē gbā ulé nū ɔ́klá ɛpa.

Ɔ́dāŋ kaé le uwī kwú abɔ̄ ó yɔ̄ ī ca ɔdɔ ga ɔlɛ́ ɔ̄cɛ otú, anɔ́ɔ é lɛ ɔ́ ŋmó á. É gáā ŋmó ɔ̄cɛ nōo ŋmó ā ɛpɔ̄bí kú ɔ̄cɛ ō ŋmó ŋ́. Amáŋ, ɔ́dāŋ́ kaó wɛ ɔlɛ́ɛnɔ nɛ̄ó ŋmó ɔ̄ á, ɔ̄cɛ ɔ́ɔmā géē lɛ́pɔ̄bí kú ɔ̄cɛ nɛ̄ ó ŋmó ā.

Íne kú agbénú

5Ɔ́dāŋ ka ɔ̄cɛ dúúmā cɛ̄ lɛ ɔ̄dāajɛ kú nū nōo yɔ̄ ī lé ɔdōlé ipácí ámāŋ ka ipú ɛhɔ̄ kú ugrépu, le hábɔ̄, le tá ipú ɛhɔ̄ kú ɔlɛ́ ɔ̄cɛ ɔhá gaá kwú ɔdɛ̄hɔ̄ kú nū ú lé. Óndú kú ɔdāajɛ ā géē je ɔdɛ̄ɛ̄hɔ̄ kú nū nōo lɔhi fíyɛ́ dúú ŋmá ipú ɛhɔ̄ ɔcí ufáyin kú nū le gbā ulé kú ɔdā nɛ̄ aɔ́dāajɛ ā je kpó lé ā, lɛ óndú ɛhɔ̄ ā. 6Ɔ́dāŋ nɛ̄ ɔ̄cɛ éyi lɛ ɔlá tū, anɔ́ɔ ó gbɔɔ́ ō yi, nɛ̄ó le hábɔ̄ ga ipú ɛhɔ̄ kú ɔ̄cɛ dúúmā, nɛ̄ó kwú ɔdɛ̄ɛ̄hɔ̄ nɛ̄ ó cē bá ajɛ ā mɛ́mla aɛ́nɛ̄ e háyi icō ā ú yi, ɔ̄cɛ nōo tū ɔlá ā géē gbā ulé kú ɛjɛ̄ɛ̄jī ɔdɛ̄ɛ̄hɔ̄ nōo yɔlá ā lɛ óndú nū. 7Ɔ́dāŋ́ ka ɔ̄cɛ éyi lɛ ije ámāŋ ka ɔdée tū ɔ́mpa nū abɔ̄, nɛ̄ uwī gaá kwú ɔdā ɔ́ɔmā ú ŋmá ɔlɛ́ ɔ́mpa nū ā. Ɔ́dāŋ́ kaé le uwī ā kwú, ó géē cíla ulé nū ɛga ɛpa. 8Amáŋ ɔ́dāŋ́ kaé kwú uwī ā ŋ́, é géē bī ɔ̄cɛ nēe lɛ ije, ámāŋ ɔdée tū ɔ̄ abɔ̄ ā, wā agblīihɔ kú Ɔwɔicō, cɛ́ɛ́ ó lɛ ɛka gbo kaó wɛ anúɔ ɔ́ɔ je ije ámāŋ ka ɔdée ā uwī ā ŋ́.

9Ipú ikpɛ́lā dóódu lɛyíkwu agbénú, ó kōō wɛ aɛ́na, aálá, aíjakī, aíīlī ámāŋ ka ɔdā dúúmā nōo gebī ā, é géē bī ācɛ ɛpɛlɛ́ɛpa ā wā Áklɔ̄kpīihɔ kú Ɔwɔicō, cɛ́ɛ́ ɔ̄cɛ nɛ̄ Ɔwɔicō géē ŋmɛ́pɔ̄bí ā, géē cíla ulé ā ɛga ɛpa lɛ ɔ́mpa nū.

