Ọyịkụra 13
13
1Ẹ mẹ̀ vavọọ sị jịnẹ, dị Ẹnẹyịmavara kà a yị Imosiisi dị ọ ka 2#Ịrị 3.13; Irk 2.23avaba ozi ọzọkụ ẹnịnị ana vị ọnọrụ ọnị ẹ vaa sịị yị nị. Ọ kà ozi ana àa vịdị ma ịnị ẹtẹ Isirẹrị vị aanị, ọ̀ọ vị ọza ọ̀ọ vị ịsụpa.
Eche Ịbụrẹdị ọnị ẹ yị nyị òwù
3Di Imosiisi vavọọ kà a yị aza ẹnẹẹ dị ọ ka ẹkụhị ẹnị ẹ sị jịnẹ hụrẹ Ijipiti dị ẹ̀ yị kụkụ vị ọrịhị aanị vị ẹnị ẹ vaa tamayị anị. Ọ kà ẹẹ̄ yẹ ka ụkata-ụkata Ẹnẹyịmavara sị kụ́ wa jịnẹ nị. Dị ọ rẹ ka ịnị ẹkụhị ọnọnị asị ẹ rị ịsa ọnyọọnyị ana nyị òwù. 4Ọ kà ajịnị ana vị ẹkụhị ịpaapa ịnị ụhwẹ Abibi ẹ vaa hụrẹ Ijipiti nị. (Ịnị ẹtẹ Anihiburu, ịnị akakana ụhwẹ ọhụta ọnịrị ụhwẹ ọhụna ịrayị ẹẹ̄ hị́ Abibi nị) 5Dị ọ rẹ ka ịhị ẹẹ na sị ngụ ẹtẹ Ikanaani ọnị ọnị Ẹnẹyịmavara kà a yi ohiku ẹnịnị ka ẹ yị zụ nyị ka ọnị ọ yị sị yị wa, dị ẹ̀ẹ tamayị ẹkụhị ọnọọ. Dị ọ ka aza ana vịdị ra hi ịnị ẹtẹ Ikanaani ẹ vị Anihiti, Anamọrị, Anihivi ọnịrị Anijebusi. Ọ rẹ ka ẹtẹ Ikanaani ô zoza ẹtẹẹtẹrẹ, ka ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. 6Dị ọ rẹ ka pooro dị ẹkụhị ịhịmba ọ mẹ, asị ẹ rị ịsa ana sị òwù tụ́ ịnị anị. Ọ kà ịhị ẹ tụ́ ẹkụhị ịhịmba dị ẹ rị eche Ẹnẹyịmavara. 7Dị ọ ka ịnị akakana ẹkụhị ịhịmba ọnọọ asị ẹ rị ịsa ana nyị òwù. Asị a nyị ọza ẹnịnị ana nyayịnẹ rị ịsa ana nyị òwù. Ọ kà ọza ọ yị hyakụ nyayịnẹ sị eyi re òwù ẹkụra ẹnịnị. 8Dị ọ ka ẹ̀ẹ yaa rị eche ọnọọ dị ẹ kà a yi ezi ẹnịnị ka eche ọnọọ vị ẹnị ẹnị aa sịị tamayị ịsa ẹnị Ẹnẹyịmavara mẹ yị, ẹnị ẹnị mẹ̀ jịnẹ hụrẹ Ijipiti. 9Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị. 10Ọ kà ẹ̀ sị eyi pe ido ọnọnị ụmẹ aanị òo si tù, ịrayị-ịrayị. 11Dị ọ rẹ ka ịhị ọ̀ọ raà kụ́ wa na ngụ ịnị ẹtẹ Ikanaani dị ọnị raà sị yị wa nị anka ọnị mẹ̀ vịdị hị́ eku yị Anisirẹrị ọnịrị ohiku ẹnịnị ka avọọ ọnị vaa mẹ nị, 12#Kụra 34.19,20; Irk 2.23ozi ịpaapa vị ọnị ẹ vaa sịị yị ọnị Ẹnẹyịmavara nị. Ọ kà avaba ozi ịpaapa ọnị ịsụpa ẹnịnị ma ana vị araka vị ọnị ẹ vaa sịị yị ọnị. 13Ọ kà ama Ịkẹrịkẹtẹ ẹnịnị ọ̀ọ ma ozi ịpaapa dị ọ vị araka nị, dị ẹ̀ sị atẹmẹ dọ ọ ịrẹsụ. Ọ kà ama ẹ̀ẹ ka ẹnị ẹ yị sị ịsa dọ ọ ịrẹsụ, dị ẹ wụ ozi ịpaapa ịkẹrịkẹtẹ ọnọọ. Ọ rẹ ka ozi ịpaapa ẹnịnị ana àa vị ọnọrụ vị ọnị ẹ raa sị ịsaa dọ ịrẹsụ. 