OHÚTU 21

Usára le Áyísīki ma

1Óndú ā le afa cē klá Usára, ɛ́gɛ́nɛ̄ ó cokónu ka anɔ́ɔ í yá ā. 2#Uhíb 11.11Usára le ipú yɔ̄, le ɔyí ɔ̄cɛnyīlɔ éyi ma lɛ Ébrahām eko nōó le hīlókplīcī ā. Ó mɔyí ā eko nɛ̄ Óndú ā cokónu ka ɔ́ɔ géē ma ā. 3Ébrahām kwú iyē ú ce ɔyí nɛ̄ Usára, ɔnyā nū, ma lɛ ɔ́ ā ka “Áyísīki”. 4#Ohút 17.12; Ācot 7.8Eko nɛ̄ Áyísīki le pīya ɛ̄cī ahātá ā, Ébrahām lɛ ɔ́ apī hɛ́, ɛ́gɛ́nɛ̄ Ɔwɔicō je íne lɛ ɔ́ āa. 5Ébrahām wɛ iháyí ofɛhɔ̄, eko nēé ma Áyísīki lɛ ɔ́ ā. 6Anɔ́ɔ Usára kahíníī, “Ɔwɔicō le éeyē mɛ́mla ɛhɛ bī gé um ɛɛ́. Ɔ̄cɛ dóódu nōo le ɛ̄nyā pó, géē yɛhɛ mɛ́mla um.” 7Anɔ́ɔ ó klla kahíníī, “Ɔ̄cɛ dúú le ka ka ami Usára, ɔnyā kú Ébrahām géē ma ɔyí glá, ɔ̄nyɛ í cɛ̄ āa? Nááná, ami kē ma ɔyínɔ̄nyīlɔ lɛ ɔ́ eko nōo le hīlókplícī yɔ̄ á.” 8Ɔyí ā le jɛ̄ klla le amɛ̄ hɛ́. Ícíícɛ nɛ́ ɔyí ā hɛ́ amɛ̄ ā, Ébrahām le ucɛ yá klɛ́ɛcɛ nɛ̄hi.

É lɛ Uhága mɛ́mla Íssmɛ̄lu nū ŋmá ɔlɛ́

9Ɛ̄cī éyi, Íssmɛ̄lu nɛ̄ Uhága, ɔ̄cɛ kú Íjīpiti ā, ma le Ébrahām ā, yɔ̄ ī hiijā mɛ́mla mla Áyísīki ɔyí kú Usára#21.9 yɔ̄ ī hiijā mla; ámāŋ yɔ̄ ī yá ɔyí kú Usára, Áyísīki ɛbɛ́. #21.9 Ɔkɔ o pīyabɔ̄ nɛ̄ncɛ̄ ōhī ka mɛ́mla ɔyí kú Usára Áyísīki; Ācɛ Uhíbru lɛ aɛ́lā nēe bá nyā ŋ́ 10#Ugal 4.29,30Usára lɛ uwá má, anɔ́ɔ ó da Ébrahām kahíníī, “Lɛ ɔfiyɛ nyā mɛ́mla ɔyí nū ā nū ŋmá ɔlɛ́, ohígbū ka ɔyí ɔfiyɛ nɔ̄nyā nyā í gáā wɛ ɔ̄cɛ o lúgwū mɛ́mla ɔyí um, Áyísīki, ŋ́.” 11Ɛlā nyā kwú Ébrahām iyē nɛ̄hi ohígbū ka Íssmɛ̄lu wɛ ɔyí nū dúú. 12#Uróm 9.7; Uhíb 11.18Amáŋ Ɔwɔicō da Ébrahām kahíníī, “Ɛlā nyā kóō híī kwú uwɔ iyē ohígbū ɔyí ā mɛ́mla ɔfiyɛ nɔ̄nyā kú ɔlɛ́ uwɔ ā ŋ́. Ɔdā dóódu nɛ̄ Usára da uwɔ ā, yā ɛ́gɛ́nɛ̄ ó da uwɔ ā, ohígbū ka oŋmá ɛgiyí Áyísīki nɛ̄ ipɔ́ɔma kú uwɔ géē lé iyē á. 13N kē í bī éwo nɛ̄hi wɛ̄ɛcɛ ŋmá iyē kú Íssmɛ̄lu, ɔyí kú ɔfiyɛ nɔ̄nyā ā dúú, ohígbū koó wɛ ɔyí uwɔ̄.”

