Oyinyima 32
32
Ijekọvụ ô tenyi ẹngụ na gẹrị Iisọ
1Di Ijekọvụ ọnị rẹ kwẹẹtẹ dị ọ sị oze anị nị. O mè tù aha ọnya, dị ọnịrị anggẹẹrị Ohomorihi nịnị na sị gẹ nị. 2Ijekọvụ mè re wa dị ọ ka: Anggẹẹrị Ohomorihi nịnị ẹ ku udi tu ịzẹnị nọ. Agụvị avọọ di Ijekọvụ aa hị́ ịzọọ Imahanayimi nị. Imahanayimi vị udi ẹẹva ịnị ẹkụra Anihiburu. 3Ịnị ụmẹ ọnọọ Ijekọvụ ộ tụ́ hi Iisọ ẹnẹbẹnị anị ana yà ịnị ẹtẹ ịnị ataba Ịsẹyị. Ịsẹyị ọnọọ vị ana yà ịnị ẹkụra Edomi. 4Dị ọ ka ọnụtụ ẹnẹẹ ẹ kà a yị Iisọ ọga anị ka, “Ijekọvụ ozida anị ka ịdị Ịrabanị ọnị ra, di ahịka vị ọnị vaa vẹ aanị nị. 5Ộ nyị imaaru, ịkẹrịkẹtẹ, atẹmẹ, ẹvụ ne beri ezi ahụ anẹẹ ọnịrị ọnọrụ. Ọ raà tụ́ hì wu ka ịsavọọ ẹwụrị ọnị ò zụ zee.” 6Di ọnụtụ ẹnẹ vavẹ ve tù Ijekọvụ dị ẹ ka, “Ẹnị ẹ ne tù Iisọ ẹnẹbẹnị anị. Ẹ ka ộ kụ́ aza ẹnị akava tụra ẹngụ aa vaa gẹrị Ijekọvụ.” 7Di Ijekọvụ ee hí angwa ẹtẹẹtẹrẹ, dị ayị anị sị vazi nị. Dị ọ gà aza anị ọnịrị ịsụpa anị hi oze ẹẹva nị. 8Ọ kà, “Iisọ ọ̀ọ vẹ dị ọ va wụ oze ọnya anị, ana vọ vaa ha.” 9Di Ijekọvụ aa mẹ̀ aduwa dị ọ ka, “Kwogwo, Ohomorihi ana Abụrahamị ada anị ọnịrị Ayiziiki ada anị hẹkẹ, ọ ka kwogwo, Ẹnẹyịmavara ọ kà a yị ọnị ka ọnị ọ̀ varẹma nọ eehi anị ọnịrị ịda anda anị. Ọ kà ọ rẹ kà a ka ọnị vaa mẹ̀ ọnị ọyịza. 10Dị ọ rẹ ka avaba ịrẹyị anị oni ọ maanị sì, dị ọ̀ yị mẹ̀ ọnị apẹ aanị, ẹ yị vị ka ọnị vavọọ yà nị. Ọ kà Okutẹ anị kẹnẹ ọnịrị jịnẹ Okuha Ịjọdanị ọnọnị nị. Dị ọ ka ọnị ọnọọ ọrụrụ pooro di ọnị sị vara udi ẹẹva aanị nị. 11Dị ọ ka aarịhịnị kwogwo, ọ̀ dọ ọnị hụụnị ụvọ Iisọ ẹnẹbẹnị anị. Ọ kà angwa anị vi ene ee hí ọnị. Ọ nyayịnẹ va wụ ẹnị và ha. Ọ kà ọ zụ wụ ọnyị ezi ẹnẹnị beri ezi ẹnịnị. 