Oyinyima 33
33
Ijekọvụ ọnịrị Iisọ ẹ na gẹ
1Ijekọvụ ộ kana eyi di o re ka Iisọ aa vẹ nị. Ọ màa vé ộ kụ́ aza ẹnị akava saasa ẹngụ. Ijekọvụ mẹ̀ vavọọ re e, dị ọ gà ezi anị yị Iriya, ọnịrị Irechẹrị ne beri ezi ahụ ẹnịnị anẹẹ ẹyịva nị. 2Dị ọ kụ́ ezi ahụ anẹẹ ẹnẹẹ ẹnịrị ezi ẹnịnị hi ọvịdị, di Iriya ọnịrị ezi anị và tụra wa, di Irechẹrị ọnịrị Ijosẹẹhụ eni hi ịrẹma nị. 3Di Ijekọvụ ọnị ụvọta dọ ọvịdị ẹnịnị nị. Ọ màa vaa gẹrị ẹnẹbẹnị anị, dị ọ và kú ẹtẹ ụpẹ ịhịmba di o ve tù ọ nị. 4Ama di Iisọ zwe na gẹrị Ijekọvụ, dị ọ hara a kú ayị nị. Dị ẹnị ẹyịva mẹ orere kẹ̀ di eyee sụ́ ùnè nị. 5Ịjị Iisọ kụ̀rà eyi di o re anẹẹ ọnịrị ezi, dị ọ ka, “Ene hi ẹtẹ pè e aanị?” Di Ijekọvụ ka, “Ezi oni Ohomorihi nyị ozi ahụ awụ iyi sị yọ.” 6Di ezi ahụ ẹnẹẹ ẹnịrị ezi ẹnịnị tere pè Iisọ, di ẹ va ku ẹtẹ kụ́ ọ nị. 7Di Iriya ọnịrị ezi anị ẹnị re tere pè e dị ẹnị rẹ và kú ẹtẹ kụ́ ọ nị. Di Ijosẹẹhụ ọnịrị Irechẹrị ẹnị rẹ tere pè e, dị ẹnị rẹ và kú ẹtẹ kụ́ ọ nị. 8Di Iisọ ka, “Ịsụpa ọnị ọnị gẹrị ịjọọ yọ, a màa mẹ wa.” Di Ijekọvụ ka, “Vị ọnị ka ịsavọọ ọnị ọ̀ sị da ịpẹ yọ nọ.” 9Di Iisọ ka, “Ọhụva anị, ọnị ọnị nyị ộ hụ ọnị, ọ̀ kụ́ aanị tụ́ ịda anị.” 10Di Ijekọvụ ka, “Eyiye de, oo sì ọnị, ọ̀ dọ ịsị ọnị sị va mẹ̀ ẹ ẹyịza aanị. Ọ kà ọnị m mè si eyi anị re aanị, vị ọ sị mẹẹ ka eyi Ohomorihi ọnị re nị. Ọ kà éē re ka o yi pè ọnị zyaazị. 11Agụvị avọọ aarịhịnị ọ dọ ịsị ọnị sị vẹ. Dị ọ rẹ ka Ohomorihi vị ana nyayịnẹ mẹ̀ ẹ yị ọnị, ịsị ọnị nyị vị ana hụ ọnị.” Avọọ ọ mẹ̀ da ịpẹ yị Iisọ, dị ọ va zẹẹ ka ọnị ọ̀ dọ ọ nị. 12Di Iisọ va ka: Ọ̀ vẹ vị ẹnị ẹ̀ẹ na, dị ọnị ọ dọ ọvịdị. 13Di Ijekọvụ ka: Eyiye de, ộ yẹ ka ezi ẹnịnị ệ yị nyị ụkata. Ịsụpa ẹnẹnị ana aa ká ozi ịrẹva aanị rẹ vị ụgẹnggẹnẹ. Ẹ̀ẹ zị ụsẹ baaba ẹkụhị ọnya, vị avaba ẹnịnị ee sú nị. 14Ọ kà ọ̀ navọ ọ dọ ọvịdị ọ̀ọ na, ka ọnị tangwa aa vẹ anka ọpa ụsẹ ọnị ịsụpa ọnịrị ezi ẹnịnị zụ zị. Ọ kà ọnị tangwa aa vẹ pooro di oni ò ve tù ọ Ịsẹyị. 15Di Iisọ kụkụ ka, “Ọ̀ jẹẹ ọnị ọ̀ kà a ka aza anị chee ẹ̀ jẹẹ pè e kẹ.” Di Ijekọvụ ka, “Sị ẹ yaa mẹ? Aarịhịnị de, ọnị ọ mẹ aanị ô zee.” 16Ịhị ọnọọ di Iisọ varẹma di o si hu aa nọ Ịsẹyị nị. 17Di Ijekọvụ ọnị aa nọ Isukuti nị. O mè tù ịzọọ, dị ọ dà irehi ịzị ọ vaa yà nị. Dị ọ jị ajẹngụ yị ịsụpa anị nị; ajẹngụ ẹnẹẹ, a kụkụ aa hị́ ịzọọ Isukoti nị.