14Ɔŋmɔ́ɔ̄cī nū, Ébrahām cāŋjɛ ɔ̄cɔ̄ɔ̄cī, anɔ́ɔ ó kwú ɔdōlé ú mɛ́mla ɔjá ɔkpɛ́bɛ́ kú éŋkpɔ̄ ú kpó lɛ Uhága á. Ó kwú ɔyí nū ú bá ɔ̄ ɔnya, anɔ́ɔ ó le uwá nū ŋmá ɔlɛ́ á. Uhága nyɛ̄ɛ̄ gbɔɔ́ ō gaajɛ gicō ipú ígbíli kú Ubiyɛssɛ́ba. 15Eko nɛ̄ éŋkpɔ̄, nōo yɔ̄ ɔjá ɔkpɛ́bɛ́ ā mɛ ā, anɔ́ɔ ó kwú ɔyí ā ú tɔ́ɔkwu kú ēpū éyi. 16Anɔ́ɔ ó gaá cīce ɛcɛɛcɛ bɛ̄ɛka ikpó ofɛhɔ̄ á ŋmá abɔ́ɔ, anɔ́ɔ ó da īyī nū kahíníī, “N gaá leyīkwu ɔyí um kóō kwú ipú eyī um glá ŋ́.” Anɔ́ɔ abɔ̄ ó cīce abɔ́ɔ ā, ó#21.16 “o; okónu ō pīyabɔ̄ nɛ̄ncɛ̄ éyi ka ɔyí ā. gbɔɔ́ ō jikwū á. 17Ɔwɔicō le ɔkɔ ikwū kú ɔyí nɛ̄ŋ́cɛ́ ā pó, anɔ́ɔ alelékwū-ōtɛ̄hɔ̄ kú Ɔwɔicō éyi hī Uhága igwú ŋmá ɔkpáncō da ɔ́ kahíníī, “Uhága, ɔdí gē je unwalu gā uwɔ ā a? Ā yúúfi ŋ́, ohígbū ka Ɔwɔicō le ɔkɔ ikwū kú ɔyí nɛ̄ŋ́cɛ́ ā pó ŋmá ɛga nōó yɔ̄ ā ɛɛ́. 18Cāŋjɛ ká ā kwú ɔyí ā ú, ká ā lɛ ɔ́ túbi, ohígbū ka n géē je ayááyī nū pīya éwo nɛ̄hi.” 19Anɔ́ɔ Ɔwɔicō le eyī kú Uhága nwūla, anɔ́ɔ ó le obugā kú éŋkpɔ̄ éyi má á, anɔ́ɔ ó nyɔ̄ gaá le ɔjá ɔkpɛ́bɛ́ ā tū omōōmu mɛ́mla éŋkpɔ̄, anɔ́ɔ ó le je lɛ ɔyí ā le gwá á. 20Ɔwɔicō yɔ̄ pī ɔyí ā, abɔ̄ ó yɔ̄ ī jɛ̄ ā. Ó lā ipú ígbíli kú Upáran anɔ́ɔ ó le pīya ofītɛ́ nɛ̄hi á. 21Ɛ́nɛ́ nū le ɔnyā lɛ lɛ ɔ́ ŋmá Íjīpiti.

Abímɛ́lɛ̄ki mɛ́mla Ébrahām cɛ̄ tɔ̄há

22 # Ohút 26.26 Eko ɔ́ɔmā ā, Abímɛ́lɛ̄ki mɛ́mla Ufíkɔlu, otrɛ̄yí kú aícɔ́ɔja kú ɔlɛ́ nū ā le tá ɛgiyí Ébrahām, gaá kɛlā lɛ ɔ́ kahíníī, “Ɔwɔicō yɔ̄ pī uwɔ ipú ɔdā dóódu nɛ̄ a ī yá ā. 23Ohígbū ɔ́ɔmā lɛ okónu ce ga um iyɔ̄bū Ɔwɔicō, ka á gáā plla ami mɛ́mla ayípɛ́ ɔlɛ́ um mɛ́mla ayááyí um ŋ́. N bī ɔtū okpaakpa yá ɛma mɛmla uwɔ, ohígbū ɔ́ɔmā lɛ ɔkpá gbo ka a géē yá kpaakpa lɛyíkwu ami mɛ́mla ajɛ nɛ̄ a lā anú nyā ā. 24Anɔ́ɔ Ébrahām kahíníī, “N gbo ɔkpá lɛ ā.”

25Ébrahām le ɛpɔ̄ kpó lɛ Abímɛ́lɛ̄ki ohígbū obugā éyi nɛ̄ ācocɛ̄hɔ̄ kú Abímɛ́lɛ̄ki mīyɛ ā. 26Abímɛ́lɛ̄ki kahíníī, “Ń jé ɔ̄cɛ nōo yá ɛ̄nyā ā ŋ́, ícɛ klɔ́dɔ́ɔ́ nɛ̄ n yɔ̄ ī pó yɔ̄ á.” 27Anɔ́ɔ Ébrahām kwū aálá mɛ́mla aɛ́na ú kpó lɛ Abímɛ́lɛ̄ki, anɔ́ɔ uwá ɛpɛlɛ́ɛpa le ɛka gbo lɛ īyī uwā á. 28Ébrahām le ayí álá ahāapa kpó fō ŋmá ipú aálá kú nū. 29Anɔ́ɔ Abímɛ́lɛ̄ki da ɔ́ ɔ̄kā kahíníī, “Ɔdí wɛ ɛyí kú ɔdā nɛ̄ a yá nyā ā?”

30Ébrahām tá ɔ̄ ohi kahíníī, “Mīyɛ ayí álá ahāapa nyā. Oŋmá ɛ̄nyā ā, a géē cɛ̄ mɛ́mla um ka amíyɔ̄ bu obugā ā á.” 31Anɔ́ɔ uwā hī iyē kú abɔ́ɔ ka Ubiyɛssɛ́ba, #21.31 Ubiyɛssɛ́ba: Ɛyí iyē okónu Uhíbru wɛ “Obugā kú okónu ō ce” ámāŋ ka “Obugū kú aháapa” (má 26.33). ohígbū koó wɛ abɔ́ɔ nɛ̄ ācɛ ɛpa ā cokónu á.

32Igbīhi nēé lɛ okónu ce Ubiyɛssɛ́ba ā, Abímɛ́lɛ̄ki mɛ́mla Ufíkɔl le cīgbīhi ga Ufilístiya. 33Anɔ́ɔ Ébrahām le ɔcí nēé hī ka Utamaríski ā tū Ubiyɛssɛ́ba ā, anɔ́ɔ ó Le ɛ̄gbā gbā Óndú ā, nōo wɛ Ɔwɔicō piyóó ā abɔ́ɔ á. 34Ébrahām lā ajɛ kú Ufilístiya yɛɛ ā.

Currently Selected:

OHÚTU 21: IFBCL

Highlight

Copy