Ọyịkụra 11
11
Ezi Ọzọkụ Anijipiti ê sú.
1Ẹnẹyịmavara ộ rẹ kà a yị Imosiisi dị ọ ka ọ sị vọ ẹngụkata ọnya ọnị ọnị aa kụ́ vee tù Ihwarawo ọnịrị Anijipiti. Ọ kà ọnị ọ̀ọ raà sị ọnọọ vẹ, ọ vaa hụrẹ wa ụvọ ka ẹ̀ hụụ ịzẹnị. Ọ kà vị ọ hyakụ vaa dụ avaba ẹnịnị ka ẹ̀ẹ na nị. 2Ọ kà ọ̀ kà a yị Anisirẹrị ka ọzọza, ọnọrụ ọnịrị ọnẹẹ ka ẹ̀ kà a yị Anijipiti ẹnị ẹnịrịị ra ka ẹ̀ kụ́ ịsa yị ẹnị. Ọ kà Imosiisi ọ̀ kà a ka ẹnịnị ẹ̀ dọ wa ịsa ẹkẹhị ọnịrị igooru.
3Dị Ẹnẹyịmavara mẹ ka Anijipiti nịnị è re Anisirẹrị eyi ẹtẹẹtẹrẹ nị. Anụkọrọ Ihwarawo ọnịrị Anijipiti vị ana nyayịnẹ aa sị eyi ọbanyịị re Imosiisi. 4Di Imosiisi kà a yi Ihwarawo dị ọ ka: Ẹnẹyịmavara kà ọnị vee che Ijipiti naa parahu ịnị agẹvịrahụ. 5Ọ kà avaba ozi ọzọkụ ana vị ọnọrụ Anijipiti vee sú. Hụụnị ozi ọzọkụ Ihwarawo ana a vọrọ ka ọ̀ dọ ada anị ịrẹsụ huu ne tù ozi ọzọkụ ọrịhị ọnẹẹ ana aa kwọ ayị vee sú. Avaba ezi ọzọkụ ịsụpa vi ene re vee sú bẹẹ. 6Orere vaa sụ́ ịnị avaba Ijipiti. Ọza ộ yị vịdị vavọọ wụ́ orere da. Ọza ọ ma rẹ vana vavọọ wụ ẹngụ orere ọnọọ. 7Ama irezi ọ yị hyakụ vaa ha ọza àa vị ịsụpa ịda Anisirẹrị nịnị. Ọ kà ịjọnọọ ẹnịnị vaa yẹ ka Ẹnẹyịmavara ộ tẹ ẹhwị tụ́ ịnị Anisirẹrị ọnịrị Anijipiti. 8Dị ọ rẹ ka Ẹnẹyịmavara kà avaba anụkọrọ Ihwarawo vaa vẹ dị ẹ va tana tụra ẹtẹ yị ọnị Imosiisi, dị ẹ dị ẹ ka ọnịrị avaba aza ana saasa ọnị, ẹnị ẹ̀ẹ na. Di Imosiisi ka ọ̀ọ vavọọ sị mẹ, dị ọnị aa na ọgọnị. Ịjọnọọ ayị ọ sị kụ́ Imosiisi, dị ọ jị ayị hụụ ịda Ihwarawo nị. 9Ẹnẹyịmavara ộ vịdị sị ọ ka yị Imosiisi ka Ihwarawo ọ yị vaa dọ ịrẹyị anịị tụ́ ịzọọ, agụvị di oni ò re oze mẹ ịvọpa rụrụ ịnị ẹtẹ Ijipiti. 10Imosiisi ọnịrị Eerọnị ệ mẹ avaba ịvọpa ẹnẹẹ éyi Ihwarawo. Ama Ẹnẹyịmavara ọ raà mẹ ka ayị Ihwarawo ọ̀ katẹngụ; ọ yị zẹẹ ka Anisirẹrị ẹ̀ jịnẹ hụụnị ẹkụra anị.