12#Oyn 22.17Dị ọ ka aarịhịnị ọ̀ tamayị ka ọ sị ọ kà ka ọnị vaa mẹ̀ ọnị ọyịza, dị ọ̀ mẹ ka ezi anị ịrẹma-ịrẹma ẹ̀ rụrụ anka ààrẹ ụtọ ókụ̄ ana ahịka ọza ọ yị zụ za ịrịka.” 13Ijekọvụ vị ana na aa sụ ịzọọ ịhị ọnọọ. Dị ọ nyị hụụnị ogu anị ka ọnị ọ̀ si mẹ Iisọ ẹyịza nị. 14Ộ kụ́ ọnyẹvụ ịrẹka beri ịdẹ oohu, dị ọ rẹ kụ atẹmẹ ịrẹka beri ịdẹba oohu nị. 15Ọ rẹ kụ́ ịnyaakụmị ohurẹẹwụ ọnị ịrẹva anị nyị inono beri ezi anị ne beri imaaru anẹẹ ẹbẹẹva ọnịrị imaaru araka ẹẹwụ. Dị ọ rẹ kụ́ ịkẹrịkẹtẹ anẹẹ oohu ne beri ịkẹrịkẹtẹ araka ẹẹwụ 16dị ọ gà wa yị ezi ahụ anị dị ọzọza sị eyi pe ogu anị nị. Dị ọ kà a yị ezi ahụ anị dị ọ ka, “Tụ́ ọvịdị ẹẹ naa zi ọnị nị. Ọ kà ogu ẹnyị ọ̀ vọ ẹtẹ tịtẹ yị ọsa.” 17Dị ọ kà a yị ana yà ọvịdị dị ọ ka: Iisọ ẹnẹbẹnị anị ọ̀ọ va gẹrị wa di o họ̀ use ka ẹnẹ vị ọga ẹnịnị ọnịrị ka ịzị ẹ yaa nọ nị, dị ọ rẹ họ̀ ka ẹnẹ nyị ịsụpa ẹnẹnị nị, 18dị ẹ kà a yọ ka Ijekọvụ ozida anị ọ nyị nị. Ọ kà ẹ kà a ka vị ọnị ka à sị va yị Iisọ ọga anị nị. Ọ kà ẹ̀ rẹ kà a yọ ka ọnị yà ịrẹma aa vẹ. 19Di Ijekọvụ rẹ vavọọ kà yị ọnọhụva ọnịrị ọnọhụta ọnịrị ana vọ ene si eyi pe ogu ịsụpa ẹnẹẹ nị. Dị ọ ka, “Ẹ̀ẹ na sị gẹrị Iisọ, dị ẹ̀ maanị sị irenu tẹ ọnya. 20Dị ẹ̀ rẹ kà a yọ ka Ijekọvụ ozida anị aa vẹ ịrẹma.” Ijekọvụ o si o ro ka: Ẹyịza ọnị ọnị kụ́ tụ́ naa yọ aanị daba vaa mẹ ka ayị anị ọ̀ nẹtẹ. Ọ kà ịjị ọnịrị ọ òo kuku ne re ẹngụ ọ vaa gu ọnị. 21Agụvị avọọ ọ kụ́ ẹyịza ẹnẹẹ tụ́ ụtụ, dị ọnị ụvọta sụ ịnị ajẹngụ ịzọọ ịrahụ ịhị ọnọọ nị.
