OHÚTU 37

Ujósɛ̄fu mɛ́mla ayínɛ́ nū

1Ujékɔ̄pu lā ajɛ kú Ukénan ɛga nɛ̄ ádā nū tɛtɛ lā ā kpɔ́. 2Ɛ̄nyā wɛ ɔ̄kā kú ipɔ́nū kú Ujékɔ̄pu. Ujósɛ̄fu eko nōó wɛ iháyí igwáahāapa ā, anú mɛ́mla ayínɛ́ nū nēe wɛ ayínɔ̄nyīlɔ kú Ubílha mɛ́mla Usílpa ā gē leyīkwu aálá mɛ́mla aɛ́wu kú ádā uwā. Ó gē kpɛ́pɔ̄ kú odōōbɔ̄bí nɛ̄ ayínɛ́ nū bá ī yá ā lɛ ádā nū.

3Ujékɔ̄pu yíihɔtū tú Ujósɛ̄fu fíyɛ́ odúúdú ayípɛ̄ ɔlɛ́ nū ɔhá āa, ohígbū keé ma ɔ́ lɛ ɔ́ eko nōó le hīla ā. Ó le úwé olɔhi olabɔ̄līkpō gɔ́ lɛ ɔ́. 4Eko nɛ̄ ayínɛ́ nū ohile ā le má ka ádā aá ɔ́ɔ yíhɔtū tú Ujósɛ̄fu fíyɛ́ aá ā, é gbɔɔ́ ō wɔ́tū ɔyínɛ́ uwā nɛ̄ɛ̄nɛ̄hi, nōo yá kéē gbɔɔ́ ō tū Ujósɛ̄fu eyījii nɛ̄hi. É klla kɛlā lɛ ɔ́ ɔkɔ ogbonɛnɛ ɛ́ɛ́ gɛ ŋ́ má.

5Otú ɛ̄cī éyi, Ujósɛ̄fu le ɔ̄na nā. Eko nōó le ɔnā ā ka lɛ ayínɛ́ nū ā, é wɔ́tū nū fíyɛ́. 6Ó da uwá kahíníī, “Aá jāhɔ̄ lɛ ɔ̄na nɛ̄ n nā āa. 7Odúúdú alɔ bá ɛhɔ̄ yɔ̄ ī gbō ɛ̄wɛ̄ igwu, anɔ́ɔ ɛ̄wɛ̄ igwu kú um, cāŋjɛ háyicō kpaakpa, anɔ́ɔ ɛ̄wɛ̄ igwu ká aá le yɛ ɔ́ jīla tá, klla le túkpɛɛ́ lɛ ákú um á.”

8Anɔ́ɔ ayínɛ́ nū da ɔ́ ɔ̄kā kahíníī, “A gbɛlá ka anúɔ géē wɛ ɔcɛ́ cɛ́ɛ́ ká ā gbō alɔ kɛ̄ɛ?” Anɔ́ɔ é klla wɔ́tū nū fíyɛ́ ohígbū ɔ̄na kú nū ā, mɛ́mla ɛlā nōó ka lɛyíkwu uwā ā. 9Ujósɛ̄fu klla le ɔ̄na ɔhá nā kpɔ́. Ó klla le da ayínɛ́ nū kahíníī, “N le ɔ̄na ɔhá nā, nɛ̄ n má ɛnɔ mɛ́mla ɔyā mɛ́mla aínyílɔ́wɔ igwóléyi bá ī túkpɛɛ́ gā um.” 10Ó le ɔ̄na ā ka lɛ ádā nū dúú, anɔ́ɔ ádā nū le ɛgba dɛ̄ tū ɔ̄, da ɔ́ ɔ̄kā ka. “Ɛdɔ ɔ̄na nyá yɔ̄ ā dúú? A gbɛlá ka ami, ɛ́nɛ́ uwɔ, mɛ́mla ayínɛ́ uwɔ géē wā í lɛyī kwu ajɛ gā uwɔ nɛɛ?” 11#Ācot 7.9Anɔ́ɔ ayínɛ́ kú Ujósɛ̄fu gbɔɔ́ ō mímálānyī nū fíyɛ́, amáŋ ádā nū yɔ̄ gē gbɛlá odúúdú ɛlā nēe bá ā.