Currently Selected:
Ọyịkụra 11: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 11
11
Ezi Ọzọkụ Anijipiti ê sú.
1Ẹnẹyịmavara ộ rẹ kà a yị Imosiisi dị ọ ka ọ sị vọ ẹngụkata ọnya ọnị ọnị aa kụ́ vee tù Ihwarawo ọnịrị Anijipiti. Ọ kà ọnị ọ̀ọ raà sị ọnọọ vẹ, ọ vaa hụrẹ wa ụvọ ka ẹ̀ hụụ ịzẹnị. Ọ kà vị ọ hyakụ vaa dụ avaba ẹnịnị ka ẹ̀ẹ na nị. 2Ọ kà ọ̀ kà a yị Anisirẹrị ka ọzọza, ọnọrụ ọnịrị ọnẹẹ ka ẹ̀ kà a yị Anijipiti ẹnị ẹnịrịị ra ka ẹ̀ kụ́ ịsa yị ẹnị. Ọ kà Imosiisi ọ̀ kà a ka ẹnịnị ẹ̀ dọ wa ịsa ẹkẹhị ọnịrị igooru.
3Dị Ẹnẹyịmavara mẹ ka Anijipiti nịnị è re Anisirẹrị eyi ẹtẹẹtẹrẹ nị. Anụkọrọ Ihwarawo ọnịrị Anijipiti vị ana nyayịnẹ aa sị eyi ọbanyịị re Imosiisi. 4Di Imosiisi kà a yi Ihwarawo dị ọ ka: Ẹnẹyịmavara kà ọnị vee che Ijipiti naa parahu ịnị agẹvịrahụ. 5Ọ kà avaba ozi ọzọkụ ana vị ọnọrụ Anijipiti vee sú. Hụụnị ozi ọzọkụ Ihwarawo ana a vọrọ ka ọ̀ dọ ada anị ịrẹsụ huu ne tù ozi ọzọkụ ọrịhị ọnẹẹ ana aa kwọ ayị vee sú. Avaba ezi ọzọkụ ịsụpa vi ene re vee sú bẹẹ. 6Orere vaa sụ́ ịnị avaba Ijipiti. Ọza ộ yị vịdị vavọọ wụ́ orere da. Ọza ọ ma rẹ vana vavọọ wụ ẹngụ orere ọnọọ. 7Ama irezi ọ yị hyakụ vaa ha ọza àa vị ịsụpa ịda Anisirẹrị nịnị. Ọ kà ịjọnọọ ẹnịnị vaa yẹ ka Ẹnẹyịmavara ộ tẹ ẹhwị tụ́ ịnị Anisirẹrị ọnịrị Anijipiti. 8Dị ọ rẹ ka Ẹnẹyịmavara kà avaba anụkọrọ Ihwarawo vaa vẹ dị ẹ va tana tụra ẹtẹ yị ọnị Imosiisi, dị ẹ dị ẹ ka ọnịrị avaba aza ana saasa ọnị, ẹnị ẹ̀ẹ na. Di Imosiisi ka ọ̀ọ vavọọ sị mẹ, dị ọnị aa na ọgọnị. Ịjọnọọ ayị ọ sị kụ́ Imosiisi, dị ọ jị ayị hụụ ịda Ihwarawo nị. 9Ẹnẹyịmavara ộ vịdị sị ọ ka yị Imosiisi ka Ihwarawo ọ yị vaa dọ ịrẹyị anịị tụ́ ịzọọ, agụvị di oni ò re oze mẹ ịvọpa rụrụ ịnị ẹtẹ Ijipiti. 10Imosiisi ọnịrị Eerọnị ệ mẹ avaba ịvọpa ẹnẹẹ éyi Ihwarawo. Ama Ẹnẹyịmavara ọ raà mẹ ka ayị Ihwarawo ọ̀ katẹngụ; ọ yị zẹẹ ka Anisirẹrị ẹ̀ jịnẹ hụụnị ẹkụra anị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.