10Ɔ́dāŋ́ ka ɔ̄cɛ, kwú ɛna ámāŋ álá, ámāŋ ijakī ú tá ɔ́mpa nū, nɛ̄ ó gekwú, ámāŋ ka é kwú kpó uwī eko kú ɛfú, nɛ̄ ijáalí dóódu í yɔ̄ ŋ́. 11É géē bī ɔ̄cɛ ā wā Áklɔ̄kpīihɔ kú Ɔwɔicō, cɛ́ɛ́ ó lɛ ɛka gbo ka ó wɛ anúɔ je ɛna, ámāŋ álá ā uwī ā ŋ́. Eko ɔ́ɔmā, óndú nū géē cɛ̄ ka ufu ɔ́ɔ cɛ̄ anúɔ á, anɔ́ɔ ɔ̄cɛ nɛ̄ ó lɛ ɛbɛ́ ā tá ɔ̄ ā í gáā gbā ulé nūŋ́. 12Amáŋ, ɔ́dāŋ́ ka é kwú ɛbɛ́ ā ú uwī, ɔ̄cɛ ā géē gbā ulé nū lɛ óndú nū. 13Ɔ́dāŋ́ ka ɛbɛ́ obɔ̄bí je ɔ́ kwú lé á, nɛ̄ ó lɛ āyā o hile kú ɛbɛ́ ā bī wā, kóō wɛ ijáalí, ó gáā gbā ulé kú ɔdā nɛ̄ ɛbɛ́ obɔ̄bí je kwú lé ā ŋ́.

14Ɔ́dāŋ́ ka ɔ̄cɛ dúúmā lɛ ɛbɛ́ ɔlɛ́ kú ɔ̄cɛ ɔhá kplá, nɛ̄ ó lɛ ágbe lɛ, ámāŋ ka ɛbɛ́ ā gekwú eko nɛ̄ óndú nū í yɔ̄ abɔ́ɔ ŋ́. Ó géē gbā ulé nū lɛ óndú nū āa. 15Ɔ́dāŋ́ ka óndú nū ā yɔ̄ abɔ́ɔ, ó gáā gbā ulé nū ŋ́. Ɔ́dāŋ́ ka ó kwú ɔ̄ ú tá olufa nɛɛ, ɔ́lá kú nū kóō yɔ̄ ipú ije kú olufa ā.

Íne kú ɛlā Ɔwɔicō mɛ́mla ucē ɔhá

16 # Obla 22.28,29 Ɔ́dāŋ́ ka ɔ̄cɛ lɛ ɔyípɔ̄nɔ̄nyā nɛ̄ ɔ̄cɛ dúúmā í kwu ɔ́ elūbi ɛ́ɛ́ ŋ́, nɛ̄ ó jé ɔ̄cɛnyīlɔ jéjée ɛɛ́ ŋ́, hɛ́báajɛ má gwutá mla anú, ó géē kpó ije nū, cɛ́ɛ́ ó kwú pīya ɔnyā nū. 17Amáŋ ɔ́dāŋ́ ka ádā kú ɔyípɔ̄nɔ̄nyā ā tá ka ɔ̄cɛnyīlɔ kóō híī lɛ ɔ́ ɔnyā ŋ́. Ɔ̄cɛnyīlɔ ā géē gbā ije nōo jónjīlɛ mla ije ɔnyā ā lɛ ádā ɔyí nɔ̄nyā ā. 18#Obla 18.10,11Aá lɛ ɔ̄cɛnya dóódu nōo gē yá ɔhɛ ā ŋmó.

19 # Ulīf 18.23; 20.15,16; Obla 27.21 Ɔ̄cɔnyīlɔ dóódu nōo gē gwutá mla ɛbɛ́, aá lɛ ɔɔ́ ŋmó.