Ijekọvụ ọnịrị Ohomorihi ộ vụ̀ ịrẹvụ
22Ịrahụ ịhị ọnọọ, di Ijekọvụ kwẹẹtẹ dị ọ kụ́ ese anị ẹyịva beri ezi ahụ anị anẹẹ ẹẹva ọnịrị ezi anị ẹwụrọnya, dị ẹ na jịnẹ okuha Ijaboki nị. 23Ọ̀ mẹ raa kụ wa na jịnẹ dị ọ rẹ kụ́ avaba ogu anị ana vọ na tụ́ akẹnẹ okuha nị. 24#Iho 12.3,4Ọ kụkụ sị vọ Ijekọvụ ọnịnya tụ́ ịzọọ. Dị ọza ọnya vẹ dị o vee pè Ijekọvụ vụ̀ ịrẹvụ, dị ẹ vụ̀ ọ pooro dị eyi aa vaa nị. 25Ịjị ọza ọnọọ re ka ọnị o yi zụ hu Ijekọvụ ẹtẹ, dị ọ nya a ịsa ini okokozi nị. Usi Ijekọvụ o si kene, o meè pe e vụ̀ ịrẹvụ. 26Di ọza ọnọọ ka, “Ọ̀ jẹẹ ọnị ọ̀ na ka eyi aa vaa nị̄.” Di Ijekọvụ ka, “Ọ̀ yị mẹ̀ aduwaa yị ọnị, ọnị ẹ yị zẹẹ ka ọ̀ na.” 27Dị ọza ọnọọ họ̀ ọ dị ọ ka, “Ị́rẹha anị rị?” Dị ọ ka Ijekọvụ ọnị rị nị. 28#Oyn 35.10Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.” 29#Ọdọ 13.17,18Di Ijekọvụ ka, “Aarịhịnị, hị́ ịrẹha anị zụ̀ ọnị de.” Dị ọza ọnọọ ka, “Sị ẹ vẹ dị ee họ̀ use ịrẹha anị.” Dị ọ kụ́ ọ adịjọọ ịzọọ nị. 30Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.” 31Ọyị ọ sị hụrẹ di Ijekọvụ va hụrẹ Ipeniyeri. Dị ahịka vi o kuku ee sika agụvị eyege anị nị. Ipeniyeri: Iruvo anị vị eyi Ohomorihi ịnị ẹkụra Anihiburu. 32Hụrị ụmẹ avọọ ve tù ajịnị Anisirẹrị ẹ mā rị ọzị ene kú ẹchụkụ ini okokozi ana yà ịrẹsụ ẹchụkụ usi. Iruvo ọ vị ka ịzọọ ọza ọnọọ nya Ijekọvụ ịsa nị.
Currently Selected:
Oyinyima 32: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 32
32
Ijekọvụ ô tenyi ẹngụ na gẹrị Iisọ
1Di Ijekọvụ ọnị rẹ kwẹẹtẹ dị ọ sị oze anị nị. O mè tù aha ọnya, dị ọnịrị anggẹẹrị Ohomorihi nịnị na sị gẹ nị. 2Ijekọvụ mè re wa dị ọ ka: Anggẹẹrị Ohomorihi nịnị ẹ ku udi tu ịzẹnị nọ. Agụvị avọọ di Ijekọvụ aa hị́ ịzọọ Imahanayimi nị. Imahanayimi vị udi ẹẹva ịnị ẹkụra Anihiburu. 3Ịnị ụmẹ ọnọọ Ijekọvụ ộ tụ́ hi Iisọ ẹnẹbẹnị anị ana yà ịnị ẹtẹ ịnị ataba Ịsẹyị. Ịsẹyị ọnọọ vị ana yà ịnị ẹkụra Edomi. 4Dị ọ ka ọnụtụ ẹnẹẹ ẹ kà a yị Iisọ ọga anị ka, “Ijekọvụ ozida anị ka ịdị Ịrabanị ọnị ra, di ahịka vị ọnị vaa vẹ aanị nị. 5Ộ nyị imaaru, ịkẹrịkẹtẹ, atẹmẹ, ẹvụ ne beri ezi ahụ anẹẹ ọnịrị ọnọrụ. Ọ raà tụ́ hì wu ka ịsavọọ ẹwụrị ọnị ò zụ zee.” 6Di ọnụtụ ẹnẹ vavẹ ve tù Ijekọvụ dị ẹ ka, “Ẹnị ẹ ne tù Iisọ ẹnẹbẹnị anị. Ẹ ka ộ kụ́ aza ẹnị akava tụra ẹngụ aa vaa gẹrị Ijekọvụ.” 