14Ọ kà ịnị ụmẹ ana aa vẹ, ezi ẹnịnị ẹ̀ẹ họ̀ ka sẹ vị iruvo ịsị ẹ yaa mẹ aanị dị ẹ̀ kà a yị wa. Ọ kà ẹ̀ kà a ka ụkata-ụkata Ẹnẹyịmavara sị kụ́ wa jịnẹ hụrẹ Ijipiti, ka asị ẹ kụkụ vị ọrịhị tụ́ ịzọọ nị. 15Ọ kà ẹ̀ kà a ka Ihwarawo mẹ̀ sị kà geri-geri dị ọ̀ yị zẹẹ ka ẹnị ẹ̀ na dị Ẹnẹyịmavara wụ̀ avaba ezi ọzọkụ Anijipiti nị. Dị ẹ̀ kà a ka ezi ọzọkụ ọza ọnịrị ịsụpa ọnị vavọọ wụ nị. Ọ kà a rẹ kà a ka agụvị avọọ ẹ yaa sịị sị ozi ịpaapa ịsụpa ẹnịnị mẹ̀ ịsọvọ yị Ẹnẹyịmavara nị. Ka àa vị ọza ọ ma ozi ịpaapa nị, di a sị ịsa ọsa dọ ọ ịrẹsụ. 16Dị ọ rẹ ka Ido ọnọnị vị ana vaa sị mẹẹ anka apọtẹrẹwa ọnị ọza dà tụ́ ụvọ avọọ, à vị ịsị aā sụụ za ibe anaā tama ọza ayị ịrẹyị. Dị ọ rẹ ka ẹẹ yẹ ka ụkata-ụkata ọnị sị tụ́ wa hụrẹ Ijipiti nị.
Eguhi ụmẹ ọọdụ ọnịrị ịra ịrahụ
17Ịjị Ihwarawo raà hụrẹ Anisirẹrị ụvọ ka ẹ̀ẹ na, Ẹnẹyịmavara ọ yị zẹẹ ka ẹ̀ zị oze ịnị ẹkụra Anihwirisiti. Oze ọnọọ ọ yaanị hụra hu nị. Ohomorihi ô ro o ka ẹ̀ẹ na jịrị ịrẹkụ, ẹ nyayịnẹ vara ayị dị ẹ varẹma aa nọ Ijipiti. 18Di Ohomorihi kụ́ aza ẹnẹẹ jesi kara ẹtẹ na zi oze ịnị ụnọmị ana na ngụ ini Oku ịkẹ-ịkẹ nị. Anisirẹrị nịnị mẹ̀ jịnẹ hụrẹ Ijipiti, vi e tenyi ẹngụ ịrẹkụ nị. 19#Oyn 50.25; Ijos 24.32Imosiisi ộ kụ́ ẹchụkụ Ijosẹẹhụ za anka Ijosẹẹhụ mẹ̀ vịdị mẹ ka ezi Isirẹrị ẹ̀ hị́ eku yị ọnị. Ọ kà Ohomorihi vaa gụ wa ụvọ ama asị a nyị ka ẹ yị kụ́ ẹchụkụ anị za ẹ̀ẹ yaa hụụ ịzọọ. 20Anisirẹrị nịnị mẹ̀ hụrẹ Isukoti dị ẹ na kụ́ udi tụ́ ụnọmị ịzị aā hị́ Etami nị. 21Ụmẹ ọọdụ dị Ẹnẹyịmavara yà ịnị eguhi tụ́ ọvịdị ẹnịnị aa zụ̀ wa oze na. Ịrahụ dị ọ rẹ yà ịnị ịra ana jẹẹ dị aa mẹ ka ẹnịnị èe re ẹtẹ. Ọnọọ ộ mẹ̀ ka ẹnịnị ẹ̀ zụ zị ụsẹ ọọdụ ọnịrị ịrahụ. 22Eguhi ụmẹ ọọdụ ọnịrị ịra ịrahụ ẹ yị hụrẹ ịzị ẹ yà ọvịdị aza ẹnẹẹ.
