Ọyịkụra 10
10
Akụvarịva ệ chaka hi Ijipiti.
1Dị Ẹnẹyịmavara rẹ hị́ Imosiisi dị ọ ka. Ọ̀ na ne tù Ihwarawo. Ọ kà ọnị ọ raà mẹ ka ọnịrị anụkọrọ anị ẹ̀ za ayị ẹnịnị katẹngụ. Ọ kà ọnọọ vaa mẹ ka ọnị ò re oze mẹ̀ ụkọrọ ịvọpa anị ịda ẹnịnị. 2Ẹnẹyịmavara rẹ ka ịtọpa ọnọnị vị ọnị Imosiisi nịnị vaa kà a yị ezi ẹnịnị ọnịrị ezi ẹnịnị ịrẹma-ịrẹma. Ọ kà ọ vaa pa ịtaa zụ̀ wa ọnị mẹmẹ sị Anijipiti mẹ ịyẹyẹ, dị ọnị mẹ ịvọpa ịda ẹnịnị. Ẹnẹyịmavara rẹ ka oni ee sì ka ẹ̀ yẹ ka ọnị ọ vị Ẹnẹyịmavara nị. 3Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.
4Ẹ ka ọ ka òo yi dị ọ̀ yị zẹẹ ka ẹ̀ na nị, ọ̀ yẹ ka ọnị vaa kụ́ akụvarịvaa vẹ ịnị ẹtẹ anị ụhwọọ. 5Dị ẹ ka ọ ka akụvarịva ẹnẹẹ vee kú avaba aha, dị ọza o yi kuku re ẹtẹ ka ịsa chee ana vọ ana ata orihi ò yi rè vee du ha, akụvarịva ẹnẹẹ ẹ kụkụ aa rị wa nị. Ẹ rẹ ka ọ ka avaba ịsị ẹ chị hi ịnị aarẹ vị ẹnẹ ẹ yaa rị. 6Dị ẹ rẹ ka ọ ka akụvarịva ẹnẹẹ vaa ká hi irehi anị ọnịrị irehi anụkọrọ anị ne beri irehi avaba Anijipiti. Dị ẹnịnị rẹ ka ọ ka ẹngụ ịrẹyị ọnọnị ada Anijipiti nịnị ne chire ohiku ẹnịnị ê yi re e da ẹ mẹ̀ hụrẹ ra ịnị ẹkụra ọnọnị pooro ve tù ajịnị. Di Imosiisi varẹma tụ́ hụụ ịda Ihwarawo nị.
7Dị anụkọrọ Ihwarawo va hị́ Ihwarawo dị ẹ ka Aanịka aanị ọnọrụ ọnọnị mẹ̀ vaa sị ụyaa rị ẹnị pooro nị? Ẹ ka ọ̀ navọ aza ẹnẹnị ẹ̀ẹ na dị ẹ̀ na hẹkẹ Ẹnẹyịmavara ana vị Ohomorihi ẹnịnị. Dị ẹ rẹ ka aanịka ọ yị yẹ ka Ijipiti ộ ta? 8Dị a na hị́ Imosiisi ọnịrị Eerọnị vavẹ ịda Ihwarawo nị. Di Ihwarawo ka Ẹẹ na, dị ẹ̀ na hẹkẹ Ẹnẹyịmavara ana vị Ohomorihi ẹnịnị. Ọ kà ama ẹnẹ vaa na ịnị ẹngụ ẹnịnị? 9Di Imosiisi ka avaba ẹnịnị aa na nị, ezweyi ne beri azọkụ. Ọ kà Ezi ẹnịnị ọnịrị ịsụpa ẹnịnị vị ana aa na agụvị ka ẹnị aa naa rị eche Ẹnẹyịmavara. 