18Ijekọvụ ọ và hụrị akẹbẹẹba Imesopotemiya vẹ, ẹ yị va nyị ịrẹyị. Ọ va ngụ ẹkụra Ịsẹkẹmị ịnị ẹtẹ Ikanaani. Dị ọ na jị ajẹngụ tụ́ ịnị avị ọgụrị ẹkụra nị. Ijekọvụ ọ zị hụrẹ akẹbẹẹba Imesopotamiya vẹ. Ọ mẹ hụrẹ Isukoti na ngụ Ịsẹkẹmị ẹ yị nyị ịrẹyị. 19#Ijos 24.32; Ịjọ 4.5Ijekọvụ ộ hị́ ẹtẹ ọnọọ hụụnị ụvọ ezi Ihamori ana vị ada Ịsẹkẹmị. Atẹmẹ ẹchẹhị ọ si hị́ ẹtẹ ọnọọ nị. Ịnị ẹtẹ ọnọọ ọ jị ajẹngụ anị tụ́ nị. 20Ọ̀ mẹ aha ịsọvọ tụ́ ịzọọ, dị aa hị́ ọ Ohomorihi ana vi Ohomorihi Anisirẹrị nị.
Currently Selected:
Oyinyima 33: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 33
33
Ijekọvụ ọnịrị Iisọ ẹ na gẹ
1Ijekọvụ ộ kana eyi di o re ka Iisọ aa vẹ nị. Ọ màa vé ộ kụ́ aza ẹnị akava saasa ẹngụ. Ijekọvụ mẹ̀ vavọọ re e, dị ọ gà ezi anị yị Iriya, ọnịrị Irechẹrị ne beri ezi ahụ ẹnịnị anẹẹ ẹyịva nị. 2Dị ọ kụ́ ezi ahụ anẹẹ ẹnẹẹ ẹnịrị ezi ẹnịnị hi ọvịdị, di Iriya ọnịrị ezi anị và tụra wa, di Irechẹrị ọnịrị Ijosẹẹhụ eni hi ịrẹma nị. 3Di Ijekọvụ ọnị ụvọta dọ ọvịdị ẹnịnị nị. Ọ màa vaa gẹrị ẹnẹbẹnị anị, dị ọ và kú ẹtẹ ụpẹ ịhịmba di o ve tù ọ nị. 4Ama di Iisọ zwe na gẹrị Ijekọvụ, dị ọ hara a kú ayị nị. Dị ẹnị ẹyịva mẹ orere kẹ̀ di eyee sụ́ ùnè nị. 5Ịjị Iisọ kụ̀rà eyi di o re anẹẹ ọnịrị ezi, dị ọ ka, “Ene hi ẹtẹ pè e aanị?” Di Ijekọvụ ka, “Ezi oni Ohomorihi nyị ozi ahụ awụ iyi sị yọ.” 6Di ezi ahụ ẹnẹẹ ẹnịrị ezi ẹnịnị tere pè Iisọ, di ẹ va ku ẹtẹ kụ́ ọ nị. 7Di Iriya ọnịrị ezi anị ẹnị re tere pè e dị ẹnị rẹ và kú ẹtẹ kụ́ ọ nị. Di Ijosẹẹhụ ọnịrị Irechẹrị ẹnị rẹ tere pè e, dị ẹnị rẹ và kú ẹtẹ kụ́ ọ nị. 8Di Iisọ ka, “Ịsụpa ọnị ọnị gẹrị ịjọọ yọ, a màa mẹ wa.” Di Ijekọvụ ka, “Vị ọnị ka ịsavọọ ọnị ọ̀ sị da ịpẹ yọ nọ.” 9Di Iisọ ka, “Ọhụva anị, ọnị ọnị nyị ộ hụ ọnị, ọ̀ kụ́ aanị tụ́ ịda anị.” 10Di Ijekọvụ ka, “Eyiye de, oo sì ọnị, ọ̀ dọ ịsị ọnị sị va mẹ̀ ẹ ẹyịza aanị. Ọ kà ọnị m mè si eyi anị re aanị, vị ọ sị mẹẹ ka eyi Ohomorihi ọnị re nị. Ọ kà éē re ka o yi pè ọnị zyaazị. 