Currently Selected:
Ọyịkụra 13: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Ọyịkụra 13
13
1Ẹ mẹ̀ vavọọ sị jịnẹ, dị Ẹnẹyịmavara kà a yị Imosiisi dị ọ ka 2#Ịrị 3.13; Irk 2.23avaba ozi ọzọkụ ẹnịnị ana vị ọnọrụ ọnị ẹ vaa sịị yị nị. Ọ kà ozi ana àa vịdị ma ịnị ẹtẹ Isirẹrị vị aanị, ọ̀ọ vị ọza ọ̀ọ vị ịsụpa.
Eche Ịbụrẹdị ọnị ẹ yị nyị òwù
3Di Imosiisi vavọọ kà a yị aza ẹnẹẹ dị ọ ka ẹkụhị ẹnị ẹ sị jịnẹ hụrẹ Ijipiti dị ẹ̀ yị kụkụ vị ọrịhị aanị vị ẹnị ẹ vaa tamayị anị. Ọ kà ẹẹ̄ yẹ ka ụkata-ụkata Ẹnẹyịmavara sị kụ́ wa jịnẹ nị. Dị ọ rẹ ka ịnị ẹkụhị ọnọnị asị ẹ rị ịsa ọnyọọnyị ana nyị òwù. 4Ọ kà ajịnị ana vị ẹkụhị ịpaapa ịnị ụhwẹ Abibi ẹ vaa hụrẹ Ijipiti nị. (Ịnị ẹtẹ Anihiburu, ịnị akakana ụhwẹ ọhụta ọnịrị ụhwẹ ọhụna ịrayị ẹẹ̄ hị́ Abibi nị) 5Dị ọ rẹ ka ịhị ẹẹ na sị ngụ ẹtẹ Ikanaani ọnị ọnị Ẹnẹyịmavara kà a yi ohiku ẹnịnị ka ẹ yị zụ nyị ka ọnị ọ yị sị yị wa, dị ẹ̀ẹ tamayị ẹkụhị ọnọọ. Dị ọ ka aza ana vịdị ra hi ịnị ẹtẹ Ikanaani ẹ vị Anihiti, Anamọrị, Anihivi ọnịrị Anijebusi. Ọ rẹ ka ẹtẹ Ikanaani ô zoza ẹtẹẹtẹrẹ, ka ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. 6Dị ọ rẹ ka pooro dị ẹkụhị ịhịmba ọ mẹ, asị ẹ rị ịsa ana sị òwù tụ́ ịnị anị. Ọ kà ịhị ẹ tụ́ ẹkụhị ịhịmba dị ẹ rị eche Ẹnẹyịmavara. 7Dị ọ ka ịnị akakana ẹkụhị ịhịmba ọnọọ asị ẹ rị ịsa ana nyị òwù. Asị a nyị ọza ẹnịnị ana nyayịnẹ rị ịsa ana nyị òwù. Ọ kà ọza ọ yị hyakụ nyayịnẹ sị eyi re òwù ẹkụra ẹnịnị. 8Dị ọ ka ẹ̀ẹ yaa rị eche ọnọọ dị ẹ kà a yi ezi ẹnịnị ka eche ọnọọ vị ẹnị ẹnị aa sịị tamayị ịsa ẹnị Ẹnẹyịmavara mẹ yị, ẹnị ẹnị mẹ̀ jịnẹ hụrẹ Ijipiti. 9Ọ kà Eche ọnọnị vị ana vaa sị mẹ anka apọtẹrẹwa ọnị ọza dà tụ́ ụvọ, à vị ịsị aā sụụ za ibe anaā tama ọza ayị ịrẹyị agụvị dị asị ịrẹyị Ohomorihi hụụnị irenu ẹnịnị. Dị ọ rẹ ka ẹ yẹ ka ọnị Ẹnẹyịmavara ọ sị ụkata-ụkata tụ̀ wa hụrẹ Ijipiti nị. 10Ọ kà ẹ̀ sị eyi pe ido ọnọnị ụmẹ aanị òo si tù, ịrayị-ịrayị. 