7Di Ijekọvụ ee hí angwa ẹtẹẹtẹrẹ, dị ayị anị sị vazi nị. Dị ọ gà aza anị ọnịrị ịsụpa anị hi oze ẹẹva nị. 8Ọ kà, “Iisọ ọ̀ọ vẹ dị ọ va wụ oze ọnya anị, ana vọ vaa ha.” 9Di Ijekọvụ aa mẹ̀ aduwa dị ọ ka, “Kwogwo, Ohomorihi ana Abụrahamị ada anị ọnịrị Ayiziiki ada anị hẹkẹ, ọ ka kwogwo, Ẹnẹyịmavara ọ kà a yị ọnị ka ọnị ọ̀ varẹma nọ eehi anị ọnịrị ịda anda anị. Ọ kà ọ rẹ kà a ka ọnị vaa mẹ̀ ọnị ọyịza. 10Dị ọ rẹ ka avaba ịrẹyị anị oni ọ maanị sì, dị ọ̀ yị mẹ̀ ọnị apẹ aanị, ẹ yị vị ka ọnị vavọọ yà nị. Ọ kà Okutẹ anị kẹnẹ ọnịrị jịnẹ Okuha Ịjọdanị ọnọnị nị. Dị ọ ka ọnị ọnọọ ọrụrụ pooro di ọnị sị vara udi ẹẹva aanị nị. 11Dị ọ ka aarịhịnị kwogwo, ọ̀ dọ ọnị hụụnị ụvọ Iisọ ẹnẹbẹnị anị. Ọ kà angwa anị vi ene ee hí ọnị. Ọ nyayịnẹ va wụ ẹnị và ha. Ọ kà ọ zụ wụ ọnyị ezi ẹnẹnị beri ezi ẹnịnị. 12#Oyn 22.17Dị ọ ka aarịhịnị ọ̀ tamayị ka ọ sị ọ kà ka ọnị vaa mẹ̀ ọnị ọyịza, dị ọ̀ mẹ ka ezi anị ịrẹma-ịrẹma ẹ̀ rụrụ anka ààrẹ ụtọ ókụ̄ ana ahịka ọza ọ yị zụ za ịrịka.” 13Ijekọvụ vị ana na aa sụ ịzọọ ịhị ọnọọ. Dị ọ nyị hụụnị ogu anị ka ọnị ọ̀ si mẹ Iisọ ẹyịza nị. 14Ộ kụ́ ọnyẹvụ ịrẹka beri ịdẹ oohu, dị ọ rẹ kụ atẹmẹ ịrẹka beri ịdẹba oohu nị. 15Ọ rẹ kụ́ ịnyaakụmị ohurẹẹwụ ọnị ịrẹva anị nyị inono beri ezi anị ne beri imaaru anẹẹ ẹbẹẹva ọnịrị imaaru araka ẹẹwụ. Dị ọ rẹ kụ́ ịkẹrịkẹtẹ anẹẹ oohu ne beri ịkẹrịkẹtẹ araka ẹẹwụ 16dị ọ gà wa yị ezi ahụ anị dị ọzọza sị eyi pe ogu anị nị. Dị ọ kà a yị ezi ahụ anị dị ọ ka, “Tụ́ ọvịdị ẹẹ naa zi ọnị nị. Ọ kà ogu ẹnyị ọ̀ vọ ẹtẹ tịtẹ yị ọsa.” 17Dị ọ kà a yị ana yà ọvịdị dị ọ ka: Iisọ ẹnẹbẹnị anị ọ̀ọ va gẹrị wa di o họ̀ use ka ẹnẹ vị ọga ẹnịnị ọnịrị ka ịzị ẹ yaa nọ nị, dị ọ rẹ họ̀ ka ẹnẹ nyị ịsụpa ẹnẹnị nị, 18dị ẹ kà a yọ ka Ijekọvụ ozida anị ọ nyị nị. Ọ kà ẹ kà a ka vị ọnị ka à sị va yị Iisọ ọga anị nị. Ọ kà ẹ̀ rẹ kà a yọ ka ọnị yà ịrẹma aa vẹ. 19Di Ijekọvụ rẹ vavọọ kà yị ọnọhụva ọnịrị ọnọhụta ọnịrị ana vọ ene si eyi pe ogu ịsụpa ẹnẹẹ nị. Dị ọ ka, “Ẹ̀ẹ na sị gẹrị Iisọ, dị ẹ̀ maanị sị irenu tẹ ọnya. 20Dị ẹ̀ rẹ kà a yọ ka Ijekọvụ ozida anị aa vẹ ịrẹma.” Ijekọvụ o si o ro ka: Ẹyịza ọnị ọnị kụ́ tụ́ naa yọ aanị daba vaa mẹ ka ayị anị ọ̀ nẹtẹ. Ọ kà ịjị ọnịrị ọ òo kuku ne re ẹngụ ọ vaa gu ọnị. 21Agụvị avọọ ọ kụ́ ẹyịza ẹnẹẹ tụ́ ụtụ, dị ọnị ụvọta sụ ịnị ajẹngụ ịzọọ ịrahụ ịhị ọnọọ nị.