É kwú Ujósɛ̄fu ú je lá ga Íjīpiti

12Ɛ̄cī éyi, ayínɛ́ kú Ujósɛ̄fu le yɛ tá Ussɛ́kɛm gaá gbō álá kú ádā uwā. 13Anɔ́ɔ Ujékɔ̄pu da Ujósɛ̄fu ka “N dɔɔ̄kā ká ā ga Ussɛ́kɛm, ɛga nɛ̄ ayínɛ́ uwɔ bá gē gbāálá ā.” Anɔ́ɔ Ujósɛ̄fu cɛ̄ á. 14Ádā nū da ɔ́ kahíníī, “Nyɔ̄ ká ā gaá lɛ ayínɛ́ uwɔ mɛ́mla aálá ā kpó jila, ɔ́dāŋ keé bá lɔhi. Cɛ́ɛ́ a lɛ ohi kpó gé um.” Anɔ́ɔ ádā nū lɛ ɔ́ tɛ̄hɔ̄ ŋmá ɔpɛ́ kú Uhɛ́brɔn. Ujósɛ̄fu gāajɛ Ussɛ́kɛm, 15anɔ́ɔ ó yɔ̄ ī gicō gaajɛ ipácí ɛ́ɛ́ nɛ̄ ɔ̄cɛ éyi le ɔ́ má á. Anɔ́ɔ ó da ɔ́ ɔ̄kā kahíníī, “Ɔdí nɛ̄ a yɔ̄ ī tíne āa?”

16Ujósɛ̄fu tóohi kahíníī, “N yɔ̄ ī tíne ayínɛ́ um nēe bá ī gbāálá amānyā ā. A lɔfú da um ɛga nēé bá ā?” 17Anɔ́ɔ ɔ̄cɛ ā da Ujósɛ̄fu kahíníī, “É nyɛ̄ɛ̄ ɛɛ́, n pó abɔ̄ uwá bá ī ka ka aá géē ga Udɔ́tan.” Anɔ́ɔ Ujósɛ̄fu nū ɔgwu ayínɛ́ nū ga Udɔ́tan, anɔ́ɔ ó le uwá má abɔ́ɔ á.

18Eko nɛ̄ ayínɛ́ kú Ujósɛ̄fu le ɔ́ má yɔ̄ ī wā ɛcɛɛcɛ ā, gbɔbū ɛ́ɛ́ kóō géē wāajɛ uwā ā, é le ujɔ̄ tū, le miya kéē lɛ ɔ́ ŋmó. 19É da īyī wā kahíníī, “Onɔ̄ɔ̄na kú ɔlɛ́ alɔ ā ī wā ɛɛ́. 20Aá wā, ká ālɔ̄ lɛ ɔ́ ŋmó, ká ālɔ̄ kwú okwū kú nū ú tá ga ipú obugā ōŋmó nyā. Alɔ géē ka lɛ ádā alɔ ka ɛbɛ́ obɔ̄bí je ɔ́ ŋmó á. Cɛ́ɛ́ ká ālɔ̄ má ɛ́gɛ́nɛ̄ ɔna kú nū í cɛ lɛ ā.”

21Anɔ́ɔ Urúbɛn le ɛlā nēé ka ā pó, anɔ́ɔ ó lɔfú tīyē kóō lɛ Ujósɛ̄fu nyatá. Anɔ́ɔ ó da uwá kahíníī, “Ālɔ̄ híī ŋmó ɔ̄ ŋ́. 22Ālɔ̄ kwú ɔ̄ ú tá ga ipú obugā kú ígbílí nyā, ká ālɔ̄ híī yá ɔ̄ ɔdā dúúmā ŋ́.” Ó ka ɛ̄nyā ipú ojuju nōó yɔ̄ ī yá cɛ́ɛ́ kóō kwú ɔ̄ ú kwúcē gé lɛ ádā nū. 23Eko nɛ̄ Ujósɛ̄fu gā ɛgiyí ayínɛ́ nū ā, é le ɔ́ úwé olɔhi olabɔ̄līkpō ā plla#37.23 awulú olabɔ̄līkpō, ámāŋ awulú nēé hijá tū ɔ̄ lɔɔlɔhi 24É kwú ɔ̄ tá tū obugā éyi nōo le ŋmó.