11Agụvị avọọ aarịhịnị ọ dọ ịsị ọnị sị vẹ. Dị ọ rẹ ka Ohomorihi vị ana nyayịnẹ mẹ̀ ẹ yị ọnị, ịsị ọnị nyị vị ana hụ ọnị.” Avọọ ọ mẹ̀ da ịpẹ yị Iisọ, dị ọ va zẹẹ ka ọnị ọ̀ dọ ọ nị. 12Di Iisọ va ka: Ọ̀ vẹ vị ẹnị ẹ̀ẹ na, dị ọnị ọ dọ ọvịdị. 13Di Ijekọvụ ka: Eyiye de, ộ yẹ ka ezi ẹnịnị ệ yị nyị ụkata. Ịsụpa ẹnẹnị ana aa ká ozi ịrẹva aanị rẹ vị ụgẹnggẹnẹ. Ẹ̀ẹ zị ụsẹ baaba ẹkụhị ọnya, vị avaba ẹnịnị ee sú nị. 14Ọ kà ọ̀ navọ ọ dọ ọvịdị ọ̀ọ na, ka ọnị tangwa aa vẹ anka ọpa ụsẹ ọnị ịsụpa ọnịrị ezi ẹnịnị zụ zị. Ọ kà ọnị tangwa aa vẹ pooro di oni ò ve tù ọ Ịsẹyị. 15Di Iisọ kụkụ ka, “Ọ̀ jẹẹ ọnị ọ̀ kà a ka aza anị chee ẹ̀ jẹẹ pè e kẹ.” Di Ijekọvụ ka, “Sị ẹ yaa mẹ? Aarịhịnị de, ọnị ọ mẹ aanị ô zee.” 16Ịhị ọnọọ di Iisọ varẹma di o si hu aa nọ Ịsẹyị nị. 17Di Ijekọvụ ọnị aa nọ Isukuti nị. O mè tù ịzọọ, dị ọ dà irehi ịzị ọ vaa yà nị. Dị ọ jị ajẹngụ yị ịsụpa anị nị; ajẹngụ ẹnẹẹ, a kụkụ aa hị́ ịzọọ Isukoti nị.
18Ijekọvụ ọ và hụrị akẹbẹẹba Imesopotemiya vẹ, ẹ yị va nyị ịrẹyị. Ọ va ngụ ẹkụra Ịsẹkẹmị ịnị ẹtẹ Ikanaani. Dị ọ na jị ajẹngụ tụ́ ịnị avị ọgụrị ẹkụra nị. Ijekọvụ ọ zị hụrẹ akẹbẹẹba Imesopotamiya vẹ. Ọ mẹ hụrẹ Isukoti na ngụ Ịsẹkẹmị ẹ yị nyị ịrẹyị. 19#Ijos 24.32; Ịjọ 4.5Ijekọvụ ộ hị́ ẹtẹ ọnọọ hụụnị ụvọ ezi Ihamori ana vị ada Ịsẹkẹmị. Atẹmẹ ẹchẹhị ọ si hị́ ẹtẹ ọnọọ nị. Ịnị ẹtẹ ọnọọ ọ jị ajẹngụ anị tụ́ nị. 20Ọ̀ mẹ aha ịsọvọ tụ́ ịzọọ, dị aa hị́ ọ Ohomorihi ana vi Ohomorihi Anisirẹrị nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.