Ijekọvụ ọnịrị Ohomorihi ộ vụ̀ ịrẹvụ
22Ịrahụ ịhị ọnọọ, di Ijekọvụ kwẹẹtẹ dị ọ kụ́ ese anị ẹyịva beri ezi ahụ anị anẹẹ ẹẹva ọnịrị ezi anị ẹwụrọnya, dị ẹ na jịnẹ okuha Ijaboki nị. 23Ọ̀ mẹ raa kụ wa na jịnẹ dị ọ rẹ kụ́ avaba ogu anị ana vọ na tụ́ akẹnẹ okuha nị. 24#Iho 12.3,4Ọ kụkụ sị vọ Ijekọvụ ọnịnya tụ́ ịzọọ. Dị ọza ọnya vẹ dị o vee pè Ijekọvụ vụ̀ ịrẹvụ, dị ẹ vụ̀ ọ pooro dị eyi aa vaa nị. 25Ịjị ọza ọnọọ re ka ọnị o yi zụ hu Ijekọvụ ẹtẹ, dị ọ nya a ịsa ini okokozi nị. Usi Ijekọvụ o si kene, o meè pe e vụ̀ ịrẹvụ. 26Di ọza ọnọọ ka, “Ọ̀ jẹẹ ọnị ọ̀ na ka eyi aa vaa nị̄.” Di Ijekọvụ ka, “Ọ̀ yị mẹ̀ aduwaa yị ọnị, ọnị ẹ yị zẹẹ ka ọ̀ na.” 27Dị ọza ọnọọ họ̀ ọ dị ọ ka, “Ị́rẹha anị rị?” Dị ọ ka Ijekọvụ ọnị rị nị. 28#Oyn 35.10Dị ọza ọnọọ ka, “Vị Ijekọvụ a kụkụ vaa hị́ ọ, ọnị ọ ka ọnị ọ kụkụ rị Isirẹrị nị, agụvị ka o re è pè Ohomorihi ọnịrị aza vụ̀ ịrẹvụ, ọ sị wa hu.” 29#Ọdọ 13.17,18Di Ijekọvụ ka, “Aarịhịnị, hị́ ịrẹha anị zụ̀ ọnị de.” Dị ọza ọnọọ ka, “Sị ẹ vẹ dị ee họ̀ use ịrẹha anị.” Dị ọ kụ́ ọ adịjọọ ịzọọ nị. 30Di Ijekọvụ kụkụ aa hị́ ịzọọ Ipeniyeri nị. Ọ kà, “Ọnị ô re Ohomorihi eyi gẹrị eyi, ama ọnị o rè vee sú.” 31Ọyị ọ sị hụrẹ di Ijekọvụ va hụrẹ Ipeniyeri. Dị ahịka vi o kuku ee sika agụvị eyege anị nị. Ipeniyeri: Iruvo anị vị eyi Ohomorihi ịnị ẹkụra Anihiburu. 32Hụrị ụmẹ avọọ ve tù ajịnị Anisirẹrị ẹ mā rị ọzị ene kú ẹchụkụ ini okokozi ana yà ịrẹsụ ẹchụkụ usi. Iruvo ọ vị ka ịzọọ ọza ọnọọ nya Ijekọvụ ịsa nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.