Oyinyima 23

Isera mè sú di e ne e.

1Avaba ịrayị oni Isera mẹ ịnị ẹhẹ di o ve sú vị ịrayị ẹchịhịnọnyị tụra ịhịmba (127). 2Isera vị ana yà ẹkụra ana aā hị́ Ikiriyati-aba, dị ahịka ịzọọ ọ yà sú nị. Ịzọọ a kụkụ aa hị́ Ihebirọnị booro aanị nị. Abụrahamị ộ jị òrèrè anị ẹtẹẹtẹrẹ. 3Dị ọ kwẹẹtẹ hụrẹ ịzị oku ose anị yà, di o ne tù Anihiti ene hi ịzọọ dị ọ kà a yị wa ka: 4#Ihib 11.9,13; Ụkọ 7.16“Ọzọga ọnị vị dị ọnị ra ịda ẹnịnị nị. Ọ kà Aarịhịnị ẹ sị ẹtẹ yị ọnị ana vaa vị aanị, ịzị ọnị zụ ne oku tụ́, di ọnị òo ne oku ene sú ọnị tụ́ ịzọọ.” 5Di Anihiti nịnị tụ́ Abụrahamị ohi dị ẹ ka: 6“Nda, ọza okumokumi ụ vị tụ́ ịda ayị ịzẹnị nị. Ụtẹha ene èe zoza hu kẹnẹ ịnị ụtẹha ayị ịzẹnị ụ nyẹngụ ne oku tụ́ nị. Ẹ yị nyị ọza ayị ana vaa kà a ka ọnị ọ yị sị ụtẹha anị yi wụ ka we ne oku ene su wu tụ́.” 7Di Abụrahamị kwẹẹtẹ, dọ si ku ẹtẹ yị wa, 8dị ọ ka, “Aarịhịnị ẹ̀ẹ ka ọnị o ne oku ene sú ọnị ẹ̀ navọ e pè ọnị dá ịpẹ yị Ehwironi ana vị ozi Izohari 9ka ọ̀ ná ụtẹha Imakipera yị ọnị. Ọ kà ọnị ọ nyị ụtẹha ọnọọ ana maanị yà ụtọ aarẹ anị. Ọ kà ẹ́kẹhị anị ọ̀ọ yị yà ọ̀ vavọọ ná ẹ yị ọnị, dị ọ vị ịzị oni ee ne okuu tụ́ ịnị akakana ẹnịnị.” 10Ịjị ọ maanị kà a, Ehwironi vị ana yaayịtẹ beri Anihiti ana vọ. Di Ehwironi tụ́ ohi eyi avaba Anihiti ana vọ ana nọ ịnị eyọgẹ ụtọ oze ẹkụra dị ọ ka: 11“Eyiye, nda, re ọnị ọ sị ẹtẹ ọnọọ yọ ne beri ụtẹha ana yà ịnị anị éyi avaba anda ẹnịnị ẹnẹnị. Ọ kà ọnị ọ sị yọ ka òo ne oku ene èe sú ọ ịnị anị.” 12Di Abụrahamị re kụ ẹtẹ yị aza ẹnẹẹ 13dị ọ kà a yị Ehwironi eyi avaba aza ẹnẹẹ dị ọ ka, “Aarịhịnị batọ ẹ̀ẹ yaanị dọ, aarịhịnị vị ọnị yaanị hị́ ẹtẹ ọnọọ nị. Ọ kà ọ̀ navọ ọnị ò sí ụta anị di ọnị òo ne oku ịzọọ.” 14Di Ehwironi tụ́ Abụrahamị ohi dị ọ ka: 15“Nda, batọ, ịchọ̀ọchọ̀ ẹtẹ ọnọọ vị ẹkẹhị enyusẹ akava achuchu ẹchẹhị. Ama sị ịrẹyị ẹkẹhị kụkụ vị ịnị akakana ọnịrị ọ. Ọ kà òo ne oku ene èe sú ọ ịnị anị.” 16Di Abụrahamị ka ooho, dị ọ za achuchu ẹchẹhị ịrịka, dị ọ sị yi Ehwironi eyi anda ẹnịnị Anihiti nị. Ọpa avọọ ọ kà a ka ẹtẹ ọnọọ ọ zụ hụ̄ nị. Ịsị osohu nịnị sịị za ẹkẹhị ịrịka Abụrahamị sị za a yọ nị.

17Ẹtẹ Ehwironi ọnọ vị ana yà Imakipera éyi oze ọnị ọyịị̄ zịị vẹ ịnị ẹtẹ Imamire. Ẹtẹ ọnọọ ọnịrị ụsị ịrẹta ana yà ịnị anị beri avaba ọchị ene hị́ ịzọọ 18a ná yị Abụrahamị éyi avaba Anihiti ana na gẹ eyi ụtọ oze ẹkụra nị. Dị ẹtẹ ọnọọ kụkụ vị ẹtẹ Abụrahamị nị. 19Ịjị ọ vavọọ sị ọ hị́, di Abụrahamị ne Isera ose anị tụ́ ịnị ụtẹha Imakipera nị, Ẹtẹ ọnọọ vị ana gụrị Imamire. (Ịzọọ a kụkụ aa hị́ Ihebirọnị) ịnị ẹtẹ Ikanaani nị. 20Ẹtẹ ọnọọ ọnịrị ụtẹha ana yà ịnị anị vị Anihiti ná yị Abụrahamị ka ọ̀ vị ẹtẹ anị di òo ne oku ịnị anị.

Currently Selected:

Oyinyima 23: EBTP

Highlight

Copy