Ọyịkụra ỌYỊSỊZỤ
ỌYỊSỊZỤ
Ọyịkụra ana vị ịrẹha iwe ọnọnị vị ana a sị yọ agụvị ka ịnị iwe ọnọnị a chẹrẹ ịtọpa Anisirẹrị nịnị mẹmẹ kụ̀rà hụrẹ ẹtẹ Ijipiti ịzị a ya za wa ọrịhị. Ịtọpa iwe ọnọnị vị ene e che hi oze ẹẹna: Anisirẹrị nịnị mẹmẹ hụụnị ọrịhị, Ụsẹ ẹnịnị na ngụ ataba Ịsịnayị, Oto ọnị Ohomorihi mẹ beri aza anị ịnị ataba Ịsịnayị ịzị ọ sị ọda irenyi-irenyi yị wa ọyị sị ra ẹhẹ ẹnịnị, a mẹ vọrọ ka ẹ da irehi Ohomorihi ọnịrị ọda ana kara ohirẹsụ irehi Ohomorihi beri ọyịhẹkẹ Ohomorihi.
Ịsa ene hu kere-kere ịnị ịtọpa iwe ọnọnị ọ vị ịsị Ohomorihi mẹ yị Anisirẹrị nịnị nị. Ộ tụ̀ wa hụụ udi ọrịhị, dị ọ mẹ wa ka ẹ vara ẹkụra ana nyị eyọtụra ụhwọọ nị. Ọza ọnị ịrẹyị anị ngụrẹyị hu ịnị iwe ọnọnị ọ vị Imosiisi nị. Ọnị Ohomorihi nyị ka ọ kụ aza hụrẹ Ijipiti, dị ọ sị ọda ẹẹwụ anị chire e ụvọ nị.
Eyi Ịrẹyị
Anisirẹrị ệ hà hụụnị ụvọ Anijipiti nịnị. 1.1—15.21
a. Udi ọrịhị ịnị Ijipiti 1.1-22
b. Ọyị ma Imosiisi ọnịrị ẹhẹ anị ịjị ọ vị ozweyi 2.1—4.31
c. Imosiisi ọnịrị Eerọnị ệ gẹ tu ohinọyị Ijipiti 5.1—11.10
d. Eche ọyịparahu ọnịrị ọyịkụra hụrị Ijipiti 12.1—15.21
Hụrị okuha ovivi na ngụ ataba Ịsịnayị 15.22—18.27
Ọda ọnịrị oto 19.1—24.18
Ajẹngụ Ẹnẹyịmavara ọnịrị ịrẹyị a mẹmẹ mẹ ahẹkẹ 25.1—40.38
Currently Selected:
Ọyịkụra ỌYỊSỊZỤ: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.