10Di Ihwarawo ka Nde! Ẹnẹyịmavara ọ̀ ya beri wa, ka aa vị ẹnị ọnịrị ezi ẹnịnị ẹ kú aa na avọọ. Ọ kà ọnị ộ yẹ ka ịsa odivi e yee tenyi ẹngụ anị nị. 11Dị ọ va ka ẹnịrị anọrụ kẹnẹ ọ̀ na dị ẹ̀ na hẹkẹ Ẹnẹyịmavara kà ịsị e họ̀ use anị ọ vị ọnọọ nị. Dị a dụ Imosiisi ọnịrị Eerọnị hụụ ịda Ihwarawo nị. 12Dị Ẹnẹyịmavara va kà a yị Imosiisi dị ọ ka ọ̀ tana ụvọ anị hi Ijipiti dị akụvarịva ẹ̀ ká hi ịnị ẹtẹ Ijipiti dị ẹ̀ rị avaba ịsị ẹ chị hi ịnị aarẹ, avaba ịsị ẹ vọ ana ata orihi ò yi rè vee du. 13Ịzẹyịza di Imosiisi tana okutẹ anị hi Ijipiti nị. Dị Ẹnẹyịmavara mẹ ka ahị ọ̀ tụ́ hụrẹ oze ọnị ọyịị̄ zịị vẹ, dị ọ tụ́ va para hu ịnị ẹtẹ ọnọọ pooro ọọdụ ọnịrị ịrahụ ịhị ọnọọ nị. Ịnị ẹnẹnẹ, ahị ọnọọ ọ raà kụ́ akụvarịva vẹ. 14#Ẹtẹ 9.2,3Dị ẹ ká hi avaba Ijipiti dị ẹ chaka kú avaba aha ịnị ẹtẹ ọnọọ kẹnẹ nị. Â yị vịdị vavọọ nyị otomiroku akụvarịva da. A ma rẹ vana vavọọ nyị. 15Di e kú eteesu pipipi, dị ẹtẹ kuku ee mine kẹnẹ nị. Dị ẹ za avaba ịsa ana ata orihi navọ tịtẹ, dị ẹ rị wa nị. Avaba ịsị ẹ chị hi ịnị aarẹ ọnịrị ẹtụtụ ene hi ịnị ọchị vị ẹnẹ rị za ẹtẹ, kụkụ nyị ịsị aa hị́ avị ohwoohu ikonya ịnị avaba ẹtẹ Ijipiti.
16Di Ihwarawo ụsẹ tụ́ na hị́ Imosiisi ọnịrị Eerọnị dị ọ ka ọnị ọ sị ebira odivi mẹ hi Ẹnẹyịmavara ana vi Ohomorihi. Ọ kà avọọ ọnị mẹ̀ rẹ mẹ̀ ebira odivi hi Imosiisi nịnị bẹẹ ị. 17Dị ọ ka aarịhịnị kwogwo, ẹ̀ vagu ọnị ịnị ịvị ọnị mẹ̀ ụpẹ ọnya kẹnẹ tụ́ ọ, dị ọ̀ da ịpẹ yị Ẹnẹyịmavara ana vi Ohomorihi ẹnịnị ka ọ̀ kụ́ ẹngụkata ọnọnị kwooze yị ọnị. Ọ kà ẹngụkata ọnọnị ọ zụ wụ̀ ọza.
18Di Imosiisi hụụ ịda Ihwarawo, dị ọ na mẹ̀ aduwa yị Ẹnẹyịmavara nị 19Dị Ẹnẹyịmavara mẹ ka ahị ọbanyị ọnọọ ọ̀ kụkụụ tụ́ hụrẹ eyi ọnị ọyịị̄ zịị naa ngụ ẹtẹ nị. Di ahị ọnọọ za akụvarịva ẹnẹẹ dị ọ kụ́ wa na va hi ini òkū Ịkịịkẹ nị. Akụvarịva ikonya ọ yị vọ tụ́ Ijipiti. 20Ama Ẹnẹyịmavara ọ raà mẹ ka ayị Ihwarawo ọ̀ katẹngụ. Ihwarawo ọ yị rẹ zẹẹ ka Anisirẹrị ẹ̀ na.
Ọọdụ ộ vara ịrahụ ịnị ẹtẹ Ijipiti.