11Dị ọ rẹ ka ịhị ọ̀ọ raà kụ́ wa na ngụ ịnị ẹtẹ Ikanaani dị ọnị raà sị yị wa nị anka ọnị mẹ̀ vịdị hị́ eku yị Anisirẹrị ọnịrị ohiku ẹnịnị ka avọọ ọnị vaa mẹ nị, 12#Kụra 34.19,20; Irk 2.23ozi ịpaapa vị ọnị ẹ vaa sịị yị ọnị Ẹnẹyịmavara nị. Ọ kà avaba ozi ịpaapa ọnị ịsụpa ẹnịnị ma ana vị araka vị ọnị ẹ vaa sịị yị ọnị. 13Ọ kà ama Ịkẹrịkẹtẹ ẹnịnị ọ̀ọ ma ozi ịpaapa dị ọ vị araka nị, dị ẹ̀ sị atẹmẹ dọ ọ ịrẹsụ. Ọ kà ama ẹ̀ẹ ka ẹnị ẹ yị sị ịsa dọ ọ ịrẹsụ, dị ẹ wụ ozi ịpaapa ịkẹrịkẹtẹ ọnọọ. Ọ rẹ ka ozi ịpaapa ẹnịnị ana àa vị ọnọrụ vị ọnị ẹ raa sị ịsaa dọ ịrẹsụ. 14Ọ kà ịnị ụmẹ ana aa vẹ, ezi ẹnịnị ẹ̀ẹ họ̀ ka sẹ vị iruvo ịsị ẹ yaa mẹ aanị dị ẹ̀ kà a yị wa. Ọ kà ẹ̀ kà a ka ụkata-ụkata Ẹnẹyịmavara sị kụ́ wa jịnẹ hụrẹ Ijipiti, ka asị ẹ kụkụ vị ọrịhị tụ́ ịzọọ nị. 15Ọ kà ẹ̀ kà a ka Ihwarawo mẹ̀ sị kà geri-geri dị ọ̀ yị zẹẹ ka ẹnị ẹ̀ na dị Ẹnẹyịmavara wụ̀ avaba ezi ọzọkụ Anijipiti nị. Dị ẹ̀ kà a ka ezi ọzọkụ ọza ọnịrị ịsụpa ọnị vavọọ wụ nị. Ọ kà a rẹ kà a ka agụvị avọọ ẹ yaa sịị sị ozi ịpaapa ịsụpa ẹnịnị mẹ̀ ịsọvọ yị Ẹnẹyịmavara nị. Ka àa vị ọza ọ ma ozi ịpaapa nị, di a sị ịsa ọsa dọ ọ ịrẹsụ. 16Dị ọ rẹ ka Ido ọnọnị vị ana vaa sị mẹẹ anka apọtẹrẹwa ọnị ọza dà tụ́ ụvọ avọọ, à vị ịsị aā sụụ za ibe anaā tama ọza ayị ịrẹyị. Dị ọ rẹ ka ẹẹ yẹ ka ụkata-ụkata ọnị sị tụ́ wa hụrẹ Ijipiti nị.
Eguhi ụmẹ ọọdụ ọnịrị ịra ịrahụ
17Ịjị Ihwarawo raà hụrẹ Anisirẹrị ụvọ ka ẹ̀ẹ na, Ẹnẹyịmavara ọ yị zẹẹ ka ẹ̀ zị oze ịnị ẹkụra Anihwirisiti. Oze ọnọọ ọ yaanị hụra hu nị. Ohomorihi ô ro o ka ẹ̀ẹ na jịrị ịrẹkụ, ẹ nyayịnẹ vara ayị dị ẹ varẹma aa nọ Ijipiti. 18Di Ohomorihi kụ́ aza ẹnẹẹ jesi kara ẹtẹ na zi oze ịnị ụnọmị ana na ngụ ini Oku ịkẹ-ịkẹ nị. Anisirẹrị nịnị mẹ̀ jịnẹ hụrẹ Ijipiti, vi e tenyi ẹngụ ịrẹkụ nị. 19#Oyn 50.25; Ijos 24.32Imosiisi ộ kụ́ ẹchụkụ Ijosẹẹhụ za anka Ijosẹẹhụ mẹ̀ vịdị mẹ ka ezi Isirẹrị ẹ̀ hị́ eku yị ọnị. Ọ kà Ohomorihi vaa gụ wa ụvọ ama asị a nyị ka ẹ yị kụ́ ẹchụkụ anị za ẹ̀ẹ yaa hụụ ịzọọ. 20Anisirẹrị nịnị mẹ̀ hụrẹ Isukoti dị ẹ na kụ́ udi tụ́ ụnọmị ịzị aā hị́ Etami nị. 21Ụmẹ ọọdụ dị Ẹnẹyịmavara yà ịnị eguhi tụ́ ọvịdị ẹnịnị aa zụ̀ wa oze na. Ịrahụ dị ọ rẹ yà ịnị ịra ana jẹẹ dị aa mẹ ka ẹnịnị èe re ẹtẹ. Ọnọọ ộ mẹ̀ ka ẹnịnị ẹ̀ zụ zị ụsẹ ọọdụ ọnịrị ịrahụ. 22Eguhi ụmẹ ọọdụ ọnịrị ịra ịrahụ ẹ yị hụrẹ ịzị ẹ yà ọvịdị aza ẹnẹẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.