É kwú Ujósɛ̄fu ú lá

25Abɔ̄ é bá ī lé ɔdōlé ā, ɔkwɔɔkwu ɔ́ɔmā ā, é le ígwu kú ācɛ kú Íssmɛ̄lu nēe ŋmá Ugílɛ̄di bá ī yɛ ga Íjīpiti ā má. Aínyankwūlūmī kú uwā bī iyó kú anɔ̄ mɛ́mla aɔ́dā ɔhá. 26Ujúda da ayínɛ́ nū ā ɔ̄kā kahíníī, “Ɔdī wɛ itene nɛ̄ alɔ géē lɛ ɔ́dāŋ ka alɔ lɛ ɔyínɛ́ alɔ ŋmó kwú tayínū āa? 27Ālɔ̄ kwú ɔ̄ ú lá lɛ ācɛ Íssmɛ̄lu nēe bá ā, cɛ́ɛ́ kú ālɔ̄ yá ɔ̄ ágbe ŋ́. Ó kē wɛ ayínɛ́ alɔ, klla wɛ ɔkpíyē mɛ́mla oyī ékpó mɛ́mla alɔ nɛ.” Anɔ́ɔ ayínɛ́ nū ā cɛ̄ á. 28#Ācot 7.9Eko nɛ̄ ācōtɔ́hi kú Umídiya ā gāajɛ uwā ā, ayínɛ́ nū le ɔ́ pi wɛ̄ɛcɛ ŋmá ipú obugā ā. Anɔ́ɔ é kwú ɔ̄ ú lá īkpō ije nɛ̄hɛ́ ofu lɛ ācɛ kú Íssmɛ̄lu. Anɔ́ɔ é kwú ɔ̄ ú ga ajɛ Íjīpiti á.

29Eko nɛ̄ Urúbɛn le cīgbīhi wā ɛgiyí obugā ā, nōó má Ujósɛ̄fu ipú nū gɛ ŋ́ mā, ó le īlī kú nū hīla ohígbū ɔtū nōo bīya lɛ ɔ́ ā. 30Ó kwúcē wā ɛgiyí ayínɛ́ nū, anɔ́ɔ ó da uwá ɔ̄kā kahíníī, “Ɔyí ā í yɔ̄ abɔ́ɔ gɛ ŋ́! Ɔdí nɛ̄ n gaá yá ā?”

31Anɔ́ɔ é le ɛwū éyi ŋmó, anɔ́ɔ é kwú úwé kú Ujósɛ̄fu í wu oyī kú nū á. 32É kwú úwé ā ú bī gé lɛ ádā uwā, anɔ́ɔ é da ádā uwā kahíníī, “Alɔ pīyɛ úwé nyā ŋmá ɔwɛ. Má ɔ̄ káá, ó wɛ ákú Ujósɛ̄fu, ɔyí uwɔ ā glá ā?”

33Abɔ̄ ádā uwā le úwé ā jééjúuma ā, anɔ́ɔ ó kahíníī, “Īī úwé kú Ujósɛ̄fu nɛ, ɛbɛ́ obɔ̄bí le ɔyí um ŋmó ɛɛ́. É le ɔyí um Ujósɛ̄fu híla cɛkɛcɛkɛ ɛɛ́.”

34Ujékɔ̄pu le īlī kú nū híla, ipú ɔtūnōbí, klla kwú īlī ekwu ú tá klá iyē. Anɔ́ɔ ó yēkwu kú ɔyí nū ligbó ajɛ nɛ̄hi á. 35Odúúdú ayí nū nɔ̄nyīlɔ mɛ́mla ayínɔ̄nyā ā wā kéē tá ɔ̄ ɔtūlé, amáŋ ó tá koó mīyɛ ɔtū o túlé. Anɔ́ɔ ó kahíníī, “N géē kwú ipú ekwu nɛ̄ n yɔ̄ ipú ɔtūnōbí kú ɔyí ūm ā.” Anɔ́ɔ ó yēkwu ipú ɔtūnōbí kú ɔyí nū Ujósɛ̄fu ā gɔbū kpɔ́ á.

36Eko nēé le tá Íjīpiti ā, ācɛ Umídīya ā, kwú Ujósɛ̄fu ú lá lɛ Upɔ́tīfa, otrɛ̄yí kú ipɔ́ɔ́nū kú ɔlɛ́ ɔcɛ́ kú Íjīpiti.

Currently Selected:

OHÚTU 37: IFBCL

Highlight

Copy