21Dị Ẹnẹyịmavara rẹ kà a yị Imosiisi dị ọ ka ọ̀ tana ụvọ hi ẹbẹẹba dị ịrahụ ọ̀ chaka kú ẹtẹ Ijipiti. Ọ kà ịrahụ ruma-ruma ọ vaa vị nị. Aza ẹnyị vị enee nyeeyi hị́ ọ “oku ovivi” Ama oku ịkẹ-ịkẹ ọ vị ịrẹha anị obooro ịnị ẹkụra Ihiburu nị. 22#Ahẹ 105.28; Ẹtẹ 16.10Ịzẹyịza di Imosiisi tana ụvọ anị hi ẹbẹẹba nị. Dị ịrahụ ruma-ruma chaka kú avaba ẹtẹ Ijipiti mẹ ẹkụhị ẹẹta nị. 23Aza ẹnyị o yi zụ re ọsa, hyakụ nyị ọza ana zụ hụrẹ ịzị ọ yà dị ọ mẹ ẹkụhị ẹẹta. Ama avaba Anisirẹrị eni ee re ẹtẹ avaba aha ẹnị ẹ yà. 24Di Ihwarawo rẹ tụ́ na hị́ Imosiisi dị ọ ka: ọ̀ọ na, ọ̀ na hẹkẹ Ẹnẹyịmavara. Ọ kà ẹnịrị ezi ẹnịnị ẹ̀ na, ama ẹ navọ ịsụpa ẹnịnị tịtẹ. 25Di Imosiisi ka avọrọ ka ọ̀ zẹẹ ka ẹnị ẹ sị ịsa ịsọvọ ọnịrị ịsị ẹnị aa naa rịraa mẹ ịsọvọọ yị Ẹnẹyịmavara ana vị Ohomorihi ẹnịnị. 26Ọ kà ẹnịrị ịsụpa ẹnịnị bẹẹ aa na nị. Ọ rẹ ka ẹnị ẹ yị hyakụ aa navọ ẹtụpa ikonya tịtẹ ka a nyị ẹnị ẹnị vaa sị ịnị ẹnịnị dị ẹnị ẹ̀ sị hẹkẹ Ẹnẹyịmavara ana vi Ohomorihi ẹnịnị. Ọ kà à yi vi Ịjị ẹnị èe tù ịzọọ, ẹnị ẹ yị vaa yẹ ana vọrọ ka ẹnị ẹ̀ sị hẹkẹ Ẹnẹyịmavara.
27Ama Ẹnẹyịmavara ọ raà mẹ ka ayị Ihwarawo ọ̀ katẹngụ. Ọ yị zẹẹ ka aza ẹnẹẹ ẹ̀ na. 28Di Ihwarawo kà a yi Imosiisi dị ọ ka ò jesi hụrẹ ọvịdị anị! Ọ kà asị a nyị ịsị ẹ vana sị ọ vẹ ịda anị, o! Ọ kà ịhị ọ̀ọ vana sị eyi gẹrị ọ, ịhị ọnọọ e ee sú nị. 29Di Imosiisi ka Ịzẹyịza yọ, ọnị ọ mā vana si eyi gẹrị ọ.
Currently Selected:
Ọyịkụra 10: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 10
10
Akụvarịva ệ chaka hi Ijipiti.
1Dị Ẹnẹyịmavara rẹ hị́ Imosiisi dị ọ ka. Ọ̀ na ne tù Ihwarawo. Ọ kà ọnị ọ raà mẹ ka ọnịrị anụkọrọ anị ẹ̀ za ayị ẹnịnị katẹngụ. Ọ kà ọnọọ vaa mẹ ka ọnị ò re oze mẹ̀ ụkọrọ ịvọpa anị ịda ẹnịnị. 2Ẹnẹyịmavara rẹ ka ịtọpa ọnọnị vị ọnị Imosiisi nịnị vaa kà a yị ezi ẹnịnị ọnịrị ezi ẹnịnị ịrẹma-ịrẹma. Ọ kà ọ vaa pa ịtaa zụ̀ wa ọnị mẹmẹ sị Anijipiti mẹ ịyẹyẹ, dị ọnị mẹ ịvọpa ịda ẹnịnị. Ẹnẹyịmavara rẹ ka oni ee sì ka ẹ̀ yẹ ka ọnị ọ vị Ẹnẹyịmavara nị. 3Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.
4Ẹ ka ọ ka òo yi dị ọ̀ yị zẹẹ ka ẹ̀ na nị, ọ̀ yẹ ka ọnị vaa kụ́ akụvarịvaa vẹ ịnị ẹtẹ anị ụhwọọ. 5Dị ẹ ka ọ ka akụvarịva ẹnẹẹ vee kú avaba aha, dị ọza o yi kuku re ẹtẹ ka ịsa chee ana vọ ana ata orihi ò yi rè vee du ha, akụvarịva ẹnẹẹ ẹ kụkụ aa rị wa nị. Ẹ rẹ ka ọ ka avaba ịsị ẹ chị hi ịnị aarẹ vị ẹnẹ ẹ yaa rị. 6Dị ẹ rẹ ka ọ ka akụvarịva ẹnẹẹ vaa ká hi irehi anị ọnịrị irehi anụkọrọ anị ne beri irehi avaba Anijipiti. Dị ẹnịnị rẹ ka ọ ka ẹngụ ịrẹyị ọnọnị ada Anijipiti nịnị ne chire ohiku ẹnịnị ê yi re e da ẹ mẹ̀ hụrẹ ra ịnị ẹkụra ọnọnị pooro ve tù ajịnị. Di Imosiisi varẹma tụ́ hụụ ịda Ihwarawo nị.