20 # Obla 17.2-7 Ɔ̄cɛ dóódu nōo gē gbā ɔwɔ ɔhá ɛ̄gbā nɛ̄ ó wɛ ami Óndú ā ŋ́, kéē lɛ ɔ́ ŋmó.

21 # Oyɛb 23.9; Ulīf 19.33,34; Obla 24.17,18; 27.19 Aá híī yá ɔ̄cɛ éwɔhá ɔdōbɔ̄bí ámāŋ ka o lɛ abɔ̄ da ɔ́ ɛyí tāajɛ ŋ́. Aá bla ka aá tɛtɛ wɛ ācɛ éwɔhá ajɛ kú Íjīpiti. 22Áa híī yá ɔnyōkwū ámāŋ ɔníōkwū dóódu obɔ̄bí ŋ́. 23Ɔ́dāŋ́ ka aá lɛ ɔdōbɔ̄bí yá uwá, nɛ̄é lɛ ikwū je wā ɛgiyí um, n géē nya uwá agīje piíí. 24N géē cɔ̄nū í je aá kpó ŋmó ɔgbɛ́fú. Cɛ́ɛ́ anyā aá kwú pīya anyōkwū, ayí aá kwú pīya ayókwū.

25 # Ulīf 25.35-38; Obla 15.7-11; 23.19,20 Ɔ́dāŋ́ ka aá le ije kplá ɔ̄cɛ ɔlɛ́ um dóódu, nōo wɛ ogbɛhá. Aá da ɔ́ kóō lɛ ije tá ɔ̄ ɔkwu lɛ aá ŋ̄. 26#Obla 24.10-13Ɔ́dāŋ́ ka a lɛ īlī kú ɔ̄cɛ dóódu kpó kóō wɛ ɔdōcabɔ̄, aá géē je ɔ́ kpó lɛ ɔ́ ɛ́ɛ́ kú ɛnɔ kóō gaajɛ. 27Ohígbū ka īlī ā wɛ ɔdā ō klíiye ōfōōfūnū nɛ̄ ó lɛ kóō lɛ klá iyē á. Ɔdí ɔhá nyá nɛ̄ ó géē bī le klá iye gbo iyɔ̄lā ɛ́ɛ́ mā? Ɔ́dāŋ́ kaó lɛ ikwū je wā ɛgiyí um, n géē nya ɔ́ agīīje, ohígbū ka n gē meyīnyinyi ɔ̄cɛ.

28 # Ācot 23.5 Aá ka obɔ̄bí kú Ɔwɔicō ŋ́, #22.28 Ɔwɔicō, ámāŋ ācohɛ́pɔ̄. ɛ́ɛ́ nɛ̄ aá gē cá aótrɛ̄yí kú ɔlɛ́ aá ɛcá ŋ́. 29Aá géē je igbāmkpa kú aá, ejé mɛ́mla anɔ̄ kú ɔcí nēé hī ka ólīfu kú aá gwɛ́ɛya gā um. Aá géē je ayí aflɛ́yí kú aá gā um. 30Aá géē je ayí aflɛ́yí kú aɛ́na mɛ́mla aálá kú aá gā um. Ɔyí ɛna ámāŋ ɔyí álá a géē yɔ̄ mla ɛ́nɛ́ nū ɛ̄cī ahāapa, ŋmá ɛ̄cī nēé ma ɔ́ ā, cɛ́ɛ́ ɛ̄cī ɔ̄mahātá ā, aá géē kpó uwā gā um. 31#Ulīf 17.15Aá wɛ ācɛ ɔlɛ́ um, ohígbū ɔ́ɔmā ā, aá gáā lé ɛbɛ́ dóódu nɛ̄ ɛbɛ́ obɔ̄bí le ŋmó ŋ́, ikɔkɔ́ ɔ́ɔmā ā, aá kwú ɔ̄ ú lɛ aéwɔhá ā kéē lé.

Currently Selected:

OŌYƐBƐ̄CƐ 22: IFBCL

Highlight

Copy