7Dị anụkọrọ Ihwarawo va hị́ Ihwarawo dị ẹ ka Aanịka aanị ọnọrụ ọnọnị mẹ̀ vaa sị ụyaa rị ẹnị pooro nị? Ẹ ka ọ̀ navọ aza ẹnẹnị ẹ̀ẹ na dị ẹ̀ na hẹkẹ Ẹnẹyịmavara ana vị Ohomorihi ẹnịnị. Dị ẹ rẹ ka aanịka ọ yị yẹ ka Ijipiti ộ ta? 8Dị a na hị́ Imosiisi ọnịrị Eerọnị vavẹ ịda Ihwarawo nị. Di Ihwarawo ka Ẹẹ na, dị ẹ̀ na hẹkẹ Ẹnẹyịmavara ana vị Ohomorihi ẹnịnị. Ọ kà ama ẹnẹ vaa na ịnị ẹngụ ẹnịnị? 9Di Imosiisi ka avaba ẹnịnị aa na nị, ezweyi ne beri azọkụ. Ọ kà Ezi ẹnịnị ọnịrị ịsụpa ẹnịnị vị ana aa na agụvị ka ẹnị aa naa rị eche Ẹnẹyịmavara. 10Di Ihwarawo ka Nde! Ẹnẹyịmavara ọ̀ ya beri wa, ka aa vị ẹnị ọnịrị ezi ẹnịnị ẹ kú aa na avọọ. Ọ kà ọnị ộ yẹ ka ịsa odivi e yee tenyi ẹngụ anị nị. 11Dị ọ va ka ẹnịrị anọrụ kẹnẹ ọ̀ na dị ẹ̀ na hẹkẹ Ẹnẹyịmavara kà ịsị e họ̀ use anị ọ vị ọnọọ nị. Dị a dụ Imosiisi ọnịrị Eerọnị hụụ ịda Ihwarawo nị. 12Dị Ẹnẹyịmavara va kà a yị Imosiisi dị ọ ka ọ̀ tana ụvọ anị hi Ijipiti dị akụvarịva ẹ̀ ká hi ịnị ẹtẹ Ijipiti dị ẹ̀ rị avaba ịsị ẹ chị hi ịnị aarẹ, avaba ịsị ẹ vọ ana ata orihi ò yi rè vee du. 13Ịzẹyịza di Imosiisi tana okutẹ anị hi Ijipiti nị. Dị Ẹnẹyịmavara mẹ ka ahị ọ̀ tụ́ hụrẹ oze ọnị ọyịị̄ zịị vẹ, dị ọ tụ́ va para hu ịnị ẹtẹ ọnọọ pooro ọọdụ ọnịrị ịrahụ ịhị ọnọọ nị. Ịnị ẹnẹnẹ, ahị ọnọọ ọ raà kụ́ akụvarịva vẹ. 14#Ẹtẹ 9.2,3Dị ẹ ká hi avaba Ijipiti dị ẹ chaka kú avaba aha ịnị ẹtẹ ọnọọ kẹnẹ nị. Â yị vịdị vavọọ nyị otomiroku akụvarịva da. A ma rẹ vana vavọọ nyị. 15Di e kú eteesu pipipi, dị ẹtẹ kuku ee mine kẹnẹ nị. Dị ẹ za avaba ịsa ana ata orihi navọ tịtẹ, dị ẹ rị wa nị. Avaba ịsị ẹ chị hi ịnị aarẹ ọnịrị ẹtụtụ ene hi ịnị ọchị vị ẹnẹ rị za ẹtẹ, kụkụ nyị ịsị aa hị́ avị ohwoohu ikonya ịnị avaba ẹtẹ Ijipiti.
16Di Ihwarawo ụsẹ tụ́ na hị́ Imosiisi ọnịrị Eerọnị dị ọ ka ọnị ọ sị ebira odivi mẹ hi Ẹnẹyịmavara ana vi Ohomorihi. Ọ kà avọọ ọnị mẹ̀ rẹ mẹ̀ ebira odivi hi Imosiisi nịnị bẹẹ ị. 17Dị ọ ka aarịhịnị kwogwo, ẹ̀ vagu ọnị ịnị ịvị ọnị mẹ̀ ụpẹ ọnya kẹnẹ tụ́ ọ, dị ọ̀ da ịpẹ yị Ẹnẹyịmavara ana vi Ohomorihi ẹnịnị ka ọ̀ kụ́ ẹngụkata ọnọnị kwooze yị ọnị. Ọ kà ẹngụkata ọnọnị ọ zụ wụ̀ ọza.
18Di Imosiisi hụụ ịda Ihwarawo, dị ọ na mẹ̀ aduwa yị Ẹnẹyịmavara nị 19Dị Ẹnẹyịmavara mẹ ka ahị ọbanyị ọnọọ ọ̀ kụkụụ tụ́ hụrẹ eyi ọnị ọyịị̄ zịị naa ngụ ẹtẹ nị. Di ahị ọnọọ za akụvarịva ẹnẹẹ dị ọ kụ́ wa na va hi ini òkū Ịkịịkẹ nị. Akụvarịva ikonya ọ yị vọ tụ́ Ijipiti. 20Ama Ẹnẹyịmavara ọ raà mẹ ka ayị Ihwarawo ọ̀ katẹngụ. Ihwarawo ọ yị rẹ zẹẹ ka Anisirẹrị ẹ̀ na.
Ọọdụ ộ vara ịrahụ ịnị ẹtẹ Ijipiti.
21Dị Ẹnẹyịmavara rẹ kà a yị Imosiisi dị ọ ka ọ̀ tana ụvọ hi ẹbẹẹba dị ịrahụ ọ̀ chaka kú ẹtẹ Ijipiti. Ọ kà ịrahụ ruma-ruma ọ vaa vị nị. Aza ẹnyị vị enee nyeeyi hị́ ọ “oku ovivi” Ama oku ịkẹ-ịkẹ ọ vị ịrẹha anị obooro ịnị ẹkụra Ihiburu nị. 22#Ahẹ 105.28; Ẹtẹ 16.10Ịzẹyịza di Imosiisi tana ụvọ anị hi ẹbẹẹba nị. Dị ịrahụ ruma-ruma chaka kú avaba ẹtẹ Ijipiti mẹ ẹkụhị ẹẹta nị. 23Aza ẹnyị o yi zụ re ọsa, hyakụ nyị ọza ana zụ hụrẹ ịzị ọ yà dị ọ mẹ ẹkụhị ẹẹta. Ama avaba Anisirẹrị eni ee re ẹtẹ avaba aha ẹnị ẹ yà. 24Di Ihwarawo rẹ tụ́ na hị́ Imosiisi dị ọ ka: ọ̀ọ na, ọ̀ na hẹkẹ Ẹnẹyịmavara. Ọ kà ẹnịrị ezi ẹnịnị ẹ̀ na, ama ẹ navọ ịsụpa ẹnịnị tịtẹ. 25Di Imosiisi ka avọrọ ka ọ̀ zẹẹ ka ẹnị ẹ sị ịsa ịsọvọ ọnịrị ịsị ẹnị aa naa rịraa mẹ ịsọvọọ yị Ẹnẹyịmavara ana vị Ohomorihi ẹnịnị. 26Ọ kà ẹnịrị ịsụpa ẹnịnị bẹẹ aa na nị. Ọ rẹ ka ẹnị ẹ yị hyakụ aa navọ ẹtụpa ikonya tịtẹ ka a nyị ẹnị ẹnị vaa sị ịnị ẹnịnị dị ẹnị ẹ̀ sị hẹkẹ Ẹnẹyịmavara ana vi Ohomorihi ẹnịnị. Ọ kà à yi vi Ịjị ẹnị èe tù ịzọọ, ẹnị ẹ yị vaa yẹ ana vọrọ ka ẹnị ẹ̀ sị hẹkẹ Ẹnẹyịmavara.
27Ama Ẹnẹyịmavara ọ raà mẹ ka ayị Ihwarawo ọ̀ katẹngụ. Ọ yị zẹẹ ka aza ẹnẹẹ ẹ̀ na. 28Di Ihwarawo kà a yi Imosiisi dị ọ ka ò jesi hụrẹ ọvịdị anị! Ọ kà asị a nyị ịsị ẹ vana sị ọ vẹ ịda anị, o! Ọ kà ịhị ọ̀ọ vana sị eyi gẹrị ọ, ịhị ọnọọ e ee sú nị. 29Di Imosiisi ka Ịzẹyịza yọ, ọnị ọ mā vana si eyi gẹrị ọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.